Afentar : Le tyran en amazigh Tifinagh

Écrit par Arhazaf Mohammed. Publié dans Articles en Tifinagh

1 1 1 1 1 1 1 1 1 1 Vote 4.80 (5 Votes)

ⴰⴼⴻⵏⵜⴰⵔ

ⴰⴼⴻⵏⵜⴰⵔ ⵉⴽⵔⴻⵥ ⴰⵙ ⵡⵓⵍ.ⴰⵔ ⵉⵜⵜⵉⵖⵉⵍ ⵉⵙ ⴰⵙ ⵉⵖⴻⵣⵣⵉⴼ ⵉⵖⵉⵍ,ⵉⵙ ⵉⵣⵎⴻⵔ ⴰⴷ ⵢⴰⵖⴻⵢ ⵉⵃⴻⵔⵊⴰⴹ ⵏ ⵎⴰⴷⴷⴻⵏ ⴰⴽⵯ.ⴰⵔ ⵉⵜⵜⵉⵖⵉⵍ ⵉⵙ ⴰⵙ ⵜⵜⵓⵖⵏⴰⵏ ⵎⴰⴷⴷⴻⵏ ⴼⴰⵔ ⴰⴷ ⴷⴷⴻⵔⵏ ⴷⴷⴰⵡ ⵓⵎⴰⵍⵓ ⵏⵏⴻⵙ.ⴰⵔ ⵉⵜⵜⵉⵖⵉⵍ ⵓⵎⵛⵓⵎ ⵉⵙ ⴰⵙ ⴳⴰⵏ ⵉⴼⴰⵜⴰⵔⵏ ,ⵉⵙ ⴰⵔ ⵉⵜⵜⴻⵏⴱⴰⴹ ⴰⵡⴷ ⴳ ⵓⵙⵎⵎⵓⴷⵔ ⵏⵙⴻⵏ.ⴰⵔ ⵉⵜⵜⵉⵖⵉⵍ ⵉⵙ ⵙ ⵡⴰⵍⵍⴻⵏ ⵏⵏⴻⵙ ⴰⵙ ⴰⵔ ⵙⴻⴽⵙⵉⵡⵏ ⴰⵙⴰⵜⴰⵢ ⵏⵙⴻⵏ ,ⵉⵙ ⵙ ⵓⵏⵍⵍⵉ ⵏⵏⴻⵙ ⴰⵙ ⴰⵔ ⵙⵡⵉⵏⴳⵉⵎⵏ.ⴰⴼⴻⵏⵜⴰⵔ ⴰⵔ ⵉⵜⵜⵉⵖⵉⵍ ⵉⵙ ⵉⴳⴰ ⵇⴻⵔⵎⴰⵎⵎⴻⵃ ⵓⵔ ⵉⵍⵉⵏ ⴰⵣⴰⵏⴰⴷ.ⵢⵓⵛⵛⴻⵍ ⴰⴷ ⴰⵙ ⵙⵓⵍⵜⵏ ⵎⴻⴷⴷⴻⵏ.ⴰⵢ-ⵏⵏⴰ ⵉⵔⴰ ⴰⵢⴷ ⵉⵜⵜⵉⵍⵉⵏ .ⴰⵔ ⵉⵜⵜⵉⵖⵉⵍ ⵉⵙ ⵉⵣⴹⴰⵔ ⴰⴷ ⵉⴱⴹⵓ ⴰⵊⴰⵏⵉⴳ ⴷ ⵓⵔⴰⴽⵯ ⵏ ⵉⵏⴻïⴼⴰⵔⵏ ⵏⵏⴻⵙ,ⵉⵍⵎ ⴷ ⵉⵖⴻⵚⵚ ⵏⵙⴻⵏ.ⴰⵔ ⵉⵜⵜⵉⵖⵉⵍ ⴰⴽⵯ ⵉⵙ ⵉⴳⴰ ⴰⵖⴱⴰⵍⵓ ⵏ ⵜⵓⴷⴻⵔⵜ ⵏⵙⴻⵏ.ⴰⵔ ⵉⵜⵜⴻⴷⵎⵓ ⵉⵖⴼ ⵏⵏⴻⵙ ⵉⵙ ⵉⴳⴰ ⴰⴱⴻⵔⵎⴰⴷⴰⵏ ,ⵉⵙ ⵉⴽⵍⴻⵍ ⴰⴷ ⵜ ⴼⴽⴻⵏ ⵉⵏⴻïⴼⴰⵔⵏ ⵏⵏⴻⵙ,ⴰⴷ ⵜ ⵙⵙⴻⵛⵎⴻⵏ .ⴰⵢ-ⵍⵍⵉ ⵉⵃⵎⴻⵍ ⴰⴷ ⴰⵙ ⵉⵙⵙⴻⴼⵍⵉⴷ ⴰⵢⴷ ⵉⵍⵍⴰⵏ.ⴰⴼⴻⵏⵜⴰⵔ ⴰⵔ ⵉⵜⵜⴰⵡⵖ ⵉ ⵓⴽⵙⵓⵎ ⵏ ⵓⴼⴳⴰⵏ.ⴰⵔ ⵉⵜⵜⴻⴷⵎⵓ ⵉⵡⴷⴰⵏ ⴰⵎⵎ ⵉⵙ ⴳⴰⵏ ⵉⵣⵓⵣⴰⵄ ,ⴰⵔ ⵜⴻⵏ ⵉⵜⵜⴻⵄⴻⴽⴽⵯⴰⵏ ⵙ ⵉⴱⵓⵔⴽⵙⴻⵏ ⵏⵏⴻⵙ.ⴰⵔ ⵉⵜⵜⴻⵇⵇⴻⵏ ⵉⵎⴻⵊⵊⴰⵏ ⵏⵏⴻⵙ ⵎⴰⵔ ⴰⴷ ⵓⵔ ⵢⵉⵙⵉⵍ ⵉ ⵜⵖⵓⵢⵢⵉⵜ ⵏⵙⴻⵏ.ⴰⴼⴻⵏⵜⴰⵔ ⴰⵔ ⵉⵜⵜⵉⵖⵉⵍ ⵉⵙ ⴰⵙⵏ ⵉⴳⴰ ⴰⵛⴰⵎⴰⵏ ,ⵉⵙ ⵉⵣⵎⴻⵔ ⴰⴷ ⴰⵙⵏ ⵉⴼⴻⴽ ⴰⵎⵓⵔ ⵏ ⵜⵓⴷⴻⵔⵜ ⴷ ⵡⵉ-ⵏ ⵜⴻⵎⵜⴰⵏⵜ ⵉⵎⵛⵉ ⵏⵏⴰ ⵉⵔⴰ.ⴰⵔ ⵉⵜⵜⴻⴷⵎⵓ ⴰⴳⴰⵢⵢⵓ ⵏⵏⴻⵙ ⵉⵙ ⴰⵙⵏ ⵉⴳⴰ ⴰⵙⴻⵏⴼⴻⵢ .ⴰⵔ ⵉⵜⵜⵉⵃⵎⵉⵍ ⴰⴷ ⵉⵔⵉⵔⵏ ⵙ ⵡⴰⵙⵙⴰⵖ ⵏⵏⴻⵙ ,ⴰⴷ ⵜ ⴰⵍⵖⵏ ⴳ ⴽⵓ ⴰⵢⵊⴰⵔ.ⵓⵔ ⵉⴽⴽⵓⵍ ⴰⴷ ⵉⵙⵙⴻⴹⵔⴻⵔ ⵉⵙ ⴰⵙⵏ ⵉⴳⴰ ⴰⵛⴰⵎⴰⵏ ⵉⵎⵛⵉ ⵉⵍⵍⵉⵖ ⵉⵏⵏⴰ ⵓⴼⴻⵔⵄⵓⵏ ⵉ ⵓⵎⴰⴷⴰⵏ ⵏⵏⴻⵙ !ⴰⴼⴻⵏⵜⴰⵔ ⴰⵔ ⵉⵙⵙⴻⵅⵉⵜⵉⵔ ⵜⵓⵎⴰⵙⵜ ⵏⵏⴻⵙ ⴰⵔ ⵜⴰⵙⴽⵯⴼⴻⵍⵜ ⵜⴰⵀⴻⵔⵛⴰⵏⵜ.ⴰⴼⴻⵏⵜⴰⵔ ⵉⵣⵎⴻⵔ ⴰⴷ ⵢⵉⵏⵉ ⵉⵙ ⵏⴻⵜⵜⴰ ⵢⴰⴽⵙⵓⵍ ⴷ ⵉⴳⴻⵏⴷⵉⴷⵏ ⵏ ⵉⵡⴷⴰⵏ.ⵓⵔ ⵉⵙⵙⵉⵏ ⵓⵎⵛⵓⵎ ⴳ ⵡⴰⵏⵏⴰⵣ ⵏ ⵓⵙⵓⵏ ⵉ ⵓⵎⴰⵥⵉⵍ ⵉⴷⴷⴻⵖ ⵓⵔ ⴷⵊⵉⵏ ⵉⴷⵎⵉ ⵉⵖⴼ ⵏⵏⴻⵙ ⵉⵙ ⵓⵔ ⵉⴳⵉ ⵅⴰⵙ ⵢⴰⵏ ⵓⴼⴻⵔⴷⴰⵙ ⴳ ⵓⵃⴻⵛⵎⵓⴹ .ⴰⵔ ⵉⵜⵜⵉⵖⵍ ⵓⵎⵛⵓⵎ ⵉⵙ ⵏⴻⵜⵜⴰ ⴰⵢⴷ ⵉⴳⴰⵏ ⵉⴳⴻⵊⴷⵉ ⵏ ⵉⵡⴻⴷⴰⵏ ⴳ ⵓⵏⵔⴰⵔ ⵏⵏⴰ ⴳ ⵉⵏⵏⴻⴱⴻⴹ.ⵣⴻⴳ ⵉⵇⴻⵣⵣⵓⵢⵏ ⵏⵙⴻⵏ ⴰⵔ ⵉⵜⵜⴻⵙⴽⵓ ⵜⵉⵙⴽⴽⵉⵍⵢⴰ ⵉⴳⴳⵓⴼⵉⵏ ⵙ ⵉⴳⴻⵏⵏⴰ.ⵣⴻⴳ ⵡⴰⵣⵣⴰⵔ ⵏⵙⴻⵏ ⴰⵔ ⵉⵣⴻⴹⴹⴰ ⵓⵙⴰⵏ ⵏⵏⴻⵙ,ⵣⴻⴳ ⵉⵍⵎⴰⵡⵏ ⵏⵙⴻⵏ ⴰⵔ ⵉⵜⵜⴻⴳⵏⵓ ⵉⵃⵔⵓⵢⵏ ⵏⵏⴻⵙ.ⵜⵉⵔⴰⵎ ⵏⵏⴻⵙ ⵜⵜⵓⵙⴻⵎⵔⴰⵏ ⵙ ⵓⵥⵓⵖ ⵏⵙⴻⵏ.ⵏⴻⵜⵜⴰ ⵉⴳⴰ ⴰⴱⴻⵔⵎⴰⴷⴰⵏ ⵏⵉⵜⵏⵉ ⴳⴰⵏ ⵉⵎⵉⵜⴰⵔ.ⵜⵓⴷⴻⵔⵜ ⵏⵏⴻⵙ ⵓⵔ ⵜⴳⵉ ⵅⴰⵙ ⵜⴰⵎⵜⴰⵏⵜ ⵏⵙⴻⵏ.ⵓ-ⵏⵏⴰ ⵓⵔ ⵉⵙⴳⵉⴷⵏ ,ⵓ-ⵏⵏⴰ ⵉⴳⴰⵏ ⴰⵙⴼⴰⵣⵣⴰⴹ ⴰⴷ ⵉⴽⵛⴻⵎ ⴰⴽⴻⵏⵜⵓ ⵏ ⵓⵖⴹⴰⵙ.ⴰⴼⴻⵏⵜⴰⵔ ⵓⵔ ⵉⵙⵙⵉⵏ ⴰⵎⴰⴽ ⵏ ⵓⴼⵓⵍⴻⵢ ,ⵜⴰⵖⵏⵏⴰⴱⵓⵜ ⴷ ⵜⵉⴳⴳⵓⵔⴳ ⴰⵛⴽⵓ ⴰⵔ ⵉⵙⵙⴻⴼⵜⴰⵔ ⵉⵡⴷⴰⵏ .ⴰⴼⴻⵏⵜⴰⵔ ⵓⵔ ⵉⴳⵉ ⵅⴰⵙ ⴰⴼⴰⵜⴰⵔ ⵏ ⵓⵊⴰⵏⵉⴳ ⵏⵏⴻⵙ ⵉⴷⴷⴻⵖ ⵡⴰ-ⵏⵏⴰ ⵉⵜⵜⴻⴽⴽⴻⵙⵏ ⵉ ⵓⴼⴳⴰⵏ ⵜⵉⵎⵉⵜⴰⵔ ⵏ ⵜⵓⴷⴻⵔⵜ ⵏ ⵓⴱⵓⵔⵣ ⵓⵔ ⴷⵊⵉⵏ ⵉⴳⵉ ⴰⴼⴳⴰⵏ .ⵓ-ⵏⵏⴰ ⵓⵔ ⵉⵙⵙⵉⵏ ⵉ ⵉⵡⴷⴰⵏ ⴰⵎⵓⵔ ⵏⵙⴻⵏ ⴳ ⵜⵓⴷⴻⵔⵜ ⵏ ⵓⴼⵓⵍⵢ ,ⴰⵏⵓⵎⴽⴰ,ⴷ ⵜⵉⵍⴻⵍⵍⵉ ⵓⵔ ⵙⴰⵔ ⵉⴳⵉ ⴰⴼⴳⴰⵏ.ⴰⴼⴻⵏⵜⴰⵔ ⴰⵔ ⵉⵜⵜⵉⵖⵉⵍ ⵉⵙ ⵉⵀⵍⴻⴹ ⵉⵖⴻⵣⵡⴻⵔ ⵉⴷⴷⴻⵖ ⴰⵔ ⵉⵜⵜⴻⴷⵎⵓ ⵉⵖⴼ ⵏⵏⴻⵙ ⵉⵙ ⵉⵣⴷⴻⵖ ⴳ ⵓⵣⴻⵔⴱⵓ ⵏ ⵉⴳⴻⵏⵏⴰ.ⴰⴼⴻⵏⵜⴰⵔ ⵢⵓⴹⵏ ⵙ ⵓⵃⵎⴻⵍⵎⴻⵏ .ⴰⵙⴰⴼⴰⵔ ⵏⵏⴻⵙ ⵉⵍⵍⴰ ⴳⴻⵔ ⵉⴼⴰⵙⵙⴻⵏ ⵏ ⵉⵙⴻⴷⵢⴰⵏ .ⵏⵉⵜⵏⵉ ⴰⵢⴷ ⵉⵜⵜⴰⵔⵓⵏ ⵙ ⵓⵖⴰⵏⵉⴱ ⵏ ⵓⵛⴰⵔⵉⴷ ⵉⵙ ⵓⵔ ⵉⴳⵉ ⵅⴰⵙ ⴰⴳⴰⵔⵎⴰⴷⴰⵏ ⵉⵜⵜⴻⵀⵓⴷⴷⵓⵏ ⵖⵉⴼ ⵉⵖⴼ ⵏⵏⴻⵙ.

ⴰⵖⵣⵣⴰⴼ ⵎⵓⵃⵎⵎⴰⴷ
Arhazaf Mohammed

ⴰⵙⴻⴼⵔⵓ ⵏ ⵉⵡⴰⵍⵉⵡⵏ :
Amawal amaziv-afransis:

afentar:Le tyran.
ikreÇ :Etre sevère.
ad yavey:Etouffer.
iperjaÄ :Les gorges.
ivna:ad ivnu :Créer
amcum :Le pauvre.
asmmudr:L’âge.
asatay:Le contour,la périphérie.
anlli :Le cerveau.
azanad:L’exemple.
yuccel :Il faut.
ad isult :Servir.
ajanig:Le corps.
abermadan:Le superman.
ad iklel:Mériter.
ad issecmen:Prendre quelqu’un pour un dieu.
AD IFKEN : Adorer.
iburksen :Les chaussures.
asenfey:L’abri.
ayjar:La période.
yaksul :Etre égal.
igendidn:Les millions.
tasæfelt tahercant :Le degré maladif.
annaz:L’époque.
apecmuÄ :L’ensemble.
tavnnabut :La dignité.
ad isged:Obéir.
afatar :L’esclave.
ad issefter :asefter :L’esclavage.
asfazzaÄ :Le désobéissant.
akentu :La cage.
avÄas:L’isolement.
ihleÄ :Dominer.
azerbu:Le trône.
apmalmen :L’amour de soi.
ad ihuddu :Défendre.
agarmadan :Le contraire de superman.

Vos réactions (4)

500 caractères restants

Annuler ou

  • arhazaf
    arhazaf Il y a 1 an
    Il pourrait être polysémique.Dans ma tribu on dit amcum au sens de pauvre,par exemple :"Ur tuwil toerrimt ad ,temcumt,meqqar tzîl".En français on dit par exemple :"Pauvre,Pierre,il a perdu ses deux parents à la fois".Amcum a aussi exactement le sens de meskin en arabe,on dit par exemple :"Mca meskin l lh'erb",dont voici la traduction en Français :"Le pauvre,il est allé en guerre",en Amazigh :"Idda umcum s imnghi".Donc,amcum c'est quelqu'un qui mérite la pitié.On peut l'employer dans le sens de moquerie.Merci d'avoir lu l'article et de me rappeler ce sens .Le vilain ,selon le dictionnaire de Lexilogos Français-Arabe,sensagent a le sens de méchant,mauvais,malfaiteur,quelqu'un qui inspire le mépris,et qui est sans dignité.Peut être on partage le dernier sens car le pauvre qui n'a pas assez d'argent ou qui n'a pas de chance ou qui est confronté sans le vouloir aux situations difficiles et impitoyables est sans dignité,il inspire soit le mépris,soit la moquerie ,soit la pitié.
  • Aqvayli N Jerjer
    Aqvayli N Jerjer Il y a 1 an
    Amcum: Vilain
  • m.arhazaf@menara.ma
    m.arhazaf@menara.ma Il y a 2 ans
    Azul irghan i umazigh nnegh .Taghuri nnec ar i takka asirm n wad Tfurgh abrid n tirra s tmazight.
  • azwooooo
    azwooooo Il y a 2 ans
    azul amazigh tanmiry attas