ⴰⴳⴻⵔⵡⴰⵍ
ⴰⴳⴻⵔⵡⴰⵍ ⵉⴳⴰ ⵜ ⵡⴰ-ⵍⵍⵉ ⵉⵍⴰⵏ ⵢⴰⵜ ⵜⵉⴷⵎⵉ ⵜⴰⵎⴰⵢⵏⵓⵜ ⵏ ⵓⵖⴷⴰⵎ ⴰⵀⴰ ⴰⵔ ⵉⵜⵜⴻⵖⵏⴰⵙ ⴼⴰⵔ ⴰⴷ ⵉⵙⴻⵔⵜⵍ ⴰⵎⵓⵏ ⴼ ⵜⵉⵔⵙⴰⵍ ⴷ ⵓⵃⵎⵎⴰⵔ ⵉⵎⴰⵢⵏⵓⵜⵏ ⵏⵏⴰ ⵓⵔ ⵉⴽⴽⵉ ⵡⴰⵎⵓⵏ ⵉⵙⵙⴻⵏ ⵜⴻⵏ ⴳ ⵜⵓⴷⴻⵔⵜ ⵏⵏⴻⵙ.ⴰⴳⴻⵔⵡⴰⵍ ⵉⴳⴰ ⵜ ⴰⵙⴻⵏⴱⴰⵛ ⵍⵍⵉ ⵉⵣⵓⵜⴼⵏ ⵢⴰⵏ ⵓⵛⴰⵔⵉⴷ ⴰⵀⴰ ⵉⵛⴻⵏⴳⵍ ⴰⵢ-ⵍⵍⵉ ⵉⴽⴽⴰ ⵡⴰⵎⵓⵏ ⴰⵔ ⴳⵉⵙ ⵉⵜⵜⴻⴼⵍⴰⵙ.ⴰⴳⴻⵔⵡⴰⵍ ⵉⴳⴰ ⵜ ⵡⴰ-ⵏⵏⴰ ⵉⴽⴽⴻⵙⵏ ⴰⵙⴰⵏⴰⴹ ⵏ ⵓⵙⴻⴼⵜⵔ,ⵉⴳⴰ ⵜ ⵡⴰ-ⵏⵏⴰ ⵉⵙⴻⵍⴼⴳⵏ ⴰⵙⴰⵔⵉⵙ ⵏ ⵜⴰⵙⴷⴻⵏⵜ,ⵡⴰ-ⵏⵏⴰ ⵉⵛⴻⵏⴳⵍⵏ ⴰⵙⴰⵏⴰⴹ ⴰⵏⴻⴷⴳⴰⴳⴰⵔ ⵏⴻⵖ ⴰⵖⴻⴼⵣⴰⵣⴰⵔ ⴰⵀⴰ ⵉⵙⵙⴻⵜⵔⵙ ⴳ ⵓⴷⵖⴰⵔ ⵏⵏⴻⵙ ⴰⵙⴰⵏⴰⴹ ⴰⵏⴻⵎⵍⴰⵍⴰⵢ,ⵡⴰ-ⴷⴷⴰ ⵉⵏⵏⴰⵏ ⵉⵙ ⵜⴰⴼⵓⵢⵜ ⴰⵢⴷ ⵉⴳⴰⵏ ⴰⵍⴰⵎⴰⵙ ⵏ ⵉⵖⴻⵣⵡⴻⵔ ⵓⵔ-ⵉⴷ ⴰⵛⴰⵍ.ⵉⴷ ⵡⴰ-ⴷⴷⴰ ⵉⵙⵏⵉⵍⵏ ⵉⵖⴼ ⵏⵏⴻⵙ ⵉⵙ ⴰⵔ ⵉⵙⵙⵉⴽⵙⵉⵍ ⵎⴻⴷⴷⴻⵏ ⴰⵀⴰ ⵉⴼⴻⵙⵜ ⴼ ⵓⵙⴻⴼⵜⵔ ⵓⵔ ⵜ ⵉⴳⵉ.ⴰⴳⴻⵔⵡⴰⵍ ⴰⵔ ⵉⵜⵜⴰⵙⴻⵢ ⵙ ⵓⵛⴻⵏⴳⵓ ⵏⵏⴻⵙ ⴰⵎⴰⵔⵉⴳ ⵏⵏⴻⵙ ⴼⴰⵔ ⴰⴷ ⵉⵙⵙⴻⵍⴼⵓⴼⵃ ⵉⵙⵓⵍⴰⵎ ⵏ ⵡⴰⴷⴷⴰⴳ ⵢⴰⴽⴽⴰⵏ ⴰⵍⴰⵢⵉⴹ.ⴰⴳⴻⵔⵡⴰⵍ ⴰⵔ ⵉⵙⵙⴻⵔⵜⴰⵍ ⴰⵎⵓⵏ ⴰⵎⴰⵢⵏⵓ ⴳ ⵡⴰⵏⵙⴰ ⵏ ⵓⵣⴰⵢⴽⵓ.ⵙ ⵓⴷⵡⴰⵍ ⵓⵔ ⴷⵊⵉⵏ ⵉⵍⵍⵉ ⵛⵔⴰ ⵏ ⵡⴰⵎⵓⵏ ⴰⵎⴰⵢⵏⵓ ⵓⵣⴷⵉⴳ ⵎⴰⵛⴰ ⴰⵔ ⵉⵜⵜⴻⵎⵓⵜⵜⵓⵢ ⵡⴰⵎⵓⵏ ⵙ ⵓⴳⴻⵔⵡⴻⵍ ⵙ ⵎⴰⵢⴷ ⵢⵓⴼⵏ ,ⵙ ⵓⵢ-ⵏⵏⴰ ⵓⵔ ⴷⵊⵉⵏ ⵉⴽⴽⵉ ⴳ ⵡⴰⵎⵓⵏ ⴰⵣⴰⵢⴽⵓ.ⴰⴳⴻⵔⵡⴰⵍ ⴰⵔ ⵉⵜⵜⵉⵖⵉⵍ ⴰⵍⵉⴹ ⵉⵙ ⴰⵔ ⵉⵜⵜⴻⵍⴰⵍ ⵓⵎⴰⵢⵏⵓ ⵣⴻⴳ ⵓⵣⴰⵢⴽⵓ,ⵉⵙ ⴰⵔ ⵉⵙⵜⵉⵍⵍⴻⵢ ⵓⴷⴰⵢⵉⵏ ⵙ ⴷⴰⵜ ,ⵉⵙ ⵓⵔ ⴰⵔ ⵉⵜⵜⵓⵖⵓⵍ ⵙ ⴹⴰⵔⵜ.ⴰⴳⴻⵔⵡⴰⵍ ⵉⴳⴰ ⴰⵛⴻⵏⴳⴰⵍ ⵏ ⵜⵉⴷⵎⵉ ⴷ ⵓⵏⴰⵙⵉⵢ,ⴷ ⵓⵎⴰⵢⵉⵔ ⵓⵔ ⵉⵎⵙⴰⵙⴰⵏ ⴷ ⵜⵉⴷⵎⵉ ⵏⵏⴻⵙ ⵜⴰⵎⴰⵢⵏⵓⵜ.ⴰⵙⴰⴳ ⵜⴻⵏⵛⵔ ⵢⴰⵜ ⵜⴰⵔⵔⴱⵉⵄⵜ ⵙ ⵢⴰⵏ ⵓⵡⴰⵏⵉⴽ ⵎⴰⵔ ⴰⴷ ⵜ ⵉ ⵜⴻⴽⴽⴻⵙ ⴰⵀⴰ ⵜⵙⴻⵔⵙ ⴳ ⵡⴰⵏⵙⴰ ⵏⵏⴻⵙ ⴰⵙⴰⵏⴰⴹ ⵓⵔ ⵉⴳⵉⵏ ⴰⵎⴰⵢⵏⵓ ⵀⴰⵜ ⵓⵔ ⵜⴳⵉ ⵜⴰⴳⴻⵔⵡⴰⵍⵜ ⵉⴷⴷⴻⵖ ⵓⵔ ⵜⴻⴽⴽⵉⵙ ⵅⴰⵙ ⵢⴰⵏ ⵓⴷⵎ ⵎⴰⵔ ⴰⴷ ⵜⵉ ⵜⴻⵙⵙⴻⵏⴼⵍ ⵙ ⵡⴰ-ⵢⵢⴰⴹ.ⴰⵙⴰⴳ ⵉⵏⵏⴰ ⵢⴰⵏ ⵓⵙⴻⵍⵡⴰⵢ ⵏ ⵛⵔⴰ ⵏ ⵓⵎⵓⵙⵙⵓ ⴰⵎⵓⵏⴰⵏ ⵉⵙ ⵉⵔⴰ ⴰⴷ ⵉⵙⵙⵉⴽⵙⵍ ⵉⵡⴷⴰⵏ ⵉⴷⴷⴻⵖ ⵍⵓⵍⴰⵏ ⵣⴻⴳ ⵢⴰⵜ ⵜⵢⵓⵜⴰ ,ⵜⵉⵏ « ⵉⴼⴼ » ⴰⵀⴰ ⵓⵔ ⵉⵙⵙⵓⴼⵉⵖ ⴰⵙⴰⴹⵉⴼ ⵉⵜⵜⴻⴳⴷⴰⵍⵏ ⵛⴰ ⴰⴷ ⵉⵣⵣⴻⵏⵣ ⵏⴻⵖ ⴰⴷ ⵉⵙⴻⵖ ⴰⴼⴰⴳⵉⵏ ⵀⴰⵜ ⴰⵔ ⵉⵙⵃⵉⵍⵍⵉⵍ ⵖⵉⴼ ⵉⵖⴼ ⵏⵏⴻⵙ ⴷ ⵖⵉⴼ ⵡⵉ-ⵢⵢⴰⴹ,ⵀⴰⵜ ⴰⵔ ⵉⵖⵎⵎⵓ ⵓⴷⵎ ⵏⵏⴻⵙ ⵙ ⵓⴽⵯⵍⵓ ⴰⴱⵏⴰⴱⴰⴽ ⵏⵏⴰ ⵓⵔ ⴷⴰ ⵜⵜⴰⵛⵣⵏ ⵎⴻⴷⴷⴻⵏ.ⵎⴻⵛ ⴰⴽⵙⵓⵍⵏ ⵉⵡⴷⴰⵏ ⵎⴰⵅ ⴰⴷ ⵉⵍⵉⵏ ⵉⴱⴻⵔⵖⴰⵣⵏ ⵉⵣⵣⴻⵏⵣⴰⵏ ⴰⴼⴰⴳⵉⵏ ⵙ ⵓⵏⴰⵎⴰⵍ ⵏ ⵓⴼⴰⵜⵉⵔ ⴰⵔⴰⵙⵉⵅ ⵏⵙⴻⵏ ?!ⴰⵎⵓⵏ ⵏⵏⴰ ⴳ ⵉⵙⵓⵍ ⵓⴼⵜⵓⵜⵔ ⵀⴰⵜ ⵉⵙⵓⵍ ⵢⵓⴳⵔ ⴷⵉⵙ ⵓⵣⴰⵢⴽⵓ ⴰⵎⴰⵢⵏⵓ.ⴰⵎⵓⵏ ⴰⴳⴻⵔⵡⴰⵍ ⵉⴳⴰ ⵜ ⵡⴰ-ⴷⴷⴰ ⵉⵜⵜⴰⴳⵔ ⴷⵉⵙ ⵓⵎⴰⵢⵏⵓ ⴰⵣⴰⵢⴽⵓ,ⵉⴳⴰ ⵜ ⵡⴰ-ⵏⵏⴰ ⴳⵉⵙ ⵉⵜⵜⵉⵍⵉ ⵓⴼⴰⴳⵉⵏ ⴰⵏⵓⵎⴽⴰ ⵏⵏⴻⵙ,ⴰⴷⴰⵔⵉⴼ ⵏ ⵜⵙⴻⴼⵔⵓⵜ,ⵏ ⵓⵙⵡⵉⵏⴳⵎ,ⵏ ⵓⴼⵍⴰⵙ.ⴰⵎⵓⵏ ⴰⴳⴻⵔⵡⴰⵍ ⵉⴳⴰ ⵜ ⵡⴰ-ⵍⵍⵉ ⵉⵣⴷⴻⵍⵏ ⵉⴼⴻⵔⴷⴰⵙⵏ ⵏⵏⴻⵙ ⴰⴽⵯ ⵎⴰⵢⴷ ⴳⴰⵏ ⵙⵡⴰ ⴷⵔⵓⵙⵏ ⵏⴻⵖ ⴳⴳⵓⴷⵉⵏ.ⴰⵎⵓⵏ ⴰⴳⴻⵔⵡⴰⵍ ⴰⵔ ⵉⵜⵜⴻⵎⵓⵜⵜⵓⵢ ⵙ ⵎⴰⵢⴷ ⵢⵓⴼⵏ ,ⴰⵔ ⵉⵙⴻⴽⴼⴰⵍ ⵙ ⵉⴳⵏⵏⴰ ⵏ ⵓⵖⴷⴰⵎ,ⵜⴰⵣⴰⵅⵎⴰ,ⵜⵉⴳⴳⵓⵔⴳ.ⴰⵎⵓⵏ ⴰⴳⴻⵔⵡⴰⵍ ⴰⵔ ⵉⵙⵜⵉⵍⵍⴻⵢ ⵖⴻⵔ ⴷⴰⵜ ⵓⵔ ⴰⵔ ⵉⵜⵜⵉⵏⴹⴰⵔ.ⴽⵓⴷ ⵉⵜⵜⴻⴷⴷⵓ ⵉⵜⵜⴻⵙⴰⴷⴰⴷ ⵓⵖⴰⵔⴰⵙ ⵏⵏⴻⵙ ⵙ ⵓⵣⵓⵜⴼ ⴰⵙⵓⵏⴰⵏ,ⴰⵔ ⵉⵙⴻⵔⵔⴻⵢ ⴰⴽⴰⵔⵉⵙ ⵏⵏⴻⵙ ⴼⴰⵔ ⵉⵙⴳⴻⵔ ⵜⵓⴷⴻⵔⵜ ⵏ ⵓⵏⵏⵉⵔⵙ ⵉ ⵉⴼⴻⵔⴷⴰⵙⵏ ⵏⵏⴻⵙ.ⵉⵖ ⵉⵍⵍⴰ ⵢⵉⵡⵏ ⵓⴼⴻⵔⴷⴰⵙ ⵓⵔ ⴰⵔ ⴳⵉⵙ ⵉⵜⵜⴰⵛⴻⵢ ⵙ ⵓⵏⵏⵉⵔⵙ ⵀⴰⵜ ⵉⵍⵍⴰ ⴷⵉⵙ ⵛⵔⴰ ⵏ ⵓⵍⵊⵓ.ⴰⵡⴷ ⵢⴰⵏ ⵓⵎⵓⵙⵙⵓ ⴰⵎⵓⵏⴰⵏ ⵓⵔ ⵉⴽⵍⴰⵍ ⴰⴷ ⵉⵜⵜⵓⵙⵏⵓⵎⵍ ⵙ ⵓⴳⴻⵔⵡⴰⵍ ⵅⴰⵙ ⵎⴻⵛ ⵉⵍⴰ ⵢⴰⵜ ⵜⵉⴷⵎⵉ ⵜⴰⵎⴰⵢⵏⵓⵜ ⵏ ⵓⵖⴷⴰⵎ,ⵏ ⵓⵍⴰⵍⵍⵓ ⴷ ⵓⴷⴰⵔⵉⴼ ⵏⵏⴰ ⵓⵔ ⴷⵊⵉⵏ ⵉⵙⵙⵉⵏ ⵡⴰⵎⵓⵏ ⴰⴼⴻⴳⵏⴰⵏ .ⵎⴻⵛ ⵓⵔ ⵜ ⵉⵍⵉ ⵀⴰⵜ ⵓⵔ ⵉⴳⵉ ⵅⴰⵙ ⴰⵎⵓⵙⵙⵓ ⵏ ⵓⵙⴻⵖⵜⵓ ⵏ ⵓⵍⵊⵓⵜⵏ.ⵓⵔ ⴷⵊⵉⵏ ⵉⴳⵉ ⵓⵙⵎⵓⵜⵜⴻⵢ ⵏ ⵓⴼⴻⵏⵜⵔ ⵙ ⵢⴰⵏ ⵓⴷⵎ ⵢⴰⴹⵏ ⵏⵏⴻⵙ ⴰⴳⴻⵔⵡⴻⵍ ⵎⵉⵏⵣⵉ ⴰⴳⴻⵔⵡⴻⵍ ⵉⴳⴰ ⴰⵛⴻⵏⴳⵍ ⵏ ⵓⵢ-ⵍⵍⵉ ⵉⴽⴽⴰ ⵉⵎⵢⴰⵔ ⵜ ⵡⴰⵎⵓⵏ ⵣⵓⵏⴷ ⵉⵙ ⵉⴳⴰ ⵓⴷⵎ ⵓⵢⵉⵡⵏ ⵏ ⵜⵓⴷⴻⵔⵜ,ⵉⴳⴰ ⴰⵛⴻⵏⴳⵍ ⵏ ⵓⵣⴷⴰ ⵉⴽⴽⴰⵏ ⵉⵍⵍⴰ ⴳⴻⵔ ⵓⵏⴻⴱⵖⴰⵖⴰⵔ ⴷ ⵓⵎⴽⵓⵛⵔ.ⵉⵖ ⵉⵙⵓⵍ ⵉⴳⴰ ⵓⵏⴻⴱⵖⴰⵖⴰⵔ ⴰⵍⴼⴰⵖⴰ ⵏ ⵓⵎⴽⵓⵛⵔ ⴰⵙ ⵉⴳⴰⵏ ⴰⴼⴰⵜⵉⵔ ⵀⴰⵜ ⵛⴰ ⵏ ⵓⴳⴻⵔⵡⴻⵍ ⵓⵔ ⵉⵍⵍⵉ,ⵀⴰⵜ ⵓⵔ ⵉⵍⵍⵉ ⵅⴰⵙ ⴰⵙⵎⵓⵜⵜⴻⵢ ⵏ ⵓⵙⴻⴼⵜⵔ ⵓⵙⵔⵉⴷ ⵙ ⵓⵙⴻⴼⵜⵔ ⴰⵔⵓⵙⵔⵉⴷ.,ⴰⵛⴽⵓ ⵉⵍⵍⴰ ⵓⴼⴰⵜⵉⵔ ⵖⵉⴼ ⵎⴻⵏⵏⴰⵡ ⵏ ⵡⵓⴷⵎⴰⵡⵏ.ⴰⴼⴰⵜⵉⵔ ⵏ ⵜⵉⵣⵡⵉⵔⵉ ⵉⵍⴰ ⵜⴰⵢⴼⴼⴰⵔⵜ ⴳ ⵉⴹⴰⵔⵏ ⴷ ⵓⵎⴰⵡⵓⵙ ⴳ ⵉⴼⴰⵙⵙⴻⵏ ⴰⵔ ⵉⵜⵜⵓⵏⵣⴰ ⵖ ⵓⴳⴰⴷⴰⵣ ⴰⵎ ⵓⵎⵓⴷⴰⵔ ,ⴰⵔ ⵜ ⵉⵙⵏⵓⵎⵍ ⵓⴱⴻⵔⵖⴰⵣ ⵙ ⵎⴰⵢⴷ ⵉⴼⵓⵍⴽⵉⵏ ⴼⴰⵔ ⴰⴷ ⵜ ⵉⵣⵣⴻⵏⵣ ⵙ ⵓⵜⵉⴳ ⵓⵏⵣⵉⴼ.ⵉⴷ ⴰⴼⴰⵜⵉⵔ ⵏ ⵓⵍⵡⴰ-ⴷⴷⴻⵖ ⵀⴰⵜ ⴰⵔ ⵉⵜⵜⵓⵏⵣⴰ ⵙ ⵉⵎⵛ ⴰⵔⵓⵙⵔⵉⴷ ⵎⴻⵇⵇⴰⵔ ⵓⵔ ⵉⵍⵉ ⵜⴰⵢⴼⴼⴰⵔⵜ ⴷ ⵓⵎⴰⵡⵓⵙ ⵎⴰⵛⴰ ⵉⴳⴻⵔ ⴰⵙ ⵓⴽⵓⵛⵔ ⴰⵙⴰⵔⵉⴼ ⴳ ⵓⵃⴻⵏⴳⵉ ⵏⵏⴻⵙ ⴰⵎ ⵉⴼⵉⵖⵔ.ⵚ ⵓⵙⴰⵔⵉⴼ ⴷⴷⴻⵖ ⴰⵔ ⵜ ⵉⵙⵙⴻⵛⵏⵓ ⵓⵏⴻⴱⵖⴰⵖⴰⵔ ⴷⴰⵜ ⴰⵙ ⴼⴰⵔ ⴰⴷ ⵉⵏⴻⵢ ⵜⴰⴷⴰⵡⵜ ⵏⵏⴻⵙ ⴰⵀⴰ ⵉⵃⵔⵉ ⵜ ⵙ ⴷⵉ-ⵏⵏⴰ ⵉⵔⴰ.ⵙ ⵓⵣⵍⴰⴹ ⴰⵔ ⵉⵜⵜⴻⵛⵡⴰⴹ ⵓⵏⴻⴱⵖⴰⵖⴰⵔ ⴰⵎⴽⵓⵛⵔ ⴼⴰⵔ ⴰⴷ ⵜ ⵉⵟⴼⵓⵔ ⴰⵎ ⵓⵏⵎⵎⵓⵜⵔ ⵙ ⴷⵉ-ⴷⴷⴰ ⵉⵔⴰ ⴰⵙⵍ ⵏ ⵡⴰⴷ ⵢⵉⵍⵉ ⴰⵎⵓⵔ ⵏⵏⴻⵙ ⴳ ⵜⵉⵎⵎⵓⵣⵡⴰ,ⵜⵉⴳⴳⵓⵔⴳ ⴷ ⵓⴼⵓⵍⴻⵢ.ⵎⴻⵛⵜⴰ ⵏ ⵢⵓⴽ ⵉⵍⴰ ⵜⴰⵡⵓⵔⵉ ⵙ ⴳⴰⵔ ⵓⵜⵉⴳ ⴰⵀⴰ ⵓⵔ ⵉⵣⴹⴰⵔ ⴰⴷ ⵉⵏⵉ ⵓⵀⵓ ⵉ ⵓⵙⵏⵓⵔⴼ ⵉⴷⴷⴻⵖ ⵎⴻⵛ ⵜ ⵉⵏⵏⴰ ⴰⴷ ⵉⵊⵎⴻⴹ ⵜⴰⵡⵓⵔⵉ ⵏⵏⴻⵙ ⴰⵀⴰ ⵜⴻⴳⵔⴰⵥ ⵜ.ⴰⵔ ⵉⵣⵣⴻⵏⵥⵓ ⵜⴰⵡⴻⵏⴳⵉⵎⵜ ⵏⵏⴻⵙ ⵙ ⵓⵙⵓⵙⵎ ⴼⴰⵔ ⴰⴷ ⵢⴰⴼ ⵎⴰ ⵙ ⵉⵜⵜⴰⵡⵖ ,ⴰⴷ ⵓⵔ ⵢⴰⵖ ⴰⵜⴰⵎ ⵏ ⵓⵣⴻⴳⵍⴰⵍ ⵡⴰⵏ ⵉⵍⵎⵜⵔⵉ.ⵓⵔ ⴰⵔ ⴰⵙ ⵉⴳⴳⴰⵔ ⴱⴰⴱ ⵏ ⵜⵡⵓⵔⵉ ⵅⴰⵙ ⴳⴰⵔ ⴰⵍⵉⴽ ⴰⵀⴰ ⵉⵃⴹⵓ ⵜ ⵣⴻⴳ ⵎⴰⵢⴷ ⵉⴳⴰⵏ ⵜⵉⵢⵏⵏⵉⵜ ⵎⴰⵔ ⴰⴷ ⵓⵔ ⵉⵙⵙⵉⵍⴻⵢ ⵜⴰⵖⵓⵏⴼⵉⵜⵜ ⵣⴻⴳ ⵡⴰⴳåⴰ ⵉⵙⵜⵜⵓⵍⵏ ⵏⵏⴰ ⵢⵓⵙⴻⵢ ⵖⵉⴼ ⵉⵖⵉⵔ ⵏⵏⴻⵙ.ⴰⴷⴷⴰⵢ ⵓⵔ ⵍⵍⵉⵏ ⵉⵙⴰⴳⵉⵔⵏ ⴳ ⴰⵎⵓⵏ ,ⴰⵙⴰⴳ ⴷⴰ ⴳⵏⵏⵓⵏ ⵉⵏⴻⴱⵖⴰⵖⴰⵔⵏ ⵉⵎⴰⵡⵏ ⵏ ⵉⵎⴽⵓⵛⵔⵏ ⴼⴰⵔ ⴰⴷ ⵙⵓⵙⵎⵏ ⵖⵉⴼ ⵓⵙⵏⵓⵔⴼ ⵀⴰⵜ ⵉⵙⵓⵍ ⵉⴷⴷⴻⵔ ⵓⵙⴻⴼⵜⵔ ⴳ ⵡⴰⵎⵓⵏ.ⴰⵙⴻⴼⵜⵔ ⵓⵔ ⴷⵊⵉⵏ ⵉⵎⴰⵏ ⴷ ⵓⴳⴻⵔⵡⴻⵍ.ⴳⴰⵏ ⵉⴽⴻⵏⵡⴰⴹⵏ.ⵉⵖ ⵓⵔ ⵉⴳⵉ ⵓⴼⴰⴳⵉⵏ ⴰⴼⵓⵍⴰⵢ,ⴰⵣⵔⴰⵔⴰⴳ,ⴰⵣⴰⵅⵎⴰⵎ ⵀⴰⵜ ⵓⵔ ⵉⴳⵉ ⴰⴳⴻⵔⵡⴰⵍ.ⵎⴰⵃⴻⴷⴷ ⵙⵓⵍ ⵓⴷⵎⴰⵡⵏ ⵏ ⵉⵙⴰⵎⵉⴳⵏ ⴷ ⵜⵉⵙⵉⵎⴰⴳⵉⵏ ⵙ ⵉⵏⵉⵍ ⴰⵏⴻⵎⵜⵓⵜⴰ ⵀⴰⵜ ⵓⵔ ⵏⴻⵏⵏⵉ ⴰⴷ ⵏⴻⵙⵏⵓⵎⵍ ⴰⵎⵓⵏ ⵏⵏⴻⵖ ⵙ ⵓⴳⴻⵔⵡⴰⵍ ⵎⵉⵏⵣⵉ ⴰⴳⴻⵔⵡⴰⵍ ⵉⴳⴰ ⴰⴼⴳⴰⵏ ⵉⵃⴻⵎⵎⴻⵇⵏ ⴰⴷ ⵉⵙⵙⴻⵍⴽⵓ ⴰⴼⴳⴰⵏ ⵢⴰⴹⵏ,ⵉⵃⴻⵎⵎⴻⵇⵏ ⴰⴷ ⵉⴽⴽⴻⵙ ⵢⴰⵏ ⵓⴷⵎ ⵏ ⵓⴼⴰⴳⵉⵏ ⵣⴻⴳ ⵓⴼⴰⴽⵉⵢ ⵏ ⵉⵍⵉ.ⴰⴳⴻⵔⵡⴰⵍ ⵓⵔ ⴰⵔ ⵉⵜⵜⵉⵔⵉ ⵉ ⵉⵖⴼ ⵏⵏⴻⵙ ⴰⴷ ⵢⴰⴳⵔ ⵡⵉ-ⵢⵢⴰⴹ,ⴷⴰ ⵉⵜⵜⵉⵔⵉ ⴰⴷ ⵉⵙⵙⴽⵙⵉⵍ ⴰⵇⵔⵔⵓ ⵏⵏⴻⵙ ⴷ ⵓⵡⴰⵢⵟ,ⵓⵔ ⴷⴰ ⵉⵜⵜⵉⵖⵉⵍ ⵉⵙ ⵜ ⵢⵓⴼ.ⴰⴳⴻⵔⵡⴰⵍ ⴰⵔ ⵉⵜⵜⵉⵙⵉⵏ ⴰⵎⵓⵔ ⵏ ⵓⵙⵎⵓⵏ ⵏⵏⴻⵙ ⴳ ⵉⵍⵉ ,ⵜⵓⴷⴻⵔⵜ,ⵜⴰⵣⴰⵅⵎⴰ,ⵓⴼⵓⵍⵢ ⴷ ⵓⵣⵔⵓⵔⴳ.ⴰⴳⴻⵔⵡⴰⵍ ⵓⵔ ⴰⵔ ⵉⵜⵜⴻⴽⴽⴻⵙ ⴰⵎⵓⵔ ⵉ ⴰⵡⴷⵢⴰⵏ .ⴰⴳⴻⵔⵡⴰⵍ ⵉⴳⴰ ⴰⵙⴻⵍⴼⴰⴳ ,ⴰⵙⵎⴰⵢⵏⴰⵢ ⵓⵔ ⵉⴳⵉ ⴰⵙⵏⴰⵃⵢⴰⵢ.ⴰⴳⴻⵔⵡⴰⵍ ⵉⵍⴰ ⴰⵏⴻⵣⴳⵓⵎ ⵏ ⵡⴰⴷ ⵉⵙⵇⵓⵣⵣⵔ ⴰⵎⴰⴽ ⵏ ⵓⴼⴳⵓⴳⵏ ⴰⵛⴽⵓ ⵓⵔ ⴷⵊⵉⵏ ⵉⵔⵉ ⵉ ⵓⴼⴰⴳⵉⵏ ⵜⵉⵣⵣⵓⴷⵔⴰ ⵓⵔ ⴰⵙ ⵉⵔⵉ ⵅⴰⵙ ⵜⵉⵊⵊⵓⴳⵍⴰ.
ⴰⵙⴻⴼⵔⵓ ⵏ ⵉⵡⴰⵍⵉⵡⵏ ⵙ ⵜⴰⵎⵏⵏⵉⴷⴰ ⵏⵙⴻⵏ ⴳ ⵉⵍⵙ ⴰⴼⵔⴰⵏⵙⵉⵙ :
- ⴰⴳⴻⵔⵡⴰⵍ :Le révolté.
- ⴰⴷ ⵉⵙⴻⵔⵜⵍ :Fonder.
- ⴰⵙⴻⵏⴱⴰⵛ:Le chercheur.
- ⴰⴷ ⵉⵣⵓⵜⴼ:Découvrir.
- ⴰⴷ ⵉⵛⴻⵏⴳⵍ:Renverser.
- ⴰⴷ ⵉⴼⵍⴻⵙ:Croire.
- ⴰⵙⴰⵏⴰⴹ:Le système.
- ⴰⵙⴻⴼⵜⵔ:L’esclavage.
- ⴰⵏⴻⴷⴳⴰⴳⴰⵔ: Proposé pour le capitaliste.
- ⴰⵖⴻⴼⵣⴰⵣⴰⵔ:Proposé pour le capitaliste.
- ⴰⴷ ⵉⵙⵙⴻⵜⵔⴻⵙ:Fonder.
- ⴰⵏⴻⵎⵍⴰⵍⴰⵢ:Le socialiste.
- ⵉⵖⴻⵣⵡⴻⵔ:L’univers.
- ⴰⴷ ⵉⵙⵏⵉⵍ:Se presenter.
- ⴰⴷ ⵉⵙⵙⵉⴽⵙⵉⵍ:Egaliser.
- ⴰⴷ ⵉⵙⵙⴻⵍⴼⵓⴼⵃ:Déraciner.
- ⵉⵙⵓⵍⴰⵎ:Les raciness profondes.
- ⴰⴷ ⵉⵙⵙⴻⵜⵔⴻⵙ:Fonder.
- ⴰⵍⴰⵢⵉⴹ:Le venin.
- ⵙ ⵓⴷⵡⴰⵍ:Vraiment.
- ⴰⵍⵉⴹ:Toujours.
- ⴰⴷ ⵉⵙⵜⵉⵍⵍⴻⵢ ⵖⴻⵔ ⴷⴰⵜ :Avancer.
- ⵜⵉⴷⵎⵉ:La conception.
- ⴰⴷⴰⵢⵉⵏ:L’Histoire.
- ⴰⵏⴰⵙⵉⵢ:La tradition.
- ⴰⵎⴰⵢⵉⵔ:L’ habitude.
- ⴰⵡⴰⵏⵉⴽ:L’état.
- ⵜⴰⵢⵓⵜⴰ:L’utérus.
- ”ⵉⴼⴼ”:Eve.
- ⴰⴼⴰⴳⵉⵏ:L’homme.
- ⴰⴱⵏⴰⴱⴰⴽ:Sombre.
- ⵉⴱⴻⵔⵖⴰⵣⵏ:Les courtiers.
- ⴰⴼⴰⵜⵉⵔ:L’esclave.
- ⴰⵔⴰⵙⵉⵅ:Le gain.
- ⴰⴼⵜⵓⵜⵔ:L’esclavagisme.
- ⴰⵏⵓⵎⴽⴰ:La dignité.
- ⴰⴷⴰⵔⵉⴼ:La liberté.
- ⴰⴷ ⵉⵣⴷⴻⵍ:Couver.
- ⴰⴷ ⵉⵙⴻⴽⴼⵍ:Monter les marches.
- ⵜⴰⵣⴰⵅⵎⴰ :La dignité.
- ⴰⴷ ⵉⵜⵜⵉⵏⴹⴰⵔ:Reculer.
- ⴰⵣⵓⵜⴼ:La découverte.
- ⴰⵔ ⵉⵙⴻⵔⵔⴻⵢ:Défaire.Résoudre.
- ⴰⴷ ⵉⵙⴳⴻⵔ:Garantir.
- ⴰⵏⵏⵉⵔⵙ:La sécurité.
- ⴰⵔ ⵉⵜⵜⴰⵛⴻⵢ:Au sens de sentir.
- ⴰⵍⵊⵓ:Panne.Faille.
- ⴰⴷ ⵉⴽⵍⴻⵍ:Mériter.
- ⴰⴼⴻⵏⵜⵔ:La tyranie.
- ⵓⵢⵉⵡⵏ:Unique.
- ⴰⵏⴻⴱⵖⴰⵖⴰⵔ:Le richard.
- ⴰⵎⴽⵓⵛⵔ:Le misérable.
- ⴰⵍⴼⴰⵖⴰ:Chez les touaregues le seigneur.
- ⴰⵙⴻⴼⵜⵔ:L’asservissement.
- ⵓⵙⵔⵉⴷ:Direct.
- ⴰⵔⵓⵙⵔⵉⴷ:Indirect.
- ⵓⵏⵣⵉⴼ:Cher(Le prix).
- ⵜⴰⵢⴼⴼⴰⵔⵜ:Le cadenas.
- ⴰⵎⴰⵡⵓⵙ:La menotte.
- ⴰⵍⵡⴰ:Le présent.
- ⴰⴽⵓⵛⵔ:La misère.
- ⴰⵙⴰⵔⵉⴼ:tasrrift :La corde au cou de chien par exemple.
- ⴰⵃⴻⵏⴳⵉ:Le cou.
- ⴰⵔ ⵉⵜⵜⴻⵛⵡⴰⴹ :Fouetter.
- ⴰⵏⵎⵎⵓⵜⵔ:Le chien de garde.
- ⵜⵉⵎⵎⵓⵣⵡⴰ:La dignité.
- ⴰⴼⵓⵍⵢ:L’indépendance.
- ⴰⵙⵏⵓⵔⴼ:L’iniquité.
- ⴰⴷ ⵉⵊⵎⴻⴹ:Perdre.
- ⴰⵟⴰⵎ:La marge.
- ⴰⵣⴻⴳⵍⴰⵍ:Le boulevard.
- ⵉⵍⵎⴻⵜⵔⵉ:Le mendiant.
- ⴰⵍⵉⴽ:Le salaire.
- ⴰⴷ ⵉⵙⵙⵉⵍⴻⵢ ⵜⴰⵖⵓⵏⴼⵉⵜⵜ:Se soulager d’après Mr.Ahmed Haddachi.
- ⵉⵙⴰⴳⵉⵔⵏ:Les garanties.
- ⵉⴽⴻⵏⵡⴰⴹⵏ:Contradictoires.
- ⴰⴼⵓⵍⴰⵢ:L’indépendant.
- ⴰⵣⵔⴰⵔⴰⴳ:Le libre selon Mr.Haddachi Ahmed.
- ⴰⵣⴰⵅⵎⴰⵎ:Digne.
- ⴰⵙⴰⵎⵉⴳ:L’esclave.
- ⵉⵏⵉⵍ:La couleur.
- ⴰⵏⴻⵎⵜⵓⵜⴰ:Contemporain.
- ⵉⵃⵎⵎⴻⵇ:Ne pas consenter.
- ⴰⴼⴰⴽⵉⵢ:Le tableau.
- ⴰⴷ ⵉⵙⵙⵉⴽⵙⵍ :Egaliser.
- ⴰⵡⴰⵢⵟ:L’autre.
- ⴰⵙⴻⵎⵢⴰⵏⴰⵢ:Le rénovateur.
- ⴰⵙⵏⴰⵃⵢⴰⵢ:Discriminant.
- ⴰⴷ ⵉⵙⵇⵓⵣⵣⵔ:Approfondir.
- ⴰⴼⴳⵓⴳⵏ:L’humanisme.
- ⵜⵉⵣⵣⵓⴷⵔⴰ:La bassesse.
- ⵜⵉⵊⵊⵓⴳⵍⴰ:L’hautesse.
ⴰⵖⴰⵣⴰⴼ ⵎⵓⵃⵎⵎⴰⴷ ⴰⵙⵙ ⵏ 31 /12/2961 ⵉⵎⵙⴰⵙⴰⵏ ⴷ 31/12/2011.
 |
