Adlis amaynu «Taseggawert n ugdal inzan» n Σumar Derwic
Issufeγ-d umedyaz d umyaru amaziγ Σumar Derwic yan wammud n tallasin mi iga azwel «Taseggawert n ugdal inzan». Adlis-a iffeγ-d g Fransa γur Teẓrigin Timaziγin. Tawuri-a tuwes diges Tmesmunt AFAFA n yiγrem n Rubi g ugafa n Fransa.
Iga udlis-a wiss semmus d-issafeγ umeγnas-a d-ilulan g yiγrem n Yigwelmimen g wasif n Γris. Issafeγ-d yad ammud n tmedyazin ANFARA g 2005 d wammud Taskiwin g 2008 d wammud Ha-Yi G Ubrid g 2009; gan akw winin tmedyazt, ffγen-d g tmazirt n Kaṭalunya. Yili diγ wammud n tsiway n umezgun Is nsul nedder? Issar-t umyaru-nneγ netta d umyaru amaziγ Lḥu Azergi. Ssafγen-t-id g Bariz aseggwas n 2010.
G udlis-a ameggaru, llant mrawt d snat n tallasin:
1- Aḍu n waḍu
2- Azwag n yiẓri iga win uzgen n tudert
3- Anmuggar s wul
4- Tawengimt n uγyul
5- Uẓum deg unẓul n tmurt
6- Kraṭ n texbacin
7- Ur uklalen aya
8- Tagwerramt idewlen d talγwemt
9- Tinigit izziḍren nnig tigiwin
10- Medzat altu!
11- Terγa tmesna iγufu yiγiwer
12- Iγimi γef tferdut inngwedmen
Ad nessektey nwis asent-iga –i tallasin-a- yigellin n unaẓur Muḥend Amezyan SΣidi tisunγin imkinna as-iga unaẓur Ḥemmu Kemmus aγamus. Idd tazwart, yaru-as-tt umyaru Lḥu Azergi.
Taberxact g 24 dujanbir 2963/ 05-01-2014
Amawal (lexique):
amyaru: écrivain;
ammud: recueil;
tallasin: nouvelles;
azwel: titre;
Tiẓrigin Timaziγin: Editions Berbères;
agafa: nord;
tisiway n umezgun: pièces de théâtre;
anaẓur: artiste;
tisunγin: illustrations;
aγamus: couverture;
tazwart: préface