ⴰⵅⴻⵔⴰⴷⴰⴷⴰⵛ ⴰⵔ ⵉⵍⴻⵙⵙⴰ ⵎⴻⵏⵏⴰⵡ ⵏ ⵉⵙⴻⵖⵏⴰⴷⴰⵎ . ⵎⴻⵛ ⴰⵙ ⵉⵙⴼⵓⴳ ⵛⴰ ⵢⴰⵏ ⴰⵔ ⵉⵍⴻⵙⵙⴰ ⵡⴰ-ⵢⵟ.ⵓⵔ ⵉⵍⵍⵍⵉ ⵎⴰⵢⴷ ⵜ ⵉⵙⵎⵓⴽⵍⴻⵏ ⴰⵏⵛⴻⵜ ⴰⴷ ⵢⴰⵡⴹ ⴰⵡⴰⵜⵉⵙ ⵏⵏⴻⵙ.ⴰⵅⴻⵔⴷⴰⴷⴰⵛ ⵉⵍⴰ ⵜⴰⴷⴷⴻⵖⴻⵔⵜ ⵉⴽⴽⴰⵔⵏ ⵙ ⵜⵉⵅⵏⵏⵓⴱⴰⵙ. ⵓⵔ ⵉⵙⵙⵉⵏ ⵅⴰⵙ ⴰⵖⵓⵙⵙⵓ.ⵓⵔ ⴷⴰ ⵉⵜⵜⵉⵙⵉⵏ ⴰⵡⴷ ⵏⴻⵜⵜⴰ ⴰⴽⵓⴽⵔ. ⵎⴻⵛ ⴰⵙ ⵉⵣⵓⵜⴼ ⵛⴰ ⵓⴷⵎ ⵏⵏⴻⵙ ⴰⵃⴻⵍⵍⴰⵍ ⵓⵔ ⴰⵔ ⵉⵜⵜⴻⵣⵡⵉⵖ ⵡⴰⵍⴰ ⵉⵡⵔⵉⵖ ⴰⵛⴽⵓ ⵉⵎⵢⴰⵔ ⵜⵉⵇⵉⵍⵍⴰⴼ. ⴰⵔ ⵜⴻⵏⵜ ⵉⴳⴳⴰⵔ ⴳ ⵓⴱⵔⵉⴷ ⵏ ⵓⴼⵏⴰ ⵏⵏⴻⵙ ⴰⵎⵎ ⵉⵙ ⴷⴰ ⵉⴳⴳⴰⵔ ⵓⵏⴻⴳⵎⴰⵔ ⵜⴰⵔⴰⵜⵙⴰ ⵉ ⵉⵙⴻⵍⵎⴰⵏ. ⵉⴽⴽⴰ ⴰⵔ ⵉⵜⵜⵉⵏⵉ ⵉ ⵓⵎⴰⵣⵉⵖ ⵉⵙ ⵉⴳⴰ ⵉⵡⵉ ⵙ ⵏ ⵓⵏⵜⵜⴰⵢ ⵏⵏⴻⵙ ⵜⴰⴼ ⴰⴷ ⵓⵔ ⵜ ⵉⵃⵓⴼ ⵣⵉ ⵜⵎⴰⵣⵉⵔⵜ ⵏⵏⴻⵙ. ⵉⴽⴽⴰ ⴰⵔ ⴰⵙ ⵉⵜⵜⵉⵏⵉ ⵉⵙ ⴰⵙ ⵉⴳⴰ ⴰⵏⴻⴱⴳⵉ ⵏ ⵔⴻⴱⴱⵉ ⵎⴰⵔ ⴰⴷ ⵜ ⵉⵙⵙⴻⴱⴳⵓ ⴳ ⵜⴳⴻⵎⵎⵉ ⵏⵏⴻⵙ. ⵉⴽⴽⴰ ⴰⵔ ⴰⵙ ⵉⵜⵜⵉⵏⵉ ⵉⵙ ⴳⴰⵏ ⴰⴽⵯ ⴰⵡⵎⴰⵜⵏ ⵏ ⵓⵙⴰⵖⵉⵏ ⵜⴻⵏ ⵉⵛⵛⴰⵔⵏ ⵎⴰⵔ ⴰⴷ ⵜ ⵢⴰⴷⵊ ⴰⴷ ⵉⵙⵙⵓⵎⵎ ⵜⵉⵙⵉⵔⵉⴽⵉⵏ ⵏ ⵜⵎⴰⵣⵉⵔⵜ ⵏⵏⴻⵙ. ⵉⴽⴽⴰ ⴰⵔ ⴰⵙ ⵉⵜⵜⵉⵏⵉ ⵉⵙ ⵉⵍⵙ ⵏⵏⴻⵙ ⵓⵔ ⵉⴳⵉ ⵅⴰⵙ ⵢⴰⵏ ⵉⴼⵉⵍⵉ ⴳ ⵉⵍⵙ ⵏⵏⴻⵙ ⴰⵄⵔⴰⴱ. ⵉⴽⴽⴰ ⴰⵕ ⴰⵚ ⵉⵟⵟⵉⵏⵉ ⵉⵚ ⵉⴽⴽⴰ ⵥⵉ ⴱⵉⵚⴻⵎⴺⵉ ⵉⵥⴺⵓⴺⵖ ⴳ ⵟⵎⴰⵥⵉⵕⵟ ⵏ ⵉⵄⵕⴰⴱⵏ ⴰⵃⴰ ⵉⴳⴳⴰⴺⵊ ⵥⴻⴳ « ⵓⵚⵢⴰ » ⵚ « ⵓⴼⵕⵉⴽ ». ⵉⴽⴽⴰ ⴰⵕ ⴰⵚ ⵉⵟⵟⵉⵏⵉ ⴰⴺ ⵉⵣⴼⵓⵥⵍ ⵉⵍⵚ ⴰⵄⵕⴰⴱ , ⴰⵙ ⵉⵙ ⵉⵖⴻⵔ ⴰⴷⵍⵉⵙ ⴰⴼⵓⵣⴰⵍ, ⴰⵙ ⵉⵙ ⵉⵙⴰⵡⵍ, ⴰⴷ ⵉⵣⵔⴻⴽ ⵉⵄⵔⴰⴱⵏ ⴰⴷⴷⴰⵢ ⴷⴰ ⵙⴰⵡⴰⵍⵏ ⵜⴰⵎⴰ ⵏⵏⴻⵙ,ⴰⴷ ⵓⵔ ⵉⵙⴰⵡⵍ ⵙ ⵉⵍⵙ ⵏⵏⴻⵙ ⴰⵏⴰⵎⴰⵢ ⵎⴻⵛ ⵉⵍⵍⴰ ⵜⴰⵎⴰ ⵏⵏⴻⵙ ⵢⴰⵏ ⵡⴰⵄⵔⴰⴱ. ⵉⴽⴽⴰ ⴰⵔ ⴰⵙ ⵉⵜⵜⵉⵏⵉ ⵉⵙ ⵉⴳⴰ ⵏⴻⵜⵜⴰ ⴰⵍⴼⴰⵖⴰ ⵏⵏⴻⵙ , ⴰⵀⴰ ⵓⵔ ⵉⴳⵉ ⴷⴰⵜ ⴰⵙ ⵅⴰⵙ ⴰⴽⵍⵉ ⵏⵏⴻⵙ,ⵉⵙ ⵓⵔ ⴰⵙ ⵉⴽⵎⵉⴷ ⵅⴰⵙ ⴰⴷ ⵜ ⵉⵟⴻⴼⵓⵔ ⵙ ⴷⵉ-ⴷⴷⴰ ⵉⵍⵍⴰ ⵓⵎⵔⴰⴷⴰⵏ ⴰⵍⵍⴻⵢ ⵉⵍⴷⴻⵢ ⵓⵎⴰⵣⵉⵖ ⴰⵙⴻⵍⵎⴰⵏ ⵜⴰⴼⵔⵓⵜ ⵏⵏⴻⵙ ⴰⵀⴰ ⵢⴰⵏⴼ ⵉ ⵡⴰⵄⵔⴰⴱ ⴰⵙⴻⵍⵎⴰⵏ ⴰⵎⵔⴰⴷⴰⵏ ⵏ « ⵉⴱⵉⵔⵢⴰ »ⴰⵔ ⵉⵙ ⵉⵜⵜⴻⵥⵉ ⵖⵉⴼ ⵉⴳⵔⴰⵏ ⵉⴷⴻⵎⵏⴰⵜⵏ ⵏⵏⴰ ⴷⴰ ⴰⴽⴽⴰⵏ ⵜⵉⵙⵉⵔⵉⴽⵉⵏ . ⵉⴽⴽⴰ ⴰⵔ ⴰⵙ ⵉⵜⵜⵉⵏⵉ ⵉⵙ ⵉⵔⴰ ⴰⴷ ⵉⵙⴳⵓⵔⴳ ⴰⵎⴰⴷⴰⵏ ⵏ ⵡⴰⵏⵙⴰ ⴷⴷⴻⵖ ⵣⵉ ⵓⵙⴻⵔⴼⵓⴼⵏⵏ ⵓⴼⴻⵏⵜⴰⵔ « ⵍⵓⴷⵔⵉⵇ ». ⵅⴰⵙ ⵢⵓⵛⵍ ⵓⵎⵓⵣⵔ « ⵜⴰⵔⵉⴽⵜ ⵉⵡⵉ ⵙ ⵏ ⵣⴰⵢⴷ » ⴰⵎⵔⴰⴷⴰⵏ ⴷⴷⴻⵖ ⴰⵛⴰⵍⴰⵏ ⵉⵜⵜⵓ ⵡⴰⵄⵔⴰⴱ ⴰⵙⴻⵍⵎⴰⵏ ⴰⵢ-ⵏⵏⴰ ⵏ ⵓⵙⴰⵖⵉⵏ ⴰⵙ ⵉⴼⵍⴻⵙ ⴰⵀⴰ ⵉⵙⵙⵉⵙⵎⴻⴳ ⵜⴰⵎⴻⵔⵛⵉⵍⵜ ⵏ « ⵍⵓⴷⵔⵉⵇ »ⴷⴰⵢ ⵢⴰⵡⴻⵢ ⴰⵙ ⵜⴰⵙⵇⵇⵉⵎⵓⵜ ⵏ ⵡⵓⵔⵖ ⵏⵏⴰ ⵉⴳⴰ ⵜ ⵓⵎⵓⵣⵔ ⴰⵎⴰⵣⵉⵖ ⴰⵎⴻⵍⵜⴰⵏ ⴷ ⴰⵔⴰⵣⵉⴼ ⵉ ⵓⵎⵏⵓⴽⴰⵍ ⵏ ⵉⵏⴻⴼⵍⴰⵙⵏ ⵏ « ⴰⵢⵜ ⵓⵎⴰⵢⵢⴰ » ! ⵅⴰⵙ ⵢⵓⴼⴰ ⴰⵎⵔⴰⴷⴰⵏ ⴰⵎⴰⵣⴷⴰⵔ ⴳ « ⵉⴱⵉⵔⵢⴰ »ⴰⵀⴰ ⵉⵜⵜⵓ ⴰⵎⵔⴰⴷⴰⵏ ⴰⵎⴰⵊⵊⴻⵢⴰⵍ ⵏⵏⴰ ⵉⵙⵏⴻⴽⴼⴻⵔ ⵓⵛⴰⵎⴰⵏ ⵉ ⵉⵏⴻⵅⴼⵉⵔⵏ . ⵉⴽⴽⴰ ⴰⵔ ⴰⵙ ⵉⵜⵜⵉⵏⵉ ⵉⵙ ⵉⵍⵙ ⴰⵄⵔⴰⴱ ⵉⴳⴰ ⵉⵍⵙ ⵏ ⵓⵎⵔⴰⴷⴰⵏ ⵎⴰⵔ ⴰⴷ ⴰⵙ ⵉⵍⵎⴻⴷ . ⴰⵔ ⴰⵙ ⵉⵜⵜⵉⵏⵉ ⵉ ⵙⵓⵔ ⵉⵏⵏⵉ ⴰⴷ ⵢⵉⵍⵉ ⵓⵎⵙⴰⴹⴰⵏ ⴰⵎⴻⴳⴳⴰⵔⵓ ⴷⴰⵜ ⵔⴻⴱⴱⵉ ⵅⴰⵙ ⵙ ⵉⵍⵙ ⴰⵄⵔⴰⴱ. ⵉⴳⵣⴰ ⵓⵎⴰⵣⵉⵖ ⵉⵙ ⵎⴰⵔ ⴰⴷ ⵓⵔ ⵜ ⵉⵙⵙⴻⵍⵇⵓ ⵔⴻⴱⴱⵉ ⵢⵓⵛⵛⴻⵍ ⴰⴷ ⵉⴱⴰⴹ ⴳ ⵉⵍⵙ ⵏⵏⴻⵙ ⵓⵣⴷⵉⵍ ⴷⴰⵢ ⵉⵜⵜⵓ ⵡⵉ-ⵏⵏⴻⵙ. ⵉⴽⴽⴰ ⴰⵔ ⴰⵙ ⵉⵜⵜⵉⵏⵉ ⵉⵙ ⵓⵔ ⵉⵍⵍⵉ ⵎⴰ ⵎⵉ ⵉⵙⵓⴼⵔ ⵉⵍⵙ ⵏⵏⴻⵙ ⵉⴷⴷⴻⵖ ⵓⵔ ⴰⵔ ⵉⵙⵙⴻⵍⴽⴰⵎ ⵅⴰⵙ ⵜⵉⵏⴼⵓⵙⵉⵏ ⴷ ⵓⵎⵉⵢⵏ . ⵉⴽⴽⴰ ⴰⵔ ⴰⵙ ⵉⵜⵜⵉⵏⵉ ⵉⵙ ⴰⵙ ⵉⴽⵓⵛⵎ ⵉⵍⵙ ⵏⵏⴻⵙ ⵉⴷⴷⴻⵖ ⵓⵔ ⵉⴳⴱⵉⵔ ⵅⴰⵙ ⵉⵜⵙⴻⵏⵜ ⵜⵉⵎⴰⴹ ⵏ ⵜⵡⴰⵍⵉⵡⵉⵏ. ⵉⴽⴽⴰ ⴰⵔ ⴰⵙ ⵉⵜⵜⵉⵏⵉ ⵉⵙ ⵓⵔ ⴷ ⵢⵓⵙⵉ ⴰⴷ ⵉⵍⵙ ⵉⵃⵔⵓⵢⵏ ⵏⵏⴻⵙ ⵓⵏⵙⵉⵢⵏ ⵉⴷⴷⴻⵖ ⵓⵔ ⴳⵉⵏ ⵡⵉ-ⵏ ⵓⵖⵔⵓⵔⵎ ⴰⵄⵔⴰⴱ . ⵉⴽⴽⴰ ⴰⵔ ⴰⵙ ⵉⵜⵜⵉⵏⵉ ⵉⵙ ⵓⵔ ⵉⵣⵎⵉⵔ ⵉⵍⵙ ⵏⵏⴻⵙ ⴰⴷ ⵉⵙⵙⴻⴼⵔⵓ ⴰⵣⴰⵏ ⵏ ⵔⴻⴱⴱⵉ, ⴰⴷ ⵉⵣⵎⴰⵣⵖ ⴰⵎⴰⴽ ⵏⵏⴻⵙ ⴰⵖⴱⴰⴱⴰⵢ. ⵉⴽⴽⴰ ⴰⵔ ⴰⵙ ⵉⵜⵜⵉⵏⵉ ⵉⵙ ⵓⵔ ⵉⵍⵛⵉⵎ ⵉⵍⵙ ⵏⵏⴻⵙ ⴰⵙⵡⵉⵔ ⵏ ⵉⵍⵙ ⴰⵄⵔⴰⴱ ⵉⴷⴷⴻⵖ ⵉⴳⴻⵣⵣⵓⵍ , ⵉⵇⵎⵓⵎⵔ. ⵉⴽⴽⴰ ⴰⵔ ⴰⵙ ⵉⵜⵜⵉⵏⵉ ⵉⵙ ⵓⵔ ⵉⴽⵍⵉⵍ ⴰⵙⵙⴻⵍⵎⴻⴷ ⴳ ⵓⵖⴻⵔⴱⴰⵣ. ⵉⴽⴽⴰ ⴰⵔ ⴰⵙ ⵉⵜⵜⵉⵏⵉ ⵉⵙ ⵎⴻⵛ ⵉⴽⵛⴻⵎ ⴰⵙⵓⵏⴰⴹ ⵏ ⵓⵙⵙⴻⵍⵎⴻⴷ ⵀⴰⵜ ⵙ ⵜⵏⵓⵎⴻⵍⵜ ⵏ ⵓⴽⴰⵢⵢⴰ ⵉⵜⵜⴰⵡⵙⴻⵏ ⵉ ⵉⵍⵙ ⴰⵄⵔⴰⴱ ⴰⴷ ⵉⴽⵛⴻⵎ ⵜⴰⵡⴻⵏⴳⵉⵎⵜ ⵏ ⵓⵏⴻⵍⵎⴰⴷ ⴰⵎⴻⵙⴽⴰⵏ ⴰⵎⴰⵣⵉⵖ. ⵉⴽⴽⴰ ⴰⵔ ⴰⵙ ⵉⵜⵜⵉⵏⵉ ⵉⵙ ⴰⵙⵓⵇⵍ ⵏ ⵡⴰⵎⴰⴽⵏ ⵏ ⵓⴷⵍⵉⵙ ⴰⴼⵓⵣⴰⵍ ⵙ ⵉⵍⵙ ⴰⵎⴰⵣⵉⵖ ⴰⵔ ⵉⵙⴷⵉⴷⴷⵉⵢ ⴰⴷⴰⴱⵓ ⵏ ⵓⴳⴻⵍⵍⵉⴷ. ⵉⴽⴽⴰ ⴰⵔ ⴰⵙ ⵉⵜⵜⵉⵏⵉ ⵉⵙ ⵓⵔ ⵢⵓⴼⵉ ⴰⵙⴻⵍⵎⴰⴷ ⵉⵣⵎⴻⵔⵏ ⴰⴷ ⵉⵙⵙⴻⵍⵎⴻⴷ ⵜⴰⵎⴰⵣⵉⵖⵜ ⴷⴷⴰⵡ ⵓⵎⴰⵍⵓ ⵏ ⵜⴻⵄⵔⴰⴱⵜ.ⵉⴽⴽⴰ ⴰⵔ ⴰⵙ ⵉⵜⵜⵉⵏⵉ ⵉⵙ ⵓⵔ ⵉⴳⵉ ⵅⴰⵙ ⴰⵄⵔⴰⴱ ⵣⴻⴳ ⵢⴰⵏ ⵓⴼⴰⵙⵉⵏ. ⵉⴽⴽⴰ ⴰⵔ ⴰⵙ ⵉⵜⵜⵉⵏⵉ ⵉⵙ ⵙ ⵓⵎⵓⴽⵍ ⵏⵏⴻⵙ ⵙ ⵉⵍⵙ ⴰⵎⴰⵣⵉⵖ ⴰⴷ ⵉⵣⴻⵎⵣⴰⵟ ⵉⵏⴻⵙⵍⴰⵎⵏ ⴷ ⵉⵄⵔⴰⴱⵏ.ⵉⴽⴽⴰ ⴰⵔ ⴰⵙ ⵉⵜⵜⵉⵏⵉ ⵉⵙ ⵉⵍⵙ ⴰⵄⵔⴰⴱ ⵉⴳⴰ ⴰⴳⴰⴱⵉⴱ ⵏ ⵜⴰⵎⵓⵏⵜ ⵏ ⵉⵡⵓⵏⴰⴽ ⵉⵏⴻⵙⵍⴰⵎⵏ.ⵉⴽⴽⴰ ⴰⵔ ⴰⵙ ⵉⵜⵜⵉⵏⵉ ⵉⵙ ⵡⴰ-ⵍⵍⵉ ⵉⵛⴱⴱⴻⵔⵏ ⴳ ⵉⵍⵙ ⵏⵏⴻⵙ ⴰⵎⴰⵣⵉⵖ ⵓⵔ ⵉⴳⵉ ⵅⴰⵙ ⴰⵡⴻⵔⴹⵏⴰⵙ ⴷ ⵓⵏⵡⵡⴰⵛ ⵏ ⵓⵙⴷⴰⵔⵔⴰⵢ !.
ⴰⵖⵣⵣⴰⴼ ⵎⵓⵃⵎⵎⴰⴷ
Arhazaf Mohammed
ⴰⵎⴰⵡⴰⵍ ⴰⵎⴰⵣⵉⵖ -ⴰⴼⵔⴰⵏⵙⵉⵙ :
ⴰⵅⴻⵔⴷⴰⴷⴰⵛ : L’escro
ⴰⴷ ⵉⵙⴼⵓⴳ : Etaler les défauts
ⵜⴰⴷⴷⴻⵖⴻⵔⵜ : La bourse
ⵜⵉⵅⵏⵏⵓⴱⴰⵙ : Les ruses
ⴰⵖⵓⵙⵙⵓ : Le driblage
ⴰⴽⵓⴽⵔ : La honte
ⵉⵣⵓⵜⴼ : Découvrir
ⵜⵉⵇⵉⵍⵍⴰⴼ : Les ruses
ⴰⴼⵏⴰ : L’adversaire
ⴰⵏⵜⵜⴰⵢ : L’oncle
ⵜⵉⵙⵉⵔⵉⴽⵉⵏ : Les délices
ⵉⵣⴼⵓⵣⵍ : Sacrifier
ⴰⵍⴼⴰⵖⴰ : Le maître - Le seigneur
ⵉⵣⵔⴻⴽ : Respecter
ⴱⵉⵙⴻⵎⴷⵉ : Depuis jadis
ⴰⵏⴰⵎⴰⵢ : Maternel
ⵉⴽⵎⴻⴷ : Convenir
ⴰⵎⵔⴰⴷⴰⵏ : Le paradis
ⴰⴷ ⵉⵙⴳⵓⵔⴳ : Libérer
ⴰⵎⵓⵣⵔ : Le chef
ⵜⴰⴼⵔⵓⵜ : L’épée
ⴰⵔ ⵉⵜⵜⴻⵥⵉ : Se disputer
ⴰⴷⴻⵎⵏⴰⵜ : Fertile
ⴰⵙⴻⵔⴼⵓⴼⵏ : La torture
ⴰⴼⴻⵏⵜⴰⵔ : Le tyran
ⴰⵛⴰⵍⴰⵏ : Terrestre
ⵜⴰⵎⴻⵔⵛⵉⵍⵜ : L’épouse
ⵜⴰⵙⵇⵇⵉⵎⵓⵜ : La table
ⴰⵔⴰⵣⵉⴼ : Le cadeau
ⴰⵎⵏⵓⴽⴰⵍ : Le prince
ⴰⴷ ⵉⵙⵏⴻⴽⴼⴻⵔ : Promettre
ⵉⵏⴻⵅⴼⵉⵔⵏ : Les martyrs
ⴰⵎⵙⴰⴹⴰⵏ : Le fait d’échanger le compte
ⴰⴷ ⵉⵙⵙⴻⵍⵇⵓ : Punir
ⴰⴷ ⵉⴳⴱⴻⵔ : Contenir
ⴰⴷ ⵉⵣⵎⴰⵣⵖ : Elucider
ⴰⵖⴱⴰⴱⴰⵢ : Très profond
ⵢⵓⵛⵛⴻⵍ : Il faut
ⴰⴷ ⵉⴱⴰⴹ : Maîtriser
ⵓⵣⴷⵉⵍ : Adopté
ⴰⴷ ⵉⵣⴻⵎⵣⵟ : Disperser
ⴰⴽⴰⵢⵢⴰ : L’esclave
ⵓⵏⵙⵉⵢ : Traditionnel
ⴰⴷ ⵉⵇⵎⵓⵎⵔ : Etre très étroit
ⴰⵙⵓⵇⵍ : La traduction
ⴰⵏⵡⵡⴰⵛ : Qui rend un service à l’ennemi