Axensar: Le déviateur s'tifinagh

ⴰⵅⴻⵏⵙⴰⵔ

ⴰⵅⴻⵏⵙⴰⵔ ⵓⵔ ⵉⵙⵙⵉⵏ ⴰⵖⴰⵔⴰⵙ ⵉⵏⴻⵎⵏ.ⵓⵔ ⵉⵙⵙⵉⵏ ⵅⴰⵙ ⴰⵣⴰⵍⴰⴽ.ⵓⵔ ⵉⵍⵉ ⵓⵍ ⵉⵣⴷⴷⵉⴳⵏ ⴰⵛⴽⵓ ⵉⵜⵜⵓⵙⴽⴰ ⵖⵉⴼ ⵜⵉⵅⵏⵏⵓⴱⴰⵙ.ⵓⵔ ⵉⵙⵙⵉⵏ ⵅⴰⵙ ⴰⵅⵓⵅⴷ.ⴽⵓⴷ ⵉⵙⵙⵉⵖⵉⵍ ⵉ ⵎⴻⴷⴷⴻⵏ ⵉⵙ ⵉⵟⵟⴰⴼ ⴰⴱⵔⵉⴷ ⵓⵖⵖⵉⴷ ⴰⵔ ⵜⴻⵏ ⵉⵙⵎⵓⵏⵏⵓⴹ ⵜⴰⴼ ⴰⴷ ⴷⴷⵓⵀⴷⵓⵏ ⴰⵀⴰ ⵜⵜⵓⵏ ⴰⴱⵔⵉⴷ .ⴰⵅⴻⵏⵙⴰⵔ ⵓⵔ ⵉⵙⵙⵉⵏ ⴰⵎⴰⴽ ⵏ ⵓⵙⴻⵔⵀⵓ.ⴰⵅⴻⵏⵙⴰⵔ ⴰⵔ ⵉⵙⴷⵓⵛ ⵜⴰⵙⴻⵏⴷⵓⴱⴻⵏⵜ ⵏⵏⴻⵙ ⵙ ⵓⵅⵓⵅⴷ.ⵉⵎⵢⴰⵔ ⴰⴷ ⵉⴳⵎⴻⵔ ⴳ ⵡⴰⵎⴰⵏ ⵉⵔⴻⴽⴽⵉⵥⵏ.ⵓⵔ ⵉⵙⵙⵉⵏ ⵎⴰⵢⴷ ⵉⴳⴰⵏ ⵜⴰⵏⵓⵎⵉ.ⵓⵔ ⵉⵙⵙⵉⵏ ⵎⴰⵢⴷ ⵉⴳⴰⵏ ⴰⵙⵓⵙⵖ ⴳ ⵓⵣⴷⴰ ⵏⵏⴻⵙ ⴷ ⵡⵉ-ⵢⵢⴰⴹ.ⵉⵙⴰⵖⵉⵍⵏ ⵏⵏⴻⵙ ⵓⵔ ⵎⵙⴰⴷⴰⵖⵏ ⴷ ⵓⵎⴰⵥⵉⵍ.ⴰⵔ ⵉⵥⵎⵓⵥⵥⵓⵍ ⵙ ⵉⵙⵓⵔⵉⴼⵏ ⵓⴼⵔⵉⵖⵏ.ⴰⵔ ⵉⵟⵟⴻⴼⴼⵓⵔ ⴰⴽⵯ ⵉⴱⴻⵔⴷⴰⵏ ⵉⴼⴻⵔⵖⵏ ⵜⴰⴼ ⴰⴷ ⵉⵃⴱⵉⴱⴻⴹ ⴰⵙⴻⴷⵔⴻⵎ ⵏⵏⴻⵙ.ⴰⵡⴰⵍ ⵏⵏⴻⵙ ⵓⵔ ⵉⵎⵙⴰⵙⴰ ⴷ ⵓⵎⴰⵥⵉⵍ.ⴰⴷⵔⵉⵔⴰⵡ ⵏⵏⴻⵙ ⴳ ⵜⵖⴰⵡⵙⵉⵡⵉⵏ ⵏ ⵉⴳⴷⵓⴷⵏ ⵉⴳⴰ ⵜ ⵓⵙⴻⴷⵔⴻⵎ ⵏⵏⴻⵙ.ⴰⵢ-ⵏⵏⴰ ⵉⵎⵙⴰⵙⴰⵏ ⵉⴷⵙ ⴰⴷ ⵉⴷⵙ ⵉⵎⵓⵏ ⵉⴷ ⴰⵢ-ⵏⵏⴰ ⵓⵔ ⵜ ⵉⵜⵜⴻⵙⴳⴰⵔⵏ ⵀⴰⵜ ⴰⴷ ⵉⵎⵓⵏⵏⴻⴹ,ⴰⴷ ⵉⵔⵥⴻⵎ ⵉ ⵉⵎⴻⵏⴹⵉⴹⵏ ⵏⵏⴻⵙ ⵜⴰⴼ ⴰⴷ ⵓⵔ ⵢⴰⵖ ⴰⴱⵔⵉⴷ ⵉⵏⴻⵎⵏ.ⴰⵅⴻⵏⵙⴰⵔ ⵉⵍⴰ ⵉⵖⵓⵊⴱⴰⵏ ⴳ ⵢⴰⵜ ⵜⴷⵉⵃⴻⵍⵜ ⴷ ⵜⵉⵅⵉⴷⴷⴰ ⴳ ⵢⴰⵏ ⵉⴷⵉⴽⵍ.ⴰⵔ ⵉⵜⵜⴰⵣⴹ ⵉⵍⵙ ⵏⵏⴻⵙ ⴼⴰⵔ ⴰⴷ ⵙⵉⵙ ⵢⴰⵖⴻⵢ ⴰⵃⴻⵔⵊⵉⴹ ⵏ ⵡⴰ-ⴷⴷⴰ ⵉⵀⵓⴷⴷⴰⵏ ⵉⵣⴻⵔⴼⴰⵏ ⵏⵏⴻⵙ.ⵉⵖ ⴰⵙ ⵉⴱⴷⴻⵔ ⵛⴰ ⵉⵣⴻⵔⴼⴰⵏ ⵏ ⵓⴼⴳⴰⵏ ⴰⵔ ⵉⵜⵜⵉⵏⵉ ⵉⵙ ⴰⵔ ⵜⴻⵏ ⵉⵙⵙⴻⵔⵙⴰⵍ ⴳ ⵡⴰⵎⵓⵏ,ⵉⵙ ⵓⵔ ⵜⴻⵏ ⵢⵓⴳⵉ,ⵉⵙ ⵜⴻⵏ ⵢⵓⵙⴻⵢ ⵏⵏⵉⴳ ⵉⵖⵉⵔ ⵏⵏⴻⵙ ⴰⵎ ⵡⴰååⴰ ⵓⵙⵜⵉⵍ,ⵉⵙ ⴰⵔ ⵜⴻⵏ ⵉⵜⵜⴻⵙⵓⵔ ⴳ ⵜⵎⴰⵣⵉⵔⵜ.ⴽⵓⴷ ⵉⵜⵜⴻⵄⴽⵯⴽⵯⴰⵏ ⵉⵣⴻⵔⴼⴰⵏ ⵉⵜⵜⵉⵏⵉ ⵉⵙ ⴰⵔ ⵜⴻⵏ ⵉⵙⵙⴻⴷⵙⴰⵍ ⴳ ⵓⵣⵡⵓ ⵏ ⵜⵓⴷⴻⵔⵜ.ⴰⵅⴻⵏⵙⴰⵔ ⴰⵔ ⵉⵛⵛⵓⵛⵓⴹ ⵎⴻⴷⴷⴻⵏ ⵍⵍⵉ ⴳⵉⵙ ⴼⴻⵍⵙⴻⵏ ⴳ ⵓⵀⵍⴰⴼⴼⵓ ⵏ ⵉⵍⵢⴰⵏ ⴰⵙ ⵉⵙⵙⵉⵔⴷ ⵓⴷⵎ ⴷ ⵉⴹⴰⵔⵏ ⵏⵏⴻⵙ.ⴰⵔ ⴰⵙⵏ ⵢⴰⴽⴽⴰ ⴰⵍⴰⵢⵉⴹ ⴰⵎⵎⴰⵙ ⵏ ⵓⵛⴼⴰⵢ.ⴰⵔ ⵜⴻⵏ ⵉⵙⵙⵉⵛⴽ ⴳ ⵓⴼⴻⵔⴷⵓ ⵏⵏⴻⵙ.ⵜⴰⵇⴻⵛⵛⴰ ⵏ ⵎⴻⴷⴷⴻⵏ ⵓⵔ ⵜⴳⵉ ⵖⵓⵔ ⵙ ⵅⴰⵙ ⴰⴷⵓⵙⴽⵓ ⵏⵏⴰ ⴳⵉⵙ ⵉⵜⵜⴰⵡⵖ ⵉ ⵓⵏⵍⵍⵉ ⵏⵙⴻⵏ .ⴰⴷⴷⴰⵢ ⴷⴰ ⵉⵙⴰⵡⴰⵍ ⴰⵔ ⵉⵜⵜⵉⵖⵉⵍ ⵓⵎⵙⵙⴻⴼⵍⵉⴷ ⵉⵙ ⵉⴳⴰ ⴰⵡⴰⵍ ⵏⵏⴻⵙ ⴰⵛⵔⴰⵔⴰⴷ ⵎⴻⵇⵇⴰⵔ ⵉⵜⵜⵓⵙⴽⴰ ⵖⵉⴼ ⵓⵎⵉⵢⵏ.ⴰⵅⴻⵏⵙⴰⵔ ⴰⵔ ⵉⵙⵙⵉⵖⵉⵍ ⵉ ⵎⴻⴷⴷⴻⵏ ⵉⵙ ⴰⵙ ⵜⵏⴻⵎ ⵜⵡⴰⴷⴰ ⵜⴰⴼ ⴰⴷ ⵜ ⵉ ⵟⴼⵓⵔⵏ ⵜⴰⴼ ⴰⴷ ⵜⴻⵏ ⵢⴰⵡⴻⵢ ⴳ ⵓⵙⴰⵏⴼ ⵏⵏⴻⵙ.ⵉⵎⴻⵏⴹⵉⴹⵉⵏ ⵏⵏⴻⵙ ⴰⵢⴷ ⴰⵙ ⴳⴰⵏ ⵜⵉⵎⵉⵜⴰⵔ ⵉ ⵓⵖⴰⵔⴰⵙ ⵏⵏⴻⵙ.ⴷⵉ-ⵏⵏⴰ ⵉⴽⴽⴰ ⴰⵔ ⵉⵜⵜⴰⴷⵊⴰ ⴰⴷⴰⵔⵉⵣ ⵉⵙⴰⵏⵉⵢⵏ .ⴰⵔ ⵉⵜⵜⴻⵏⵏⴻⴹ ⵉ ⵜⴼⴰⵙⴽⴰ ⵏⵏⴻⵙ ⴰⵔ ⴷ ⵉⵙⴱⵓⵔⵔⴻⵢ ⴰⵙⵉⴷⴷ ⵏⵏⴻⵙ ⵙ ⵜⴰⵍⵍⴻⵙⵜ ⴰⵀⴰ ⵢⴰⴷⵊ ⵜ ⴰⵔ ⵜⵙⴻⴱⴱⵉⵔⵛⵉⵍ.ⴰⵅⴻⵏⵙⴰⵔ ⵓⵔ ⴷⵊⵉⵏ ⵉⵙⵙⵉⵏ ⵉⵣⴻⵔⴼⴰⵏ ⵏ ⵡⵉ-ⵢⵢⴰⴹ ⵅⴰⵙ ⵙ ⵓⵀⵓⵛⵍ ⵉⴷⴷⴻⵖ ⵓⵔ ⵉⵍⵉ ⴰⵎⴰⵥⵉⵍ.ⴰⵙⴻⴷⵔⴻⵎ ⵏⵏⴻⵙ ⴰⴷ ⵉⵙⴻⵜⵜⵓ ⵉ ⵡⵉ-ⵢⵢⴰⴹ ⵉⵣⴻⵔⴼⴰⵏ ⵏⵙⴻⵏ ⴳ ⵉⵍⵉ ⴷ ⵜⵓⴷⴻⵔⵜ.ⴰⵅⴻⵏⵙⴰⵔ ⴰⵔ ⵉⵇⵇⴰⵔ ⴰⵎⴰⴽ ⵏ ⵉⵣⵔⴼⴰⵏ ⵙ ⵓⴷⴻⵏⵙⵉⵔ ⵉⵙⴰⵏⵉⵢⵏ.ⴰⵅⴻⵏⵙⴰⵔ ⴰⵔ ⵉⵜⵜⴻⴳⵎⴰⵔ ⵜⵉⵡⴻⵏⴳⵉⵎⵉⵏ ⵙ ⵜⵓⴽⴰⴹ ⵏ ⵜⴻⵅⵏⵏⵓⴱⴰⵙ ⵏⵏⴻⵙ.ⵓⵔ ⴷⵊⵉⵏ ⵉⵙⵙⵉⵏ ⴰⴷ ⵉⴽⵔⴻⵊ ⵉⵣⵉⵔⴳ ⵉⵏⴻⵎⵏ .

ⴰⵖⵣⵣⴰⴼ ⵎⵓⵃⵎⵎⴰⴷ
Arhazaf Mohammed

ⴰⵙⴻⴼⵔⵓ ⵏ ⵉⵡⴰⵍⵉⵡⵏ :
ⴰⵎⴰⵡⴰⵍ ⴰⵎⴰⵣⵉⵖ -ⴰⴼⵔⴰⵏⵙⵉⵙ :

axensar :Le déviateur.
azalak :Le chemin maladroit.
inemn :Droit.
ittuska :Etre construit.
uvvid :Droit.
aserhu :L’honneur.
ad isduc :Faire plaisir.
irkkiÇn :Troubles.
tanumi :La droiture.
asusv :La transparence.
isaviln :Les mesures.
ad imsadav :Etre parallèle.
adriraw :La référence.
asedrem :L’intérêt.
ad isger :Assurer.
imenÄiÄn :Des actes qui ne sont pas sérieux.
ivujban :Les escroqueries.
tidipelt :La paume.
idikl :La paume.
yuvey :Etouffer.
aperjiÄ :La gorge.
ad ihuddu :Défendre.
ad issersl :Fixer.Officialiser.
ustil :Lourd.
ad isur :Fixer.
ad issedsel :Au sens figuré fonder.
ahlaffu :La mousse.
ilyan :Le savon.
alayiÄ :Le savon.
aferdu :L’impasse.
taqcca :La boite crânienne.
adusku :Le plat en bois.
anlli :Le cerveau.
ad yawey ca cra g usanf nnes :Expression pour dire arriver à son but  à travers une astuce,une ruse.
adariz :La trace.
isaniyn :Oblique.
ad isbbircil :Roder.
ahucl :L’obligation.
tukaÄ :L’hameçon.
izirg :La ligne.