ⴰⵏⴻⴼⵛⴰⵛⴰⴽ ⵉⴳⴰ ⵜ ⵡⴰ-ⵏⵏⴰ ⵉⵙⴱⵉⵊⵊⵉⴳⵏ ⵙ ⵡⴰⵜⵜⴰ ⵏⵏⴻⵙ ⵓⴳⴳⴰⵔ ⵏ ⵡⵉ-ⵢⵢⴰⴹ.ⴰⵔ ⵉⵜⵜⵉⵖⵉⵍ ⵉⵙ ⵏⴻⵜⵜⴰ ⴰⵢⴷ ⵢⵓⴼⵏ ⵡⵉ-ⵢⵢⴰⴹ.ⴰⵔ ⵉⵜⵜⴻⵙⵢⴰⵅ ⴳ ⵉⵍⵖ ⵏ ⵜⵙⴻⵏⴷⵓⴱⴻⵏⵜ ⵏⵏⴻⵙ.ⴰⵔ ⵉⵜⵜⵉⵏⵉ ⵉⵙ ⵓⵔ ⵉⵍⵉ ⴰⵡⴷⵢⴰⵏ ⵓⵎⴰⵍⵉⴷ,ⵉⵙ ⵉⴱⵍⴻⵍ ⴳ ⵎⴰⵢⴷ ⵉⴳⴰⵏ ⵉⴷⵉⵙ.ⴰⵔ ⵉⵜⵜⵉⵖⵉⵍ ⵉⵙ ⵉⴳⴰ ⴰⵎⴻⴷⵢⴰ ⵉ ⵡⵉ-ⵢⵢⴰⴹ,ⵉⵙ ⵏⴻⵜⵜⴰ ⴰⵢⴷ ⵉⵙⵙⴻⵏ ⴰⵢ-ⵏⵏⴰ ⵓⵔ ⵙⵙⵉⵏ ⵡⵉ-ⵢⵢⴰⴹ.ⴰⵔ ⵉⵜⵜⵉⵏⵉ ⵉⵙ ⴰⵔ ⵙⴻⴽⵙⵉⵡⵏ ⵎⴻⴷⴷⴻⵏ ⵙ ⵡⴰⵍⵍⴻⵏ ⵏⵏⴻⵙ,ⴰⵔ ⵙⵙⴻⴼⵍⵉⴷⵏ ⵙ ⵉⵎⵊⵊⴰⵏ ⵏⵏⴻⵙ,ⵉⵙ ⵙ ⵓⵏⵍⵍⵉ ⵏⵏⴻⵙ ⴰⵙ ⴰⵔ ⵜⵜⴰⵛⵣⴻⵏ ⵎⴰ ⵎⵉ ⵜⵜⵉⵙⵉⵍⵏ ,ⵉⵙ ⵙ ⵉⵍⵙ ⵏⵏⴻⵙ ⴰⵙ ⵏⵏⴰⵏ ⴰⴷ ⵙⵙⴻⴼⵔⵓⵏ ⵉⵛⴰⵔⵉⴷⵏ ⵉⵙⵓⵏⴰⵏ .ⵓⵔ ⵉⵍⵍⵉ ⴰⵎ ⵏⴻⵜⵜⴰ.ⵢⵓⴳⵔ ⴰⴽⵯ ⵎⴻⴷⴷⴻⵏ ⵏ ⵉⵖⴻⵣⵡⴻⵔ.ⵉⵍⴰ ⵜⴰⵣⴻⵎⵏⵉ ⵍⵍⵉ ⵓⵔ ⵍⵉⵏ ⵉⴳⴷⵓⴷⵏ ⵢⴰⴹⴻⵏ.ⴰⵔ ⵉⵜⵜⵉⵖⵉⵍ ⵉⵙ ⵉⴳⴰ ⴰⴱⴻⵔⵎⴰⴷⴰⵏ ,ⵉⵙ ⵓⵔ ⵢⴰⴽⵙⵓⵍ ⴷ ⵓⵄⴹⵓⵏ ⵍⵍⵉ ⵉⴳⴰ ⵓⵡⴰⵢⴻⵟ.ⴰⵔ ⵉⵜⵜⵉⵏⵉ ⵉⵙ ⴰⵙ ⵉⵖⵣⵣⵉⴼ ⵓⴼⵓⵙ ⴰⵍⵍⴻⵢ ⵉⴼⵙⴻⵔ ⵜ ⵏⵏⵉⴳ ⵜⵉⵇⴻⵔⴼⴰⴷⵉⵏ ⵏⵏⵙⴻⵏ.ⴰⵔ ⵉⵜⵜⵉⵖⵉⵍ ⵉⵙ ⴰⵔ ⵢⴰⴽⴽⴰ ⴰⵙⵉⴷⴷ ⵉ ⵡⵉ-ⴷⴷⴰ ⵉⵖⴻⵏⴱⴻⵔⵏ ⵙ ⵜⴰⵍⵍⴻⵙⵜ.ⴰⵔ ⵉⵜⵜⵉⵏⵉ ⵉⵙ ⵏⴻⵜⵜⴰ ⴰⵢⴷ ⵉⴳⴰⵏ ⴰⵡⵓⵎ ⵏ ⵉⵖⴻⵣⵡⴻⵔ,ⵉⵙ ⵏⴻⵜⵜⴰ ⴰⵢⴷ ⵉⵜⵜⴻⵙⴳⴰⵔⵏ ⴰⵣⵓⴱⴷⵓ ⵏ ⵉⵍⵉ ⵏ ⵓⵡⴰⵢⴻⵟ.ⴰⵏⴻⴼⵛⴰⵛⴰⴽ ⴰⵔ ⵉⵜⵜⵉⵃⵎⵉⵎⵉⵍ ⵓⴳⴳⵉⴷ ⵏⵏⴻⵙ,ⴰⵔ ⵉⵙⵙⴻⵍⴽⵓ ⵎⴻⴷⴷⴻⵏ ⵢⴰⴹⴻⵏ.ⴰⵔ ⵥⴰⵔ ⵙⴻⵏ ⵉⵙⴻⴽⵙⵉⵡ ⵣⵉ ⴷⴷⴰⵡ ⵡⴰⵍⵍⴻⵏ .ⵎⴻⵛ ⵉⵔⴰ ⴰⴷ ⵉⵣⵓⵜⴼ ⵉⵅⵉⵜⵉ ⵏⵏⵙⴻⵏ ⴰⵔ ⵉⵙⵙⴻⵎⵔⴰⵙ ⵉⵙⵙⴻⵄⵍⵉ ⴰⵎⵎ ⵉⵙ ⴷⴰ ⵉⵜⵜⴰⵏⵏⴰⵢ ⵉⵣⵓⵣⴰⵄ.ⵉⵅⴰⵜⵔ ⴰⵙ ⵓⵇⴻⵔⵔⵓ ⵉⵙⴽⵓⴽⵏ ⵡⵉ-ⵏⵙⴻⵏ.ⴰⵡⴰⵍ ⵏⵏⴻⵙ ⵓⵔ ⵉⵍⵉ ⴰⵣⵓⵢⵉ ⵏⵏⴻⵙ.ⵉⵍⴰ ⵜⵉⵣⵣⵓⵍⵢⴰ ⵏⵏⴰ ⵓⵔ ⴷⵊⵉⵏ ⵍⵉⵏ.ⵉⵍⴰ ⵜⴰⵎⴰⵏⴳⴻⵜ ⵍⵍⵉ ⵓⵔ ⵍⵉⵏ.ⴰⵖⵔⵓⵔⵎ ⵍⵍⵉ ⵉⴽⴽⴰ ⵓⴱⴰⵃⵍⵍⵓ ⵏⵏⴻⵙ ⴰⵣⴰⵢⴽⵓ ⵉⵖⵏⴰ ⵉⵙⵜⴻⵢ ⵙ ⵓⵃⵜⵓ. ⵏⵏⴻⵙ.ⵡⴰⵍⵓ ⵎⴰⵢⴷ ⵜ ⵢⵓⴼⵏ ⵅⴰⵙ ⵉⵎⴻⵖⵏⵉ ⵏⵏⴻⵙ.ⴰⵡⴰⵍ ⵏⵏⴻⵙ ⵉⴳⴳⵓⴼⴻⵢ ⵜⵉⵙⴽⴽⵉⵍⵢⴰ ⵏ ⵓⵙⵓⵏ ⴰⵔ ⵉⵊⵊⴻⵢⴰⵍ ⵎⴻⵇⵇⴰⵔ ⵉⴳⵏⴰ ⵙ ⵉⴼⵉⵍⴰⵏ ⵏ ⵡⵉ-ⵢⵢⴰⴹ .ⴰⵔ ⵉⵜⵜⵉⵖⵉⵍ ⵉⵙ ⵏⴻⵜⵜⴰ ⴰⵢⴷ ⵉⵃⵔⵔⵉⵏ ⴰⵍⴰⵡⴰⵢ ⵏ ⵓⵖⵔⵓⵔⵎ.ⴰⴷⴰⵡⵉⵏ ⵏⵏⴻⵙ ⵉⵀⵔⵓⵔⴻⵡ ⴰⵍⵍⴻⵢ ⵢⵓⴼ ⵡⵉ-ⵏ ⵉⴳⴷⵓⴷⵏ ⵢⴰⴹⴻⵏ.ⴰⵙⴻⵏⴼⵍⵓⵍ ⵏⵏⴻⵙ ⵓⵔ ⵉⵍⵉ ⴰⵏⴻⴳⴳⵓ ⵏⵏⴻⵙ ⵉⴷⴷⴻⵖ ⵉⵍⵙⴰ ⴰⵃⵔⵓⵢ ⴰⵣⴰⵢⴽⵓ ⴷ ⵓⵎⴰⵢⵏⵓ ⴷ ⵓⵜⵔⴰⵔ.ⴰⵔ ⵉⵜⵜⵉⵖⵉⵍ ⵉⵙ ⵓⵔ ⵏⵏⵉⵏ ⵉⵍⵙⴰⵡⵏ ⵢⴰⴹⴻⵏ ⴰⴷ ⵙⵙⵉⵡⴹⴻⵏ ⴰⵣⴰⵏ ⴰⵙⵓⵏⴰⵏ ⴰⵎ ⵡⵉ-ⵏⵏⴻⵙ.ⴰⵔ ⵉⴽⴽⴰⵜ ⵉⴳⴻⵏⵏⴰ ⴰⵀⴰ ⵓⵔ ⵉⵙ ⵢⵓⵛⵉ.ⵉⵎⵢⴰⵔ ⴰⴷ ⵉⵙⴻⴽⵙⵉⵡ ⵓⴷⵎ ⵏⵏⴻⵙ ⴳ ⵉⵙⵙⴻⵎⵏⵉ ⵏⵏⴻⵙ ⵙ ⵉⵏⵉⵍⵏ ⵍⵍⵉ ⵉⵔⴰ ⵉ ⵓⴳⴳⵉⴷ ⵏⵏⴻⵙ.ⵓⵔ ⴰⵔ ⵉⵜⵜⴻⴷⴷⵓ ⵏⵏⵉⴳ ⵏ ⵡⴰⵛⴰⵍ.ⴰⵔ ⵉⵜⵜⵉⵖⵉⵍ ⵉⵙ ⴰⵔ ⵉⵜⵜⴻⴷⴷⵓ ⴳ ⵉⴳⴻⵏⵏⴰ,ⵉⵙ ⴰⵔ ⵉⵜⵜⴻⵏⵓⵢ ⴰⵢⵢⵉⵙ ⵏ ⵓⵣⵡⵓ ⴼⴰⵔ ⴰⴷ ⵉⵣⵣⴻⵔ ⵉⵥⴻⵏⵥⴰⵔⵏ ⵏ ⵜⴰⴼⵓⵢⵜ ⵣⴻⴳ ⵓⵖⴱⴰⵍⵓ ⵏⵏⵙⴻⵏ.ⵉⵔⴰ ⴰⴷ ⵉⵏⵏⴻⴱⴻⴹ ⴳ ⵓⵣⵓⵔⵣ ⵏ ⵓⵙⵉⴷⴷ ⴷ ⵓⵣⵓⵔⵏ ⵎⴰⵔ ⴰⴷ ⵉⴼⴻⴽ ⵜⵓⴷⴻⵔⵜ ⵉ ⵓ-ⵏⵏⴰ ⵉⵔⴰ ⵉⴽⴽⴻⵙ ⵜ ⵉ ⵡⴰ-ⵍⵍⵉ ⵓⵔ ⵜ ⵉⵔⵉ.
ⴰⵖⵣⵣⴰⴼ ⵎⵓⵃⵎⵎⴰⴷ
Arhazaf Mohammed
ⴰⵙⴻⴼⵔⵓ ⵏ ⵉⵡⴰⵍⵉⵡⵏ :
ⴰⵏⴻⴼⵛⴰⵛⴰⴽ : L’égotiste
ⴰⵔ ⵉⵙⴱⵉⵊⵊⵉⴳ : Etre fièr
ⴰⵎⴰⵍⵉⴷ : Le vice
ⴰⴷ ⵉⴱⵍⴻⵍ : Etre parfait
ⴰⵏⵍⵍⵉ : Le cerveau
ⵉⵛⴰⵔⴷⵏ : Les vérités
ⵉⵖⴻⵣⵡⴻⵔ : L’univers
ⵜⴰⵣⴻⵎⵏⵉ : La sagesse
ⴰⴱⴻⵔⵎⴰⴷⴰⵏ : Proposé pour le superman
ⴰⵄⴹⵓⵏ : Le nain
ⵜⵉⵇⴻⵔⴼⴰⴷⵉⵏ : Les nuques
ⴰⴷ ⵉⵖⴻⵏⴱⵔ : Se couvrir le visage
ⴰⴷ ⵉⵙⴳⵔ : Assurer
ⴰⵣⵓⴱⴷⵓ : La continuité
ⵓⴳⴳⵉⴷ : La personne
ⴰⴷ ⵉⵣⵓⵜⴼ : Découvrir
ⵉⵏⵉⵍⵏ : Les couleurs
ⴰⵔ ⵉⵜⵜⴻⵃⵎⵉⵎⵉⵍ : Aimer trop
ⵉⵅⵉⵜⵉ : L’état
ⵉⵙⵙⴻⵄⵍⵓⵉ : Proposé pour les jumelles.(Doubles lorgnettes)
ⵉⵣⵓⵣⴰⵄ : Des insectes de petite taille par extension des microbes
ⴰⴷ ⵉⵙⴽⵓⴽⵏ : Etre miniaturisé
ⵉⵙⵜⴻⵢ : Au sens de spécifique
ⴰⵃⵜⵓ : Le modèle
ⴰⵖⵔⵓⵔⵎ : Le fait d’être trop civilisé
ⵉⵎⴻⵖⵏⵉ : Le créateur
ⴰⵍⴰⵡⴰⵢ : Le train
ⴰⴷⴰⵡⵉⵏ : L’imaginaire
ⴰⴷ ⵉⵀⵔⵓⵔⴻⵡ : Etre trop large
ⵉⵙⵙⴻⵎⵏⵉ - ⴰⵙⵎⵏⵓ - ⵜⵉⵙⵉⵜ : Le miroir
ⴰⵣⵓⵔⵣ : La source
ⴰⵣⵓⵔⵏ : L’énergie