ⴰⵛⴻⵏⴳⴰⵎⴰⵏ ⵉⴳⴰ ⴰⵛⴻⵏⴳⵓ ⵏ ⵉⵖⴼ ⵏⵏⴻⵙ.ⴰⵛⴻⵏⴳⴰⵎⴰⵏ ⵉⴳⴰ ⴰⴱⴰⴽⵉⵛ ⴰⵔ ⵢⴰⵏ ⵓⴼⴰⵙⵉⵏ ⴰⵎⴰⵊⵊⴻⵢⴰⵍ ⵉⴷⴷⴻⵖ ⵓⵔ ⵉⴼⵔⵉⴽ ⵉ ⵎⴰⵢⴷ ⴰⵙ ⵜⵜⵉⵏⵉⵏ ⵉⵣⴻⵏⴳⴰ ⵏⵏⴻⵙ.ⴰⵢ-ⵏⵏⴰ ⴰⵙ ⵏⵏⴰⵏ ⴰⵔ ⴰⵙ ⵉⵜⵜⴰⵍⵙ ⴰⵎ ⵡⴰⴽⵓ.ⵉⴽⴽⴰ ⵢⴰⵏ ⵓⵛⴻⵏⴼⴰⵛ ⴰⵖⴻⵔⴷⴰⵏ ⵉⵏⵏⴰ ⴷⴰⵜ ⵢⴰⵜ ⵜⴻⴳⵔⵓⵎⵎⴰ ⵏ ⵉⵙⴻⵍⵎⴰⴷⵏ ⵏ ⵉⵍⵙ ⴰⵄⵔⴰⴱ ⴳ ⵜⵉⴳⵉⵔⴰ ⵏ ⵡⵓⵙⵙⴰⵏ ⵏ ⵓⵙⴻⴽⵔⴻⵢ ⵖⵉⴼ ⵓⵙⵓⵏⴳⵎ ⵏ ⵓⵙⵉⴽⵎ,ⵉⵏⵏⴰ ⵉⵙ ⵓⵔ ⵉⵍⵍⵉ ⴳ ⵜⵎⴰⵣⵉⵔⵜ ⵏⵏⴻⵖ ⵅⴰⵙ ⵙⵉⵏ ⵉⵍⵙⴰⵡⵏ ⵉⵏⴰⵎⴰⵢⵏ ⴰⵎⴰⵣⵉⵖ ⴷ « ⵓⴷⴰⵔⵉⵊ » ⵏⴻⵖ ⵉⵍⵙ ⴰⵎⴰⵣⵉⵖ-ⴰⵄⵔⴰⴱ ⵉⵛⵛⴰⵔⵏ . ⵎⴰⵛⴰ ⵉⵙⴰⵡⵍ ⴷⵉⵖ ⴼ ⵓⵎⵍⴰⵙⴰⵢ ⴳⴻⵔ ⵡⴰⵍⵙⵉⵡⵏ ⴰⵀⴰ, ⵖ ⵓⵏⵛⴽ ⵏ ⵡⴰⵡⴰⵍ ⵏⵏⴻⵙ, ⵜⴻⴷⴷⴰ ⵜⵎⴰⵣⵉⵔⵜ ⵏⵏⴻⵖ ⴰⴷ ⵜⴰⵖ ⵢⴰⵏ ⵓⵅⴰⵔⴰⵔ ⵏⵏⴰ ⵓⵔ ⵜⴻⵏⵏⵉ ⴰⴷ ⴰⵙ ⵜⴰⵏⴼ ⵛⵔⴰ ⵏ ⵡⴰⵏⴰⴼ.ⵉⵣⵓⴱⴷⴰ ⴰⵡⴰⵍ ⵏⵏⴻⵙ ⴰⵀⴰ ⵉⵣⴷⴻⵢ ⴰⵎⵍⴰⵙⴰⵢ ⴷⴷⴻⵖ ⴷ ⵡⴰⵏⴰⴹ « ⴰⴱⴻⵔⴱⴰⵔ »ⴷⴷⴰ ⵜⴻⵙⵙⵓⴼⵖ ⴼⵔⴰⵏⵙⴰ ⵎⴰⵔ ⴰⴷ ⵜⴻⴱⴹⵓ ⴳⴻⵔ ⵉⵎⴻⵣⴷⴰⵖ ⵏ ⵜⵎⴰⵣⵉⵔⵜ ⵏⵏⴻⵖ.ⵉⴼⴻⵏⵥⴻⵢ ⵉⵙ ⵉⴳⴰ ⴰⵎⴰⵣⵉⵖ ⴷⴰⵜ ⵏ ⵡⴰⴷ ⵉⵙⴰⵡⵍ ⴼⴼⵉⵔ ⵎⴰⵢⴷ ⵉⵙⵎⴻⴷ ⵢⴰⵏ ⵓⵙⴻⵍⵎⴰⴷ ⴰⵡⴰⵍ ⵏⵏⴻⵙ ⴼ ⵓⵏⵓⴽⵊⵎ ⵉⵍⵍⴰⵏ ⴳⴻⵔ ⵉⵍⵙ ⴰⵎⴰⵣⵉⵖ ⴷ ⵓⵄⵔⴰⴱ .ⵏⴻⵜⵜⴰ ⵉⵜⵜⴻⵢⴰⵙⵙⴻⵏ ⴱⴻⵣⵣⴰⴼ ⵉⵙ ⴰⵔ ⵉⴽⴽⴰⵜ ⵖⵉⴼ ⵜⴻⵄⵔⴰⴱⵜ ⵓⴳⴳⴰⵔ ⵏ ⵉⵜⵙⵏ ⵉⵙⵎⵓⵏ ⵏⵏⴻⵙ ⵏ ⵜⵡⵓⵔⵉ ⵏⵏⴰ ⴷⴰ ⵜⵜⵉⵖⵉⵍⵏ ⵉⵙ ⴳⴰⵏ ⵉⵄⵔⴰⴱⵏ ⵉⵔⴻⵚⵍⵉⵢⵏ ,ⴰⵀⴰ ⴰⵔ ⵉⵙⵙⵉⴷⵉⵔ ⵉⵡⴰⵍⵉⵡⵏ ⵉⵇⴻⴱⵔⴰⵏ ,ⵜⵉⵙⴻⴼⵔⴰⵜⵉⵏ ⵜⵉⵎⵃⴰⵢⵍⵉⵏ ⵏⵏⴰ ⵜⵜⵓⵏ ⵡⵉ-ⵍⵍⵉ ⵍⴻⵎⴷⵏ ⵉⵍⵙ ⴰⵄⵔⴰⴱ ⴳ ⵓⵖⴻⵔⴱⴰⵣ.ⴰⵔ ⵉⵣⵣⵉⵣⴷⵉⴳ ⴰⵡⴰⵍ ⵏⵏⴻⵙ ⵣⴻⴳ ⵉⵡⴰⵍⵉⵡⵏ ⵉⵜⵜⴻⵏⵢⵓⴷⴷⵓⵏ ⵖ ⵉⵍⵙ ⴰⵄⵔⴰⴱ ⵉⴽⴽⴰⵏ ⴰⵖⴱⴰⵍⵓ ⴰⴼⴰⵔⵉⵙⵉⵢ.ⵢⵓⴳⴻⵢ « ⴰⵜ-ⵜⵍⵉⵎⵉⴷⵓ »ⴰⵀⴰ ⵢⴰⵔⵓ ⵅ ⵜⵉⴼⴼⴻⵍⵜ ⵢⴰⵏ ⵡⴰⵡⴰⵍ ⵢⴰⴹⵏ ⵓⵔ ⵉⵜⵜⴻⵢⴰⵙⵙⴻⵏ.ⴰⴷⴷⴰⵢ ⵉⴽⴽ ⵖⵓⵔ ⵛⴰ ⵏ ⵓⵙⴻⵍⵎⴰⴷ ⴰⵔ ⴰⵙ ⵉⵣⴻⵔⵔⵓ ⵓⴳⵓⵍⵏ ⵏ « ⴰⵍ ⵀⴰⵎⵣⴰ »ⴰⵎⵎ ⵉⵙ ⴷⴰ ⵉⵣⴻⵔⵔⵓ ⵜⵉⵅⵅⵓⵛⵉⵏ.ⴰⵙⴰⴳ ⵉⵙⵙⴻⵖⵜⵓ ⵉⵏⴰⵛⵉⵔⵏ ⵏ ⵓⴽⴰⵢⵉⴷ ⵓⵔ ⴰⵔ ⵉⵜⵜⴻⵃⴹⵓ ⵅⴰⵙ ⵉⴷ « ⴰⵍ ⵀⴰⵎⵣⴰ ».Mⴰⵢⴷ ⴰⵖ ⵉⴽⵯⵎⴰⵏ ?ⴰⴷ ⵉⵊⴻⵇⵍⴻⵃ ⵉⵎⵛⵉ ⴷⴷⴰ ⵉⵔⴰ ⴳ ⵓⵙⴻⵍⵎⴷ ⵏ ⵉⵍⵙ ⴰⵄⵔⴰⴱ ⵅⴰⵙ ⴰⴷ ⵓⵔ ⵉⵣⴷⵉ ⴰⵎⵓⵙⵙⵓ ⴰⴷⴻⵍⵙⴰⵏ ⴰⵎⴰⵣⵉⵖ ⴷ ⵡⴰⵏⴰⴹ « ⴰⴱⴻⵔⴱⴰⵔ »ⴷ ⵓⵙⴰⵔⵉⵜ ⵏ ⴼⵔⴰⵏⵙⴰ.ⵓⵔ ⵉⴼⵔⵉⴽ ⵓⵛⴻⵏⴳⴰⵎⴰⵏ ⵙ ⵡⴰⵏⴰⴹ ⴷⴷⴻⵖ ⴷ ⵓⴳⴰⴱⵉⵔ ⵏⵏⴻⵙ.ⵓⵔ ⵉⵙⵙⵉⵏ ⵉⵙ ⵉⴳⴰ ⴰⵙⴽⵓⵙⵏ ⵏ ⴼⵔⴰⵏⵙⴰ ⵙ ⵉⵣⴻⵔⴼⴰⵏ ⵏⵏⴰ ⴽⴽⴰⵏ ⵉⵎⴰⵣⵉⵖⵏ ⴰⵔ ⵉⵙⵏ ⴼⴻⵔⵔⵓⵏ ⵉⵙⴰⵔⵉⴹⵏ ⵏⵙⴻⵏ ⵣⴻⴳ ⴱⵉⵙⴻⵎⴷⵉ ⴰⵔ ⵓⴼⴰⵔⵉⴽ ⵏ ⵓⵙⴷⵓⵔⵔⴻⵢ ⴰⵙⴱⴰⵏⵉⵢ ⴷ ⵓⴼⵔⴰⵏⵙⵉⵙ,ⵉⵙ ⵓⵔ ⵉⴳⵉ ⵅⴰⵙ ⴰⵙⴻⵎⴷⵔ ⵏ ⵓⵏⴰⴱⴰⴹ ⴰⴼⵔⴰⵏⵙⵉⵙ ⵉ ⵜⵉⴼⴰⴷⵉⵡⵉⵏ ⵏ ⵓⵎⵖⴰⵔ ⵄⴻⵙⵙⵓ ⵓⴱⴰⵙⵍⴰⵎ ⵎⴰⵔ ⴰⴷ ⵓⵔ ⵉⵜⵜⴻⵣⵓⴱⴷⵓ ⴳ ⵓⴱⵍⵍⴻⵏ .ⵓⵔ ⵉⵙⵙⵉⵏ ⵓⴱⴰⴽⵉⵛ ⵉⵙ ⴽⴽⴰⵏ ⵉⵎⴰⵣⵉⵖⵏ ⵎⵢⴰⵔⵏ ⴰⵙⵔⴰⴹ ⵙ ⵉⵣⴻⵔⴼⴰⵏ ⵏⵙⴻⵏ ⵉⵜⵜⴻⵢⴰⵔⴰⵏ ⵏⴻⵖ ⵓⵜⵍⵉⵢⵏ,ⵉⵙ ⵓⵔ ⴷⵊⵉⵏ ⴱⴱⵉⵏ ⵉⵖⵉⵍ ⵏ ⵉⵎⵉⴽⵔ ⵡⴰⵍⴰ ⵏⵖⴰⵏ ⴰⵏⴻⴹⵍⴰⴱ,ⵉⵙ ⴰⵔ ⵙⵙⴻⴼⴳⴰⵔⵏ ⵡⵉ-ⵍⵍⵉ ⵉⵃⵓⵣⴻⵔⴼⵏ ⵙ ⵉⵣⵎⴰⵣ,ⵉⵙ ⵛⴻⴱⴱⴻⵔⵏ ⵙ ⵉⵍⵙ ⵏⵙⴻⵏ,ⴰⴷⴰⵍⵉⵙ ⵏⵙⴻⵏ,ⵉⵎⴰⵢⵉⵔⵏ ⵏⵙⴻⵏ ⴷ ⵉⵏⴰⵙⵉⵢⵏ ⵏⵙⴻⵏ ⵣⵉ ⴽⵓⴷ ⵍⵍⴰⵏ,ⵉⵙ ⵓⵔ ⵙⵙⵉⵏ ⵅⴰⵙ ⵜⴰⵥⴰⵍⵍⵉⵜ,ⵓⵥⵓⵎ ⴷ ⵓⵚⴻⵎⴷⴽ.ⵉⴳⴰ ⴰⵎ ⵡⴰⴷⴷⴻⵖ ⴰⵛⴻⵏⴳⴰⵎⴰⵏ ⵉⴷⴷⴻⵖ ⴰⵔ ⵉⵜⵜⴻⵔⴰⵔⴰ ⵎⴰⵢⴷ ⴰⵙ ⵉⵏⵏⴰ ⵓⵛⴻⵏⴳⵓ ⵏⵏⴻⵙ ⴰⵙⵍ ⵏ ⵡⴰⴷ ⵉⵙⴻⵎⵔⴰⵔⴰ ⴰⵡⴰⵍ ⴼⴰⵔ ⴰⴷ ⵢⵉⵙⵉⵏ ⵎⴰ ⴰⵙ ⵉⵜⵜⴻⴷⴷⵓ.ⵉⴳⴰ ⴰⵛⴻⵏⴳⴰⵎⴰⵏ ⵎⴻⵇⵇⴰⵔ ⵉⴽⴽⴰ ⵉⵏⵏⴰ ⵉⵙ ⵉⵍⵙ ⵏ ⴽⵓ ⴰⵎⴰⴷⵉⵏ ⴰⵢⴷ ⵉⴳⴰⵏ ⵜⴰⵎⴰⵜⴰⵔⵜ ⵏ ⵉⵍⵉ ⵏⵏⴻⵙ ⴷ ⵓⴷⵓⵔ ⵏⵏⴻⵙ.ⴰⵛⴻⵏⴳⴰⵎⴰⵏ ⴰⵔ ⵉⵜⵜⴻⵅⴻⵏⵏⴰⴼ ⵉ ⵉⵍⵙ ⵏⵏⴻⵙ,ⵉ ⵉⵍⵉ ⵏⵏⴻⵙ ⴷ ⵜⵓⴷⴻⵔⵜ ⵏⵏⴻⵙ ⴰⵀⴰ ⵓⵔ ⵉⵙ ⵉⴼⵔⵉⴽ.ⵉⴳⴰ ⵜ ⴰⵡⴷ ⵡⴰ-ⵍⵍⵉ ⵉⵜⵜⵉⵏⵉⵏ ⵓⵔ ⴷ ⵢⵓⵙⵉ ⵉ ⵜⵎⴰⵣⵉⵖⵜ ⵅⴰⵙ ⴰⴷⴰⵍⵉⴼ ⴰⵄⵔⴰⴱ ⵏⴻⵖ ⴰⵍⴰⵜⵉⵏ,ⵉⵙ ⵓⵔ ⵜⴳⵉ ⵜⴼⵉⵏⴰⵖ ⵅⴰⵙ ⵓⴷⵎ ⵏ ⵓⴳⵓⵏⵥⵓ ⵉⵙⴳⵓⵏⵥⵓⵏ ⵉⵍⵙ ⴰⵎⴰⵣⵉⵖ ⴰⵔⴷ ⵉⴳ ⴰⵡⴰⵍ ⵏ ⵉⵎⴻⵣⴷⴰⵖ ⵏ ⵉⴼⵔⴰⵏ !!ⴰⵛⴻⵏⴳⴰⵎⴰⵏ ⵓⵔ ⵉⴼⵔⵉⴽ ⵉⵙ ⵜⵉⴼⵉⵏⴰⵖ ⴳⴰⵏⵜ ⵉⵙⴰⴽⵉⵍⵏ ⵉⴳⴻⵍⵙⴰⵏ ⵏ ⵉⵍⵙ ⴰⵎⴰⵣⵉⵖ ⵏⵏⴰ ⵓⴼⴰⵏ ⵉⵙⴻⵏⵖⴰⵣ ⴷⴷⴰⵡ ⵡⵓⵣⵓⵔ ⵏ ⵡⴰⵛⴰⵍ .ⵓⵔ ⵉⴼⵔⵉⴽ ⵉⵙ ⴰⵔ ⵉⵙⵙⴰⵎⴰⴽ ⵓⵢ-ⴰ ⵉⵙ ⵉⴽⴽⴰ ⵓⵎⴰⴷⵉⵏ ⴰⵎⴰⵣⵉⵖ ⴰⵔ ⵉⵜⵜⵓⵔⵓ ⵙ ⵜⴼⵉⵏⴰⵖ ⵣⵉ ⴽⵓⴷ ⵉⵍⵍⴰ ⴰⵀⴰ ⵉⵣⵔⴻⵢ ⵉⴷⴰⵔⵉⵣⵏ ⵏⵏⴻⵙ ⵖ ⵓⴳⴰⴼⴰⵢ ⵏ ⵓⴼⴰⵔⵉⴽ,ⵉⵙ ⵉⴷⴷⴰ ⵉⵣⵔⵉ ⵜ ⵣⵉ ⴽⵓⴷ ⵉⴼⵍⴻⵙ ⵙ ⵓⵙⴰⵖⵉⵏ ⴰⵙⴻⵍⵎⴰⵏ ⵉⴷⴷⴻⵖ ⵉⴽⴽⴰ ⴰⵔ ⵉⵜⵜⵉⵖⵉⵍ ⵉⵙ ⵉⴼⵓⵣⵍ ⵓⵙⴰⴽⵉⵍ ⵏⵏⴰ ⵙ ⵉⵜⵜⴻⵢⴰⵔ ⵉⵍⵙ ⴰⵄⵔⴰⴱ ⵉⵙⵙⴻⵍⴽⵎⵏ ⴰⵣⴰⵏ ⵏ ⵓⵛⴰⵎⵉⵏ ⵏ ⵉⵏⴻⵙⵍⴰⵎⵏ .ⴰⵛⴻⵏⴳⴰⵎⴰⵏ ⴰⵔ ⵉⴽⴽⴰⵜ ⵉⵖⴼ ⵏⵏⴻⵙ ⵙ ⵉⴼⴰⵙⵙⴻⵏ ⵏ ⵉⵛⴻⵏⴳⴰ ⵏⵏⴻⵙ ⴰⵍⵍⴻⵢ ⵉⵎⵓⵜⵍ ⴳⴻⵔ ⴰⵙ ⴷ ⵓⵎⴷⴷⴰⴽⵯⵍ ⵏⵏⴻⵙ.ⴰⵛⴻⵏⴳⴰⵎⴰⵏ ⵉⴳⴰ ⴰⴱⴰⴽⵉⵛ,ⴰⴽⵓⴼⴰⴹ.ⴰⵛⴻⵏⴳⴰⵎⴰⵏ ⵓⵔ ⵉⵍⵉ ⵜⴰⵡⴻⵏⴳⵉⵎⵜ ⵎⴰ ⵙ ⵉⵜⵜⴻⵅⴻⵎⵎⴰⵎ ⴳ ⵉⵡⴰⵍⵉⵡⵏ ⵏ ⵉⵣⴻⵏⴳⴰ ⵏⵏⴻⵙ.ⴷⵉ-ⵏⵏⴰ ⴽⴽⴰⵏ ⵡⵉ-ⴷⴷⴻⵖ ⴰⵔ ⵜⴻⵏ ⵉⵟⴼⴼⵓⵔ ⴰⵎ ⵉⵎⵓⵍⴰ ⵏⵙⴻⵏ.ⵉⴳⴰ ⵜ ⴰⵡⴷ ⵡⴰ-ⵍⵍⵉ ⵉⵔⴰⵏ ⴰⵣⵉⵎⵣ ⵏ ⵉⵍⵙ ⴰⵎⴰⵣⵉⵖ ⴼ ⵜⵉⴷⵎⵉ ⵏ ⵉⵍⵙ ⴰⵄⵔⴰⴱ.ⴰⵢ-ⵏⵏⴰ ⵏⵏⴰⵏ ⵉⵄⵔⴰⴱⵏ ⴰⵔ ⵜ ⵉⵜⵜⴰⵍⵣ ⵙ ⵜⵎⴰⵣⵉⵖⵜ ⴰⵙⵍ ⵏ ⵡⴰⴷ ⵉⵙⵡⵉⵏⴳⵎ ⴳ ⵡⴰⴱⵓⴹ ⵏ ⵉⵍⵙ ⴰⵎⴰⵣⵉⵖ .ⴽⵓⴷ ⵉⵙⵏⵉⴽⴽⵉⵍ ⵓⵄⵔⴰⴱ ⴼ ⵉⵍⵙ ⴰⴼⵔⴰⵏⵙⵉⵙ ⵏⴻⵖ ⴰⵏⴻⴳⵍⵉⵣ ⴼⴰⵔ ⴰⴷ ⵉⵙⵏⴻⴱⴱⵔ ⵉⵍⵙ ⵏⵏⴻⵙ ⴰⵔ ⵉⵟⴼⴼⵓⵔ ⵓⵛⴻⵏⴳⴰⵎⴰⵏ ⴰⴷⴰⵔⵉⵣ ⵏⵏⴻⵙ ⴼⴰⵔ ⵉⵣⵣⵉⵎⵣ ⵉⵍⵙ ⵏⵏⴻⵙ ⴰⵔⴷ ⵓⵔ ⵢⵓⴼⵉ ⴰⵔ ⵉⵜⵜⵉⵏⵉ ⵙ « ⵚⵚⵉⴼⵜ ⵉⵄⵓⵎⵎⴰⵏ »ⵎⴰⵔ ⴰⴷ ⵓⵔ ⵉⵅⵎⵎⴻⵎ ⵉⵎⵉⵇ ⴰⵀⴰ ⵢⴰⴼ ⵉⵙ « ⵉⴽ »ⵏⴻⵖ « ⵉⵎⵛ » ⴰⵢⴷ ⵉⴳⴰⵏ ⵜⵎⵏⵏⵉⴷⴰ ⵏ ⵜⴰⵡⴰⵍⵜ ⵜⴰⴼⵔⴰⵏⵙⵉⵙⵜ ⵉⴳⴰⵏ ⴰⴷⴰⵢ ⵉ ⵜⵙⴻⴼⵔⵓⵜ ⵜⴰⵄⵔⴰⴱⵜ « ⴼⴰⵚⵓⵏ »ⵏⴻⵖ « ⵎⴰⵏⵢⴻⵔ » ⴰⵀⴰ ⵢⵉⵏⵉ ⵙ ⵉⴽ ⴰⵎⴰⵜⴰⵏ ⵏⴻⵖ ⵙ ⵉⵎⵛ ⴰⵎⴰⵜⴰⵏ.ⴰⵛⴻⵏⴳⴰⵎⴰⵏ ⵉⴳⴰ ⴰⵎ ⵡⴰ-ⵍⵍⵉ ⵉⵜⵜⵓⵜⵏ ⵙ ⵜⵉⵜⵉ ⵉⵙⵇⴻⵔⵇⴰⵛⵏ ⴰⵍⵍⴻⵏ ⴰⵀⴰ ⴰⵔ ⵉⴽⴽⴰⵜ ⵉⵖⴼ ⵏⵏⴻⵙ ⵙ ⵓⴼⵓⵙ ⵏⵏⴻⵙ ⴽⵓⴷ ⵉⵔⴰ ⵓⵅⵉⵜⵉ ⵏⵏⴻⵙ ⴰⴷ ⵉⵔⴰⵔ ⵜⵉⵜⵉ ⵉ ⵓⵛⴻⵏⴳⵓ ⵏⵏⴻⵙ.ⴰⵛⴻⵏⴳⴰⵎⴰⵏ ⵉⴳⴰ ⴰⵙⴷⴰⵔⵎⴰⵏ.
ⴰⵣⵎⴰⵣⵣⴻⵖ ⵏ ⵉⵡⴰⵍⵉⵡⵏ ⵉⵎⴰⵣⵉⵖⵏ ⵙ ⵉⴼⵔⴰⵏⵙⵉⵙⵏ:
L’ennemi de soi même : ⴰⵛⴻⵏⴳⴰⵎⴰⵏ
Le naïf : ⴰⴱⴰⴽⵉⵛ
L’inspecteur : ⴰⵛⴻⵏⴼⴰⵛ
L’excellent : ⴰⵖⴻⵔⴷⴰⵏ
Le perroquet : ⴰⴽⵓ
Etre conscient : ⵉⴼⵔⴻⴽ
La formation : ⴰⵙⴻⴽⵔⴻⵢ
La pédagogie : ⴰⵙⵓⵏⴳⵎ
L’intégration : ⴰⵙⵉⴽⵎ
Maternel : ⴰⵏⴰⵎⴰⵢ
La lutte : ⴰⵎⵍⴰⵙⴰⵢ
Selon : ⵖ ⵓⵏⵛⴻⴽ
taxrrart : Le remous
L’issue : ⴰⵏⴰⴼ
Anciens : ⵉⵇⴻⴱⵔⴰⵏ
ampayl : Au sens figure antiques et presque périmés
Préciser : ⴰⴷ ⵉⵊⴻⵇⵍⴻⵃ
Jadis : ⴱⵉⵙⴻⵎⴷⵉ
Continuer : ⵉⵣⵓⴱⴷⴰ
Dire franchement : ⵉⴼⴻⵏⵥⴻⵢ
Le décret : ⴰⵏⴰⴹ
La politique : ⴰⵙⴰⵔⵉⵜ
Proposé pour la reconnaissance : ⴰⵙⴽⵓⵙⵏ
Le contenu : ⴰⴳⴰⴱⵉⵔ
Purifier : ⴰⴷ ⵉⵣⵣⵉⵣⴷⴳ
Refuser : ⵢⵓⴳⴻⵢ
Le tableau : ⵜⵉⴼⴼⴻⵍⵜ
Original : ⴰⵔⴻⵚⵍⵉⵢ
Corriger : ⴰⴷ ⵉⵙⵙⴻⵖⵜⵓ
Les erreurs : ⵓⴳⵓⵍⵏ
Les papiers : ⵉⵏⴰⵛⵉⵔⵏ
L’examen : ⴰⴽⴰⵢⵉⴷ
Chercher et tuer les poux : ⴰⵔ ⵉⵣⴻⵔⵔⵓ ⵜⵉⵅⵅⵓⵛⵉⵏ
Le contenu : ⴰⴳⴰⴱⵉⵔ
Le litige : ⴰⵙⴰⵔⵉⴹ
La réaction : ⴰⵙⴻⵎⴷⵔ
Les conditions : ⵜⵉⴼⴰⴷⵉⵡⵉⵏ
La lutte -la résistance : ⴰⴱⵍⵍⴻⵏ
Oraux : ⵓⵜⵍⵉⵢⵏ
Proposé pour dire : violer le droit
Sanctionner : ⴰⴷ ⵉⵙⵙⴻⴼⴳⵔ
L’assassin : ⴰⵏⴻⴹⵍⴰⴱ
Croire : ⴰⴷ ⵉⴼⵍⴻⵙ
La religion : ⴰⵙⴰⵖⵉⵏ
Etre sacré : ⴰⴷ ⵉⴼⵓⵣⵍ
Etre stupéfait : ⴰⴷ ⵉⵎⵓⵜⵍ
Le développement : ⴰⵣⵉⵎⵣ
Les habitudes : ⵉⵎⴰⵢⵉⵔⵏ
Les traditions : ⵉⵏⴰⵙⵉⵢⵏ
Le fait de donner la charité : ⴰⵚⴻⵎⴹⴽ
Le peuple : ⴰⵎⴰⴷⵉⵏ
S’opposer dans le mauvais sens : ⴰⵔ ⵉⵜⵜⴻⵅⴻⵏⵏⴰⴼ
La graphie : ⴰⴷⴰⵍⵉⴼ
Le sous-développement : ⴰⴳⵓⵏⵥⵓ
Antiques : ⵉⴳⴻⵍⵙⴰⵏ
Les archéologues : ⵉⵙⴻⵏⵖⴰⵣ
La conception : ⵜⵉⴷⵎⵉ
Le nord de l’Afrique : ⴰⴳⴰⴼⴰⵢ ⵏ ⵓⴼⴰⵔⵉⴽ
L’étape : ⴰⴼⴰⵔⵉⴽ
Traduire : ⴰⵔ ⵉⵜⵜⴰⵍⵣ
Compter sur : ⴰⵔ ⵉⵙⵏⵉⴽⴽⵉⵍ
La surface : ⴰⵣⵓⵔ
Eblouir : ⴰⵔ ⵉⵙⵇⴻⵔⵇⴰⵛ
L’autocolonisateur : ⴰⵙⴷⴰⵔⵎⴰⵏ