Condoléances à la famille du feu Saidi Muhnd
ⵏⴻⵎⵢⴰⵔ ⴰⴷ ⵏⴻⵎⵙⴰⴼⴰⴹ ⴷ ⵉⵜⵔⴰⵏ ⵉⵎⴰⵣⵉⵖⵏ ⴷⴰⵜ ⵏ ⵡⴰⴷ ⵉⵙⵙⵉⴳⴳ ⵓⵙⴳⴳⵯⴰⵙ ⴰⵎⴰⵢⵏⵓ ⵏⴻⵖ ⴼⴼⵉⵔ ⴰⵙ ⵙ ⵉⵎⵉⵇ. ⴽⵓⴷ ⵓⵔ ⵜⴰ ⵏⴻⵎⵙⴰⴼⴰⴹ ⴷ ⵓⵙⴳⴳⵯⴰⵙ ⴰⴷ ⵉⵅⵙⴻⵢ ⵢⴰⵏ ⵉⵜⵔⵉ ⵏ ⵜⵥⵓⵕⵉ ⵏ ⵜⴻⵖⵎⵉ ⵉⵍⴰⵏ ⵜⴰⵡⵓⵔⵉ. ⵢⴰⵏ ⵉⵜⵔⵉ ⵉⵖⵎⴰⵏ ⵉ ⵜⴻⵙⵍⵉⵜ ⵏⵏⴻⵙ ⵉⴳⴰⵏ ⵜⴰⴷⴻⵍⵙⴰ ⴷ ⵜⵓⵎⴰⵙⵜ ⵜⴰⵎⴰⵣⵉⵖⵜ.
ⵢⴰⵏ ⵉⵜⵔⵉ ⵢⴰⵖⵏ ⴰⵛⴰⵍ ⵓⵔ ⵜⴰ ⵉⵙⵙⵓⴷⴷⵉ ⵓⴱⵔⵉⴷ ⴷⴰⵜ ⵉⴹⴻⵕⵖⴰⵍⵏ ⵏⵏⴰ ⵓⵔ ⵜⴰ ⵓⴼⵉⵏ ⴰⵖⴰⵔⴰⵙ ⵙ ⵜⵏⴻⵜⵜⵉⵜ ⴷ ⵜⵓⵎⴰⵙⵜ ⵜⴰⵎⴰⵣⵉⵖⵜ. ⵉⵅⵙⵢ ⵢⴰⵖ ⴰⵛⴰⵍ ⵎⴰⵛⴰ ⵉⴷⵡⵍ ⵜⴰⴳⵟⵟⵓⵎⵜ ⵏ ⵡⵓⵕⵖ,ⵜⴰⵎⴰⵜⴰⵔⵜ ⴳ ⵓⴱⵔⵉⴷ ⵉⵖⵣⵣⵉⴼⵏ ⵉⴽⴽⵯⴰⵔⵏ ⵙ ⵉⴼⴰⵕⵉⵖⵏ.. ⵉⴳⴳⴰⴷⵊ ⴰⵀⴰ ⵉⵣⵔⵢ ⵉⴷⴰⵔⵉⵣⵏ ⵏⵏⴻⵙ ⴳ ⵓⵙⴰⵍⴰⵢ ⴰⵎⴰⵣⵉⵖ. ⵓⵔ ⵙⴰⵔ ⵉⵜⵜⴻⵢⴰⵜⵜⵓ ⵉⴷⴷⴻⵖ ⵉⵖⵎⴰ ⵓⴷⵎ ⵏ ⵜⴻⵙⵍⵉⵜ ⵜⴰⵎⴰⵣⵉⵖⵜ ⵙ ⵉⵙⴽⴽⵉⵍⵏ ⵏ ⵜⴼⵉⵏⴰⵖ.ⵓⵔ ⵙⴰⵔ ⵉⵙⴼⵉⴹ ⵓⵣⵡⵓ ⵉⵣⵔⵉⵔⴰⵏ ⵏⵏⴰ ⵉⵣⵔⵢ ⴳ ⵓⴷⵎ ⵏ ⵜⵎⴰⵣⵉⵔⵜ. ⵓⵔ ⵙⴰⵔ ⵉⵜⵜⴻⵢⴰⵜⵜⵓ ⴰⵛⴽⵓ ⵉⵣⵔⵢ ⴳ ⵓⴱⵔⵉⴷ ⴰⵖ ⵉⵛⵛⴰⵔⵏ ⵜⵉⵎⵉⵜⴰⵔ ⵏ ⵜⵉⵎⵎⵓⵣⵖⴰ.ⴰⵔⴳⴰⵣ ⴰⵎⵎ ⵏⴻⵜⵜⴰ ⵉⴷⵔⵓⵙ ⵉⴷⴷⴻⵖ ⵉⴼⴽⴰ ⵜⵓⴷⴻⵔⵜ ⵏⵏⴻⵙ ⴰⴽⴽⵯ ⵉ ⵓⵙⴰⵕⵉⴹ ⴰⵎⴰⵣⵉⵖ, ⵉⴼⴽⴰ ⵜⴰⵢⴰⵣⵉⵍⵜ ⵏⵏⴻⵙ ⵉ ⵜⴻⵙⵍⵉⵜ ⵜⴰⴷⵓⴳⴰⵎⵜ ⵉⴳⴰⵏ ⵜⵉⵖⵖⵓⵕⵎⴰ ⵜⴰⵎⴰⵣⵉⵖⵜ. ⵓⵔ ⵙⴰⵔ ⵉⵜⵜⴻⵢⴰⵜⵜⵓ ⵉⴷⴷⴻⵖ ⵉⴽⴽⴰ ⴰⵙⴰⵍⴰ ⵏ ⵓⴱⴰⵃⵍⵍⵓ ⴷ ⵜⵎⴰⵃⵍⵍⵓⵜ ⵏⵏⴻⵙ ⵉⵣⴰⵢⴽⵓⵜⵏ ⴰⵀⴰ.ⵉⵙⵙⵉⵡⴹ ⵜⴰⴱⵔⴰⵜ ⵏⵏⴻⵙⵏ ⵙ ⵜⵙⵓⵜⵉⵡⵉⵏ ⵏ ⵡⴰⵙⵙⴰ-ⴰ ⵙ ⵉⵖⵎⴰⵏ ⴷ ⵉⴽⴰⵔⵉⵊⵏ ⴷ ⵉⵡⴰⵍⵉⴼⵏ ⵉⵏⴻⵣⵣⴻⵖⵏ ⵉⵎⴰⵏ ⵏⵙⴻⵏ. ⵜⴳⴰ ⵜⵓⴷⴻⵔⵜ ⵏⵏⴻⵙ ⵜⴰⴼⴽⵓⵢⵜ ⵉⴽⴻⵛⵜⴰⵏ ⵙ ⵜⴷⵓⴳⴰⵎⵉⵏ ⵏ ⵓⵣⵓⴱⴷⵓ.ⵢⵓⴳⵊ ⴰⵀⴰ ⵉⵍⵙⴰ ⴰⵛⴻⵏⵢⴰⵍ ⴰⵎⴰⵣⵉⵖ ⴰⴷⴻⵍⵙⴰⵏ ⴰⵎⵎ ⵓⵖⵓⴷⵡⵓ. ⵉⴳⴰ ⴰⵙ ⵓⵛⴻⵏⵢⴰⵍ ⴷⴷⴻⵖ ⴰⵎⵙⵙⵓⵢ ⵏⵏⴻⵙ. ⵓⵔ ⵙⴰⵔ ⵉⵜⵜⴻⵢⴰⵜⵜⵓ ⵎⴰⵙⵙ ⵙⵄⵉⴷⵉ ⵎⵓⵃⵏⴷ ⵉⴷⴷⴻⵖ ⵉⵣⵔⵢ ⵉⴷⴰⵔⵉⵣⵏ ⵏⵏⴻⵙ ⴳ ⵓⵛⴰⵜⵉⵢ ⵏ ⵓⴳⴷⵓⴷ ⴰⵎⴰⵣⵉⵖ ⵉⴼⴻⵔⴽⵏ ⵙ ⵓⵏⴻⵣⵡⵓⵎ ⵏ ⵓⵙⴰⵕⵉⴹ ⵏⵏⴰ ⵢⵓⵙⵢ ⵉⴳⵍⵍⵉⵏ ⴳ ⵡⵓⵍ ⴷ ⵜⴰⵙⴰ ⵏⵏⴻⵙ.ⵎⴻⵇⵇⴰⵕ ⵉⵏⵜⵍ ⵙⵓⵍⵏⵜ ⵜⵓⵇⵍⴰⵜⵉⵏ ⴷ ⵜⵙⴰⵢⵡⴰⵍⵉⵏ ⵏⵏⴻⵙ ⴰⵔ ⵜⵜⵉⵏⵉⵏⵜ ⵉⵙ ⵉⵙⵓⵍ ⵉⴷⴷⴻⵔ ⴳ ⵡⵓⵍⴰⵡⵏ. ⵉⵕⵖⴰⵏ.