Dans l’attente de la loi organique
ⴳ ⵓⵔⴰⵊⴰ ⵏ ⵓⵙⴰⴹⵉⴼ ⴰⴳⴻⵎⵏⴰⵏ
ⵙⵙⴻⵏ ⵡⵉ-ⵏⵏⴰ ⵉⵜⵜⴻⵎⵓⴽⴽⵓⵍⵏ ⵙ ⵓⵙⴰⵕⵉⴹ ⴰⵎⴰⵣⵉⵖ ⵎⴰ ⵙ ⵉⵜⵜⴻⵢⴰⵇⵇⴻⵏ ⵓⵙⴻⵎⵔⵙ ⵏ ⵉⵍⵙ ⴰⵎⴰⵣⵉⵖ.ⴰⵔ ⵜⵜⴻⵇⵇⴻⵍⵏ ⵙ ⵡⵓⴼⵓⵖ ⵏ ⵓⵙⴰⴹⵉⴼ ⴰⴳⴻⵎⵏⴰⵏ ⵉⵙⵙⴻⵏⵢⵓⴷⴷⵓⵏ ⵉⵍⵙ ⴰⵎⴰⵣⵉⵖ ⴳ ⵎⴰⵢⴷ ⵉⴳⴰⵏ ⴰⵃⴰⴷⴰⵎ ⴰⵣⴻⵢⵣⴰⵏ ⴳ ⵜⵎⴰⵣⵉⵔⵜ ⵏⵏⴻⵖ.ⵎⴻⵇⵇⴰⵕ ⵓⵔ ⵜⴰ ⵉⴼⴼⵉⵖ ⴰⵔⵓⵏ ⵉⵜⵙⵏ ⵉⵃⵓⴷⵉⵎ ⵍⵓⵎⵏ ⵡⵉ-ⵏ ⵓⵙⵙⴻⵍⵎⴷ ⴰⵙⵙⴰⵖ ⵏⵙⴻⵏ.ⵉⴼⵓⵍⴽⵢ ⵓⵢ-ⴰ.ⵎⴰⵛⴰ ⵉⵍⵍⴰ ⵢⴰⵏ ⵢⴰⵔⵓ ⴳ ⵓⴹⵖⴰⵕ ⵏ ⵓⵙⵉⵏⴰⵏ "ⵍⵉⵛⴻⴻ". ⴰⵢ-ⴰ ⴰⵔ ⵉⵙⵙⴻⵏⵖⴰ ⵓⵍ,ⴰⵔ ⵜ ⵉⵙⵎⵓⵖⵢ.ⵉⵜⵙⴻⵏ ⵉⵃⵓⴷⵉⵎ ⵉⵙⴻⵔⵜⴰⵏⵏ ⴰⵔⵓⵏ ⴰⴽⴰⴱⴰⵕ,ⵉⵜⵙⴻⵏ ⴰⵔⵓⵏ ⴰⵎⵓⵍⵍⵓ.ⴰⴽⴰⴱⴰⵕ ⵏⴻⵖ ⴰⵛⴰⴱⴰⵕ ⵉⴳⴰ ⵜⴰⵔⵔⴻⴱⵉⵄⵜ ⵏ ⵎⴻⴷⴷⴻⵏ ⵉⵏⵉⵢⵏ ⵉⵎⵉⵜⴰⵔ (ⴰⵎⵏⵏⴰⵡ ⵏ ⵓⵎⵓⴷⴰⵔ) ⴰⵢ-ⵏⵏⴰ ⵎⵉ ⴷⴰ ⵜⵜⵉⵏⵉⵏ ⵉⵄⵕⴰⴱⵏ "ⴰⵍ ⵇⴰⴼⵉⵍⴰⵜⵓ".
ⴰⵎⵓⵍⵍⵓ ⵉⴳⴰ ⴰⵙⵙ ⵏ ⵜⵍⴰⵍⵉⵜ ⵏⵏⴰ ⵙ ⵉⵙⴼⵓⴳⵍⵓ ⵛⴰ.ⵉⴷ ⴰⵎⵜⵜⴰⵖ ⵉⴳⴰ ⵜⴰⵔⵉⴱⴱⵓⵜ ⵏ ⵉⵡⴷⴰⵏ ⵏⴻⵖ ⵜⴰⴳⵔⵓⵎⵎⴰ ⵏ ⵜⵎⵉⵜⴰⵔ ⵏ ⵓⴷⵍⵉⵙ ⴰⴼⵓⵣⴰⵍ (Le livre sacré) (ⴰⵍ ⵇⵓⵕⴰⵏ) (ⵉⴱⴷⴻⵔ ⵜ ⵎⴰⵙⵙ ⵊⵓⵀⴰⴷⵉ )..ⵉⵖ ⵓⵔ ⵏⴻⵙⵎⴰⵏ ⵡⴰⵙⵙⴰⵖⵏ ⴷⴰ ⵜⵜⵉⵖⵉⵍⵖ ⵉⵙ ⵇⴻⵏⵏⴰ ⴰⴷ ⵏⴰⵖ ⴰⵢ-ⵏⵏⴰ ⵎⵉ ⵙⵙⴰⵖⵏ ⵉⵜⵙⵏ ⴰⵜⵔⴰⵢ ⵏⴻⵖ ⴰⵔⴱⴱⴻⵊ ⵏ ⵉⵍⵙ.ⵎⴻⵛ ⴷⴰ ⵉⵜⵜⵓⵔⵓ ⵛⴰ ⴰⵙⵙⴰⵖ ⴰⴼⵕⴰⵏⵚⵉⵚ ⵙ ⵜⴼⵉⵏⴰⵖ ⴰⵎⵎ "ⵍⵉⵛⴻⴻ",ⵢⴰⵔⵓ ⵛⵔⴰ ⴰⵙⵙⴰⵖ ⴰⵄⵕⴰⴱ ⵙ ⵜⴼⵉⵏⴰⵖ ⵎⴻⵇⵇⴰⵕ ⵉⵍⵍⴰ ⵡⴰⵙⵙⴰⵖ ⵓⵎⴰⵣⵉⵖ ⵀⴰⵜ ⵇⴰⴷ ⵉⵙⵅⵅⵓ ⵓⴷⵎ ⵏ ⵜⵎⴰⵣⵉⵖⵜ.ⵎⴻⵛ ⴰⵔ ⵉⵜⵜⵓⵔⵓ ⵛⵔⴰ ⴰⵙⵙⴰⵖ ⵏ ⵢⴰⵏ ⵓⵃⴰⴷⴰⵎ(ⵜⴰⵙⵙⴻⵏⵜⵓⵜ) ⵙ ⵜⵎⴰⵣⵉⵖⵜ ⵢⵓⵔⵓ ⴷⵉⵖ ⵡⴰ-ⵢⵢⴰⴹ ⴳ ⵓⴹⵖⴰⵕ ⵏ ⵡⴰ-ⴷⴷⴻⵖ ⵢⴰⵏ ⵡⴰⵙⵙⴰⵖ ⵢⴰⴹⵏ ⵡⴰⵏ ⴰⴽⴰⴱⴰⵕ /ⴰⵎⵓⵍⵍⵓ ⵀⴰⵜ ⴰⴷ ⵉⵣⵓⵀⴹ (ⴰⴷ ⵉⵙⵅⵅⵓ)ⵓⴷⵎ ⵏ ⵜⵎⴰⵣⵉⵖⵜ.ⴰⵢ-ⵏⵏⴰⵖ ⴰⵙ ⵉⵍⵍⴰ ⴼⴻⵍⵍⴰⵖ ⴰⴷ ⵏⴻⵎⵄⴰⵍⴰ ⵙ ⵜⴰⵔⵔⴻⴱⵉⵄⵜ ⴷ ⵓⵙⴰⵕⵉⴹ ⵏ ⵉⵍⵙ ⵏⵏⴻⵖ ⵜⴰⴼ ⴰⴷ ⵏⴰⵜⵎ ⵉ ⵓⵔⴱⴱⴻⵊ.ⵉⵖ ⵓⵔ ⵏⴻⵃⴹⵉ ⵉⵖⴼⴰⵡⵏ ⵏⵏⴻⵖ ⵀⴰⵜ ⴰⴷ ⵖ ⵜⵉ ⵜⴻⴳⵕⴰⵥ.ⵉⵃ ⵏⴻⵎⵙⴰⵙⴰ ⵖⵉⴼ ⵓⵢ-ⴰ ⴰⵔ ⴰⵡⵏ ⵙⵓⵎⵓⵔⵖ ⴰⵙⴻⵇⴷⵛ ⵏ ⵓⵎⴰⵜⴰⵖ ⵙ ⵡⴰⵎⴰⴽ ⵏ ⵡⴰⵏⵙⴰ ⵏⵏⴰ ⴳ ⵉⵍⵍⴰ ⵢⴰⵏ ⵓⵎⵜⵜⴰⵖ ⵏⴻⵖ ⵢⴰⵜ ⵜⵔⵉⴱⴱⵓⵜ ⵏ ⵎⴻⴷⴷⴻⵏ ⵉⵍⴰⵏ ⵢⴰⵜ ⵜⴻⴳⵔⵓⵎⵎⴰ ⵏ ⵉⵙⵡⵉⵏⴳⵎⵏ ⴷ ⵜⵉⴷⵎⵉⵡⵉⵏ(ⴰⵎⴻⵏⵏⴰⵡ ⵏ ⵜⴻⴷⵎⵉ).ⵢⵓⴼ ⴰⴷ ⵏⵉⵏⵉ ⵉ "ⵓⴽⴰⴱⴰⵕ"ⵏⴻⵖ ⵉ "ⵓⵎⵓⵍⵍⵓ" ⴰⵎⴰⵜⴰⵖ ⵏⴻⵖ ⴰⵙ ⵏⴻⵏⵏⴰ ⵜⴰⵏⴰⵎⵜⵖⵜ ⵣⴻⴳ ⵜⵉⵏ- ⴷ ⵓⵎⵜⴰⵖ ⵙ ⵎⵉ?ⵎⴰⵔ ⴰⴷ ⵏⴰⴼ ⴰⴷ ⵏⵉⵏⵉ ⵉ ⵡⴰ-ⵏⵏⴰ/ⵜⴰ-ⵏⵏⴰ ⵉⵍⴻⵜⵖⵏ ⴳ ⵢⴰⵏ ⵓⵎⴰⵜⴰⵖ ⴰⵏⴻⵎⵜⴰⵖ/ⵜⴰⵏⴻⵎⵜⴰⵖⵜ,ⵏⵉⵏⵉ ⵉ ⵡⴰ-ⵏⵏⴰ/ⵜⴰ-ⵏⵏⴰ ⵉⵏⵣⵣⴻⵖⵏ ⵛⴰ ⴰⴷ ⵢⴰⴷⴼ ⴰⵎⴰⵜⴰⵖ ⵏⴻⵖ ⵜⴰⵏⴰⵎⵜⵖⵜ ⵏⵏⴻⵙ ⵉⵙⵙⴻⵎⵜⵖ ⴷⴰⵢ ⵏⵉⵏⵉ ⵉ ⵡⴰⵙⵙⴰⵖ ⵏ ⵓⵎⴻⵙⴽⴰⵔ/ⵜⴰⵎⴻⵙⴽⴰⵔⵜ ⵏⵏⴻⵙ ⴰⵙⴻⵎⵜⴰⵖ ⴷ ⵜⴰⵙⴻⵎⵜⴰⵖⵜ ,ⵉⴷ ⵉ ⵡⴰⵙⵙⴰⵖ ⵏ ⵓⵎⴻⵙⴽⵉⵔ/ⵓⵎⴻⵙⴽⵓⵔ ⵏⵏⴻⵙ ⴰⵙⴻⵎⵜⵉⵖ ⵏⴻⵖ ⴰⵙⴻⵎⵜⵓⵖ,ⵜⴰⵙⴻⵎⵜⵉⵖⵜ ⵏⴻⵖ ⵜⴰⵙⴻⵎⵜⵓⵖⵜ.,ⵉ ⵡⴰⵙⵙⴰⵖ ⵏ ⵓⵖⴱⴰⵍⵓ ⵏⵏⴻⵙ ⴰⵙⴻⵎⵜⵖ.ⵏⴻⵖ ⵎⴰⵢⴷ ⵜⴻⵏⵏⴰⵎ/ⵜⴻⵏⵏⴰⵎⵜ ?ⵉⵙ ⵓⵔ ⵢⵓⴼ ⴰⴷ ⵏⵉⵏⵉ ⵜⴰⵏⴰⵎⵜⵖⵜ ⴰⴷ ⵏⵉⵏⵉ ⴰⵎⵓⵍⵍⵓ ⵏⴻⵖ ⴰⴽⴰⴱⴰⵕ.ⴰⴷⵊⴰⵜ ⴰⴽⴰⴱⴰⵕ ⵉ (Caravane) ⴷ ⵓⵎⵓⵍⵍⵓ ⵉ (anniversaire)
ⴰⵖⴰⵣⴰⴼ ⵎⵓⵃⵎⵎⴰⴷ ⴳ ⵓⵢⴻⵔⵟⴰⵥ ⵏ 2963/2013