Anefcacak : L’égotiste en amazigh

Écrit par Arhazaf Mohammed. Publié dans Articles en Tifinagh

1 1 1 1 1 1 1 1 1 1 Vote 5.00 (3 Votes)

ⴰⵏⴻⴼⵛⴰⵛⴰⴽ

ⴰⵏⴻⴼⵛⴰⵛⴰⴽ ⵉⴳⴰ ⵜ ⵡⴰ-ⵏⵏⴰ ⵉⵙⴱⵉⵊⵊⵉⴳⵏ ⵙ ⵡⴰⵜⵜⴰ ⵏⵏⴻⵙ ⵓⴳⴳⴰⵔ ⵏ ⵡⵉ-ⵢⵢⴰⴹ.ⴰⵔ ⵉⵜⵜⵉⵖⵉⵍ ⵉⵙ ⵏⴻⵜⵜⴰ ⴰⵢⴷ ⵢⵓⴼⵏ ⵡⵉ-ⵢⵢⴰⴹ.ⴰⵔ ⵉⵜⵜⴻⵙⵢⴰⵅ ⴳ ⵉⵍⵖ ⵏ ⵜⵙⴻⵏⴷⵓⴱⴻⵏⵜ ⵏⵏⴻⵙ.ⴰⵔ ⵉⵜⵜⵉⵏⵉ ⵉⵙ ⵓⵔ ⵉⵍⵉ ⴰⵡⴷⵢⴰⵏ ⵓⵎⴰⵍⵉⴷ,ⵉⵙ ⵉⴱⵍⴻⵍ ⴳ ⵎⴰⵢⴷ ⵉⴳⴰⵏ ⵉⴷⵉⵙ.ⴰⵔ ⵉⵜⵜⵉⵖⵉⵍ ⵉⵙ ⵉⴳⴰ ⴰⵎⴻⴷⵢⴰ ⵉ ⵡⵉ-ⵢⵢⴰⴹ,ⵉⵙ ⵏⴻⵜⵜⴰ ⴰⵢⴷ ⵉⵙⵙⴻⵏ ⴰⵢ-ⵏⵏⴰ ⵓⵔ ⵙⵙⵉⵏ ⵡⵉ-ⵢⵢⴰⴹ.ⴰⵔ ⵉⵜⵜⵉⵏⵉ ⵉⵙ ⴰⵔ ⵙⴻⴽⵙⵉⵡⵏ ⵎⴻⴷⴷⴻⵏ ⵙ ⵡⴰⵍⵍⴻⵏ ⵏⵏⴻⵙ,ⴰⵔ ⵙⵙⴻⴼⵍⵉⴷⵏ ⵙ ⵉⵎⵊⵊⴰⵏ ⵏⵏⴻⵙ,ⵉⵙ ⵙ ⵓⵏⵍⵍⵉ ⵏⵏⴻⵙ ⴰⵙ ⴰⵔ ⵜⵜⴰⵛⵣⴻⵏ ⵎⴰ ⵎⵉ ⵜⵜⵉⵙⵉⵍⵏ ,ⵉⵙ ⵙ ⵉⵍⵙ ⵏⵏⴻⵙ ⴰⵙ ⵏⵏⴰⵏ ⴰⴷ ⵙⵙⴻⴼⵔⵓⵏ ⵉⵛⴰⵔⵉⴷⵏ ⵉⵙⵓⵏⴰⵏ .ⵓⵔ ⵉⵍⵍⵉ ⴰⵎ ⵏⴻⵜⵜⴰ.ⵢⵓⴳⵔ ⴰⴽⵯ ⵎⴻⴷⴷⴻⵏ ⵏ ⵉⵖⴻⵣⵡⴻⵔ.ⵉⵍⴰ ⵜⴰⵣⴻⵎⵏⵉ ⵍⵍⵉ ⵓⵔ ⵍⵉⵏ ⵉⴳⴷⵓⴷⵏ ⵢⴰⴹⴻⵏ.ⴰⵔ ⵉⵜⵜⵉⵖⵉⵍ ⵉⵙ ⵉⴳⴰ ⴰⴱⴻⵔⵎⴰⴷⴰⵏ ,ⵉⵙ ⵓⵔ ⵢⴰⴽⵙⵓⵍ ⴷ ⵓⵄⴹⵓⵏ ⵍⵍⵉ ⵉⴳⴰ ⵓⵡⴰⵢⴻⵟ.ⴰⵔ ⵉⵜⵜⵉⵏⵉ ⵉⵙ ⴰⵙ ⵉⵖⵣⵣⵉⴼ ⵓⴼⵓⵙ ⴰⵍⵍⴻⵢ ⵉⴼⵙⴻⵔ ⵜ ⵏⵏⵉⴳ ⵜⵉⵇⴻⵔⴼⴰⴷⵉⵏ ⵏⵏⵙⴻⵏ.ⴰⵔ ⵉⵜⵜⵉⵖⵉⵍ ⵉⵙ ⴰⵔ ⵢⴰⴽⴽⴰ ⴰⵙⵉⴷⴷ ⵉ ⵡⵉ-ⴷⴷⴰ ⵉⵖⴻⵏⴱⴻⵔⵏ ⵙ ⵜⴰⵍⵍⴻⵙⵜ.ⴰⵔ ⵉⵜⵜⵉⵏⵉ ⵉⵙ ⵏⴻⵜⵜⴰ ⴰⵢⴷ ⵉⴳⴰⵏ ⴰⵡⵓⵎ ⵏ ⵉⵖⴻⵣⵡⴻⵔ,ⵉⵙ ⵏⴻⵜⵜⴰ ⴰⵢⴷ ⵉⵜⵜⴻⵙⴳⴰⵔⵏ ⴰⵣⵓⴱⴷⵓ ⵏ ⵉⵍⵉ ⵏ ⵓⵡⴰⵢⴻⵟ.ⴰⵏⴻⴼⵛⴰⵛⴰⴽ ⴰⵔ ⵉⵜⵜⵉⵃⵎⵉⵎⵉⵍ ⵓⴳⴳⵉⴷ ⵏⵏⴻⵙ,ⴰⵔ ⵉⵙⵙⴻⵍⴽⵓ ⵎⴻⴷⴷⴻⵏ ⵢⴰⴹⴻⵏ.ⴰⵔ ⵥⴰⵔ ⵙⴻⵏ ⵉⵙⴻⴽⵙⵉⵡ ⵣⵉ ⴷⴷⴰⵡ ⵡⴰⵍⵍⴻⵏ .ⵎⴻⵛ ⵉⵔⴰ ⴰⴷ ⵉⵣⵓⵜⴼ ⵉⵅⵉⵜⵉ ⵏⵏⵙⴻⵏ ⴰⵔ ⵉⵙⵙⴻⵎⵔⴰⵙ ⵉⵙⵙⴻⵄⵍⵉ ⴰⵎⵎ ⵉⵙ ⴷⴰ ⵉⵜⵜⴰⵏⵏⴰⵢ ⵉⵣⵓⵣⴰⵄ.ⵉⵅⴰⵜⵔ ⴰⵙ ⵓⵇⴻⵔⵔⵓ ⵉⵙⴽⵓⴽⵏ ⵡⵉ-ⵏⵙⴻⵏ.ⴰⵡⴰⵍ ⵏⵏⴻⵙ ⵓⵔ ⵉⵍⵉ ⴰⵣⵓⵢⵉ ⵏⵏⴻⵙ.ⵉⵍⴰ ⵜⵉⵣⵣⵓⵍⵢⴰ ⵏⵏⴰ ⵓⵔ ⴷⵊⵉⵏ ⵍⵉⵏ.ⵉⵍⴰ ⵜⴰⵎⴰⵏⴳⴻⵜ ⵍⵍⵉ ⵓⵔ ⵍⵉⵏ.ⴰⵖⵔⵓⵔⵎ ⵍⵍⵉ ⵉⴽⴽⴰ ⵓⴱⴰⵃⵍⵍⵓ ⵏⵏⴻⵙ ⴰⵣⴰⵢⴽⵓ ⵉⵖⵏⴰ ⵉⵙⵜⴻⵢ ⵙ ⵓⵃⵜⵓ. ⵏⵏⴻⵙ.ⵡⴰⵍⵓ ⵎⴰⵢⴷ ⵜ ⵢⵓⴼⵏ ⵅⴰⵙ ⵉⵎⴻⵖⵏⵉ ⵏⵏⴻⵙ.ⴰⵡⴰⵍ ⵏⵏⴻⵙ ⵉⴳⴳⵓⴼⴻⵢ ⵜⵉⵙⴽⴽⵉⵍⵢⴰ ⵏ ⵓⵙⵓⵏ ⴰⵔ ⵉⵊⵊⴻⵢⴰⵍ ⵎⴻⵇⵇⴰⵔ ⵉⴳⵏⴰ ⵙ ⵉⴼⵉⵍⴰⵏ ⵏ ⵡⵉ-ⵢⵢⴰⴹ .ⴰⵔ ⵉⵜⵜⵉⵖⵉⵍ ⵉⵙ ⵏⴻⵜⵜⴰ ⴰⵢⴷ ⵉⵃⵔⵔⵉⵏ ⴰⵍⴰⵡⴰⵢ ⵏ ⵓⵖⵔⵓⵔⵎ.ⴰⴷⴰⵡⵉⵏ ⵏⵏⴻⵙ ⵉⵀⵔⵓⵔⴻⵡ ⴰⵍⵍⴻⵢ ⵢⵓⴼ ⵡⵉ-ⵏ ⵉⴳⴷⵓⴷⵏ ⵢⴰⴹⴻⵏ.ⴰⵙⴻⵏⴼⵍⵓⵍ ⵏⵏⴻⵙ ⵓⵔ ⵉⵍⵉ ⴰⵏⴻⴳⴳⵓ ⵏⵏⴻⵙ ⵉⴷⴷⴻⵖ ⵉⵍⵙⴰ ⴰⵃⵔⵓⵢ ⴰⵣⴰⵢⴽⵓ ⴷ ⵓⵎⴰⵢⵏⵓ ⴷ ⵓⵜⵔⴰⵔ.ⴰⵔ ⵉⵜⵜⵉⵖⵉⵍ ⵉⵙ ⵓⵔ ⵏⵏⵉⵏ ⵉⵍⵙⴰⵡⵏ ⵢⴰⴹⴻⵏ ⴰⴷ ⵙⵙⵉⵡⴹⴻⵏ ⴰⵣⴰⵏ ⴰⵙⵓⵏⴰⵏ ⴰⵎ ⵡⵉ-ⵏⵏⴻⵙ.ⴰⵔ ⵉⴽⴽⴰⵜ ⵉⴳⴻⵏⵏⴰ ⴰⵀⴰ ⵓⵔ ⵉⵙ ⵢⵓⵛⵉ.ⵉⵎⵢⴰⵔ ⴰⴷ ⵉⵙⴻⴽⵙⵉⵡ ⵓⴷⵎ ⵏⵏⴻⵙ ⴳ ⵉⵙⵙⴻⵎⵏⵉ ⵏⵏⴻⵙ ⵙ ⵉⵏⵉⵍⵏ ⵍⵍⵉ ⵉⵔⴰ ⵉ ⵓⴳⴳⵉⴷ ⵏⵏⴻⵙ.ⵓⵔ ⴰⵔ ⵉⵜⵜⴻⴷⴷⵓ ⵏⵏⵉⴳ ⵏ ⵡⴰⵛⴰⵍ.ⴰⵔ ⵉⵜⵜⵉⵖⵉⵍ ⵉⵙ ⴰⵔ ⵉⵜⵜⴻⴷⴷⵓ ⴳ ⵉⴳⴻⵏⵏⴰ,ⵉⵙ ⴰⵔ ⵉⵜⵜⴻⵏⵓⵢ ⴰⵢⵢⵉⵙ ⵏ ⵓⵣⵡⵓ ⴼⴰⵔ ⴰⴷ ⵉⵣⵣⴻⵔ ⵉⵥⴻⵏⵥⴰⵔⵏ ⵏ ⵜⴰⴼⵓⵢⵜ ⵣⴻⴳ ⵓⵖⴱⴰⵍⵓ ⵏⵏⵙⴻⵏ.ⵉⵔⴰ ⴰⴷ ⵉⵏⵏⴻⴱⴻⴹ ⴳ ⵓⵣⵓⵔⵣ ⵏ ⵓⵙⵉⴷⴷ ⴷ ⵓⵣⵓⵔⵏ ⵎⴰⵔ ⴰⴷ ⵉⴼⴻⴽ ⵜⵓⴷⴻⵔⵜ ⵉ ⵓ-ⵏⵏⴰ ⵉⵔⴰ ⵉⴽⴽⴻⵙ ⵜ ⵉ ⵡⴰ-ⵍⵍⵉ ⵓⵔ ⵜ ⵉⵔⵉ.

Avzzaf mupmmad
Arhazaf Mohammed

Asefru n iwaliwn :

+ - Amawal amaziv afransis : Cliquer pour réduire

anefcacak :L’égotiste.
ar isbijjig :Etre fièr.
amalid :Le vice.
ad iblel :Etre parfait.
anlli :Le cerveau.
icardn :Les vérités.
ivezwer :L’univers.
tazemni :La sagesse.
abermadan :Proposé pour le superman.
aoÄun :Le nain.
tiqerfadin :Les nuques.
ad ivenbr :Se couvrir le visage.
ad isgr :Assurer.
azubdu :La continuité.
uggid :La personne.
ad izutf :Découvrir .
iniln :Les couleurs.
ar ittepmimil :Aimer trop.
ixiti :L’état.
isseolui :Proposé pour les jumelles.(Doubles lorgnettes).
izuzao :Des insectes de petite taille par extension des microbes.
ad iskukn :Etre miniaturisé.
istey :Au sens de spécifique.
aptu :Le modèle.
avrurm :Le fait d’être trop civilisé.
imevni :Le créateur.
alaway :Le train.
adawin :L’imaginaire.
ad ihrurew :Etre trop large.
issemni :asmnu :tisit :Le miroir.
azurz :La source.
azurn :L’énergie.

ⴰⵏⴻⴼⵛⴰⵛⴰⴽ

Vos réactions (0)