ⴰⵙⵎⴻⵏⴷⴻⵡ ⵏ ⵜⵏⴻⵜⵜⵉⵜ ⵜⴰⵎⴰⵣⵉⵖⵜ ⴳ ⵜⵎⴻⵏⴷⴰⵡⵜ ⵏ ⵜⵎⴰⵣⵉⵔⵜ ⵏⵏⴻⵖ
ⵟⴳⴰ ⵜⵎⴻⵏⴷⴰⵡⵜ ⴰⵙⴰⴹⵓⴼ ⴰⵎⴰⵊⵊⴻⵢⴰⵍ ⵏ ⵜⵎⴰⵣⵉⵔⵜ ⴰⵎⵎ ⴰⵢ-ⵏⵏⴰ ⵜⵜⵉⵏⵉⵏ ⵉⵎⵓⵣⴰⵢⵏ ⵏ ⵓⵙⴰⴹⵓⴼ.ⴰⵔ ⵜⵜⵉⵏⵉⵖ ⵉⵙ ⵜⴳⴰ ⵓⴷⵎ ⵏ ⵜⵎⴰⵣⵉⵔⵜ ⴷ ⵓⵎⴰⴷⴰⵏ ⵏⵏⴻⵙ ,ⵏⴻⵖ ⵜⴳⴰ ⴰⵜⴰⴳⵉⵔ ⵏ ⵓⵙⵓⵙⵙⴻⵏ ⵙ ⵜⵓⵎⴰⵙⵜ ⵏ ⵜⵎⴰⵣⵉⵔⵜ ⴷ ⵜⵉ-ⵏ ⵓⵎⴰⴷⴰⵏ ⴰⵙⵏⴻⵎⴷⴰⵏ ,ⵏⴻⵖ ⵜⵉⵙⵉⵜ ⴳ ⵜⵜⴰⵏⵏⴰⵢⵏ ⵉⴱⴻⵔⵔⴰⵏⵉⵢⵏ ⵜⵉⴼⵉⵔⴰⵙ ⵏⵙⴻⵏ.ⵏⴻⵙⵙⴻⵏ ⵉⵙ ⴰⵔ ⵉⵜⵜⵉⵏⵉ ⵓⴷⴰⵢⵉⵏ ⴰⵣⴰⵢⴽⵓ ⵉⵙ ⴳⴰⵏ ⵉⵎⴰⵣⵉⵖⵏ ⵉⵎⴻⵣⴷⴰⵖ ⵉⵎⴻⵣⵡⵓⵔⴰ ⵏ ⵜⵎⴰⵣⵉⵔⵜ ⵎⵉ ⵜⵜⴻⵢⴰⵙⵙⴻⵏ ⴳ ⵢⴰⵏ ⵓⴽⵓⴷ ⵙ “ⵎⴻⵔⵔⴰⴽⵓⵛ” ⴰⵀⴰ ⵙⵙⴰⵖⵏ ⴰⵙ ⴼⴼⵉⵔ ⵓⴼⵓⵍⵢ ⴰⵎⴻⴳⴳⴰⵔⵓ ⵣⴻⴳ ⵓⵙⴷⵓⵔⵔⴻⵢ ⴰⴼⵔⴰⵏⵙⵉⵙ “ⴰⵍ ⵎⴰⵖⵔⵉⴱ”.ⵜⴰⵎⴰⵣⵉⵔⵜ ⵏ “ⵎⴻⵔⵔⴰⴽⵓⵛ” ⵓⵔ ⵜⴳⵉ ⵜⵉ-ⵏ “ⴽⴽ- ⴼⴼⴻⵔ”ⴰⵎ ⴰⵢ-ⵏⵏⴰ ⴷⴰ ⵜⵜⵉⵏⵉⵏ ⵡⵉ-ⵍⵍⵉ ⵉⵔⴰⵏ ⴰⴷ ⵙⵙⴻⴼⵔⵓⵏ ⴰⵙⵏⴰⵢ ⵏⴻⵖ ⴰⵙⵏⴰ ⵏ ⵡⴰⵙⵙⴰⵖ “ⵎⵓⵔ ⴽⵓⵛⵛ”.ⵜⴰⵎⴰⵣⵉⵔⵜ ⵏ “ⵎⴻⵔⵔⴰⴽⵓⵛ”ⵜⴳⴰ ⵜⵉ-ⵏ ⵎⴻⵏⵏⴰⵡ ⵏ ⵉⵛⴰⵎⴰⵏ ⴰⵛⴽⵓ ⵉⵜⵜⵓⵙⴽⴰ ⵡⴰⵙⵙⴰⵖ ⴷⴷⴻⵖ ⵣⴻⴳ ⵉⵎⵉⵙ ⵏ ⵓⵙⴳⵉⴷⴻⵢ”ⵎⴰⵔⵔⴰ” ⴷ “ⴰⴽⵓⵛ” ⵉⴳⴰⵏ ⴰⵙⵙⴰⵖ ⵏ ⵓⵎⵓⴷⴰⵔ ⵎⵉ ⴷⴰ ⵇⵇⴰⵔⵏ ⵉⵜⵙⴻⵏ ⵉⵎⴰⵣⵉⵖⵏ “ⵉⵣⵉⵎⵎⴻⵔ”ⵉⴽⴽⴰⵏ ⵉⴳⴰⵏ ⵜⴰⴷⵓⴳⴰⵎⵜ ⵏ ⵓⵛⴰⵎⴰⵏ ⴷⴰⵔ ⵉⵎⴰⵣⵉⵖⵏ .ⵙ ⵎⵉ ⵙ ⵓⵏⵥ ⵏ ⵢⴰⵏ ⵡⴰⵙⵙⴰⵖ ⵢⴰⴹⵏ ⴰⵔ ⴰⵙ ⵇⵇⴰⵔⵏ ⵉⵜⵙⴻⵏ ⵉⵎⴰⵣⵉⵖⵏ “ⴰⴱⴻⵔⴽⵓⵛ”ⵉⴳⴰⵏ ⵉⵣⵉⵎⵎⴻⵔ ⵏ ⵜⴼⴰⵙⴽⴰ .ⵉⴷⴷⴻⵖ ⵜⵅⴰⵜⵔ ⴰⵙ ⵜⵉⵣⵣⵓⵍⵢⴰ ⵙⵙⴰⵖⵏ ⴰⵙ “ⴰⴱⴻⵔⴽⵓⵛ”ⵣⴻⴳ ⵉⵎⵉⵙ ⵏ ⵓⵙⵅⵉⵜⵔ “ⴰⴱⴻⵔ” ⴷ “ⴰⴽⵓⵛ”ⵉⴳⴰⵏ ⵉⵣⵉⵎⵎⴻⵔ.ⴽⴽⵉⵖ ⵙⴻⵍⵍⴰⵖ ⴽⵓⴷ ⵎⴻⵥⵥⵉⵖ ⵉ ⵎⴰⵢⴷ ⵉ ⵉⵏⵏⴰⵏ ⵉⵙ ⴽⴽⴰⵏ ⵉⵎⴰⵣⵉⵖⵏ ⴰⵔ ⵜⵜⴻⴼⴽⴰⵏ ⵉⵣⵉⵎⵎⴻⵔ.ⵎⴻⵔⵔⴰⴽⵓⵛ ⴰⵔ ⵉⵙⵙⴰⵎⴰⴽ ⵜⴰⵎⴰⵣⵉⵔⵜ ⵏⵏⴰ ⴳ ⴳⴳⵓⴷⵉⵏ ⵉⵛⴰⵎⴰⵏ .ⵎⴻⵔⵔⴰⴽⵓⵛ ⴰⵙⵙⴰⵖ ⴰⵎⴰⵣⵉⵖ ⴰⵇⵓⵔⴰⵔ ⵉⵎⵙⴰⵙⴰⵏ ⴷ ⵓⵎⵓⵣⵣⵓ ⵉⴷⴷⴻⵖ ⴽⴽⴰⵏ ⵉⵎⴰⵣⵉⵖⵏ ⴰⵔ ⵜⵜⴻⴼⴽⴰⵏ ⴰⵛⴰⵎⴰⵏ ⵏⵙⴻⵏ ,ⴰⵔ ⵖⴻⵔⵔⴻⵚⵏ ⵉ ⵉⵣⵉⵎⵎⴻⵔ ⵎⴰⵔ ⴰⴷ ⵙⵏⵉⵎⵎⴻⵔⵏ ⴰⵛⴰⵎⴰⵏ ⵏⵙⴻⵏ ⵖⵉⴼ ⵓⴼⴰⵔⵉⵙ ⵏⵏⴰ ⴰⵙⵏ ⵉⴼⴽⴰ ⵙⵓⵍⵏ ⵙ ⴷⵖⵉ ⴰⴷⴷⴰⵢ ⵙⵎⵓⵜⵜⴻⵔⵏ ⵉⵎⴻⵏⴷⵉ ⵣⴻⴳ ⵓⵏⵔⴰⵔ ⴰⵔ ⵖⴻⵔⵔⴻⵚⵏ ⵉ ⵎⴰ ⵎⵉ ⵖⵉⵏ ⵉⵣⵉⵎⵎⴻⵔ ⵏⴻⵖ ⴰⴱⵔⵔⵉⴹ.ⴽⴽⴰⵏ ⴷⵉⵖ ⵓⵙⵉⵏ ⴰⵙⴰⵖⵉⵏ ⵓⴷⴰⵢ,ⴷ ⵓⵙⴰⵖⵉⵏ ⴰⵎⴰⵙⵉⵃ ⴰⵔ ⵜⵉⴳⵉⵔⴰ ⵓⵙⵉⵏ ⴰⵙⴰⵖⵉⵏ ⴰⵙⴻⵍⵎⴰⵏ.ⵙ ⴷⵖⵉ ⵙⵓⵍⵏ ⵓⴷⴰⵢⵏ ⵉⵎⴰⵣⵉⵖⵏ ⵎⴻⵇⵇⴰⵔ ⴷⵔⵓⵙⵏ .ⵓⵔ ⵉⴽⴽⵓⵍ ⴰⴷ ⵉⵍⵉⵏ ⵉⵜⵙⴻⵏ ⵉⵎⴰⵙⵉⵃⵉⵏ ⵎⴰⵛⴰ ⵙ ⵓⵎⴰⵜⴰ ⴳⴰⵏ ⵉⵎⴻⵣⴷⴰⵖ ⵏ ⵜⵎⴰⵣⵉⵔⵜ ⴷⴷⴻⵖ ⵉⵏⴻⵙⵍⴰⵎⵏ ⵎⴰⵛⴰ ⵍⵍⴰⵏ ⵡⵉ-ⵍⵍⵉ ⵓⵔ ⴰⵔ ⵜⵜⴻⴼⵍⴰⵙⵏ ⴳ ⵓⵙⴰⵖⵉⵏ ,ⴳⴰⵏ ⵉⵔⴻⴼⵍⴰⵙⵏ ,ⵉⵍⵉⵏ ⵡⵉ-ⵏⵏⴰ ⵎⴻⵇⵇⴰⵔ ⴼⴻⵍⵙⵏ ⴳ ⵓⵛⴰⵎⴰⵏ ⵏ ⵉⵏⴻⵙⵍⴰⵎⵏ ⵓⵔ ⴰⵔ ⵜⵜⴻⵙⵏⴰⵙⵏ ,ⴳⴰⵏ ⵉⵔⴻⵙⵏⴰⵙⵏ .ⵖ ⵓⵙⵡⵉⵔ ⵏ ⵓⵙⴰⵖⵉⵏ ⵜⴳⴰ ⵜⵎⴰⵣⵉⵔⵜ ⵏ ⵓⵎⴻⵔⵔⴰⴽⵓⵛ ⵜⴰⵎⵏⵏⴰⵛⴰⵎⴰⵏⵜ .ⵉⵎⴰⵏ ⴳⵉⵙ ⵓⵏⴻⵙⵍⴰⵎ ⵉⴳⴳⵓⴷⵉⵏ ⴷ ⵓⵎⴰⵙⵉⵃ ⵉⴷⵔⵓⵙⵏ ⵛⵉⴳⴰⵏ ⴷ ⵓⴷⴰⵢ ⵓⵔ ⵉⴳⴳⵓⴷⵉⵏ ⵡⴰⵍⴰ ⵉⴷⵔⵓⵙ ⵎⴻⵛ ⵏⴻⴷⴷⴰ ⴰⴷ ⵏⴻⵙⵙⵉⴹⵏ ⵓⴷⴰⵢⵏ ⵉⵎⴰⵣⵉⵖⵏⵥⵉⵜⵏ ⴷ ⵉⵄⴻⴱⵔⴰⵏⵥⵉⵜⵏ ⴷ ⵉⴷⴻⵔⵊⴰⵏⵥⵉⵜⵏ ⵉⵣⵓⴳⵏ ⵙ ⵓⵡⴰⵏⴽ ⵏ ⵉⵙⵔⴰⵢⵉⵍ ⵉⵍⴻⵛⵎⵏ ⴰⵔ ⵙⴹⵉⵙ ⵏ ⵜⵉⵎⴰⴹ ⵏ ⵉⴳⵉⵎⴰⵏ ⵏ ⵓⴼⴻⵔⴷⴰⵙ ⵙ ⵓⴳⴻⵔⴹ ⵏ ⵉⴳⵍⵍⵉⵏ ⵏ ⵓⴳⵍⵍⵉⴷ ⵃⴰⵙⴰⵏ ⵡⵉⵙ-ⵙⵉⵏ.ⵀⴰⵜ ⵉⵣⵉⴽⵔ ⵏ ⵓⴼⵛⴰⴳ ⵓⵔ ⴰⵔ ⵉⵜⵜⴻⴱⴱⴻⵢ ⵉⵎⵛⵉ ⵏⵏⴰ ⵉⴽⴽⴰ ⵓⴳⴻⵍⵍⵉⴷ ⵉⴳⴳⴰⴷⵊⴻⵏ ⴰⵔ ⵜ ⵜⵜⵉⵏⵉ.ⵓⴷⴰⵢ ⵉⵍⴰⵏ ⵜⵉⵖⵖⵓⵍⵏⴰ ⵜⴰⵡⵙⵔⴰⵢⵉⵍⵜ ⵓⵔ ⵉⵏⵏⵉ ⴰⴷ ⴰⵙ ⵉⴽⴽⴻⵙ ⴰⵡⴷⵢⴰⵏ ⵜⵉⵖⵖⵓⵍⵏⴰ ⵜⴰⵎⴻⵔⵔⴰⴽⵓⵛⴰⵏⵜ ⴰⵎ ⵡⵉ-ⵍⵍⵉ ⵙⵓⵍⵏ ⵙ ⴷⵖⵉ ⴳ ⵜⵎⴰⵣⵉⵔⵜ ⵏⵏⴻⵖ.ⵉⵜⵙⴻⵏ ⴷⵉⴳⵙⴻⵏ ⴽⴽⴰⵏ ⵍⵍⴰⵏ ⴳ ⵓⵍⴰⵎⴰⵙ ⵏ ⵓⵖⵜⴰⵙ ⵏⴻⵖ ⴰⵇⴰⵙⴰⴷ.ⵖ ⵓⵙⵡⵉⵔ ⵏ ⵓⵥⵖⴻⵔ ⵍⵍⴰⵏ ⵉⵎⴰⵣⵉⵖⵏ ⵙ ⵓⴳⵓⴷⴻⵢ ⵉⵍⵉⵏ ⵉⵄⵔⴰⴱⵏ ⴷ ⵓⴷⴰⵢⵏ.ⵣⵉ ⴷⴰⵜ ⵏ ⵡⴰⴷ ⵉⵙⵍⴻⴽ ⵓⵙⴷⴰⵔⵔⴰⵢ ⴰⴼⵔⴰⵏⵙⵉⵙ ⵜⴰⵎⴰⵣⵉⵔⵜ ⵏ ⵓⵎⵔⵔⴰⴽⵓⵛ ⵢⵓⴼⴰ ⵉⵙ ⴳⴳⵓⴷⵉⵏ ⵉⵎⴰⵣⵉⵖⵏ ⵉⵙⴰⵡⴰⵍⵏ ⵙ ⵜⴰⵎⴰⵣⵉⵖⵜ.ⵉⴽⴽⴰ ⵓⵙⴷⵔⵔⴰⵢ ⴷⴷⴻⵖ ⴰⵔ ⵉⵙⵙⴻⵍⵎⴰⴷ ⵉ ⵉⵙⴻⵔⴷⴰⵙ ⵏⵏⴻⵙ ⵉⵎⴻⵔⵙⴰⵏ ⵉⵍⵙ ⴰⵎⴰⵣⵉⵖ ⵎⴰⵔ ⴰⴷ ⵏⵏⴻⴱⴹⵏ ⴳ ⵓⴳⴷⵓⴷ ⵏ ⵜⵎⴰⵣⵉⵔⵜ ⴷⴷⴻⵖ.ⵎⴰⵛⴰ ⵣⵉ ⴽⵓⴷ ⵉⴳⴳⴰⴷⵊ ⵓⵙⴷⴰⵔⵔⴰⵢ ⴰⴼⵔⴰⵏⵙⵉⵙ ⵙ ⵓⴷⵎ ⵏⵏⴻⵙ ⵙⵙⴻⵜⴻⵔⵙⴻⵏ ⵉⵏⴱⴱⴰⴹⵏ ⵜⴰⵙⴻⵔⵜⵉⵜ ⵏ ⵓⵙⵙⴻⵄⵔⴱ ⴼⴰⵔ ⴰⴷ ⵙⴻⵔⵙⵏ ⵢⴰⵏ ⵓⵣⴻⴱⴷⴰⵔ ⴷⴰⵜ ⵉⵍⵙ ⴷ ⵓⴷⴰⵍⵉⵙ ⴰⴼⵔⴰⵏⵙⵉⵙ ⵣⴻⴳ ⵢⴰⵏ ⵡⴰⵥⵢ ⴰⵀⴰ ⵃⵓⴼⵏ ⵉⵍⵙ ⴷ ⵓⴷⴰⵍⵉⵙ ⴰⵎⴰⵣⵉⵖ ⵣⴻⴳ ⵓⵖⴻⵔⴱⴰⵣ ⴼⴰⵔ ⴰⴷ ⵜ ⵙⵙⵉⵜⵎⵏ ⴰⵔⴷ ⵉⵙⵔⵓ.ⴰⵔ ⵙⵙⵉⵖⵉⵍⵏ ⵉ ⵎⴻⴷⴷⴻⵏ ⵉⴼⴻⵍⵣⴰⵏ ⵉⵙ ⵜ ⵉⵥⵥⴰ ⵓⵙⴷⴰⵔⵔⴰⵢ ⵎⴰⵔ ⴰⴷ ⵉⴱⴹⵓ ⴳⴻⵔ ⵉⵎⴰⵣⵉⵖⵏ ⴷ ⵉⵄⵔⴰⴱⵏ ⵎⴰⵛⴰ ⵙⴻⵍⵍⴰⵖ ⵉ ⵎⴰⵢⴷ ⵉ ⵉⵏⵏⴰⵏ ⵉⵙ ⴼⴽⴰⵏ ⵉ ⵉⵍⵙ ⴰⵄⴻⴱⵔⴰⵏ ⵢⴰⵏ ⵡⴰⵏⵙⴰ ⴳ ⵓⵙⴰⴷⴰⵡ ⴰⵀⴰ ⵓⵔ ⵜ ⴼⴽⵉⵏ ⵉ ⵉⵍⵙ ⴰⵎⴰⵣⵉⵖ!!ⵎⴰⵅ?ⵎⴰⵏ ⵓⵡⴰⴷⵉⵙ ⵉⵍⵍⴰⵏ ⴼⴼⵉⵔ ⵓⵖⴰⵜⵉⵙ ⴷⴷⴻⵖ?!ⴰⵔ ⵉⵜⵜⵉⵏⵉ ⵢⴰⵏ ⵓⵎⵀⵉⵙ :”ⴰⴷⴷⴰⵢ ⵜⵉⵙⵉⵏⴷ ⵉⵍⵙ ⵏ ⵢⴰⵏ ⵓⴳⴷⵓⴷ ⵀⴰⵜ ⵇⴻⵏⵏⴰ ⴰⴷ ⵜⵜⴰⵔⵉⴷ ⴰⴳⴰⵢⵢⵓ ⵏⵏⴻⵛ ⵣⴻⴳ ⵉⴻⵎⵏⵖⵉ”.ⵡⴰⵇⵉⵍⴰ ⵉⴷⴷⴻⵖ ⵉⴳⴰ ⵡⵓⴷⴰⵢ ⴰⵚⴻⵀⵢⴰⵏ ⴰⵛⴻⵏⴳⵓ ⵏ ⵉⵄⵔⴰⴱⵏ ⴰⵔ ⵙⵙⴻⵍⵎⴰⴷⵏ ⵉⵍⵙ ⵏⵏⴻⵙ ⵉ ⵉⵜⵙⵏ ⵉⵎⴻⵣⵔⴰⵡⵏ ⵉⵔⴰⵏ ⴰⴷ ⴰⵙ ⵍⴻⵎⴷⴻⵏ .ⴽⴻⵥⵄⵏ ⵉⵏⴱⴱⴰⴹⵏ ⵜⴰⵎⴰⵣⵉⵖⵜ ⵣⴻⴳ ⵓⵖⴻⵔⴱⴰⵣ ⵏ “ⵓⵥⵔⵓ” ⵎⴻⵇⵇⴰⵔ ⵉⴳⴰ ⵉⵍⵙ ⵏ ⵉⵎⴻⵔⵔⴰⴽⵓⵛⴰⵏ ⵙ ⵓⵎⴰⵜⴰ ⴰⵀⴰ ⵓⵔ ⴽⵥⵉⵄⵏ ⵉⵍⵙ ⴰⵄⴻⴱⵔⴰⵏ ⵣⵉ ⵜⵉⵏⵎⴻⵍ ⵍⵍⵉ ⵉⵙⵙⴻⵜⵔⴻⵙ ⵓⴼⵔⴰⵏⵙⵉⵙ ⵉ ⵡⵓⴷⴰⵢⵏ ⵎⴰⵔ ⴰⴷ ⵙⵙⴻⵄⵔⴱⵏ ⵜⴰⵎⴰⵣⵉⵔⵜ ⴰⵀⴰ ⵙⴻⴼⴹⵏ ⵜⵉⴼⵉⵔⴰⵙ ⵏ ⵓⴳⴷⵓⴷ ⴰⵎⴰⵣⵉⵖ.ⴼⴼⵉⵔ ⵓⴼⵓⵍⵢ ⵎⴻⵛ ⵏⵓⵙⴻⵢ ⵢⴰⵜ ⵜⵡⴰⵛⵓⵍⵜ ⵎⵉ ⴳⴰⵏ ⵉⵙⴻⵜⵔⴰⵙⵏ ⵏⵏⴻⵙ ⵉⵎⴰⵣⵉⵖⵏ ⴰⵀⴰ ⴰⵔⵓⵏ ⵜⴰⵎ ⵏ ⵡⴰⵔⴰⵡ ⴷ ⵜⴰⵔⵔⴰⵡⵉⵏ ⵓⵔ ⵏⴻⵏⵏⵉ ⴰⴷ ⵏⴰⴼ ⵣⵉ ⵜⴰⵎ ⵅⴰⵙ ⵢⴰⵏ ⵏⴻⵖ ⴰⴽⵯ ⵙⵉⵏ ⵉⵙⵓⵍⵏ ⵉⵙⵙⴻⵏ ⵉ ⵉⵜⵙⴻⵏ ⵉⵡⴰⵍⵉⵡⵏ ⵏ ⵜⵎⴰⵣⵉⵖⵜ.ⴰⵙⴰⴳ ⴳⴳⴻⵣⵏ ⵉⵎⴰⵔⴻⵡⵏ ⵏⵙⴻⵏ ⴰⵛⴰⵍ ⵎⴰⵢⴷ ⵉⵜⵜⴻⵖⵉⵎⴰⵏ ⵣⵉ ⵜⵎⴰⵣⵉⵖⵜ?ⵉⴷ ⵓⵔ ⵉⴷ ⵓⵏⵥ ⵏ ⵓⵙⵍⵓⴱⴱⴻⴹ ⴰⴷⴻⵍⵙⴰⵏ ⴰⵢ-ⴰ?ⵀⴰⵜ ⵎⵔⵉⴷⴷⵉ ⵉⵎⴰⵣⵉⵖⵏ ⴷⴷⴰ ⵓⵔ ⴷⵊⵉⵏ ⴽⴽⵉⵏ ⴰⵖⴻⵔⴱⴰⵣ ⴰⴷⵢⴰⵍⵉ ⵓⵔ ⵏⴻⵏⵏⵉ ⴰⴷ ⵏⴰⴼ ⴳ ⵜⵎⴰⵣⵉⵔⵜ ⵏⵏⴻⵖ ⵅⴰⵙ ⵉⵜⵙⴻⵏ ⵉⴳⵓⵍⴰⵣ ⵏ ⵉⵍⵙ ⴰⵎⴰⵣⵉⵖ!ⵎⴻⵛⵜⴰ ⵏ ⵢⵓⴽ ⵢⵓⵙⴻⵢ ⴰⵙⵙⴰⵖ ⴰⵎⴰⵣⵉⵖ ⵎⴰⵛⴰ ⵓⵔ ⵉⵙⵙⵉⵏ ⵉ ⵜⵎⴰⵣⵉⵖⵜ ⴰⵀⴰ ⵓⵔ ⵉⵣⵔⵓⵔⵜ ⵉⵙ ⵉⴳⴰ ⴰⵎⴰⵣⵉⵖ.ⵓ-ⵏⵏⴰ ⵓⵔ ⵉⵙⵙⵉⵏ ⴰⵎⴰⴽ ⵏ ⵡⴰⵙⵙⴰⵖ ⴰⵎⴰⵣⵉⵖ ⴰⵀⴰ ⵢⵉⵙⵉⵍ ⴰⵙ ⴷⴰ ⵉⵙⴰⵡⴰⵍ ⵙ ⵉⵍⵙ ⵉⵛⵛⴰⵔⵏ ⴰⵎⴰⵣⵉⵖ ⴷ ⵡⴰⵄⵔⴰⴱ ⴰⴷ ⵜ ⵉⴳⵍⴻⵎ ⵙ ⵡⴰⵄⵔⴰⴱ.ⵉⵎⴻⵣⴷⴰⵖ ⵏ ⵜⵎⴰⵣⵉⵔⵜ ⵏ ⵓⵎⴻⵔⵔⴰⴽⵓⵛ ⴳⴰⵏ ⵉⵎⴰⵣⵉⵖⵏ ⵎⴻⵇⵇⴰⵔ ⵓⵔ ⵙⵙⵉⵏ ⵉⵍⵙ ⴰⵎⴰⵣⵉⵖ ⵎⴰⵢⵏⵣⵉ ⵉⵍⵙ ⵎⵉ ⴷⴰ ⵇⵇⴰⵔⵏ ⵉⵜⵙⴻⵏ “ⴷⴷⴰⵔⵉⵊⴰ” ⵉⵙⵎⴰⵏ ⵉⵡⴰⵍⵉⵡⵏ ⵉⵎⴰⵣⵉⵖⵏ ⴷ ⵉⵄⵔⴰⴱⵏ ⴷ ⵡⵉ-ⵢⵢⴰⴹⵏ ⴳ ⵢⴰⵜ ⵜⴰⵙⵏⴰ ⵜⴰⵎⴰⵣⵉⵖⵜ.ⵓⵏⵥ ⵏ ⵓⵢ-ⴰ ⵉⵍⵍⴰ ⴳ ⵓⵙⵎⵓⵜⵜⴻⵢ ⵏ ⵉⵙⴰⴽⵉⵔⵏ .ⴳ ⵉⵍⵙ ⴰⵄⵔⴰⴱ ⴰⵔ ⵙⴰⵡⴰⵍⵏ ⵉⵄⵔⴰⴱⵏ ⵉ ⵙⵉⵏ ⵎⴰⵛⴰ ⴳ ⵉⵍⵙ ⴰⵎⴰⵣⵉⵖ ⴰⵎ ⵓⴼⵔⴰⵏⵙⵉⵙ ⴰⵔ ⵙⴰⵡⴰⵍⵏ ⵉⵎⴰⵣⵉⵖⵏ ⵉ ⵙⵉⵏ ⴰⵎⵎ ⵉⵙ ⴷⴰ ⵙⴰⵡⴰⵍⵏ ⵉ ⵛⵔⴰⴹ ⵏⴻⵖ ⵓⴳⴳⴰⵔ.ⴳ ⵉⵍⵙ ⵎⵉ ⴷⴰ ⵇⵇⴰⵔⵏ ⵉⵜⵙⴻⵏ “ⴷⴷⴰⵔⵉⵊⴰ”ⴰⵔ ⵙⴰⵡⴰⵍⵏ ⵉⵜⵙⴻⵏ ⵉⵎⴻⵔⵔⴰⴽⵓⵛⴰⵏ ⵉ ⵙⵉⵏ ⵣⵓⵏⴷ ⵉⵙ ⴷⴰ ⵙⴰⵡⴰⵍⵏ ⵉ ⵛⵔⴰⴹ ⵏⴻⵖ ⵓⴳⴳⴰⵔ.ⴳ ⵉⵍⵙ ⴰⵎⴰⵣⵉⵖ ⴰⵔ ⵉⵜⵜⴻⵎⵙⴰⵙⴰ ⵓⵙⴰⴽⵉⵔ ⴷ ⵓⵎⴻⵙⴽⴰⵔ ⴳ ⵡⴰⵏⴰⴳ ⴷ ⵓⴼⴰⴹⵉⵏ ⵓⵔ ⵉⴷ ⴰⵎ ⵉⵍⵙ ⴰⵄⵔⴰⴱ ⵓⵔ ⵉⵙⴻⵎⵙⴰⵙⴰⵏ ⴰⵎⴻⵙⴽⴰⵔ ⴷ ⵓⵙⴰⴽⵉⵔ ⵅⴰⵙ ⴳ ⵡⴰⵏⴰⴳ ⴰⴷⴷⴰⵢ ⵉⴳ ⵓⵎⴻⵙⴽⴰⵔ ⴰⵙⵙⴰⵖ.ⴰⵡⴷ “ⴷⴷⴰⵔⵉⵊⴰ”ⵜⴻⵜⵜⵓⵣⵔⵉⵔ ⵙ ⵉⵍⵙ ⴰⵎⴰⵣⵉⵖ ⵓⵔ ⵉⴷ ⵅⴰⵙ ⴳ ⵜⵙⵏⴰ ⵎⴰⵛⴰ ⴰⵡⴷ ⴳ ⵜⵉⵙⴻⵖⴷⵉⵜ ⵜⴰⵙⴻⵎⴰⵜⵜⴰⵢⵜ.ⵀⴻⵢⵢⴰ”ⴷⴷⴰⵔⵉⵊⴰ”ⵜⵍⵓⵍⴰ ⴳ ⵜⵎⴰⵣⵉⵔⵜ ⵏ ⵓⵎⴻⵔⵔⴰⴽⵓⵛ ⵣⵉ ⴽⵓⴷ ⴼⴻⵍⵙⵏ ⵉⵎⴰⵣⵉⵖⵏ ⴳ ⵓⵙⴰⵖⵉⵏ ⴰⵙⴻⵍⵎⴰⵏ ⴰⵀⴰ ⵔⴻⵎⵙⵏ ⵉⵏⴻⴱⴳⴰⵡⵏ ⵏⵙⴻⵏ ⵉⵄⵔⴰⴱⵏ .ⵉⵎⴻⵣⴷⴰⵖ ⵉⵙⵏⴻⵎⴷⴰⵏ ⵏ ⵓⵎⴻⵔⵔⴰⴽⵓⵛ ⴳⴰⵏ ⵉⵎⴰⵣⵉⵖⵏ ⵙ ⵓⵎⴰⵜⴰ ⵉⵙⴰⵡⴰⵍⵏ ⵙ ⵜⵎⴰⵣⵉⵖⵜ ⴷ “ⴷⴷⴰⵔⵉⵊⴰ”.ⵉⵍⵙ ⴰⵄⵔⴰⴱ ⵏ ⵉⴷⵍⵉⵙⵏ ⵓⵔ ⵉⴳⵉ ⵅⴰⵙ ⵡⵉ-ⵏ ⵜⴰⵙⵜⴰ ⵉⵙⵙⴻⵍⵎⴰⴷⵏ ⵜⴰⵄⵔⴰⴱⵜ ⵏⴻⵖ ⵉⵙⵙⴻⵏⴼⵍⴻⵍⵏ ⵙⵉⵙ.ⵖ ⵓⵙⵡⵉⵔ ⵏ ⵓⴷⴰⵍⵉⵙ ⵙ ⵡⴰⵎⴰⴽ ⵏⵏⴻⵙ ⴰⵎⴰⵜⴰⵏ ⵜⴻⵍⵍⴰ ⵜⵉⵎⵎⵓⵣⵖⴰ ⵙ ⵓⵎⴰⵜⴰ ⴷ ⵜⵓⴷⴰⵢⵜ ⴷ ⵜⵉⵄⵄⵓⵔⴱⴰ ⴷ ⵜⵃⴻⵙⵙⴰⵏⵉⵜ ,ⵙ ⵡⴰⵎⴰⴽ ⵏⵏⴻⵙ ⵓⵏⴼⵉⵍ ⴰⴷ ⵏⴻⵔⵏⵓ ⵜⴰⴼⵔⴰⵏⵙⵉⵙⵜ ⴷ ⵜⵙⴱⴰⵏⵉⵢⵜ ,ⵜⴰⵏⴳⵍⵉⵣⵉⵜ ⵉⴷⴷⴻⵖ ⵍⵍⴰⵏ ⵉⵎⴻⵔⵔⴰⴽⵓⵛⴰⵏ ⵉⵜⵜⴰⵔⵓⵏ ⵙ ⵉⵍⵙ ⴰⵎⴰⵣⵉⵖ ,ⵢⵉⵍⵉⵏ ⵡⵉ-ⵍⵍⵉ ⵉⵜⵜⴰⵔⵓⵏ ⵙ ⵜⴻⵄⵔⴰⴱⵜ,ⵙ ⵜⴰⴼⵔⴰⵏⵙⵉⵙⵜ,ⵙ ⵜⴰⵙⴱⴰⵏⵉⵢⵜ,ⴷ ⵜⵏⴻⴳⵍⵉⵣⵉⵜ,ⴷ ⵜⴰⵍⵎⴰⵏⵉⵢⵜ ⴷ ⵡⵉⵢⵢⴰ-ⴹ ⴷⴰⵢ ⴷⴰⵢ ⴰⵎⴻⵔⵔⴰⴽⵓⵛⴰⵏ ⵉⴳⴰ ⴰⵎⵏⵏⴰⵍⵙ ⴷ ⵓⵎⵏⵏⴰⴷⵍⴰⵙ ⵎⴰⵛⴰ ⴰⴷⴰⵍⵉⵙ ⵉⴳⴰⵏ ⵜⵉⵔⵙⴻⵍⵜ ⴷ ⵓⵃⵎⵎⴰⵔ ⵏ ⵜⵎⴰⵣⵉⵔⵜ ⵉⴳⴰ ⵜ ⵓⵎⴰⵣⵉⵖ.ⴰⴼⴰⵔⵉⵙ ⴰⴷⴻⵍⵙⴰⵏ ⴰⵎⴻⵔⵔⴰⴽⵓⵛⴰⵏ ⵎⴻⵇⵇⴰⵔ ⵉⵍⵙⴰ ⵉⵍⵙ ⴰⵄⵔⴰⴱ ⵏⴻⵖ ⵓⴷⴰⵢ ⵏⴻⵖ ⴰⴼⵔⴰⵏⵙⵉⵙ ⵉⴳⴰ ⵓⵔⴰⴽⵯ ⵏⵏⴻⵙ ⴰⵎⴰⵣⵉⵖ.ⵉⴷ ⵜⴰⵎⴰⵣⵉⵔⵜ ⵀⴰⵜ ⵜⵓⴳⴳⴰ ⵖⵉⴼ ⵜⵓⵎⴰⵙⵜ ⵏⵏⴻⵙ ⵙ ⵓⴳⵓⴷⴻⵢ ⵏ ⵡⴰⵙⵙⴰⵖⵏ ⵉⵎⴰⵣⵉⵖⵏ ⵏⵏⴰ ⵜⵓⵙⴻⵢ ⵎⴻⵛ ⵏⴻⵙⵍⴻⴷ ⴰⵙⵙⴰⵖⵏ ⵏ ⵉⵜⴰⵔⴰⵙⵏ ⴷ ⵉⵣⴻⴳⵍⴰⵍⵏ ⵏⵏⴰ ⴽⴽⴰⵏ ⴰⵀⴰ ⵙⵓⵍⵏ ⵡⵉ-ⵍⵍⵉ ⵉⵔⴰⵏ ⴰⴷ ⵜ ⵙⵙⴻⵄⴻⵔⴱⵏ ⴰⵔ ⴰⵙ ⵜ ⵙⵙⴻⵍⴰⵖⵏ ⵙ ⴷⵖⵉ.ⴰⵢ-ⴰ ⵢⴰⵏ ⵓⴷⵎ ⵉⴳⴻⵣⵣⵓⵍⵏ ⵖⵉⴼ ⵜⵎⴰⵣⵉⵔⵜ ⵏ ⵓⵎⴻⵔⵔⴰⴽⵓⵛ ⴷ ⵓⴳⴷⵓⴷ ⴷ ⵓⴷⴰⵍⵉⵙ ⵏⵏⴻⵙ.ⵉⵍⵍⴰ ⵎⴰⵢⴷ ⵉⵜⵜⵉⵏⵉⵏ ⵉⵙ ⵉⵍⵍⴰ ⵓⵎⵜ ⴰⵏⴻⴷⵍⵓⵙ ⵎⴻⵇⵇⴰⵔ ⵓⵔ ⴷⵊⵉⵏ ⵏⵙⴻⵍⵍⴰ ⵏⴻⵛⵏⵉ ⵉⵎⴻⵔⵔⴰⴽⵓⵛⴰⵏ ⵉ ⵛⴰ ⵏ ⵉⵍⵙ ⵎⵉ ⴷⴰ ⵇⵇⴰⵔⵏ ⴰⵏⴻⴷⵍⵓⵙ ⴰⵎ ⵎⴰⵙⵙ “ⴰⵔⵉⵙⵓⵏ “ⵏⵏⴰ ⵢⵓⵣⵏ ⵢⴰⵜ ⵜⴻⵙⴼⵉⴼⵜ ⵉ ⵓⵙⵎⴻⵍ ⵏ “ⵃⴻⵙⴱⵔⴻⵙⵙ”ⴰⵀⴰ ⴰⵔ ⵉⵜⴻⵜⵜⴻⵔ ⴰⵙⵎⴻⵏⴷⴻⵡ ⵏ ⵜⴰⵙⵎⴻⴽⵜⴰ ⵜⴰⵏⴷⵍⵓⵙⵜ .ⵎⴰⵢⴷ ⵉⵔⴰ ⵓⵔⴳⴰⵣ ⴷⴷⴻⵖ ⴰⴷ ⵢⵉⵏⵉ?ⴰⵔ ⵉⵜⵜⵉⵏⵉ ⵉⵙ ⴰⵙⵎⴻⵏⴷⴻⵡ ⵏ ⵜⵉⵏⵜⵜⵉⵜ ⵜⴰⵏⴻⴷⵍⵓⵙⵜ ⴰⴷ ⴰⵖ ⵉⴼⴻⴽ ⵢⴰⵏ ⵡⵓⴷⵎ ⴳ ⵓⵣⴷⴰ ⵉⵍⵍⴰⵏ ⴳⴻⵔ ⵜⵎⴰⵣⵉⵔⵜ ⵏⵏⴻⵖ ⴷ ⵓⵏⴻⴷⵍⵓⵙ.ⵙ ⵓⵛⵔⴰⴷ ⴰⵎ ⴰⵢ-ⵏⵏⴰ ⵜⵜⵉⵏⵉⵏ ⵉⵎⵓⵣⴰⵢⵏ ⵜⴻⵜⵜⵓⵣⵔⵉⵔ ⵜⵎⴰⵣⵉⵔⵜ ⵏⵏⴻⵖ ⵙ ⵓⵏⵣⴰⴳ ⴰⵏⴻⴷⵍⵓⵙ ⵎⴰⵛⴰ ⵅⴰⵙ ⴳ ⵉⵜⵙⴻⵏ ⵡⴰⵏⵙⵉⵡⵏ ⴷⵉ-ⴷⴷⴰ ⴳ ⵓⴼⴰⵏ ⵡⵉ-ⵍⵍⵉ ⵉⵔⵡⴻⵍⵏ ⴰⵙⴻⵏⴼⴻⵢ ⵏⵙⴻⵏ ⴳ ⵓⵙⴻⴳåⴰⵙ ⵏ 1492 ⴼⴼⵉⵔ ⵏ ⵜⵍⴰⵍⵉⵜ ⵏ ⵓⵢⵙⴰⵔ “ⵄⴻⵙⵙⵓ” ⴰⵀⴰ ⵓⵡⵉⵏ-ⴷ ⴷ ⵉⴷⵙⵏ ⴰⵥⴰⵡⴰⵏ ⴰⵏⴻⴷⵍⵓⵙ.ⵎⴰⵛⴰ ⵉⵖ ⵜⵜⵓⵙⴽⴰⵏ ⵉⵜⵙⴻⵏ ⵉⴱⴻⵔⴳⴻⵎⵎⵉⵜⵏ ⵖⵉⴼ ⵓⴷⵎ ⵏ ⵓⵏⵣⴰⴳ ⴰⵏⴻⴷⵍⵓⵙ ⵀⴰⵜ ⵓⵔ ⵉⴷ ⴰⴽⵯ ⵉⴱⴻⵔⴳⴻⵎⵎⵉⵜⵏ ⵏⴻⵖ ⴷ ⵉⵖⴻⵔⵎⴰⵏ ⵜⵜⵓⵏⴷⴰⵢⵏ ⵖⵉⴼ ⵉⴽ ⴷⴷⴻⵖ.ⵉⴷ ⴰⵥⴰⵡⴰⵏ ⴰⵏⴻⴷⵍⵓⵙ ⵀⴰⵜ ⵉⵍⵍⴰ ⵙ ⵉⵍⵙ ⴰⵎⴰⵣⵉⵖ ⴷ ⵓⴷⴰⵢ ⴷ ⵓⵙⴱⴰⵏⵉⵢ.ⵎⴰ ⵎⵉ ⵉⴳⴰ ⵡⵉ-ⵏⵏⴻⵙ?ⴰⵔ ⵉⵜⵜⵉⵏⵉ ⵎⴰⵙ “ⵚⵚⴰⴼⵉ ⵎⵓⵎⵏ ⵄⵍⵉ ⵉⵚ ⵉⴳⴰ ⴰⵎⴰⵥⵉⵖ.ⵃⴰⵟ ⵉⵎⴰⵥⵉⵖⵏ ⴰⵢⴺ ⵉⵥⵡⴰⵕⵏ ⵙ ⵉⵟⴳ ⵏ ⵟⴰⵏⴻⴺⵍⵓⵚⵟ ⴺⴺⴰⵡ ⵓⵛⴻⵏⵢⴰⵍ ⴰⵚⴻⵍⵎⴰⵏ ⵉⴺⴺⴻⵖ ⵚⵚⴻⵕⵕⴰⵏ ⵉⵚⴻⵕⴺⴰⵚⵏ ⵥⴻⴳ” ⵟⵓⵎⵍⵉⵍⵟ” ⴺ “ⵚⴻⴱⵟⴰ” ⵚ ⵓⵖⴰⵡⵉⵚ ⴰⵎⴻⵍⵟⴰⵏ ⵏ ⵓⵎⵓⵥⵕ” ⵟⴰⵕⵉⴽⵟ ⵉⵡⵉ ⵚ ⵏ ⵥⴰⵢⴺ”,ⴰⵖⴰⵡⵉⵚ ⵏ ⵓⵊⴷⴰⵔ ⵏ ⵉⵖⴻⵔⵔⵓⴱⴰ ⵎⴰⵔ ⴰⴷ ⵉⴳⵍⴻⵢ ⵉⵙⴻⵔⴷⴰⵙⵏ ⴰⴷ ⴰⵖⵏ ⵖⵉⴼ ⵓⵎⵔⴰⴷⴰⵏ ⵓⵊⵎⵉⴹ .ⵓⵔ ⵉⴳⵉ ⵉⵟⴳ ⴷⴷⴻⵖ ⴷⴰⵔ ⵉⵙⴱⴰⵏⵉⵢⵏ ⵅⴰⵙ ⵜⴰⵎⴰⵜⴰⵔⵜ ⵏ ⵓⵄⵓⵔⵉⴹ ⵉⴷⴷⴻⵖ ⵙⴷⵓⵔⵔⵉⵏ ⵉⵎⴰⵣⵉⵖⵏ ⵉⵏⴻⵙⵍⴰⵎ ⴷ ⵉⵄⵔⴰⴱⵏ ⵜⴰⵎⴰⵣⵉⵔⵜ ⵏⵙⴻⵏ ⴰⵀⴰ ⴽⴽⴰⵏ ⵓⴷⴰⵢⵏ ⴰⵙⴰⴳⴰⵢ .ⴳ ⵓⵎⵔⴰⴷⴰⵏ ⴷⴷⴻⵖ ⴰⵎⴻⵍⵜⴰⵏ(ⵡⴰ-ⴺⴺⴰ ⵉⵟⵟⴻⵢⴰⵚⵚⴻⵏ ⴱⴻⵥⵥⴰⴼ) ⴽⴽⴰⵏ ⴰⵔ ⵜⵜⴻⵥⵉⵏ ⵉⵎⴰⵣⵉⵖⵏ ⴷ ⵉⵄⵔⴰⴱⵏ ⵖⵉⴼ ⵓⵎⴻⵜⵜⵓⵍ (ⴰⵛⴰⵍ ⴰⴷⴻⵎⵏⴰⵜ)ⴰⵎ ⴰⵢ -ⵏⵏⴰ ⵉⵏⵏⴰ ⵢⴰⵏ ⵓⵙⴻⴷⵢⴰⵏ ⴰⵎⵉⵥⵔⴰⵏ ⵉⴽⴽⴰⵏ ⵢⴰⵔⵓ ⵢⴰⵏ ⵓⴷⵍⵉⵙ ⵙ ⵡⴰⵙⵙⴰⵖ “ⵜⴰⵏⴻⴽⵔⴰ”ⵏⴻⵖ”ⴰⵚ-ⵚⴰⵃⵡⴰ” ⵙ ⵉⵍⵙ ⴰⵄⵔⴰⴱ “ⴰⵚ-ⵚⴰⵃⵡⴰ”(ⵓⵔ ⵛⵜⵓⵜⵉⵖ ⴰⵙⵙⴰⵖ ⴷⴷⴻⵖ ⴱⴻⵣⵣⴰⴼ ⵡⴰⵍⴰ ⵡⵉ-ⵏ ⴱⴰⴱ ⵏⵏⴻⵙ).ⵀⴰⵜ ⵙⵓⵍⵏ ⵙ ⴷⵖⵉ ⴰⵔ ⵜⵣⴰⵍⵍⴰⵏ ⵉⵙⴱⴰⵏⵉⵢⵏ ⵙ ⵓⵙⴷⵓⵔⵔⴻⵢ ⵏ ⵜⵓⵎⵍⵉⵍⵜ ⴷ ⵙⴻⴱⵜⴰ ⵉⴷⴷⴻⵖ ⴽⴽⴰⵏ ⴳⴰⵏ ⴰⴷⴰⵢ (ⴰⵢ-ⵏⵏⴰ ⵉⵜⵜⴰⴷⴻⵢ ⵛⴰ)ⵏ ⵉⵙⴻⵔⴷⴰⵙ ⵉⵎⴰⵣⵉⵖⵏ ⵉⵏⴻⵙⵍⴰⵎ ⵢⵓⵙⵉⵏ ⴰⵛⴻⵏⵢⴰⵍ ⴰⵙⴻⵍⵎⴰⵏ ⴷⴷⴰⵡ ⵜⴻⵏⴱⴰⵟ ⵏ ⴰⵢⵜ ⵓⵎⴰⵢⵢⴰ ⴳ ⵉⵎⵉⵏⴳ ⵉⴷⴷⴻⵖ ⴳⴰⵏ ⵖⵓⵔ ⵙⴻⵏ ⵉⵏⴻⵙⵍⴰⵎ ⵉⵙⴷⴰⵔⵔⴰⵢⵏ ⵉⴽⴽⴰⵏ ⵜⴰⵎ ⵏ ⵜⵉⵎⴰⴹ ⵏ ⵉⵙⴻⴳåⴰⵙⵏ ⴰⵍⵍⴻⵢ ⵜⴻⵏ ⴽⴻⵥⵄⵏ ⴳ 1492 ⴼⴼⵉⵔ ⵏ ⵜⵍⴰⵍⵉⵜ ⵏ ⵓⵢⵙⴰⵔ “ⵄⴻⵙⵙⵓ”.ⴰⵅⵙ ⵓⵔ ⵉⵔⵉ ⵎⴰⵙⵙ “ⴰⵔⵉⵙⵓⵏ” ⴰⴷ ⵉⵙⵙⵉⵖ ⴰⴼⴹⴰⵣ ⵉ ⵉⵙⴱⴰⵏⵉⵢⵏ ⵙ ⵓⵙⵎⴻⵏⴷⴻⵡ ⵏ ⵜⵏⴻⵜⵜⵉⵜ ⵜⴰⵏⴻⴷⵍⵓⵙⵜ?ⵏⴳⵉ ⵜ ⴰⵙ ⵉⵖⵥⴰⵏ ⵉⵙ ⵓⵔ ⵜⴻⵜⵜⵓⵣⵔⵉⵔ ⵜⵎⴰⵣⵉⵔⵜ ⵏⵏⴻⵖ ⵙ ⵓⵏⵣⴰⴳ ⵏ ⵓⵔⵓⴱⴱⴰ ?ⴰⵡⴷⵢⴰⵏ ⵓⵔ ⵉⵏⵏⵉ ⴰⴷ ⵉⵣⵔⵓⵔⵜ ⵜⵉⵎⵉⵜⴰⵔ ⵏ ⵓⵔⵓⴱⴱⴰ ⴳ ⵓⵏⵣⴰⴳ ⴷ ⵉⵎⵛ ⵏ ⵓⵏⴷⴰⵢ ⵏ ⵜⴳⴻⵎⵎⴰ ⵜⵉⵎⴰⵢⵏⵓⵜⵉⵏ ⴳ ⴰⴽⵯ ⵜⵉⵏⴰⴷⴰⵎⵉⵏ ⵏ ⵜⵎⴰⵣⵉⵔⵜ ⵏⵏⴻⵖ.ⵔⵏⵓ ⵖⵉⴼ ⵓⵢ-ⴰ ⵜⵜⵓⵣⵔⵉⵔⵏ ⴰⵡⴷ ⵉⵜⵙⵏ ⵉⵎⴻⵖⵍⴰⵏ ⵉⴽⵓⴼⴰⴹ ⵙ ⵉⵍⵙ ⴷ ⵓⴷⴰⵍⵉⵙ ⴰⴼⵔⴰⵏⵙⵉⵙ ⴰⵍⵍⴻⵢ ⵓⵔ ⴰⵔ ⵙⴰⵡⴰⵍⵏ ⵅⴰⵙ ⵉⵍⵙ ⴷⴷⴻⵖ ⴰⵡⴷ ⴳ ⵡⴰⵎⵎⴰⵙ ⵏ ⵉⵃⴰⴷⴰⵎⵏ ⵏ ⵓⵡⴰⵏⴽ ⴰⵎⴻⵔⵔⴰⴽⵓⵛⴰⵏ .ⵉⵖ ⵏⴻⵙⴽⵓⵜⵜⴻⵢ ⵖⵉⴼ ⵓⵎⴰⵥⵉⵍ ⵏ ⵎⴰⵙⵙ ⴰⵔⵉⵙⵓⵏ ⵎⴰⵅ ⴰⴷ ⵓⵔ ⵏⴻⵙⵎⴻⵏⴷⴻⵡ ⵉⵍⵙ ⴰⴼⵔⴰⵏⵙⵉⵙ ⴰⵎ ⵓⵎⵜ ⵏ ⵜⵏⴻⵜⵜⵉⵜ ⵏⵏⴻⵖ ⵎⴰⵔ ⴰⴷ ⵏⵙⵖⵓⴷⵓ ⴰⵣⴷⴰ ⴳⴻⵔ ⵜⵎⴰⵣⵉⵔⵜ ⵏⵏⴻⵖ ⴷ ⴼⵔⴰⵏⵙⴰ ⵏⴻⵖ ⵉⴼⵔⴰⵏⵙⵉⵏⵥⵉⵜⵏ (ⵡⵉ-ⵍⵍⵉ ⵉⵙⵓⵙⵔⵓⵏ ⵙ ⵜⴻⴼⵔⴰⵏⵙⵉⵙⵜ) ⴷⵉ-ⵏⵏⴰ ⴰⴽⵯ ⵍⵍⴰⵏ.ⵉⵖ ⵏⴻⵙⵎⴻⵏⴷⴻⵡ ⵜⴰⵏⵜⵜⵉⵜ ⵜⴰⵏⴻⴷⵍⵓⵙⵜ ⵇⴻⵏⵏⴰ ⴰⴷ ⵏⴻⵙⵙⵉⵖ ⵜⴰⴽⴰⵜ ⴳⴻⵔ ⴰⵖ ⴷ ⵙⴱⴰⵏⵢⴰ ⴰⵖ ⵉⵜⵜⴻⴳⵍⴰⵎⵏ ⵙ ⵉⵙⴷⴰⵔⵔⴰⵢⵏ ⵢⵓⵙⵉⵏ ⴰⵛⴻⵏⵢⴰⵍ ⴰⵙⴻⵍⵎⴰⵏ ⴰⵀⴰ ⵏⴻⵣⴷⴻⵢ ⵜⴰⵎⴰⵣⵉⵔⵜ ⵏⵏⴻⵖ ⵙ ⵜⴻⵏⴱⴰⵟ ⵏ ⵉⵎⵉⵏⴳ ⵎⴻⵇⵇⴰⵔ ⵜⴻⴽⴽⴰ ⵜⵎⴰⵣⵉⵔⵜ ⵏⵏⴻⵖ ⵜⴼⵓⵍⴻⵢ ⵣⵉ ⴷⵉⵙ ⵣⵉ ⵡⴰⵀⵡⵡⴰ.ⵉⵖ ⵏⵖⴰⵍ ⵉⵙ ⵉⵙⵜⴻⵢ ⵓⴷⴰⵍⵉⵙ ⴰⵏⴻⴷⵍⵓⵙ ⴳ ⵜⵎⴰⵣⵉⵔⵜ ⵏⵏⴻⵖ ⵎⴰ ⴰⵏⵉ ⵉⵍⵙ ⵜ ⵢⵓⵙⵉⵏ?ⴰⵔ ⵜⵜⵉⵏⵉⵏ ⵉⵙⴻⵏⵍⴰⵙ(ⵡⵉ-ⵍⵍⵉ ⵉⵙⵙⴻⵏ ⴳ ⵓⵙⵓⵏ ⵏ ⵉⵍⵙ) ⵉⵙ ⴽⵓ ⵉⵍⵙ ⴰⵔ ⵉⵜⵜⴰⵙⴻⵢ ⴰⴷⴰⵍⵉⵙ ⵏⵏⴻⵙ.ⵎⴰ ⴰⵏⵉ ⵉⵍⵙ ⴷⴷⴻⵖ?.ⵉⵖ ⵏⴻⵙⵙⴻⵏ ⵉⵙ ⵉⵎⴰⵣⵉⵖⵏ ⴰⵢⴷ ⵉⵙⴻⵍⴽⵏ “ ⵜⵉⴱⵉⵔⵉⵢⵜ” ⴰⵀⴰ ⵓⵏⴼⵏ ⴰⴱⵔⵉⴷ ⴷⴰⵜ ⵉⵏⴻⵙⵍⴰⵎ ⵉⵄⵔⴰⴱⵏ ⴷ ⵡⵉ-ⵢⵢⴰⴹ ⵎⴰ ⴰⵏⵉ ⵉⵍⵙ ⵉⴳⴰⵏ ⴰⵍⵍⴰⵍ ⵏ ⵓⵎⵙⴰⵡⴰⴹ ⴳⴻⵔ ⴰⵜⵙⵏ ⴳ ⵜⴰⵖⵣⵉ ⵏ ⵜⴰⵎⵜ ⵜⵉⵎⴰⴹ ⵏ ⵉⵙⴻⴳåⴰⵙⵏ ?ⴰⴷ ⵏⵉⵏⵉ ⴽⵓⴷ ⵔⵡⴻⵍⵏ ⵉⵎⵓⵔⵉⵙⴽⵉⵏ ⵣⵉ ⵜⵉⴱⵉⵔⵉⵢⵜ ⴰⵀⴰ ⴱⴻⵏⵖⴻⵍⵏ(ⵣⵣⴻⵢⴰⵏ ⴳ ⵡⴰⵏⵙⴰ) ⴳ ⵓⴳⴰⴼⴰ ⵏ ⵓⴼⵔⵉⴽ ⵎⴰ ⴰⵏⵉ ⵉⵍⵙ ⴰⵙⵏ ⵉⵙⴻⵍⴳⵏ ?ⵉⵍⵍⴰ ⵓⵥⴰⵡⴰⵏ ⵎⵉ ⴷⴰ ⵇⵇⴰⵔⵏ ⵉⵜⵙⴻⵏ ⴰⵏⴻⴷⵍⵓⵙ ⴰⵔ ⵉⵙⴰⵡⴰⵍ ⵙ ⵜⵎⴰⵣⵉⵖⵜ ,ⵜⴰⵄⵉⴱⵔⵉⵜ ⴷ ⵜⴰⵄⵔⴰⴱⵜ ⴰⵀⴰ ⵉⵎⵣⴰⵔⴰⵢ ⴷ ⵓⵥⴰⵡⴰⵏ ⵏ ⵉⵎⵉⵏⴳ ⴰⵍⵍⴻⵢ ⵉⴳⵍⴻⵎ ⵜ ⵎⴰⵙⵙ ⴰⵚⵚⴰⴼⵉ ⵎⵓⵎⵏ ⵄⵍⵉ ⵙ ⵓⵎⴰⵣⵉⵖ .ⴰⵡⴷ ⴰⵥⴰⵡⴰⵏ ⵎⵉ ⴷⴰ ⵇⵇⴰⵔⵏ “ⴰⵍ ⵎⴰⵍⵃⵓⵏ” ⵉⵜⵜⵓⵙⴽⴰ ⵖⵉⴼ ⵓⵙⴰⵖⵉⵍ ⴰⵎⴰⵣⵉⵖ ⵉⵎⵛⵉ-ⵏⵏⴰ ⵢⵓⴼⴰ ⵎⴰⵙⵙ “ⴰⵍ ⵎⴰⴷⵍⴰⵡⵉ” ⴷ ⵓⵙⵎⵓⵏ ⵏⵏⴻⵙ ⴰⴱⴻⵔⵔⴰⵏⵉⵢ.ⵉⵍⵙ ⴰⵎⴻⵔⵔⴰⴽⵓⵛⴰⵏ ⵉⵜⵜⴻⵏⵢⵓⴷⴷⵓⵏ ⴳ ⵉⵜⵙⴻⵏⵜ ⵜⵉⵏⴰⴷⴰⵎⵉⵏ ⵜⵉⵎⴻⵔⵔⴰⴽⵓⵛⵉⵏ ⵉⴳⴰ ⵜ ⵡⴰ-ⵏⵏⴰ ⵎⵉ ⴷⴰ ⵇⵇⴰⵔⵏ “ⴷⴷⴰⵔⵉⵊⴰ” ⵍⵍⵉ ⵉⵙⵎⴰⵏ ⵉⵎⴰⵣⵉⵖⵏ ⴷ ⵉⵄⵔⴰⴱⵏ ⵉⴽⴻⵛⵎⵏ ⵜⴰⵎⴰⵣⵉⵔⵜ ⴼⴼⵉⵔ ⵓⵏⵓⵙⵍⵎ ⵏ ⵉⵎⴰⵣⵉⵖⵏ ⵉⴳⴰ ⴰⵎⴰⵣⵉⵖ ⴰⵛⴽⵓ ⵜⵉⵙⴻⵖⴷⵉⵜ ⵏⵏⴻⵙ ⵏ ⵓⵙⴻⴼⵜⵓ ⵜⴳⴰ ⵜⴰⵎⴰⵣⵉⵖⵜ ⵙ ⵎⵉ?ⵓⵔ ⴰⵔ ⵏⵜⵜⵉⵏⵉ ⵉ ⵙⵉⵏ ⵎⴻⴷⴷⴻⵏ “ⵙⵉⵔⴰ” ⴰⵔ ⵏⴻⵜⵜⵉⵏⵉ “ⵙⵉⵔⵓ”,ⴰⵔ ⵏⵜⵜⵉⵏⵉ ⴷⵉⵖ “ⵎⵛⴰⵡ ⵏⵏⴰⵙ” ⵓⵔ ⴰⵔ ⵏⵜⵜⵉⵏⵉ “ⵎⴰⵛⴰ ⴰⵏ-ⵏⵏⴰⵙⵓ”,ⴰⵔ ⵏⵜⵜⵉⵏⵉ ⴷⵉⵖ “ⵡⴰⵃⴷ ⴰⵔⵔⴰⵊⵍ” ⵓⵔ ⴰⵔ ⵏⵜⵜⵉⵏⵉ “ⵔⴰⵊⵓⵍⵓⵏ ⵡⴰⵃⵉⴷⵓⵏ” ⴰⵎ ⴰⵢ-ⵏⵏⴰ ⵏⵜⵜⵉⵏⵉ ⴳ ⵜⵎⴰⵣⵉⵖⵜ “ⵢⴰⵏ ⵓⵔⴳⴰⵣ”,”ⴷⴷⴰⵏ ⵎⴻⴷⴷⴻⵏ”,”ⴷⴷⵓⵡⴰⵜ”.ⴰⵔ ⵏⵜⵜⵉⵏⵉ ⴳ ⵓⵙⵡⵉⵔ ⵏ ⵓⵎⴰⵡⴰⵍ ⵎⴻⵏⵏⴰⵡ ⵏ ⵉⵡⴰⵍⵉⵡⵏ ⴰⴷⴷⴰⵢ ⴷⴰ ⵏⵙⴰⵡⴰⵍ ⵙ “ⴷⴷⴰⵔⵉⵊⴰ” ⵏ ⵡⵉ-ⵍⵍⵉ ⵓⵔ ⴽⴽⵉⵏ ⵜⵉⵏⵎⵍ .ⵉⴷ ⵡⵉ-ⴷⴷⴰ ⵜ ⵉⴽⴽⴰⵏ ⵀⴰⵜ ⴰⵔ ⵙⴰⵡⴰⵍⵏ ⵙ ⵉⵍⵙ ⵓⵔ ⴳⵉⵏ ⴰⵄⵔⴰⴱ ⴰⵙⴻⵇⵇⴰⵇ ⵓⵣⴷⵉⴳ ,ⵉⵍⵙ ⴳⴻⵔ ⵜⴰⵄⵔⴰⴱⵜ ⵉⵎⵛⵉ ⴷⴷⴰ ⵜ ⵉⵃⴱⵉⴱⴹ ⵓⴷⵍⵉⵙ ⴰⴼⵓⵣⴰⵍ “ⴰⵍ ⵇⵓⵔⴰⵏ”ⴷ ⵓⴳⴰⵔⵉⵍⵙ ⴰⵎⴰⵣⵉⵖ-ⴰⵄⵔⴰⴱ ⵉⵍⵓⵍⴰⵏ ⵣⵉ ⴽⵓⴷ ⵣⵓⴳⵏ ⵉⵜⵙⴻⵏ ⵉⵄⵔⴰⴱⵏ ⵣⵉ ⵜⵎⴰⵣⵉⵔⵜ ⵏⵙⴻⵏ ⵙ ⵓⴳⴰⴼⴰ ⵏ ⵓⴼⵔⵉⴽ.ⴰⵡⴷ ⵓⴳⴰⵔⵉⵍⵙ ⵎⵉ ⴷⴰ ⵇⵇⴰⵔⵏ ⴰⵃⴻⵙⵙⴰⵏⵉⵢ ⵍⵍⴰⵏ ⴷⵉⵙ ⵎⴻⵏⵏⴰⵡ ⵏ ⵜⵉⵡⴰⵍⵉⵡⵉⵏ ⵜⵉⵎⴰⵣⵉⵖⵉⵏ .ⵀⴻⵢⵢⴰ ⵉⵍⵙ “ⴰⴷⵔⵔⵉⵊ” ⴷ ⵓⵃⴻⵙⵙⴰⵏⵉⵢ ⵓⵔ ⴳⵉⵏ ⵅⴰⵙ ⵉⴳⴰⵔⵉⵍⵙⵏ ⵉⵍⵓⵍⴰⵏ ⵣⴻⴳ ⵓⵎⵙⴰⵡⴰⴹ ⴳⴻⵔ ⵉⵎⴰⵣⵉⵖⵏ ⴷ ⵉⵎⴻⵣⵡⴰⴳ ⵉⵄⵔⴰⴱⵏ .ⵙ ⵉⵎⴻⴷⵢⴰⵜⵏ ⴷⴷⴻⵖ ⵏⴻⵣⴹⴰⵔ ⴰⴷ ⵏⵉⵏⵉ ⵉⵙ ⵉⵍⵙ ⴰⵎⴰⵣⵉⵖ ⴰⵢⴷ ⵉⴳⴰⵏ ⴰⵏⴰⵎⴰⵢ ⵉⴷ ⴰⵄⵔⴰⴱ ⵀⴰⵜ ⵓⵔ ⵉⴳⵉ ⵅⴰⵙ ⵓⵣⴷⵉⵍ ⴰⴱⴻⵔⵔⴰⵏⵉⵢ ⵏⵏⴰ ⵓⵙⵉⵏ ⵉⵜⵙⴻⵏ ⵉⵎⴰⵣⵉⵖⵏ ⵎⴰⵔ ⴰⴷ ⴳⵣⵓⵏ ⴰⴷⵍⵉⵙ ⴰⴼⵓⵣⴰⵍ ⴰⵙⴻⵍⵎⴰⵏ ⵣⵉ ⴽⵓⴷ ⴼⴻⵍⵙⵏ ⴳⵉⵙ.ⵉⴷ ⵜⵉⵎⵉⵜⴰⵔ ⵏ ⵓⴷⴰⵍⵉⵙ ⵙ ⵡⴰⵎⴰⴽ ⵏⵏⴻⵙ ⴰⵎⴰⵜⴰⵏ ⵙⵡⴰ ⴳ ⵉⴽ ⵏ ⵜⵍⵓⵙⵉ ⵏⴻⵖ ⴳ ⵜⵉⵔⴰⵎ ,ⴷ ⵓⵙⴰⵏ ⴷ ⵓⵥⴰⵡⴰⵏ ⵎⵉ ⴷⴰ ⵇⵇⴰⵔⵏ “ⴰⵍ ⵄⴰⵢⵟⴰ”ⵏⴻⵖ “ⵔⵔⴻⵎⴰ”ⵀⴰⵜ ⵜⵜⵓⵣⵔⵉⵔⵏ ⵙ ⵓⵥⴰⵡⴰⵏ ⴷ ⵓⵃⵡⴰⵛ ⵏⴻⵖ ⴰⵃⵉⴷⵓⵙ ⵉⵎⴰⵣⵉⵖⵏ ⴰⵡⴷ ⴳ ⵉⴽ ⵏ ⵓⵏⴷⴰⵢ ⵙⵓⵍⵏ ⵜⵉⵎⵉⵜⴰⵔ ⵏⵏⴻⵙ ⵍⵍⴰⵏⵜ ⴳ ⵡⴰⵔⵣⴰⵣⴰⵜ ⴷ ⵜⵉⵏⴰⴷⴰⵎⵉⵏ ⵢⴰⴹⵏ ⴷ ⵓⵙⴽⴰⵏ ⵢⴰⴹⵉⵏⵉⵏ ⵡⴰⵏ ⵉⵖⴻⵔⵎⴰⵏ ,ⵉⴳⵓⴷⴰⵔ ⵉⵜⵜⴻⵏⵏⴻⴹⵏ ⵉ ⵜⵉⵏⴰⴷⴰⵎⵉⵏ ⵜⵉⵇⴱⵓⵔⵉⵏ ⵡⴰⵏ “ⵎⴻⵔⵔⴰⴽⴻⵛ”,”ⴼⴰⵙ” ⴷ “ⵎⴻⴽⵏⴰⵙ” ⴰⵜⴳ.ⵎⴰⵛⴰ ⵙ ⵜⵉⵎⴻⵣⴳⵉⴷⵉⵡⵉⵏ ⵜⴻⵖⵎⴰ ⵜⵎⴰⵣⵉⵔⵜ ⵏⵏⴻⵖ ⵓⴷⵎ ⵏⵏⴻⵙ ⵙ ⵓⵖⴰⵔⵉⵎ ⴰⵙⴻⵍⵎⴰⵏ ⵎⴻⵇⵇⴰⵔ ⵏⴻⵃⵢⴰⵏⵜ ⵖⵉⴼ ⵜⵉⵎⴻⵣⴳⵉⴷⵉⵡⵉⵏ ⵏ ⵉⵎⵉⵏⴳ ⵙ ⵢⴰⵏ ⵓⴷⵎ ⵢⴰⴹⵏ ⵏ ⵓⵏⴷⴰⵢ.ⴰⵢ-ⴰ ⴰⵔ ⵉⵜⵜⴻⵙⴽⴰⵏ ⵉⵙ ⵜⴻⵙⵜⴻⵢ ⵜⵎⴰⵣⵉⵔⵜ ⵏⵏⴻⵖ ⵙ ⵜⵉⵖⵓⵔⵔⴻⵎⴰ ⵏⵏⴻⵙ ⵜⴰⵎⴰⵣⵉⵖⵜ ⵙ ⵜⵇⴻⴱⴱⵓⵜ ,ⴰⵥⵏⵏⴰⵔ,ⵉⴽⵓⵔⴱⵉⵏ ⵏⴻⵖ ⵉⴷⵓⴽⴰⵏ,ⵙ ⵜⵉⵙⵉⵍⴰ ,ⵙ ⵓⵇⴻⵢⴷⵓⵔ ,ⵙ ⵜⵃⴻⵏⴷⵉⵔⵜ,ⵙ ⵓⵀⴷⴷⵓⵏ,ⵙ ⵉⵣⵓⵣⴰⴼ ⵏ ⵓⵥⵔⴻⴼ ⴷ ⵡⵉ-ⵏ ⵓⵔⵖ ⵖⵉⴼ ⵎⴻⵏⵏⴰⵡ ⵏ ⵓⴷⵎⴰⵡⵏ ⵙ ⵜⵉⵔⴰⵎ ⴰⵎ ⵙⴻⴽⵙⵓ,ⴰⵎⵍⵓ,ⵜⴰⵔⴼⴼⵉⵙⵜ,ⴷ ⵓⵟⴰⵊⵉⵏ ⴷ ⴰⵜⴳ.ⴰⵢ-ⴰ ⴰⵔ ⵢⴰⴽⴽⴰ ⵓⵏⵥⴰⵏ ⵉⵙ ⵜⴰⵎⴰⵣⵉⵔⵜ ⵏⵏⴻⵖ ⵓⵔ ⵜⵎⵎⴻⵙⵡⴻⵏ(ⵓⵔ ⵜⴻⵎⵢⴰⵖ) ⴷ ⵜⵎⵉⵣⴰⵔ ⵏ ⵉⵎⵉⵏⴳ,ⵉⵙ ⴰⴷⴰⵍⵉⵙ ⵏⵏⴻⵙ ⵉⵙⵜⴻⵢ ⵙ ⵜⵉⵎⵉⵜⴰⵔ ⵏⵏⴻⵙ,ⵉⵙ ⵜⵓⵎⴰⵙⵜ ⵏⵏⴻⵙ ⵜⴳⴰ ⵜⴰⵎⴰⵣⵉⵖⵜ,ⵉⵙ ⵜⴰⵎⴰⵣⵉⵖⵜ ⵜⵍⵓⵍⴰ ⴳ ⵓⴳⴰⴼⴰ ⵏ ⵓⴼⵔⵉⴽ ⴳ ⵜⵎⴰⵣⵉⵔⵜ ⵏⵏⴻⵙ ⴰⵛⴽⵓ ⴰⵙⵙⴰⵖⵏ ⵏ ⵉⴷⴻⵖⵔⴰⵏ ⴷ ⵓⴷⵎⴰⵡⵏ ⵏ ⵓⵛⴻⵍⵏⵖ ⴰⵎ ⵉⴷⵓⵔⴰⵔ ⴷ ⵉⵙⴰⴼⴼⴻⵏ ⴷ ⵉⵥⵓⵖⵉⵔ ⴳⴰⵏ ⵙ ⵓⵎⴰⵜⴰ ⵉⵎⴰⵣⵉⵖⵏ.ⵉⵖ ⵏⵙⴻⵇⵙⴰ ⴰⴷⴰⵢⵉⵏ ⴰⵔ ⵉⵜⵜⵉⵏⵉ ⵉⵙ ⴳⴰⵏ ⵉⵎⴻⵣⴷⴰⵖ ⵏⵏⴻⵙ ⵉⵎⴻⵣⵡⵓⵔⴰ ⵉⵎⴰⵣⵉⵖⵏ .ⵎⴻⵛ ⵏⵏⴰⵏ ⵉⵜⵙⴻⵏ ⵉⴷⴰⵎⵉⵏ ⵏ ⵉⵜⵙⴻⵏ ⵉⵄⵔⴰⴱⵏ ⵀⴰⵜ ⴽⴽⴰⵏ ⵣⴻⴷⵖⵏ ⵜⵎⴰⵣⵉⵔⵜ ⵏ “ⵍⵢⴰⵎⴰⵏ”ⴰⴷ ⴰⵖ ⵣⵣⴻⵏⵥⵓⵏ ⵙ ⵓⵏⵥⴰⵏ.ⵎⴻⵛ ⴽⴽⴰⵏ-ⴷ ⴰⴳⴰⴼⴰ ⵏ ⵓⴼⵔⵉⴽ ⵣⵉ “ⵍⵢⴰⵎⴰⵏ” ⵓⵔ ⴽⴽⵓⵍⵏ ⴰⴷ ⵣⵔⵉⵏ ⵉⴷⴰⵔⵉⵣⵏ ⵏⵙⴻⵏ ⴰⵎ ⵡⴰⵙⵙⴰⵖⵏ ⵏ ⵓⴷⵎⴰⵡⵏ ⵏ ⵓⵛⴻⵍⵏⵖ ⴷ ⵡⵉ-ⵏ ⵜⵓⴳⴰ ,ⵓⵔ ⴽⴽⵓⵍⵏ ⴰⴷ ⵣⵔⵉⵏ ⵉⵜⵙⴻⵏ ⵉⵡⴰⵍⵉⵡⵏ ⵉⵎⴰⵣⵉⵖⵏ ⴳ ⵓⴳⴰⵔⵉⵍⵙ ⴰⵢⴰⵎⴰⵏ ⵙ ⴷⵖⵉ.ⵎⴰⵅ ⴰⴷ ⵓⵔ ⵏⵙⴻⵇⵙⴰ ⵉⵅⴼⴰⵡⵏ ⵏⵏⴻⵖ :”ⵉⵙ ⵓⵔ ⴰⵔ ⵜⵎⵓⴷⴷⵓⵏ ⵉⵎⴰⵣⵉⵖⵏ ⵣⵉ ⵜⵉⵣⵡⵉⵔⵉ ⵙ ⵉⴷⴻⵖⵔⴰⵏ ⵢⴰⴹⵏ ⵎⴰⵔ ⴰⴷ ⵣⵣⴻⵏⵣⵉⵏ ⴰⵀⴰ ⵙⵖⵉⵏ ?ⵎⴰⵅ ⴰⴷ ⵓⵔ ⵏⵉⵏⵉ ⵉⵙ ⴽⴽⴰⵏ ⵉⵜⵙⴻⵏ ⵉⵎⴰⵣⵉⵖⵏ ⵎⴻⵏⵏⴰⵡ ⵏ ⵡⴰⵏⵙⵉⵡⵏ ⴳ ⵓⵎⴰⴹⴰⵍ ⴰⵎ ⴰⵢ-ⵏⵏⴰ ⵜⴻⵏ ⵢⴰⵖⵏ ⴷⵖⵉ?ⵉⵖ ⴷⵉⵖ ⵏⵙⴻⵇⵙⴰ ⴰⴷⴰⵢⵉⵏ ⴰⵔ ⴰⵖ ⵉⵜⵜⵉⵏⵉ ⵉⵙ ⵜⴻⴽⴽⴰ ⵜⵎⴰⵣⵉⵔⵜ ⵏⵏⴻⵖ ⵜⵜⵓⵢⴰⵙⵙⴻⵏ ⵙ “ⵎⴻⵔⵔⴰⴽⴻⵛ”ⴷⴰⵜ ⵏ ⵡⴰⴷ ⵜ ⵉⵙⴷⵓⵔⵔⴻⵢ ⵓⴼⵔⴰⵏⵙⵉⵙ.ⵉⵖ ⵏⵙⴻⵇⵙⴰ ⴰⵛⴻⵍⵏⴻⵖ ⴰⴷ ⴰⵖ ⵢⵉⵏⵉ ⵉⵙ ⵜⴳⴰ ⵢⴰⵏ ⵓⴽⴰⵟⵉⵙ ⵣⴻⴳ ⵓⴼⵔⵉⴽ ,ⵣⴻⴳ ⵓⴳⴰⴼⴰ ⵏⵏⴻⵙ.ⵎⴻⵛ ⵏⴻⴳⵍⴻⵎ ⵜⴰⵎⴻⵏⴷⴰⵡⵜ ⵙ ⵓⵜⴰⵛⵉⵔ ⵏ ⵓⵙⵓⵙⵙⴻⵏ ⴰⵀⴰ ⵏⵔⴰ ⴰⴷ ⵜⴻⵎⵙⴰⵙⴰ ⴷ ⵓⵛⴰⵔⵉⴷ ⴷ ⵓⵙⴷⴰ,ⵉⵖ ⵏⴻⵙⵙⴻⵏ ⵉⵙ ⴰⵙⴰⴹⵓⴼ ⴰⵙⵓⵏⴰⵏ ⵓⵔ ⴰⵔ ⵉⵜⵜⴻⵎⵣⴰⵔⴰⵢ ⴷ ⵓⵛⴰⵔⵉⴷ ⴷ ⵓⵙⴷⴰ ⵉⵇⵇⴻⵏ ⴰⵖ ⴰⴷ ⵏⴻⵙⵙⵓⵙⵙⴻⵏ ⵙ ⵜⵎⴰⵣⵉⵔⵜ ⵏⵏⴻⵖ ⵙ ⵜⵙⴻⴼⵔⵓⵜ ⴷⴷⴻⵖ:<ⴱⵔ /><ⵙⵃⴰⵏ ⵙⵜⵢⵍⴻ="ⴼⵄⵏⵜ-ⴼⴰⵎⵉⵍⵢ: ⵟⵉⴼⵉⵏⴰⴳⵀⴻ-ⵉⵕⵛⴰⵎ; ⴼⵄⵏⵜ-ⵙⵉⵣⴻ: 12ⵃⵜ;"> ⵟⴰⴷⵓⵎⴽⴰⵍⵜ :<ⴱⵔ /><ⵙⵃⴰⵏ ⵙⵜⵢⵍⴻ="ⴼⵄⵏⵜ-ⴼⴰⵎⵉⵍⵢ: ⵟⵉⴼⵉⵏⴰⴳⵀⴻ-ⵉⵕⵛⴰⵎ; ⴼⵄⵏⵜ-ⵙⵉⵣⴻ: 12ⵃⵜ;"> ⵟⴰⵎⴰⵣⵉⵔⵜ ⵏ “ⵓⵎⴻⵔⵔⴰⴽⵓⵛ” ⵜⴳⴰ ⵢⴰⵏ ⵓⴽⴰⵟⵉⵙ ⵣⴻⴳ ⵓⴳⴰⴼⴰ ⵏ ⵓⴼⵔⵉⴽ.ⵢⴰⵏ ⵓⴼⴻⵔⴷⴰⵙ ⵣⵉ ⵓⵙⴰⴳⴰⵢ ⵏ ⵜⵉⵎⵎⵓⵣⵖⴰ ⵎⵉ ⴷⴰ ⵇⵇⴰⵔⵏ ⵉⵜⵙⴻⵏ “ⴰⵍ ⵎⴰⵖⵔⵉⴱ ⴰⵍ ⴽⴰⴱⵉⵔ”.<ⴱⵔ /><ⵙⵃⴰⵏ ⵙⵜⵢⵍⴻ="ⴼⵄⵏⵜ-ⴼⴰⵎⵉⵍⵢ: ⵟⵉⴼⵉⵏⴰⴳⵀⴻ-ⵉⵕⵛⴰⵎ; ⴼⵄⵏⵜ-ⵙⵉⵣⴻ: 12ⵃⵜ;"> ⴰⴳⴷⵓⴷ ⵏⵏⴻⵙ ⵉⴳⴰ ⵙ ⵓⵎⵜⴰ ⴰⵎⴰⵣⵉⵖ ⵙ ⵓⵏⴼⵉⵍ ⴰⵄⵔⴰⴱ ⴷ ⵓⴷⴰⵢ.<ⴱⵔ /><ⵙⵃⴰⵏ ⵙⵜⵢⵍⴻ="ⴼⵄⵏⵜ-ⴼⴰⵎⵉⵍⵢ: ⵟⵉⴼⵉⵏⴰⴳⵀⴻ-ⵉⵕⵛⴰⵎ; ⴼⵄⵏⵜ-ⵙⵉⵣⴻ: 12ⵃⵜ;"> ⴰⵙⵓⵏⴰⴹ ⵏⵏⴻⵙ ⴰⵙⴻⵔⵜⴰⵏ ⵉⴳⴰ ⵜⵉⴳⴳⵓⵍⴷⴰ ⵜⴰⵙⴰⴹⴼⴰⵏⵜ.<ⴱⵔ /><ⵙⵃⴰⵏ ⵙⵜⵢⵍⴻ="ⴼⵄⵏⵜ-ⴼⴰⵎⵉⵍⵢ: ⵟⵉⴼⵉⵏⴰⴳⵀⴻ-ⵉⵕⵛⴰⵎ; ⴼⵄⵏⵜ-ⵙⵉⵣⴻ: 12ⵃⵜ;"> ⵉⵍⵙ ⵏⵏⴻⵙ ⴰⵎⴻⵔⵙⴰⵏ(ⴰⵡⴻⵔⵢⴰⵏ,ⴰⵔⴻⵙⵍⴰⵏ) ⵉⴳⴰ ⵜ ⵉⵍⵙ ⴰⵎⴰⵣⵉⵖ ⴷ ⵓⵄⵔⴰⴱ.<ⴱⵔ /><ⵙⵃⴰⵏ ⵙⵜⵢⵍⴻ="ⴼⵄⵏⵜ-ⴼⴰⵎⵉⵍⵢ: ⵟⵉⴼⵉⵏⴰⴳⵀⴻ-ⵉⵕⵛⴰⵎ; ⴼⵄⵏⵜ-ⵙⵉⵣⴻ: 12ⵃⵜ;"> ⴰⴷⴰⵍⵉⵙ ⵏⵏⴻⵙ ⵉⵣⴷⵓⴽⵍ(ⵉⴳⴰ ⵎⴻⵏⵏⴰⵡ) ,ⵉⴳⴰ ⵓⴷⴰⵙⵉⵍ ⵏⵏⴻⵙ ⴰⵎⴰⵣⵉⵖ ⵎⴰⵛⴰ ⵉⵏⵏⴰⵔⵥⵎ ⵖⵉⴼ ⵉⴷⴰⵍⵉⵙⵏ ⵉⵎⴰⴹⵍⴰⵏⴻⵏ .<ⴱⵔ /><ⵙⵃⴰⵏ ⵙⵜⵢⵍⴻ="ⴼⵄⵏⵜ-ⴼⴰⵎⵉⵍⵢ: ⵟⵉⴼⵉⵏⴰⴳⵀⴻ-ⵉⵕⵛⴰⵎ; ⴼⵄⵏⵜ-ⵙⵉⵣⴻ: 12ⵃⵜ;"> ⴰⵙⴰⵖⵉⵏ ⵏⵏⴻⵙ ⵉⴳⴰ ⵜ ⵙ ⵓⵎⴰⵜⴰ ⴰⵙⴰⵖⵉⵏ ⴰⵙⴻⵍⵎⴰⵏ ⵙ ⵓⵙⴰⴽⵉⴷ ⵏⵏⴻⵙ ⴰⵎⴰⵍⵉⴽⵉ ⵏⵏⴰ ⵉⵜⵜⴻⵢⴰⵙⵙⴻⵏ ⵙ ⵓⵎⵓⵣⵣⵓ,ⴰⵔ ⵉⵜⵜⴻⵣⵔⴰⴽ ⵉⵙⴰⵖⵉⵏ ⵢⴰⴹⵏ, ⴰⵔ ⵉⵜⵜⴻⵙⴳⴰⵔ ⵜⵉⴳⴳⵓⵔⴳ ⵏ ⵓⴼⴽⴰⵏ ⴷ ⵓⴼⵍⴰⵙ ,ⴰⵔ ⵉⵜⵜⴻⵣⵔⴰⴽ ⵉⵣⴻⵔⴼⴰⵏ ⵏ ⵓⴼⴳⴰⵏ ,ⵡⵉ-ⵏ ⵜⴻⵙⴷⴻⵏⵜ ,ⵡⵉ-ⵏ ⵉⵛⵉⵔⵔⴰⵏ ⵙ ⵎⴰ ⵙ ⵍⵍⴰⵏ ⴳ ⵉⵖⴻⵣⵡⴻⵔ.<ⴱⵔ /><ⵙⵃⴰⵏ ⵙⵜⵢⵍⴻ="ⴼⵄⵏⵜ-ⴼⴰⵎⵉⵍⵢ: ⵟⵉⴼⵉⵏⴰⴳⵀⴻ-ⵉⵕⵛⴰⵎ; ⴼⵄⵏⵜ-ⵙⵉⵣⴻ: 12ⵃⵜ;"> ⴰⵙⵓⵏⴰⴹ ⵏⵏⴻⵙ ⴰⴷⴻⵎⵙⴰⵏ ⵉⴳⴰ ⵜ ⴰⴷⴳⵓⴳⵔ ⴰⵔⴻⴼⵙⴰⵏ . <ⴱⵔ /><ⵙⵃⴰⵏ ⵙⵜⵢⵍⴻ="ⴼⵄⵏⵜ-ⴼⴰⵎⵉⵍⵢ: ⵟⵉⴼⵉⵏⴰⴳⵀⴻ-ⵉⵕⵛⴰⵎ; ⴼⵄⵏⵜ-ⵙⵉⵣⴻ: 12ⵃⵜ;"> ⵙ ⵉⵙⵓⵎⵉⵔ ⴷⴷⴻⵖ ⴰⴷ ⵜⴻⵎⵙⴰⵙⴰ ⵜⵎⴻⵏⴷⴰⵡⵜ ⵏⵏⴻⵙ ⴷ ⵓⵛⴰⵔⵉⴷ ⴰⵙⵓⵏⴰⵏ ⴷ ⵓⵙⴷⴰ ⴰⵀⴰ ⵜⴻⴱⴹⵓ ⴷ ⵓⵙⵓⵏⴷⵎⴻⵎ ⴷ ⵉⴷⴰⵎⵉⵏ .ⵎⴻⵛ ⵏⵓⵙⴻⵢ ⵉⵙⵓⵎⵉⵔ ⴷⴷⴻⵖ ⵀⴰⵜ ⵓⵔ ⵏⴻⵏⵏⵉ ⴰⴷ ⵏⴻⴽⴽⴻⵙ ⴰⵣⵔⴻⴼ ⵏ ⵉⵍⵉ ⵉ ⵉⵎⴰⵣⵉⵖⵏ ⵡⴰⵍⴰ ⵉ ⵉⵄⵔⴰⴱⵏ ⵡⴰⵍⴰ ⴰⵡⴷ ⵉ ⵡⵓⴷⴰⵢⵏ ⵎⴻⵇⵇⴰⵔ ⴷⵔⵓⵙⵏ ⴱⴻⵣⵣⴰⴼ ⵉⴷⴷⴻⵖ ⵣⵓⴳⵏ ⵣⵉ ⵜⵎⴰⵣⵉⵔⵜ ⵏⵏⴻⵖ ⵎⴰⵛⴰ ⵀⴰⵜ ⵙⵓⵍⵏ ⴳⴰⵏ ⵉⵎⴻⵔⵔⴰⴽⵓⵛⵉⵏ ⵉⴷⴷⴻⵖ ⴰⵎⴻⵣⵡⴰⴳ ⵓⵔ ⴰⵔ ⵉⵜⵜⴻⴱⴱⴻⵢ ⵉⵣⵉⴽⵔ ⵏ ⵓⴼⵛⴰⴳ.ⵎⴻⵛ ⴷⴷⴰⵏ ⵉⵜⵙⴻⵏ ⵓⴷⴰⵢⵏ ⵙ ⵉⵙⵔⴰⵢⵉⵍ ⴰⵀⴰ ⴰⵖⵓⵍⵏ ⵙ ⵎⴻⵔⵔⴰⴽⵓⵛ ⵀⴰⵜ ⵓⵔ ⵉⵏⵏⵉ ⴰⵡⴷⵢⴰⵏ ⴰⴷ ⴰⵙⵏ ⵉⴽⴽⴻⵙ ⵜⵉⵖⵖⵓⵍⵏⴰ ⵏⵙⴻⵏ .ⵉⵖ ⵏⴻⵙⵎⴻⵏⴷⴻⵡ ⴰⴳⴰⵔⵉⵍⵙ “ⴰⴷⴰⵔⵉⵊ” ⵉⵎⵛⵉ ⴷⴷⴰ ⵜⴻⵜⵜⴻⵔⵏ ⵉⵜⵙⴻⵏ ,ⵏⴻⵖ ⴰⴳⴰⵔⵉⵍⵙ ⴰⵃⵙⵙⴰⵏⵉⵢ ⵀⴰⵜ ⵓⵔ ⵏⴻⵙⵎⴻⵏⴷⵉⵡ ⵅⴰⵙ ⵉⵍⵙ ⴰⵎⴰⵣⵉⵖ ⴷ ⵓⵄⵔⴰⴱ ⴳ ⵓⵙⵡⵉⵔ ⵏⵙⴻⵏ ⴰⴳⴰⵔⵉⵍⵙⴰⵏ.ⵎⴻⵛ ⵓⴳⵉⵏ ⵉⵜⵙⴻⵏ ⵉⵎⴰⵜⴰⵖⵏ ⴰⵙⵎⴻⴷⴻⵡ ⵏ ⵉⵍⵙ ⴰⵎⴰⵣⵉⵖ ⴰⵎ ⵉⵍⵙ ⴰⵎⴻⵔⵙⴰⵏ ⵀⴰⵜ ⵉⵙ ⵓⵔ ⴰⵔ ⵜⵜⵉⵥⵉⵔⵏ ⴰⵙⴷⴰ ⵙ ⵡⴰⵍⵍⴻⵏ ⵏ ⵓⵙⵓⵏ ⴰⵛⴻⵍⵏⴰⵖ ⴷ ⵓⴷⴻⵢⵏⴰⵏ .ⵉⵖ ⵓⴳⵉⵏ ⵉⵜⵙⴻⵏ ⵉⵎⴻⴷⵛⴰⵍⵏ ⴰⵙⴻⵎⴻⵏⴷⵡ ⵏⵏⴻⵙ ⴰⵎ ⵉⵍⵙ ⴰⵎⴻⵔⵙⴰⵏ ⵙ ⵜⴼⴰⴽⵓⵍⵜ ⵏ ⵜⵉⴱⴹⵉ ⵏⵏⴻⵙ ⵖⵉⴼ ⵛⵔⴰⴹ ⵉⴳⴰⵔⵉⵍⵙⵏ ⴰⵛⴻⵍⵃⴰⵢ,ⴰⵎⴰⵣⵉⵖ ⴷ ⵓⵔⵉⴼⵉ ⵀⴰⵜ ⵉⵙ ⵓⵔ ⴼⵔⵉⴽⵏ ⵙ ⵜⴰⵢⵓⵏⵜ ⵏ ⵉⵍⵙ ⴰⵎⴰⵣⵉⵖ ,ⵉⵙ ⵓⵔ ⵙⵙⵉⵏ ⵉⵣⵓⴱⴰⵥ ⵏⵏⴻⵙ ⵏ ⵡⴰⴷ ⵉⵍⵛⴻⵎ ⴰⵙⵡⵉⵔ ⴰⵙⵓⵏⴰⵏ ,ⵉⵙ ⵓⵔ ⵙⵙⵉⵏ ⵉⵙ ⵉⴽⴽⴰ ⵢⴰⵏ ⵓⵙⴻⵏⵍⴰⵙ ⵉⵏⵏⴰ ⵓⵔ ⵉⴳⵉ ⵉⵍⵙ ⵅⴰⵙ ⴰⴳⴰⵔⵉⵍⵙ ⵉⵜⵜⵓⵙⵎⴻⵔⵙⵏ ⵙ ⵓⴷⴰⴱⵓ ⴰⵙⴻⵔⵜⴰⵏ ⵏⴻⵖ ⴰⵙⴻⵖⵏⴰⵏ ,ⵀⴰⵜ ⵉⵙ ⵓⵔ ⵙⵙⵉⵏ ⵉⵙ ⴰⵙⵎⴻⵏⴷⴻⵡ ⵏ ⵉⵍⵙ ⴰⴽⵯ ⵎⴰⵢⴷ ⵉⴳⴰ ⴰⵢⴷ ⵢⴰⴽⴽⴰⵏ ⵜⴰⴼⴰⴷⴰ ⵉ ⵓⵣⵓⴱⴷⵓ ⵏⵏⴻⵙ ⴷ ⵓⵙⵏⴻⴱⴱⴻⵔ ⵏⵏⴻⵙ,ⵓⵔ ⵙⵙⵉⵏ ⵉⵎⵛⵓⵎⵏ ⵉⵙ ⵉⵍⵙ ⴰⵎⴰⵣⵉⵖ ⴰⵔ ⵉⵜⵜⴻⵣⵓⵔ ,ⴰⵔ ⵉⵜⵜⴻⵖⵣⵉⴼ ⵎⴰⵔ ⴰⴷ ⵢⴰⵡⴹ ⵓⴷⵎ ⴰⵙⵓⵏⴰⵏ ⵓⵜⵔⵉⵔ,ⵉⵙ ⵓⵔ ⵙⵙⵉⵏ ⵉⵎⵛⵓⵎⵏ ⵉⵙ ⵜⴻⴽⴽⴰ ⵜⴻⵄⵔⴰⴱⵜ ⴰⵔ ⵜⴻⵙⵃⵉⵔⵊⴷⵉⵍ ⴽⵓⴷ ⵜ ⵉⵙⵙⴻⴽⵛⴻⵎ ⵓⴷⴰⴱⵓ ⵜⴰⵎⴻⵏⴷⴰⵡⵜ ⵜⴰⵎⴻⵣⵡⴰⵔⵓⵜ ⴼⴼⵉⵔ ⵓⴼⵓⵍⴻⵢ ,ⵉⵙ ⵓⵔ ⵙⵙⵉⵏ ⵉⵎⵛⵓⵎⵏ ⵉⵙ ⵉⵜⵙⴻⵏ ⵉⵎⴰⵣⵉⵖⵏ ⵡⴰⵏ ⵎⴰⵙⵙ ⵛⴰⴼⵉⵇ ⵎⵓⵃⴰⵎⵎⴻⴷ ⴷ ⵎⴰⵙⵙ ⴰⵃⵎⴻⴷ ⴰⵍ ⴰⵅⴹⴰⵔ ⴰⵍ ⵖⴰⵣⴰⵍ ⴰⵢⴷ ⵉⵊⵊⴻⵏⵊⴻⵎⵏ ⵉⵍⵙ ⴰⵄⵔⴰⴱ ⵣⵉ ⵜⴻⵎⵜⴰⵏⵜ ⵙ ⵜⵓⴳⴳⴰ ⵏ ⵎⴰⵙⵙ ⴰⵍ ⵎⴰⵀⴷⵉ ⴰⵍ ⵎⴰⵏⵊⵔⴰ ⴳ ⵓⵎⵙⵉⵡⴰⵍ ⵏⵏⴻⵙ ⴷ ⵓⵏⴻⵖⵎⴰⵙ ⵏ ⵓⵖⴰⵎⵉⵙ ⴰⵎⴰⴹⴰⵍ ⴰⵎⴰⵣⵉⵖ,ⵉⵙ ⵓⵔ ⵙⵙⵉⵏ ⵉⵎⵛⵓⵎⵏ ⵉⵙ ⵜⴰⵡⵓⵔⵉ ⵏ ⵓⵎⴰⵔⵉⵙ ⵏ ⵓⵙⵙⴻⵄⵔⴱ ⴰⵎⴻⵔⵔⴰⴽⵓⵛⴰⵏ ⵓⵔ ⵉⵍⵉ ⵜⴰⵡⵓⵔⵉ ⵏⵏⴻⵙ ⴰⵔ ⴹⴰⵔⵜ ⵓⵙⴳⵓⵔⴳ ⵏ ⵜⵎⴰⵣⵉⵔⵜ ⵣⴻⴳ ⵓⵙⴷⵓⵔⵔⴻⵢ ⴰⴼⵔⴰⵏⵙⵉⵙ ⴷ ⵓⵙⵎⴻⵏⴷⴻⵡ ⵏ ⵉⵍⵙ ⴰⵄⵔⴰⴱ ⴳ ⵜⵎⴻⵏⴷⴰⵡⵜ ⵜⴰⵎⴻⵣⵡⴰⵔⵓⵜ,ⵉⵙ ⴳⴰⵏ ⵉⵛⴻⵏⴳⴰ ⵏ ⵉⵎⴰⵣⵉⵖⵏ ⵉⴷⴷⴻⵖ ⵉⵙⴷⴻⵔⵖⵍ ⵜⴻⵏ ⵡⴰⵙⵙⴰⵎ ⵏ ⵉⵍⵙ ⴰⵄⵔⴰⴱ ⴰⵍⵍⴻⵢ ⴰⵔ ⵙⴱⴻⵔⴷⵉⴳⵏ .ⴽⵓⴷ ⵜⵜⵉⵏⵉⵏ ⴰⴷ ⵏⵉⵙⵉⵍ ⵉ ⵜⵓⴳⴳⴰ ⵏ ⵉⵙⴻⵏⵍⴰⵙ ⵜⵜⵉⵏⵉⵏ ⴳⴰⵔⴰⵡⴰⵍ ⴰⵀⴰ ⴰⵔ ⵜⵜⴻⵙⴽⴰⵏ ⵉⵙ ⴰⵔ ⵜⵜⴰⵔⵓⵏ ⵙ ⵉⵙⴻⵍⵎⵖ ⵏ ⵓⵍⴰⵢⵉⴹ,ⵉⵙ ⴰⵔ ⵜⵅⴻⵏⵏⴰⴼⵏ ⵉ ⵉⵍⵙ ⴰⵎⴰⵣⵉⵖ ⵉⴷⴷⴻⵖ ⵜⴰⵖ ⵜⴻⵏ ⵜⴰⵙⴰ ⴰⴷ ⵉⵜⵜⵓⵙⵉⵜⵎ ⵉⵍⵙ ⴰⵄⵔⴰⴱ ⵎⴻⵇⵇⴰⵔ ⵉⵍⴰ ⵉⵔⴻⵢ ⴰⵙⴻⴹⴼⴰⵏ ,ⵎⴻⵇⵇⴰⵔ ⵓⴼⴰⵏ ⵉⵎⴻⴷⵍⴰⵍⴰⵙⵏ ⵉⵄⵔⴰⴱⵏ ⵉⵙ ⵉⵜⵜⵓⵙⵉⵜⵎ ⵓⴷⴰⵛⵉⵍ ⵉⵜⵜⴻⵢⴰⵔⴰⵏ ⵙ ⵜⴻⵄⵔⴰⴱⵜ ⴰⵍⵍⴻⵢ ⵉⴳⵍⴻⵎ ⵜ ⵢⴰⵏ ⵓⵛⴻⵏⴱⴰⵛ ⵏ ⵉⵍⵙ ⴰⵄⵔⴰⴱ ⵙ ⵓⴳⵓⵊⵉⵍ!,ⵉⵙ ⵓⵔ ⴼⵔⵉⴽⵏ ⵉ ⵎⴰⵢⴷ ⵜⵜⵉⵏⵉⵏ ⴰⵀⴰ ⴰⵔ ⵜⵜⵉⵖⵉⵍⵏ ⵉⵙ ⵎⴰⵏ ⴷ ⵓⵛⴰⵔⵉⴷ ⵎⴻⵇⵇⴰⵔ ⵓⵔ ⵎⴰⵏ ⵅⴰⵙ ⴷ ⵓⴷⴰⵎⵉⵏ ⴰⵍⵍⴻⵢ ⵉⵙⴼⴻⵍ ⵢⴰⵏ ⵉ ⵉⵍⵙ ⵏⵏⴻⵙ ⴰⴷ ⵢⵉⵏⵉ ⵖⵉⴼ ⵉⵍⵙ ⴰⵎⴰⵣⵉⵖ ⵉⵎⵎⵓⵜⵜⴻⵔⵏ ⵉⵙ ⵓⵔ ⵉⴳⵉ ⵅⴰⵙ ⴰⵣⴽⴰⵣⴹⴰⴼ,ⵉⵙ ⵓⵔ ⵉⵙⵙⵉⵏ ⵓⵎⵛⵓⵎ ⵎⴻⵇⵇⴰⵔ ⵉⴷⴷⴻⵔ ⴳ ⵓⵣⵎⴻⵣ ⵓⵜⵔⵉⵔ ⵉⵙ ⴽⵓ ⵉⵍⵙ ⵉⵍⴰ ⴰⵣⵔⴻⴼ ⵏ ⵓⵙⵏⴻⴱⴱⴻⵔ,ⵉⵙ ⵉⵍⵙ ⴰⵎⴰⵣⵉⵖ ⵉⴷⴷⴻⵔ ⵓⴳⴳⴰⵔ ⵏ ⴽⵓⵥ ⵉⴳⵉⵎⴰⵏ ⵏ ⵉⵙⴻⴳåⴰⵙⵏ ⴰⵀⴰ ⵓⵔ ⵉⵣⵎⵉⵔ ⴰⵡⴷ ⵢⴰⵏ ⵓⵎⴻⵙⵍⴰⴽ ⴰⴷ ⴰⵙ ⵉⴽⴽⴻⵙ ⵜⴰⴼⴰⴷⴰ ⵏ ⵓⵣⵓⴱⴷⵓ,ⵉⵙ ⵓⵔ ⵉⵙⵙⵉⵏ ⵓⵎⵛⵓⵎ ⵉⵙ ⴷⴰ ⵉⴽⴽⴰⵜ ⵉⴳⴻⵏⵏⴰ ⵙ ⵉⵡⴰⵍⵉⵡⵏ ⵓⵔ ⵉⵍⵉⵏ ⴰⵎⴰⴽ ⴰⵛⴽⵓ ⴰⵣⴰⵜⴰⴼ ⵏ ⵓⵙⴻⵏⴷⵔⴰⵣ ⵏⴻⵖ ⴰⵏⴻⵏⵖⴰⵣ ⴰⵔ ⵉⵜⵜⴻⵃⵓⴼ ⵜⵉⴽⴻⵔⴽⴰⵙ ⵏ ⵏ ⵓⵙⴻⵏⴷⵎⴰⵎ ⵏⴻⵖ ⴰⵙⴻⵏⵅⵎⴰⵎ ⵉⵜⵜⴻⵎⵣⴰⵔⴰⵢⵏ ⴷ ⵓⵛⴰⵔⵉⴷ ⴷ ⵓⵙⴷⴰ ⴰⵎ ⴰⵢ-ⵏⵏⴰ ⵉⵙⵙⴻⵏⵜⵎ ⵎⴰⵙⵙ “ⴱⵓⴽⴱⴱⵓⵟ”ⵉ ⵓⵙⴰⴳⵉⵍ ⵏ “ⵉⵖⴱⵓⵍⴰ”ⴽⵓⴷ ⵜ ⵉⵙⴻⵇⵙⴰ ⵓⵏⴻⵖⵎⴰⵙ ⵎⴰⵙⵙ“ⵄⴰⴱⴷ ⴰⵏ-ⵏⴱⵉ ⵉⴷ ⵙⴰⵍⵎ”.ⵎⴻⵔ ⵉⵎⵙⴻⵇⵙⴰ ⴷ ⵜⵡⴻⵏⴳⵉⵎⵜ ⵏⵏⴻⵙ ⵖⵉⴼ ⵓⴽⵓⴷ ⵏⵏⴰ ⴳⵉⵙ ⵉⵜⵜⵓⵙⵎⴻⵔⵙ ⵉⵍⵙ ⴰⵄⵔⴰⴱ ⴳ ⵜⵎⴻⵏⴷⴰⵡⵜ ⵏ ⵜⵎⴰⵣⵉⵔⵜ ⵏⵏⴻⵖ ⵜⴰⵎⴻⵣⵡⴰⵔⵓⵜ ⴰⴷ ⵉⵣⵓⵜⴼ ⵉⵙ ⵉⴽⴽⴰ ⵉⵍⵙ ⴷⴷⴻⵖ ⵉⴳⴰ ⵉⵎⴻⵣⴷⵉ ⴷⴰⵜ ⵓⴳⴷⵓⴷ ⵙ ⵓⵎⴰⵜⴰ ⵉⴷⴷⴻⵖ ⴷⵔⵓⵙⵏ ⵡⵉ-ⵍⵍⵉ ⵜ ⵉⵙⵙⴻⵏ ⵣⴻⴳ ⵉⵎⴻⵃⵙⴰ ⵏ ⵓⴷⴰⵛⵉⵍ ⴰⴼⵓⵣⴰⵍ .ⵎⴰⵅ ⴰⴷ ⵓⵔ ⵏⵛⴻⵔⵏ ⵉⵎⴻⴷⵍⴰⵍⴰⵙ ⵉⵎⴰⵣⵉⵖⵏ ⴰⴷ ⵉⵏⵉⵏ ⵓⵀⵓ ⵉ ⵓⵙⵎⴻⵏⴷⴻⵡ ⵏⵏⴻⵙ ⵉⴷⴷⴻⵖ ⵓⵔ ⵉⴳⵉ ⵙ ⵓⵎⴰⵥⵉⵍ ⵏ ⵓⵎⴻⴷⵛⴰⵍ ⴷⴷⴻⵖ ⵅⴰⵙ ⵉⵍⵙ ⴰⵣⴳⴰⵣⴹⴰⴼ?!ⵎⴰⵢⴷ ⵉⵙⵙⴻⵏ ⵉ ⵉⵍⵙ ⴰⵄⵔⴰⴱ ⴰⵙⴻⵇⵇⴰⵙⵇ ⴳ ⵓⴽⵓⴷ ⵏⵏⴰ ⴳⵉⵙ ⵉⴼⵓⵍⴻⵢ ⵓⵖⴰⵍⴰⵏ ⵏⵏⴻⵖ?.ⵎⴰⵢⴷ ⵉⵙⴻⵇⵙⴰⵏ ⴰⴳⴷⵓⴷ ⵖⵉⴼ ⵉⵍⵙ ⵍⵍⵉ ⵉⵔⴰ ⴰⴷ ⵉⴷⵙ ⵉⵎⵙⴰⵡⴰⴹ ⴳ ⵓⵎⴰⵔⵉⵙ?! ⴳ ⵓⵣⵎⴻⵣ ⵏ ⵜⵉⵜⵜⵓⵜⵔⴰ ⴷ ⵓⵙⴻⵏⵎⴷ ⵢⵓⴼⴰ ⴰⵖ ⴰⴷ ⵏⵙⴻⵇⵙⴰ ⴰⵛⴻⵍⵏⴻⵖ,ⴰⵙⵓⵏⴷⵔⴻⵣ ⵏⴻⵖ ⴰⵙⵓⵏⵖⵣ,ⴰⴷⴰⵢⵉⵏ ⴰⵛⵔⴰⵔⴰⴷ, ⴰⵖⴰⵔⵉⵎ, ⴷ ⵓⴷⴰⵍⵉⵙ ⵙ ⵎⴰⵢⴷ ⵢⵓⵙⴻⵢ.ⵢⵓⴼ ⵉⵙ ⵏⵓⵔⴰ ⵜⴰⵎⴻⵏⴷⴰⵡⵜ ⵏⵏⴻⵖ ⵙ ⵓⵙⴻⵍⵎⵖ ⵏ ⵓⵔⵖ ⴰⵛⴽⵓ ⵏⴻⵜⵜⴰ ⴰⵢⴷ ⵉⵏⵏⴰⵏ ⴰⴷ ⵉⴼⴻⴽ ⵉ ⵜⵎⴰⵣⵉⵔⵜ ⵏⵏⴻⵖ ⵓⴷⵎ ⴰⴳⴷⴰⴱⴰⴹ ,ⴰⵖⴻⴷⵎⴰⵏ ,ⵏⵏⴰ ⵉⵎⵙⴰⵙⴰⵏ ⴷ ⵓⵏⴰⵜⵉⵢ ⵏ ⵜⵉⵜⵜⵓⵜⵔⴰ ⴷ ⵓⵙⴻⵏⵎⴻⴷ.ⵉⵖ ⵜ ⵏⴰⵔⵓ ⵙ ⵓⵙⴻⵍⵎⵖ ⵏ ⵓⵍⴰⵢⵉⴹ ⵀⴰⵜ ⴰⴷ ⵏⴻⵖⵎⵓ ⵓⴷⵎ ⵏ ⵜⵎⴰⵣⵉⵔⵜ ⵏⵏⴻⵖ ⵙ ⵓⵖⵎⴰⵏ ⵏ ⵓⵖⵏⵓⵥⵔ,ⴷ ⵓⵙⴻⵍⴽⵓ,ⴷ ⵓⵙⵏⵏⵓⵔⴼ,ⴷ ⵓⵣⴹⴰⵎ.,ⴷ ⵓⵙⵏⵓⵃⵢⵓ.ⵀⴰⵜ ⵢⵓⴼ ⵉⵙ ⵏⴻⵙⵙⴻⵎⵙⴰⵙⴰ ⵜⴰⵎⴰⵣⵉⵔⵜ ⵏⵏⴻⵖ ⵙ ⵜⵓⵎⴰⵙⵜ ⵏⵏⴻⵖ ⵜⴰⵎⴰⵣⵉⵖⵜ ⴰⵛⴽⵓ ⵜⴳⴰ ⵜ ⵙ ⵓⵛⴰⵔⵉⴷ ⴰⵛⴻⵍⵏⴰⵖ ⴷ ⵓⵙⴻⵏⴷⵔⴰⵣ ⵏⴻⵖ ⴰⵙⴻⵏⵖⴰⵣ,ⴷ ⵓⴷⴻⵢⵏⴰⵏ,ⴷ ⵓⴷⴻⵍⵙⴰⵏ .ⵜⴰⵎⴻⵏⴷⴰⵡⵜ ⵓⵔ ⵉⵜⵜⴻⵎⵙⴰⵙⴰⵏ ⴷ ⵜⵉⵎⵉⵜⴰⵔ ⵏ ⵜⵎⴰⵣⵉⵔⵜ ⵏⵏⴻⵖ ⵀⴰⵜ ⵓⵔ ⵜⴳⵉ ⵅⴰⵙ ⴰⵖⵔⵓ ⵏⵏⴰ ⵙ ⵜⵜⴰⵔⵉⵏ ⵉⵛⴻⵏⴳⴰ ⵏ ⵓⵛⴰⵎⴰⵏ ⴷ ⵓⴼⴳⴰⵏ ⵓⴷⵎⴰⵡⵏ ⵏⵙⴻⵏ .
asefru n tiwaliwin :
tamendawt:La constitution.
tamendawt:La constitution
asmendew :La constitutionnalisation
atagir:atacir:Le document
tumast:L’essence
adayin:L’Histoire
tadugamt:Le symbole
unÇ:La preuve
ad ifken:Adorer
amuzzu:La tolérance
afaris:Le produit
aberriÄ:Le bouc
izimmer:akuc:Le mouton
asavin:La religion
aresnas:Le non-pratiquant
tamnnacamant:Polythéisme
amnnals:Polyglotte
amnnadlas:Polyculturel
amazivnÇi :amazivwal:Amazighphone
afcag:L’allégeance
alamas:Le centre
avatis:La résolution
aqasad:Le centre de résolution
ad islek:Conquérir
ad issetres:Moderniser
tasertit:La politique
ad ipuf:Chasser
averbaz:L’école
azebdar:La digue
ad isru:Mourir
asadaw:L’université
ifelzan:Naïfs
awadis:Le but
ad yarey:Protéger
igulaz:Les restes
ad izrurt:Nier
anag:L’espèce
afaÄin:Le nombre
tisevdit:La strucure
Tasta:L’élite
ad issenflel:Créer
amatan:Général
unfil:Particuler
ataras:apadam:arasal:La fondation
ad isled :Exclure
amttul :acal ademnat :Terre fertile
izuzaf:Les bijoux
anday:La construction
usk :L’édifice
ad isleg :Etre privé
tivvulna :La nationalité
umt:La dimension
tasmekta :La dimension
s ucrad:Vraiment
imuzay:Les experts
anzag:La géométrie
asevcel:La géométrie
Ad ittuzrir:Etre influencé
asenfey:L’abri
aysar:Le prophète
akaÏis:La partie
Anamay:Maternel
uzdil:Adopté
afrik:L’Afrique
ad izzenÇu :Convaincre
iÏg:La conquêtte
acenyal:Le drapeau
avawis:Le plan
ameltan:Le célèbre
amuzr:Le chef
ajdar:Le fait de brûler
amradan:Le paradis
ujmiÄ :Perdu
aouriÄ :L’infamie
ad izalla:Se venger
idamin:Les légendes
Idarizn:Les traces
iming :L’orient
ad as issiv afÄaz :Expression qui veut dire vexer
acelnev:La géographie
amevlan:Le citoyen
akufaÄ :L’aliéné
ipadamn:Les fondations
zi wahwwa:Depuis longtemps
asenlas:Le linguiste
ad ibenvl:Se stabiliser
adeynan:Historique
izubaÇ :Les possibilités
ad ifrek:Etre conscient
ittusmersen:Officialisé
adabu:L’autorité
asertan:Politique
asevnan:Religieux
tafada:La condition
azubdu:La continuité
asnebber:La croissance
imcumn:Les pauvres
asunan:Scientifique
utrir:Moderne
ar ispirjdil :Boiter
assam:La jalousie
ad isberdig:Dire n’importe quoi
iselmev:L’encre
alayiÄ :Le venin,le poison
ar ittexennaf :S’opposer dans le mauvais sens
irey aseÄfan:La protection légale
acenbac:Le chercheur
ad isfel:Permettre
azkazÄaf :Illusionnaire
ameslak :Le conquérant
azataf :La découverte
asendraz:asenvaz:Proposé pour l’archéologue
asendmam :asenxmam:Proposé pour l’idéologue
asnnurf:Le fait de ne pas donner à quelqu’un son droit parfait
asnupyu:La discrimination
anatiy :Le principe
tittutra:La modernité
asenmed :L’authenticité
agdabaÄ :Proposé pour le dimocrate
avru :Le bouclier
Avazaf mupmmad ass n 28 semyur 2061/28 Mai 2011.
 |
