Acengaman, l’ennemi de soi même en caractère Tifinagh

ⴰⵛⴻⵏⴳⴰⵎⴰⵏ

       ⴰⵛⴻⵏⴳⴰⵎⴰⵏ ⵉⴳⴰ ⴰⵛⴻⵏⴳⵓ ⵏ ⵉⵖⴼ ⵏⵏⴻⵙ.ⴰⵛⴻⵏⴳⴰⵎⴰⵏ ⵉⴳⴰ ⴰⴱⴰⴽⵉⵛ ⴰⵔ ⵢⴰⵏ ⵓⴼⴰⵙⵉⵏ ⴰⵎⴰⵊⵊⴻⵢⴰⵍ ⵉⴷⴷⴻⵖ ⵓⵔ ⵉⴼⵔⵉⴽ ⵉ ⵎⴰⵢⴷ ⴰⵙ ⵜⵜⵉⵏⵉⵏ ⵉⵣⴻⵏⴳⴰ ⵏⵏⴻⵙ.ⴰⵢ-ⵏⵏⴰ ⴰⵙ ⵏⵏⴰⵏ ⴰⵔ ⴰⵙ ⵉⵜⵜⴰⵍⵙ ⴰⵎ ⵡⴰⴽⵓ.ⵉⴽⴽⴰ ⵢⴰⵏ ⵓⵛⴻⵏⴼⴰⵛ ⴰⵖⴻⵔⴷⴰⵏ ⵉⵏⵏⴰ ⴷⴰⵜ ⵢⴰⵜ ⵜⴻⴳⵔⵓⵎⵎⴰ ⵏ ⵉⵙⴻⵍⵎⴰⴷⵏ ⵏ ⵉⵍⵙ ⴰⵄⵔⴰⴱ ⴳ ⵜⵉⴳⵉⵔⴰ ⵏ ⵡⵓⵙⵙⴰⵏ ⵏ ⵓⵙⴻⴽⵔⴻⵢ ⵖⵉⴼ ⵓⵙⵓⵏⴳⵎ ⵏ ⵓⵙⵉⴽⵎ,ⵉⵏⵏⴰ ⵉⵙ ⵓⵔ ⵉⵍⵍⵉ ⴳ ⵜⵎⴰⵣⵉⵔⵜ ⵏⵏⴻⵖ ⵅⴰⵙ ⵙⵉⵏ ⵉⵍⵙⴰⵡⵏ ⵉⵏⴰⵎⴰⵢⵏ ⴰⵎⴰⵣⵉⵖ ⴷ « ⵓⴷⴰⵔⵉⵊ » ⵏⴻⵖ ⵉⵍⵙ ⴰⵎⴰⵣⵉⵖ-ⴰⵄⵔⴰⴱ ⵉⵛⵛⴰⵔⵏ . ⵎⴰⵛⴰ ⵉⵙⴰⵡⵍ ⴷⵉⵖ ⴼ ⵓⵎⵍⴰⵙⴰⵢ ⴳⴻⵔ ⵡⴰⵍⵙⵉⵡⵏ ⴰⵀⴰ, ⵖ ⵓⵏⵛⴽ ⵏ ⵡⴰⵡⴰⵍ ⵏⵏⴻⵙ, ⵜⴻⴷⴷⴰ ⵜⵎⴰⵣⵉⵔⵜ ⵏⵏⴻⵖ ⴰⴷ ⵜⴰⵖ ⵢⴰⵏ ⵓⵅⴰⵔⴰⵔ ⵏⵏⴰ ⵓⵔ ⵜⴻⵏⵏⵉ ⴰⴷ ⴰⵙ ⵜⴰⵏⴼ ⵛⵔⴰ ⵏ ⵡⴰⵏⴰⴼ.ⵉⵣⵓⴱⴷⴰ ⴰⵡⴰⵍ ⵏⵏⴻⵙ ⴰⵀⴰ ⵉⵣⴷⴻⵢ ⴰⵎⵍⴰⵙⴰⵢ ⴷⴷⴻⵖ ⴷ ⵡⴰⵏⴰⴹ « ⴰⴱⴻⵔⴱⴰⵔ »ⴷⴷⴰ ⵜⴻⵙⵙⵓⴼⵖ ⴼⵔⴰⵏⵙⴰ ⵎⴰⵔ ⴰⴷ ⵜⴻⴱⴹⵓ ⴳⴻⵔ ⵉⵎⴻⵣⴷⴰⵖ ⵏ ⵜⵎⴰⵣⵉⵔⵜ ⵏⵏⴻⵖ.ⵉⴼⴻⵏⵥⴻⵢ ⵉⵙ ⵉⴳⴰ ⴰⵎⴰⵣⵉⵖ ⴷⴰⵜ ⵏ ⵡⴰⴷ ⵉⵙⴰⵡⵍ ⴼⴼⵉⵔ ⵎⴰⵢⴷ ⵉⵙⵎⴻⴷ ⵢⴰⵏ ⵓⵙⴻⵍⵎⴰⴷ ⴰⵡⴰⵍ ⵏⵏⴻⵙ ⴼ ⵓⵏⵓⴽⵊⵎ ⵉⵍⵍⴰⵏ ⴳⴻⵔ ⵉⵍⵙ ⴰⵎⴰⵣⵉⵖ ⴷ ⵓⵄⵔⴰⴱ .ⵏⴻⵜⵜⴰ ⵉⵜⵜⴻⵢⴰⵙⵙⴻⵏ ⴱⴻⵣⵣⴰⴼ ⵉⵙ ⴰⵔ ⵉⴽⴽⴰⵜ ⵖⵉⴼ ⵜⴻⵄⵔⴰⴱⵜ ⵓⴳⴳⴰⵔ ⵏ ⵉⵜⵙⵏ ⵉⵙⵎⵓⵏ ⵏⵏⴻⵙ ⵏ ⵜⵡⵓⵔⵉ ⵏⵏⴰ ⴷⴰ ⵜⵜⵉⵖⵉⵍⵏ ⵉⵙ ⴳⴰⵏ ⵉⵄⵔⴰⴱⵏ ⵉⵔⴻⵚⵍⵉⵢⵏ ,ⴰⵀⴰ ⴰⵔ ⵉⵙⵙⵉⴷⵉⵔ ⵉⵡⴰⵍⵉⵡⵏ ⵉⵇⴻⴱⵔⴰⵏ ,ⵜⵉⵙⴻⴼⵔⴰⵜⵉⵏ ⵜⵉⵎⵃⴰⵢⵍⵉⵏ ⵏⵏⴰ ⵜⵜⵓⵏ ⵡⵉ-ⵍⵍⵉ ⵍⴻⵎⴷⵏ ⵉⵍⵙ ⴰⵄⵔⴰⴱ ⴳ ⵓⵖⴻⵔⴱⴰⵣ.ⴰⵔ ⵉⵣⵣⵉⵣⴷⵉⴳ ⴰⵡⴰⵍ ⵏⵏⴻⵙ ⵣⴻⴳ ⵉⵡⴰⵍⵉⵡⵏ ⵉⵜⵜⴻⵏⵢⵓⴷⴷⵓⵏ ⵖ ⵉⵍⵙ ⴰⵄⵔⴰⴱ ⵉⴽⴽⴰⵏ ⴰⵖⴱⴰⵍⵓ ⴰⴼⴰⵔⵉⵙⵉⵢ.ⵢⵓⴳⴻⵢ « ⴰⵜ-ⵜⵍⵉⵎⵉⴷⵓ »ⴰⵀⴰ ⵢⴰⵔⵓ ⵅ ⵜⵉⴼⴼⴻⵍⵜ ⵢⴰⵏ ⵡⴰⵡⴰⵍ ⵢⴰⴹⵏ ⵓⵔ ⵉⵜⵜⴻⵢⴰⵙⵙⴻⵏ.ⴰⴷⴷⴰⵢ ⵉⴽⴽ ⵖⵓⵔ ⵛⴰ ⵏ ⵓⵙⴻⵍⵎⴰⴷ ⴰⵔ ⴰⵙ ⵉⵣⴻⵔⵔⵓ ⵓⴳⵓⵍⵏ ⵏ « ⴰⵍ ⵀⴰⵎⵣⴰ »ⴰⵎⵎ ⵉⵙ ⴷⴰ ⵉⵣⴻⵔⵔⵓ ⵜⵉⵅⵅⵓⵛⵉⵏ.ⴰⵙⴰⴳ ⵉⵙⵙⴻⵖⵜⵓ ⵉⵏⴰⵛⵉⵔⵏ ⵏ ⵓⴽⴰⵢⵉⴷ ⵓⵔ ⴰⵔ ⵉⵜⵜⴻⵃⴹⵓ ⵅⴰⵙ ⵉⴷ « ⴰⵍ ⵀⴰⵎⵣⴰ ».Mⴰⵢⴷ ⴰⵖ ⵉⴽⵯⵎⴰⵏ ?ⴰⴷ ⵉⵊⴻⵇⵍⴻⵃ ⵉⵎⵛⵉ ⴷⴷⴰ ⵉⵔⴰ ⴳ ⵓⵙⴻⵍⵎⴷ ⵏ ⵉⵍⵙ ⴰⵄⵔⴰⴱ ⵅⴰⵙ ⴰⴷ ⵓⵔ ⵉⵣⴷⵉ ⴰⵎⵓⵙⵙⵓ ⴰⴷⴻⵍⵙⴰⵏ ⴰⵎⴰⵣⵉⵖ ⴷ ⵡⴰⵏⴰⴹ « ⴰⴱⴻⵔⴱⴰⵔ »ⴷ ⵓⵙⴰⵔⵉⵜ ⵏ ⴼⵔⴰⵏⵙⴰ.ⵓⵔ ⵉⴼⵔⵉⴽ ⵓⵛⴻⵏⴳⴰⵎⴰⵏ ⵙ ⵡⴰⵏⴰⴹ ⴷⴷⴻⵖ ⴷ ⵓⴳⴰⴱⵉⵔ ⵏⵏⴻⵙ.ⵓⵔ ⵉⵙⵙⵉⵏ ⵉⵙ ⵉⴳⴰ ⴰⵙⴽⵓⵙⵏ ⵏ ⴼⵔⴰⵏⵙⴰ ⵙ ⵉⵣⴻⵔⴼⴰⵏ ⵏⵏⴰ ⴽⴽⴰⵏ ⵉⵎⴰⵣⵉⵖⵏ ⴰⵔ ⵉⵙⵏ ⴼⴻⵔⵔⵓⵏ ⵉⵙⴰⵔⵉⴹⵏ ⵏⵙⴻⵏ ⵣⴻⴳ ⴱⵉⵙⴻⵎⴷⵉ ⴰⵔ ⵓⴼⴰⵔⵉⴽ ⵏ ⵓⵙⴷⵓⵔⵔⴻⵢ ⴰⵙⴱⴰⵏⵉⵢ ⴷ ⵓⴼⵔⴰⵏⵙⵉⵙ,ⵉⵙ ⵓⵔ ⵉⴳⵉ ⵅⴰⵙ ⴰⵙⴻⵎⴷⵔ ⵏ ⵓⵏⴰⴱⴰⴹ ⴰⴼⵔⴰⵏⵙⵉⵙ ⵉ ⵜⵉⴼⴰⴷⵉⵡⵉⵏ ⵏ ⵓⵎⵖⴰⵔ ⵄⴻⵙⵙⵓ ⵓⴱⴰⵙⵍⴰⵎ ⵎⴰⵔ ⴰⴷ ⵓⵔ ⵉⵜⵜⴻⵣⵓⴱⴷⵓ ⴳ ⵓⴱⵍⵍⴻⵏ .ⵓⵔ ⵉⵙⵙⵉⵏ ⵓⴱⴰⴽⵉⵛ ⵉⵙ ⴽⴽⴰⵏ ⵉⵎⴰⵣⵉⵖⵏ ⵎⵢⴰⵔⵏ ⴰⵙⵔⴰⴹ ⵙ ⵉⵣⴻⵔⴼⴰⵏ ⵏⵙⴻⵏ ⵉⵜⵜⴻⵢⴰⵔⴰⵏ ⵏⴻⵖ ⵓⵜⵍⵉⵢⵏ,ⵉⵙ ⵓⵔ ⴷⵊⵉⵏ ⴱⴱⵉⵏ ⵉⵖⵉⵍ ⵏ ⵉⵎⵉⴽⵔ ⵡⴰⵍⴰ ⵏⵖⴰⵏ ⴰⵏⴻⴹⵍⴰⴱ,ⵉⵙ ⴰⵔ ⵙⵙⴻⴼⴳⴰⵔⵏ ⵡⵉ-ⵍⵍⵉ ⵉⵃⵓⵣⴻⵔⴼⵏ ⵙ ⵉⵣⵎⴰⵣ,ⵉⵙ ⵛⴻⴱⴱⴻⵔⵏ ⵙ ⵉⵍⵙ ⵏⵙⴻⵏ,ⴰⴷⴰⵍⵉⵙ ⵏⵙⴻⵏ,ⵉⵎⴰⵢⵉⵔⵏ ⵏⵙⴻⵏ ⴷ ⵉⵏⴰⵙⵉⵢⵏ ⵏⵙⴻⵏ ⵣⵉ ⴽⵓⴷ ⵍⵍⴰⵏ,ⵉⵙ ⵓⵔ ⵙⵙⵉⵏ ⵅⴰⵙ ⵜⴰⵥⴰⵍⵍⵉⵜ,ⵓⵥⵓⵎ ⴷ ⵓⵚⴻⵎⴷⴽ.ⵉⴳⴰ ⴰⵎ ⵡⴰⴷⴷⴻⵖ ⴰⵛⴻⵏⴳⴰⵎⴰⵏ ⵉⴷⴷⴻⵖ ⴰⵔ ⵉⵜⵜⴻⵔⴰⵔⴰ ⵎⴰⵢⴷ ⴰⵙ ⵉⵏⵏⴰ ⵓⵛⴻⵏⴳⵓ ⵏⵏⴻⵙ ⴰⵙⵍ ⵏ ⵡⴰⴷ ⵉⵙⴻⵎⵔⴰⵔⴰ ⴰⵡⴰⵍ ⴼⴰⵔ ⴰⴷ ⵢⵉⵙⵉⵏ ⵎⴰ ⴰⵙ ⵉⵜⵜⴻⴷⴷⵓ.ⵉⴳⴰ ⴰⵛⴻⵏⴳⴰⵎⴰⵏ ⵎⴻⵇⵇⴰⵔ ⵉⴽⴽⴰ ⵉⵏⵏⴰ ⵉⵙ ⵉⵍⵙ ⵏ ⴽⵓ ⴰⵎⴰⴷⵉⵏ ⴰⵢⴷ ⵉⴳⴰⵏ ⵜⴰⵎⴰⵜⴰⵔⵜ ⵏ ⵉⵍⵉ ⵏⵏⴻⵙ ⴷ ⵓⴷⵓⵔ ⵏⵏⴻⵙ.ⴰⵛⴻⵏⴳⴰⵎⴰⵏ ⴰⵔ ⵉⵜⵜⴻⵅⴻⵏⵏⴰⴼ ⵉ ⵉⵍⵙ ⵏⵏⴻⵙ,ⵉ ⵉⵍⵉ ⵏⵏⴻⵙ ⴷ ⵜⵓⴷⴻⵔⵜ ⵏⵏⴻⵙ ⴰⵀⴰ ⵓⵔ ⵉⵙ ⵉⴼⵔⵉⴽ.ⵉⴳⴰ ⵜ ⴰⵡⴷ ⵡⴰ-ⵍⵍⵉ ⵉⵜⵜⵉⵏⵉⵏ ⵓⵔ ⴷ ⵢⵓⵙⵉ ⵉ ⵜⵎⴰⵣⵉⵖⵜ ⵅⴰⵙ ⴰⴷⴰⵍⵉⴼ ⴰⵄⵔⴰⴱ ⵏⴻⵖ ⴰⵍⴰⵜⵉⵏ,ⵉⵙ ⵓⵔ ⵜⴳⵉ ⵜⴼⵉⵏⴰⵖ ⵅⴰⵙ ⵓⴷⵎ ⵏ ⵓⴳⵓⵏⵥⵓ ⵉⵙⴳⵓⵏⵥⵓⵏ ⵉⵍⵙ ⴰⵎⴰⵣⵉⵖ ⴰⵔⴷ ⵉⴳ ⴰⵡⴰⵍ ⵏ ⵉⵎⴻⵣⴷⴰⵖ ⵏ ⵉⴼⵔⴰⵏ !!ⴰⵛⴻⵏⴳⴰⵎⴰⵏ ⵓⵔ ⵉⴼⵔⵉⴽ ⵉⵙ ⵜⵉⴼⵉⵏⴰⵖ ⴳⴰⵏⵜ ⵉⵙⴰⴽⵉⵍⵏ ⵉⴳⴻⵍⵙⴰⵏ ⵏ ⵉⵍⵙ ⴰⵎⴰⵣⵉⵖ ⵏⵏⴰ ⵓⴼⴰⵏ ⵉⵙⴻⵏⵖⴰⵣ ⴷⴷⴰⵡ ⵡⵓⵣⵓⵔ ⵏ ⵡⴰⵛⴰⵍ .ⵓⵔ ⵉⴼⵔⵉⴽ ⵉⵙ ⴰⵔ ⵉⵙⵙⴰⵎⴰⴽ ⵓⵢ-ⴰ ⵉⵙ ⵉⴽⴽⴰ ⵓⵎⴰⴷⵉⵏ ⴰⵎⴰⵣⵉⵖ ⴰⵔ ⵉⵜⵜⵓⵔⵓ ⵙ ⵜⴼⵉⵏⴰⵖ ⵣⵉ ⴽⵓⴷ ⵉⵍⵍⴰ ⴰⵀⴰ ⵉⵣⵔⴻⵢ ⵉⴷⴰⵔⵉⵣⵏ ⵏⵏⴻⵙ ⵖ ⵓⴳⴰⴼⴰⵢ ⵏ ⵓⴼⴰⵔⵉⴽ,ⵉⵙ ⵉⴷⴷⴰ ⵉⵣⵔⵉ ⵜ ⵣⵉ ⴽⵓⴷ ⵉⴼⵍⴻⵙ ⵙ ⵓⵙⴰⵖⵉⵏ ⴰⵙⴻⵍⵎⴰⵏ ⵉⴷⴷⴻⵖ ⵉⴽⴽⴰ ⴰⵔ ⵉⵜⵜⵉⵖⵉⵍ ⵉⵙ ⵉⴼⵓⵣⵍ ⵓⵙⴰⴽⵉⵍ ⵏⵏⴰ ⵙ ⵉⵜⵜⴻⵢⴰⵔ ⵉⵍⵙ ⴰⵄⵔⴰⴱ ⵉⵙⵙⴻⵍⴽⵎⵏ ⴰⵣⴰⵏ ⵏ ⵓⵛⴰⵎⵉⵏ ⵏ ⵉⵏⴻⵙⵍⴰⵎⵏ .ⴰⵛⴻⵏⴳⴰⵎⴰⵏ ⴰⵔ ⵉⴽⴽⴰⵜ ⵉⵖⴼ ⵏⵏⴻⵙ ⵙ ⵉⴼⴰⵙⵙⴻⵏ ⵏ ⵉⵛⴻⵏⴳⴰ ⵏⵏⴻⵙ ⴰⵍⵍⴻⵢ ⵉⵎⵓⵜⵍ ⴳⴻⵔ ⴰⵙ ⴷ ⵓⵎⴷⴷⴰⴽⵯⵍ ⵏⵏⴻⵙ.ⴰⵛⴻⵏⴳⴰⵎⴰⵏ ⵉⴳⴰ ⴰⴱⴰⴽⵉⵛ,ⴰⴽⵓⴼⴰⴹ.ⴰⵛⴻⵏⴳⴰⵎⴰⵏ ⵓⵔ ⵉⵍⵉ ⵜⴰⵡⴻⵏⴳⵉⵎⵜ ⵎⴰ ⵙ ⵉⵜⵜⴻⵅⴻⵎⵎⴰⵎ ⴳ ⵉⵡⴰⵍⵉⵡⵏ ⵏ ⵉⵣⴻⵏⴳⴰ ⵏⵏⴻⵙ.ⴷⵉ-ⵏⵏⴰ ⴽⴽⴰⵏ ⵡⵉ-ⴷⴷⴻⵖ ⴰⵔ ⵜⴻⵏ ⵉⵟⴼⴼⵓⵔ ⴰⵎ ⵉⵎⵓⵍⴰ ⵏⵙⴻⵏ.ⵉⴳⴰ ⵜ ⴰⵡⴷ ⵡⴰ-ⵍⵍⵉ ⵉⵔⴰⵏ ⴰⵣⵉⵎⵣ ⵏ ⵉⵍⵙ ⴰⵎⴰⵣⵉⵖ ⴼ ⵜⵉⴷⵎⵉ ⵏ ⵉⵍⵙ ⴰⵄⵔⴰⴱ.ⴰⵢ-ⵏⵏⴰ ⵏⵏⴰⵏ ⵉⵄⵔⴰⴱⵏ ⴰⵔ ⵜ ⵉⵜⵜⴰⵍⵣ ⵙ ⵜⵎⴰⵣⵉⵖⵜ ⴰⵙⵍ ⵏ ⵡⴰⴷ ⵉⵙⵡⵉⵏⴳⵎ ⴳ ⵡⴰⴱⵓⴹ ⵏ ⵉⵍⵙ ⴰⵎⴰⵣⵉⵖ .ⴽⵓⴷ ⵉⵙⵏⵉⴽⴽⵉⵍ ⵓⵄⵔⴰⴱ ⴼ ⵉⵍⵙ ⴰⴼⵔⴰⵏⵙⵉⵙ ⵏⴻⵖ ⴰⵏⴻⴳⵍⵉⵣ ⴼⴰⵔ ⴰⴷ ⵉⵙⵏⴻⴱⴱⵔ ⵉⵍⵙ ⵏⵏⴻⵙ ⴰⵔ ⵉⵟⴼⴼⵓⵔ ⵓⵛⴻⵏⴳⴰⵎⴰⵏ ⴰⴷⴰⵔⵉⵣ ⵏⵏⴻⵙ ⴼⴰⵔ ⵉⵣⵣⵉⵎⵣ ⵉⵍⵙ ⵏⵏⴻⵙ ⴰⵔⴷ ⵓⵔ ⵢⵓⴼⵉ ⴰⵔ ⵉⵜⵜⵉⵏⵉ ⵙ « ⵚⵚⵉⴼⵜ ⵉⵄⵓⵎⵎⴰⵏ »ⵎⴰⵔ ⴰⴷ ⵓⵔ ⵉⵅⵎⵎⴻⵎ ⵉⵎⵉⵇ ⴰⵀⴰ ⵢⴰⴼ ⵉⵙ « ⵉⴽ »ⵏⴻⵖ « ⵉⵎⵛ » ⴰⵢⴷ ⵉⴳⴰⵏ ⵜⵎⵏⵏⵉⴷⴰ ⵏ ⵜⴰⵡⴰⵍⵜ ⵜⴰⴼⵔⴰⵏⵙⵉⵙⵜ ⵉⴳⴰⵏ ⴰⴷⴰⵢ ⵉ ⵜⵙⴻⴼⵔⵓⵜ ⵜⴰⵄⵔⴰⴱⵜ « ⴼⴰⵚⵓⵏ »ⵏⴻⵖ « ⵎⴰⵏⵢⴻⵔ » ⴰⵀⴰ ⵢⵉⵏⵉ ⵙ ⵉⴽ ⴰⵎⴰⵜⴰⵏ ⵏⴻⵖ ⵙ ⵉⵎⵛ ⴰⵎⴰⵜⴰⵏ.ⴰⵛⴻⵏⴳⴰⵎⴰⵏ ⵉⴳⴰ ⴰⵎ ⵡⴰ-ⵍⵍⵉ ⵉⵜⵜⵓⵜⵏ ⵙ ⵜⵉⵜⵉ ⵉⵙⵇⴻⵔⵇⴰⵛⵏ ⴰⵍⵍⴻⵏ ⴰⵀⴰ ⴰⵔ ⵉⴽⴽⴰⵜ ⵉⵖⴼ ⵏⵏⴻⵙ ⵙ ⵓⴼⵓⵙ ⵏⵏⴻⵙ ⴽⵓⴷ ⵉⵔⴰ ⵓⵅⵉⵜⵉ ⵏⵏⴻⵙ ⴰⴷ ⵉⵔⴰⵔ ⵜⵉⵜⵉ ⵉ ⵓⵛⴻⵏⴳⵓ ⵏⵏⴻⵙ.ⴰⵛⴻⵏⴳⴰⵎⴰⵏ ⵉⴳⴰ ⴰⵙⴷⴰⵔⵎⴰⵏ.

  ⴰⵣⵎⴰⵣⵣⴻⵖ ⵏ ⵉⵡⴰⵍⵉⵡⵏ ⵉⵎⴰⵣⵉⵖⵏ ⵙ ⵉⴼⵔⴰⵏⵙⵉⵙⵏ:

• acengaman :L’ennemi de soi même.
• abakic:Le naïf.
• acenfac:L’inspecteur.
• averdan :L’excellent.
• aku :Le perroquet
• ifrek:Etre conscient.
• asekrey:La formation.
• asungm:La pédagogie.
• asikm:L’intégration.
• anamay :Maternel.
• amlasay:La lutte.
• v uncek :Selon.
• axarar :taxrrart :Le remous.
• anaf :L’issue.
• iqebran:Anciens.
• impayeln :ampayl:Au sens figure antiques et  presque périmés
• ad ijeqlep :Préciser.
• bisemdi :Jadis.
• izubda:Continuer.
• ifenÇey :Dire franchement.
• anaÄ :Le décret.
• asarit :La politique.
• askusn :Proposé pour la reconnaissance.
• agabir :Le contenu.
• ad izzizdg :Purifier.
• yugey:Refuser.
• tiffelt :Le tableau.
• areÃliy :Original.
• ad issevtu:Corriger.
• uguln :Les erreurs.
• inacirn:Les papiers.
• akayid :L’examen.
• ar izerru tixxucin :Chercher et tuer les poux.
• agabir :Le contenu.
• asariÄ :Le litige.
• asemdr :La réaction.
• tifadiwin :Les conditions.
• abllen :La lutte ,la résistance.
• utliyn:Oraux.
• ad ipuzref : Proposé pour dire :violer le droit.
• ad issefgr:Sanctionner.
• aneÄlab:L’assassin.
• ad ifles:Croire.
• asavin:La religion.
• ad ifuzl :Etre sacré.
• ad imutl :Etre stupéfait.
• azimz:Le développement.
• imayirn:Les habitudes.
• inasiyn :Les traditions.
• aÃemÄk:Le fait de donner la charité.
• amadin:Le peuple.
• ar ittexennaf :S’opposer dans le mauvais sens.
• adalif:La graphie.
• agunÇu:Le sous-développement.
• igelsan:Antiques.
• isenvaz:Les archéologues.
• tidmi :La conception.
• Agafay n ufarik :Le nord de l’Afrique.
• afarik :L’étape.
• ar ittalz :Traduire.
• ar isnikkil:Compter sur.
• azur:La surface.
• ar isqerqac:Eblouir.
• asdarman : L’autocolonisateur.

    ⴰⵖⴰⵣⴰⴼ ⵎⵓⵃⴰⵎⵎⴻⴷ ⴰⵙⵙ ⵏ 10 /11/ 2061 ⵉⵎⵙⴰⵙⴰⵏ ⴷ 10 Novembre 2011-11-10.