Amxuxd : le comploteur en Amazigh
ⴰⵎⵅⵓⵅⴷ
ⴰⵎⵅⵓⵅⴷ ⵉⴳⴰ ⵜ ⵡⴰ-ⵏⵏⴰ ⵉⵙⴽⴰⵔⵏ ⵜⵉⵅⵉⴷⴷⴰ ⵉ ⵓⵛⴻⵏⴳⵓ ⵏⵏⴻⵙ ⵎⴰⵔ ⴰⴷ ⵜ ⵉⵙⵙⴻⵇⵍⵓⵍⴻⵢ ⵣⵉ ⵓⴷⵖⴰⵔ ⵍⵍⵉ ⵉⵖⴻⵔⴱⴻⵣ ⴷⵉⵙ.ⴰⵎⵅⵓⵅⴷ ⵉⴳⴰ ⵜ ⵡⴰ-ⵍⵍⵉ ⵉⵛⴽⵓⴱⴱⴻⵔⵏ ⵙ ⵓⴼⵓⵙ ⵏ ⵓⵙⴷⴰⵔⵔⴰⵢ ⵜⴰⴼ ⴰⴷ ⵜ ⵢⴰⵔⴻⵢ ⵣⴻⴳ ⵓⴳⴰⵏⴷ.ⵉⴳⴰ ⵜ ⵡⴰ-ⵏⵏⴰ ⵜⴻⵙⴳⵓⵟⵟⴻⵢ ⵜⴼⵓⵍⵍⵓⵙⵜ ⵏ ⵓⵙⴷⴰⵔⵔⴰⵢ ⵖⵉⴼ ⵙ ⵜⴰⴼ ⴰⴷ ⵜⴻⵙⵙⵓⴼⵖ ⵣⴻⴳ ⵉⵛⴻⵍⵎⵉ ⵏ ⵜⵉⴳⵍⴰⵢ ⵏⵏⴻⵙ ⵉⵛⴻⵏⵛⴰⵡⵏ ⵓⵔ ⵉⵙⴰⵡⴰⵍⵏ ⵅⴰⵙ ⵙ ⵉⵍⵙ ⵏ ⵓⵙⴷⵓⵔⵔⴻⵢ.ⴰⵎⵅⵓⵅⴷ ⵉⴳⴰ ⵜ ⵡⴰ-ⵍⵍⵉ ⵉⵜⵜⴻⵎⵓⵍⵙⵏ ⴰⵎⴻⵖⵏⴰⵏⴰⵙ ⴰⵎⴰⵣⵉⵖ ⵙ ⵓⵅⵓⵅⴷ ⵖⵉⴼ ⵜⵎⴰⵣⵉⵔⵜ ⴷ ⵓⵙⵓⵏⴰⴹ ⴰⵙⴻⵔⵜⴰⵏ .ⴰⵎⵅⵓⵅⴷ ⵓⵔ ⵜ ⵉⴳⵉ ⵅⴰⵙ ⵡⴰ-ⵏⵏⴰ ⵉⵜⵜⵉⵏⵉⵏ ⵉⵙ ⵉⵎⴰⵣⵉⵖⵏ ⴳⴰⵏ ⵉⴼⴰⵙⵙⴻⵏ ⵏⵙⴻⵏ ⴳ ⵓⴼⵓⵙ ⵏ ⵓⵙⴷⵓⵔⵔⴻⵢ ⵜⴰⴼ ⴰⴷ ⵙⵙⴻⵏⴼⴻⵍⵏ ⵓⴷⵎ ⵏ ⵜⵎⴰⵣⵉⵔⵜ ⵏⵏⴻⵖ .ⴰⵎⵅⵓⵅⴷ ⴰⵔ ⵉⵜⵜⴻⴳⵍⴰⵎ ⵉⵎⴱⴻⵍⵍⴰⵏ ⵍⵍⵉ ⵓⵔ ⴷⵊⵉⵏ ⴽⴽⵉⵏ ⵙⵙⴻⵖⵔⴰⵏ ⵙ ⵓⵙⴷⵓⵔⵔⴻⵢ ⵡⴰⵍⴰ ⵓⵏⵣⴻⵏ ⵙ ⵓⴷⴰⴱⵓ ⵏⵏⴻⵙ ⵙ ⵓ-ⵏⵏⴰ ⴽⴽⴰⵏ ⵉⴷ ⴱⴰⵃⵍⵍⵓ ⵏⵏⴻⵙ ⵙⴽⴻⵔⵏ ⵜ ⴳ ⵉⵎⵉⵏⴳ ⴳ ⵎⴰⵏ ⴷ ⵓⵙⴷⴰⵔⵔⴰⵢ ⵓⵏⴻⴳⵍⵉⵣ ⵜⴰⴼ ⴰⴷ ⵙⵙⴻⵇⵍⵓⵍⵉⵏ ⴰⴷⴰⴱⵓ ⵓⵜⵔⵉⴽ .ⵉⵙ ⵓⵔ ⵉⴽⴽⵉ ⵓⵙⴷⴰⵔⵔⴰⵢ ⵉⵙⵙⴻⵏⴽⴻⵔ ⴳ ⵉⵄⵔⴰⴱⵏ ⴰⵖⴰⵍⵉⵛ ⴰⵄⵔⴰⴱ ⴰⵍⵍⴻⵢ ⵙⴳⴻⵍⴷⵏ ⴰⵖⵍⵍⴰ ⴰⵙⴻⵔⴷⴰⵙⴰⵏ « ⵍⵓⵔⴰⵏⵙ »ⵍⵍⵉ ⵜⴻⵏ ⵉⵙⵙⴻⴽⵏⴻⴷⵏ ⵙ ⵓⵙⵏⴻⴽⴼⵉⵔ ⵏⵏⴻⵙ ⴰⵍⵍⴻⵢ ⵓⵙⵉⵏ ⴰⴱⴻⵛⴽⵉⴷ ⵏⵏⴻⵙ ⵜⴰⴼ ⴰⴷ ⵙⵙⴻⵔⴷⴻⵍⵏ ⴰⴷⴰⴱⵓ ⴰⵙⴻⵍⵎⴰⵏ ⵓⵜⵔⵉⴽ ⵙ ⵜⴰⵎⵏⵏⵉⴷⴰ ⵏ ⵓⴼⵓⵍⴻⵢ ⵏ ⵉⵡⵓⵏⴰⴽ ⵍⵍⵉ ⵔⴰⵏ ?! .ⴽⵓⴷ ⵉⵍⵛⴻⵎ ⵉⵡⴰⵜⵉⵙⵏ ⵏⵏⴻⵙ ⵉⵏⵏⴰ ⴰⵙⵏ ⵉⵙ ⴰⵢ-ⵍⵍⵉ ⴰⵙⵏ ⵉⵙⵏⴻⴽⴼⴻⵔ ⵉⵍⵍⴰ ⴷⴷⴰⵡ ⵉⴼⴰⵙⵙⴻⵏ ⵏ ⵉⵎⴰⵙⴰⵢⵏ ⵉⵙⴻⵔⵜⴰⵏ ⵉⴷⴷⴻⵖ ⵓⵔ ⵉⴳⵉ ⵏⴻⵜⵜⴰ ⵅⴰⵙ ⴰⵙⴻⵔⴷⴰⵙ ⵣⵉ ⵓⴼⴰⵙⵉⵏ ⴰⵎⴰⵊⵊⴻⵢⴰⵍ.ⴰⵎⵅⵓⵅⴷ ⵓⵔ ⵉⴳⵉ ⵅⴰⵙ ⴰⵢⵢⴰⵡ ⵏ ⵡⴰ-ⴷⴷⴰ ⵉⵙⴻⵏⵢⵉⴼⵏ ⴰⴷ ⵉⵎⵓⵏ ⴷ ⵓⴱⴻⵔⵔⴰⵏⵉⵢ ⵜⴰⴼ ⴰⴷ ⵉⵙⵙⴻⵔⴷⴻⵍ ⵉⵖⵔⴻⵎ ⴰⵙⴻⵍⵎⴰⵏ ⴰⵅⴰⵜⴰⵔ ⵉⴽⴽⴰⵏ ⴰⵔ ⵉⵜⵜⴻⵏⵖⴰⵔ ⵉⵍⴻⵍ ⵓⵎⵍⵉⵍ ⴰⵏⴰⵎⵎⴰⵙ ⵏⴻⵖ ⴰⵎⴻⵔⵡⴰⵙⵓ.ⴰⵎⵅⵓⵅⴷ ⵓⵔ ⵜ ⵉⴳⵉ ⵅⴰⵙ ⵡⴰ-ⵍⵍⵉ ⵢⵓⵇⵙⴻⵏ ⵙ ⵓⵖⵍⴰⵛ ⵏⵏⴻⵙ ,ⵙ ⵜⴰⵢⵔⵉ ⵏ ⵜⵏⴻⵜⵜⵉⵜ ⵏⵏⴻⵙ ⴰⴷ ⵉⵙⴽⵓ ⴰⵙⴻⵏⴼⴻⵢ ⵉ ⵉⵖⴼ ⵏⵏⴻⵙ ⴷⴷⴰⵡ ⵓⵎⴰⵍⵓ ⵏ ⵓⴱⴻⵔⵔⴰⵏⵉⵢ.ⵎⴻⵛ ⵓⵔ ⵉⴳⵉ ⴰⵎⵅⵓⵅⴷ ⵎⴰⵅ ⴰⵍⵍⴻⵢ ⴷⴻⴼⴼⵉⵔ ⵏ ⵓⴼⵓⵍⴻⵢ ⴰⵙⵓⵣⴰⵏ ⵉⴽⴽⴻⵙ ⴰⵍⵎⵎⵓⴷ ⵏ ⵜⵎⴰⵣⵉⵖⵜ ⵣⵉ ⵓⵖⴻⵔⴱⴰⵣ ?ⵎⴰⵅ ⴰⴷ ⵓⵔ ⵉⵙⵖⵓⵢ ⵜⴰⴼ ⴰⴷ ⵉⵙⵓⵔ ⵓⴷⴰⴱⵓ ⵉⵣⴻⵔⴼⴰⵏ ⵉⴷⴻⵍⵙⴰⵏ ⵏ ⵉⵎⴰⵣⵉⵖⵏ ⵎⴰⵔ ⴰⴷ ⵢⵉⵏⵉ ⴽⵓⵢⴰⵏ ⵉⵙ ⵓⵔ ⴳⵉⵏ ⵉⵎⵅⵓⵅⴷⴻⵏ ⵅⴰⵙ ⵉⵙⴷⴰⵔⵔⴰⵢⵏ ⵉⴼⴼⴻⵔⵏ ⴹⴰⵔⵜ ⵓⵖⴰⵍⵉⵛ ⴰⵄⵔⴰⴱ ?ⵎⴰⵅ ⴰⴷ ⵓⵔ ⵉⵙⵙⴻⵔⵙⴻⵍ ⵉⵍⵙ ⴷ ⵓⴷⴰⵍⵉⵙ ⴰⵎⴰⵣⵉⵖ ⴳ ⵓⵙⴰⴹⵓⴼ ⴰⴷⴻⵙⵍⴰⵏ ⵏ ⵜⵎⴰⵣⵉⵔⵜ ⵣⵉ ⴽⵓⴷ ⵙⵔⴰⵔⵏ ⵉⵎⴻⵔⵔⴰⴽⵓⵛⵉⵏ ⴰⴼⵓⵍⴻⵢ ⴰⵙⵓⵣⴰⵏ ?ⵎⴰⵅ ⴰⵍⵍⴻⵢ ⵉⵙⵙⴻⵏⵛⴰ ⴰⵖⴰⵡⴰⵙ ⵏ ⵓⵙⵙⴻⵄⵔⴻⴱ ⵏ ⵡⴰⵙⵙⴰⵖⵏ ⵏ ⵡⴰⵏⵙⵉⵡⵏ ?ⵉⵙ ⵓⵔ ⵉⴳⵉ ⵓ-ⵢⴰ ⴰⵏⵥⵓ ⵏ ⵓⵅⵓⵅⴷ ⵏⵏⴻⵙ ?ⵉⵙ ⵓⵔ ⵉⵔⵉ ⵡⴰ-ⴷⴷⴻⵖ ⴰⵙⵍⵓⴱⴱⴻⴹ ⵉ ⵉⵎⴰⵣⵉⵖⵏ ?ⵎⴻⵔ ⵉⵙⵓⵔ ⵉⵍⵙ ⴰⵎⴰⵣⵉⵖ ⵜⴰⵎⴰ ⵏ ⵓⵄⵔⴰⴱ ⴳ ⵓⵙⴰⴹⵓⴼ ⴰⴷⴻⵙⵍⴰⵏ ⴰⴷ ⵢⵉⵏⵉ ⵓⵙⴻⵏⵖⴰⵙ ⵀⴰⵜ ⵓⵎⴰⵣⵉⵖ ⵓⵔ ⵉⴳⵉ ⵅⴰⵙ ⴰⵡⴻⵔⴹⵏⴰⵙ ⵏ ⵓⵙⴷⴰⵔⵔⴰⵢ ⴰⴷⴷⴰⵢ ⴷⴰ ⵉⵙⵙⴰⵔⴰ ⴰⴷ ⵉⴳⴻⵔ ⵉⵄⵔⴰⴱⵏ ⴳ ⵉⵍⴻⵍ.ⵎⴰⵛⴰ ⴰⵎⴻⵖⵏⴰⵏⴰⵙ ⴰⵎⴰⵣⵉⵖ ⵓⵔ ⴰⵔ ⵉⵜⴻⵜⵜⴻⵔ ⵅⴰⵙ ⴰⵙⴻⵖⵜⵓ ⵏ ⵓⵙⴰⵔⵉⵙ ⵓⴼⵔⵉⵖ ⵏⵏⴰ ⴳⵉⵙ ⵉⴽⴽⴰ ⵉⴷⴷⴻⵔ ⵣⵉ ⴽⵓⴷ ⵉⵙⵙⴻⵏⵛⴰ ⵓⵙⴷⴰⵔⵔⴰⵢ ⵜⵉⵔⵙⴰⵍ ⴷ ⵓⵃⵎⵎⴰⵔ ⵏ ⵓⵡⴰⵏⴽ ⵓⵜⵔⵉⵔ.ⴰⵎⴻⵖⵏⴰⵏⴰⵙ ⴰⵎⴰⵣⵉⵖ ⵓⵔ ⴷⵊⵉⵏ ⵉⵜⵜⵉⵔ ⴳ ⵢⴰⵏ ⵓⵜⴰⵛⵉⵔ ⴰⵙⴻⵔⵜⴰⵏ ⴰⴷ ⵉⵙⴼⴻⴹ ⵉⵍⵙ ⴰⵄⵔⴰⴱ ⵣⴻⴳ ⵓⵙⴰⴹⵓⴼ ⴰⵎⴰⵊⵊⴻⵢⴰⵍ ⵏ ⵜⵎⴰⵣⵉⵔⵜ ⵡⴰⵍⴰ ⵉⵜⵜⴻⵔ ⴰⴷ ⵉⵃⵓⴼ ⵓⴷⴰⴱⵓ ⵏ ⵉⵄⵔⴰⴱⵏ .ⵓⵔ ⵉⵎⵢⴰⵔ ⴰⴷ ⵉⴽⵥⴻⵄ ⵉⵏⴻⴱⴳⴰⵡⵏ ⵏ ⵉⴷ ⴱⴰⵃⵍⵍⵓ ⵏⵏⴻⵙ ⵉⵣⴰⵢⴽⵓⵜⵏ ⵉⴷⴷⴻⵖ ⵉⵍⴰ ⵓⴷⵎ ⵏ ⵓⵎⵢⴰⴷⴷⴰⵔ ,ⴷ ⵓⵎⵡⴰⴷⵎ.,ⵉⴷⴷⴻⵖ ⵓⵔ ⵉⵍⵉ ⵉⴱⴰⵛⴽⴰⵍⵏ ⵏ ⵓⵙⵍⵓⴱⴱⴻⴹ.ⴰⵎⵅⵓⵅⴷ ⵉⴳⴰ ⵜ ⵡⴰ-ⵏⵏⴰ ⵉⴽⴽⵓⵙⴰⵏ ⵉⵔⴰⴼⵉⵙⵏ ⵏ ⵓⵙⴷⵓⵔⵔⴻⵢ ⵉⵔⴰⵏ ⴰⴷ ⵉⵙⵍⵓⴱⴱⴻⴹ ⴰⴷⴰⵍⵉⵙ ⵏ ⵓⴳⴷⵓⴷ ⵍⵍⵉ ⵎⵉ ⵓⵔ ⵉⵣⵎⵉⵔ ⴰⴷ ⵜ ⵉⵙⵍⵓⴱⴱⴻⴹ ⵙ ⵓⵎⵔⵉⴳ ⵏ ⵓⵍⴷⵓⵏ ⵏⴻⵖ ⵡⵉⵏ ⵜⴽⵔⵓⵔⴰ.ⴰⵎⵅⵓⵅⴷ ⵉⴳⴰ ⵜ ⵡⴰ-ⵏⵏⴰ ⵉⵜⵜⴻⵅⴻⵏⵏⴰⴼⵏ ⵉ ⵉⵍⵙ ⴰⵎⴰⵣⵉⵖ ⵎⴰⵔ ⵓⵔ ⵉⵟⵟⴰⴼ ⴰⴷⵖⴰⵔ ⵏⵏⴻⵙ ⴳ ⵓⵖⴻⵔⴱⴰⵣ ⴷ ⵎⴰⵢⴷ ⵉⴳⴰⵏ ⴰⵖⴰⵙⵉⵔ ⵏ ⵓⵡⴰⵏⴽ .ⵉⴳⴰ ⵜ ⵡⴰ-ⵍⵍⵉ ⵉⴳⴳⴰⵔⵏ ⵉⵜⵏⴰⵏ ⴷⴰⵜ ⵓⵎⴻⵖⵏⴰⵏⴰⵙ ⴰⵎⴰⵣⵉⵖ ⵜⴰⴼ ⴰⴷ ⵓⵔ ⵉⵙⵓⵔ ⵉⵣⴻⵔⴼⴰⵏ ⵏ ⵓⴳⴷⵓⴷ ⴰⵎⴰⵣⵉⵖ ⴳ ⵓⵙⴰⴹⵓⴼ ⴰⵎⴰⵊⵊⴻⵢⴰⵍ ⵉⴳⴰⵏ ⴰⵣⴻⵎⵔⵓⵔ ⵏ ⵜⵎⴰⵣⵉⵔⵜ .ⴰⵎⵅⵓⵅⴷ ⵉⴳⴰ ⵜ ⵡⴰ-ⵏⵏⴰ ⵉⵙⵙⴻⴹⵔⴰⵔⵏ ⴰⵙⵍ ⵏ ⵓⵙⴻⴷⵀⴰ ⵉⵙ ⵇⴻⵏⵏⴰ ⴰⴷ ⵉⵎⵅⴻⵔⴼⴰⴼ ⵜⴰⴼ ⴰⴷ ⵓⵔ ⵉⴳ ⵉⵍⵙ ⴰⵎⴰⵣⵉⵖ ⵓⵔⵙⵉⵍ ⴳ ⵜⵎⴰⵣⵉⵔⵜ ⵏⵏⴻⵙ .ⴰⵎⵅⵓⵅⴷ ⵉⴳⴰ ⵜ ⵡⴰ-ⵍⵍⵉ ⵉⵜⵜⵉⵖⵉⵍⵏ ⵉⵙ ⵉⵍⴰ ⴰⵙⴻⵔⵀⵓ ⵏ ⵓⵀⵓⴷⴷⵓ ⵏ ⵜⵎⴰⵣⵉⵔⵜ ⵎⴻⵇⵇⴰⵔ ⵉⴽⴽⴰ ⵓⴱⴰⵃⵍⵍⵓ ⵏⵏⴻⵙ ⵉⴳⴰ ⴰⵏⵡⵡⴰⵛ ⵏ ⵓⵙⴷⴰⵔⵔⴰⵢ ⴳ ⵉⵎⵉⵏⴳ,ⴰⵙⴻⵔⴷⴰⵙ ⵏ ⵓⵔⴻⴼⵍⴰⵙ ⵜⴰⴼ ⴰⴷ ⵉⵙⵙⴻⵍⴼⵓⴼⵃ ⵉⵙⵓⵍⴰⵎ ⵏ ⵓⴷⴰⴱⵓ ⵓⵜⵔⵉⴽ ⴰⵙⴻⵍⵎⴰⵏ.ⴰⵎⵅⵓⵅⴷ ⵓⵔ ⵜ ⵉⴳⵉ ⵅⴰⵙ ⵡⴰ-ⴷⴷⴰ ⵉⵜⵜⴻⵔⵏ ⵉⵔⴻⵢ ⵏ ⵓⵙⴷⴰⵔⵔⴰⵢ ⵎⴰⵔ ⴰⴷ ⵓⵔ ⵉⴼⵔⵔⵓ ⴰⵚⴰⵏⵉⴽ ⵏ ⵓⴳⴰⴷⴰⵣ ⴰⵍⵍⴻⵢ ⵢⵓⴼⴰ ⵓⵙⴷⴰⵔⵔⴰⵢ ⴰⵅⴱⵓ ⵉⵙⵙⴻⴽⵛⴰⵎⵏ ⵙ ⵡⴰⴱⵓⴹ ⵏ ⵜⵎⴰⵣⵉⵔⵜ.ⴰⵎⵅⵓⵅⴷ ⵉⴳⴰ ⵜ ⵡⴰ-ⵍⵍⵉ ⵉⴳⴰⵏ ⴰⴼⵓⵙ ⴳ ⵜⴷⵓⵃⴰⵍⵜ ⵏ ⵓⵙⴷⴰⵔⵔⴰⵢ ⵜⴰⴼ ⴰⴷ ⵢⴰⵡⴻⵖ ⴷⴷⴰⵡ ⵓⵎⴰⵍⵓ ⵏ ⵓⵍⴼⴰⵖⴰ ⵏⵏⴻⵙ ⵓⵔ ⵉⴷ ⵡⴰ-ⵏⵏⴰ ⵉⵜⵜⴻⵎⵣⴰⵖⵏ ⵜⴰⵎⴰⵣⵉⵖⵜ ⴷ ⵜⵎⴰⵣⵉⵔⵜ ⵏⵏⴻⵙ ⵉⴷⴷⴻⵖ ⵎⵢⴰⵏⴰⵎⴻⵏⵜ .ⴰⵎⵅⵓⵅⴷ ⵓⵔ ⵜ ⵉⴳⵉ ⵅⴰⵙ ⵡⴰ-ⵍⵍⵉ ⵉⵔⴰⵏ ⴰⴷ ⵉⵙⵙⵉⵜⵎ ⵉⵎⴰⵣⵉⵖⵏ .ⵉⴳⴰ ⵜ ⵡⴰ-ⵍⵍⵉ ⵉⵜⵜⴻⴳⵍⴰⵎⵏ ⵜⴰⵎⴰⵣⵉⵔⵜ ⵏ ⵎⴻⵔⵔⴰⴽⵓⵛ ⵙ ⵜⴻⵄⵔⴰⴱⵜ ⵎⴰⵔ ⴰⴷ ⵉⵙⵙⵉⵖⵉⵍ ⵉ ⴰⵢⵜ ⵉⵎⵉⵏⴳ ⵉⵙ ⵓⵔ ⵢⴰⴷ ⵍⵍⵉⵏ ⵉⵎⴰⵣⵉⵖⵏ ⴳ ⵓⵍⵡⴰ ⴷⴷⴻⵖ.ⴰⵎⵅⵓⵅⴷ ⵉⴳⴰ ⵜ ⵡⴰ-ⵏⵏⴰ ⵉⵙⴼⵓⴳⵍⵏ ⴰⵢⵢⵓⵔ ⵏ ⵓⵥⵓⵎ ⵙ ⵓⵛⵏⴰ ⴰⵄⵔⴰⴱ ⵏ ⵡⵉⵎⵉⵏⴳ ⵎⴰⵔ ⴰⴷ ⵢⵉⵏⵉ ⵉⵙ ⵓⵙⴰⵖⵉⵏ ⴰⵙⴻⵍⵎⴰⵏ ⵓⵔ ⵉⴳⵉ ⵅⴰⵙ ⵡⵉ-ⵏ ⵉⵄⵔⴰⴱⵏ ⵎⴻⵇⵇⴰⵔ ⵍⵍⴰⵏ ⵉⵎⵓⵔⵉⴳⵏ ⵉⵎⴰⵣⵉⵖⵏ ⵉⵜⵜⴰⵍⵖⴻⵏ ⴰⵎⴰⵣⴰⵏ ⵏ ⴰⵍⵍⴰⵀ ⵎⵓⵃⵎⵎⴰⴷ ⵜⴰⵥⴰⵍⵍⵉⵜ ⴷ ⵓⵣⵓⵍ ⵏ ⵓⵛⴰⵎⴰⵏ ⵖⵉⴼ ⵙ.ⴰⵎⵅⵓⵅⴷ ⵉⴳⴰ ⵜ ⵡⴰ-ⵏⵏⴰ ⵉⵜⵜⵉⵏⵉⵏ ⵉⵙ ⵓⵔ ⵉⵍⵍⵉ ⴰⵡⴷ ⵢⴰⵏ ⵓⵙⴻⴷⵔⴻⵎ ⴳ ⵓⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ,ⵉⵙ ⵢⵓⴼ ⴰⴷ ⵉⵜⵜⵓⵙⴻⵏⴱⵓⵜⵜⵓⵍ ⵓⵙⴻⵏⴼⴰⵔ ⵏⵏⴻⵙ ⵉⵜⵜⴻⵔⴻⴼⵜⴰⵍⵏ ⴳ ⵓⴱⵔⵉⴷ ⵓⵇⵎⵉⵔ.ⴰⵎⵅⵓⵅⴷ ⵉⴳⴰ ⵜ ⵡⴰ-ⵍⵍⵉ ⵉⵔⴻⴳⴳⴻⵎⵏ ⵉⵎⴰⵣⵉⵖⵏ ⵉⴳⵓⵔⴳⴰⵏ ⵙ ⵡⴰⵔⵔⴰⵡ ⵏ ⵜⵎⴻⵔⴹⵓⵏⵜ ⴰⵎⵎ ⵉⵙ ⵓⵔ ⴷⵊⵉⵏ ⵉⵙⵙⵉⵏ ⵡⴰⵎⵓⵏ ⵏⵏⴻⵙ ⴳ ⵉⵎⵉⵏⴳ ⴰⵔⴹⴰⵏ ⴷ ⵓⵣⵓⴽⴼ.ⴰⵎⵅⵓⵅⴷ ⵉⴳⴰ ⵜ ⵡⴰ-ⵏⵏⴰ ⵉⵔⴰⵏ ⴰⵙⴷⵓⵔⵔⴻⵢ ⵏ ⵜⵎⴰⵣⵉⵔⵜ ⴷ ⵡⵉ-ⵏ ⵜⵎⴰⵣⵉⵖⵜ .ⵓ-ⵏⵏⴰ ⵓⵔ ⵉⵃⵎⵉⵍⵏ ⵜⴰⵎⴰⵣⵉⵖⵜ,ⵓ-ⵏⵏⴰ ⵓⵔ ⴰⵙ ⵉⵔⵉⵏ ⴰⴷ ⵜⴻⵍⵛⴻⵎ ⵜⵉⴱⵔⴻⵟ ⵏ ⵓⵖⵔⵓⵔⵎ ⵀⴰⵜ ⵉⴳⴰ ⴰⵎⵅⵓⵅⴷ.ⵓⵔ ⵜ ⵉⴳⵉ ⵅⴰⵙ ⵡⴰ-ⵏⵏⴰ ⵉⵜⵜⴻⵣⵇⴰⵎⵏ ⵜⵉⵣⵣⵓⵍⵢⴰ ⵏ ⵓⴷⴰⵍⵉⵙ ⴰⵎⴰⵣⵉⵖ ⴷ ⵡⴰ-ⵏⵏⴰ ⵉⵜⵜⵉⵏⵉⵏ ⵉⵙ ⵓⵔ ⵢⵓⵙⴻⵢ ⵉⵍⵙ ⵏⵏⴻⵙ ⵜⴰⴼⴰⴷⴰ ⵏ ⵓⴳⵉⴼⴻⵢ ⵙ ⵓⵙⵡⵉⵔ ⵏ ⵉⵍⵙ ⴰⵙⵓⵏⴰⵏ ⵉⴷⴷⴻⵔⵏ ⵉⵏⵏⴻⴼⵙⵓⵙⴻⵔⵏ .ⴰⵎⵅⵓⵅⴷ ⵉⴳⴰ ⵜ ⵡⴰ-ⵏⵏⴰ ⵉⵙⵙⴻⵍⴽⵓⵏ ⵉⵎⴰⵣⵉⵖⵏ ⴰⵔ ⵜⴻⵏ ⵉⵜⵜⴻⴳⵍⴰⵎ ⵙ ⵓⴷⵎ ⵏ ⵓⴳⵓⵏⵥⵓ,ⵉⵜⵜⵉⵏⵉⵏ ⵉⵙ ⵉⵍⵙ ⵏⵙⴻⵏ ⵓⵔ ⵉⵏⵏⵉ ⴰⴷ ⵉⵣⵔⴻⵢ ⴰⵙⴰⵔⵉⵙ ⵏ ⵉⵍⵙ ⴰⴳⴰⵎⴰⵏ .ⴰⵎⵅⵓⵅⴷ ⵉⴳⴰ ⵜ ⵡⴰ-ⵍⵍⵉ ⵉⵔⴰⵏ ⴰⴷ ⵉⵙⵙⵉⵖⵉⵍ ⵉ ⵎⴻⴷⴷⴻⵏ ⵉⵙ ⵉⵍⵙ ⴰⵎⴰⵣⵉⵖ ⵓⵔ ⵉⴳⵉ ⵅⴰⵙ ⵢⴰⵏ ⵓⴳⵣⵣⵓⵎ ⵏ ⵉⵍⵙ ⴰⵄⵔⴰⴱ,ⵉⵙ ⵓⵔ ⴳⵉⵏ ⵉⵎⴰⵣⵉⵖⵏ ⵅⴰⵙ ⵉⵄⵔⴰⴱⵏ ⵜⴰⴼ ⵓⵔ ⵥⴰⵔ ⵙ ⵙⴻⴽⵙⵉⵡⵏ ⴰⵎⵎ ⵉⵙ ⵉⴳⴰ ⴰⵙⴷⴰⵔⵔⴰⵢ ⵃⵎⴰ ⴰⴷ ⵉⵙⵙⵉⵡⵖ ⴰⵅⴷⵉⵍ ⵏⵏⴻⵙ ⴷ ⵡⵉ-ⵏ ⵉⵎⵉⵜⴰⵔ ⵏⵏⴻⵙ ⴳ ⵓⵍⵎⵓ ⵏⵙⴻⵏ.ⴰⵎⵅⵓⵅⴷ ⵉⴳⴰ ⵜ ⵡⴰ-ⵍⵍⵉ ⵉⵙⵙⴻⵖⵔⴰⵏ ⵙ ⵉⵔⴻⴼⵍⴰⵙⵏ ⵎⴰⵔ ⴰⴷ ⴰⵙ ⴰⵡⵙⴻⵏ ⴰⴷ ⵉⵏⴻⵅⵅⴰ ⴰⵎⵏⴱⴰⴹ ⴰⵙⴻⵍⵎⴰⵏ ⴰⵎ ⵡⴰ-ⵍⵍⵉ ⵏⵏⴰ ⵉⴱⴷⴻⵔ ⵓⵙⴻⴷⵢⴰⵏ ⵉⵙ ⴰⵙ ⵓⴼⵙⴻⵏ ⵉⵎⵔⵔⴰⴽⵓⵛⵉⵏ ⵉⵍⵎ ⵏⵏⴻⵙ ⵙ ⵡⴰⵍⵉⵎ ⴰⵀⴰ ⵙⵙⴻⴽⴻⵎⴹⴻⵏ ⵜ.ⴰⵎⵅⵓⵅⴷ ⵉⴳⴰ ⵜ ⵡⴰ-ⵏⵏⴰ ⵉⴽⵛⴻⵎⵏ ⵣⴻⴳ ⵉⵎⴻⵍⴱⴰⴹⵏ ⴷⴷⴰⵡ ⵉⵔⴻⵢ ⵏ ⵓⵎⴻⵣⴷⵉ ⵜⴰⴼ ⴰⴷ ⵓⵔ ⵉⴼⵔⵔⵓ ⵉⵚⴰⵏⵉⴽⵏ ⵏ ⵓⴳⴰⴷⴰⵣ,ⵉⴳⴰ ⵜ ⵡⴰ-ⵏⵏⴰ ⵢⵓⵏⴼⵏ ⵉ ⵓⵙⴷⴰⵔⵔⴰⵢ ⵜⵉⴼⵍⵓⵢⵜ ⵏ ⵜⵎⴰⵣⵉⵔⵜ ⵙ ⵓⵀⵔⴰⵡ.ⴰⵎⵅⵓⵅⴷ ⵉⴳⴰ ⵜ ⵡⴰ-ⵏⵏⴰ ⵓⵔ ⵉⵃⴹⵉⵏ ⵅⴰⵙ ⵉⵖⵓⵊⴱⴰⵏ ,ⴰⵔ ⵉⴳⴳⴰⵔ ⵉⵜⵏⴰⵏ ⵉ ⵜⵎⴰⵣⵉⵖⵜ ⵜⴰⴼ ⴰⴷ ⵓⵔ ⵜⵏⴻⴱⴱⴻⵔ ⴳ ⵉⴳⵔ ⵏⵏⴻⵙ ⴰⴳⴰⵎⴰⵏ.ⴰⵎⵅⵓⵅⴷ ⵉⴳⴰ ⵜ ⵡⴰ-ⵍⵍⵉ ⵉⵙⵙⴻⵔⴱⵓⵏ ⵉ ⵉⵎⴰⵣⵉⵖⵏ ⴰⵢ-ⵏⵏⴰ ⴽⴽⴰⵏ ⵉⴷ ⴱⴰⵃⵍⵍⵓ ⵏⵏⴻⵙ ⵔⴱⴰⵏ ⵜ ⴳ ⵜⵉⴷⵉⵡⴰ ⵏⵙⴻⵏ ⴰⵀⴰ ⵉⴽⴽⵓⵙⴰ ⵉⵔⴱⵉ ⵏⵙⴻⵏ .ⴰⵎⵅⵓⵅⴷ ⵉⴳⴰ ⵜ ⵡⴰ-ⵍⵍⵉ ⵉⵔⴰⵏ ⴰⴷ ⵉⴽⴽⴻⵙ ⵉ ⵓⴳⴷⵓⴷ ⴰⵎⴰⵣⵉⵖ ⴰⵎⵓⵔ ⵏⵏⴻⵙ ⴳ ⵜⵓⴷⴻⵔⵜ ⵏⵏⴻⵙ ⵜⴰⵙⴻⵔⵜⴰⵏⵜ ,ⵜⴰⴷⴻⵎⵙⴰⵏⵜ ⴷ ⵜⴰⴷⴻⵍⵙⴰⵏⵜ.ⴰⵎⵅⵓⵅⴷ ⴰⵔ ⵉⵜⵜⴻⴼⴻⵔⵜⴰⵍ ⵣⵉ ⵜⵉⵔⵉⵣⵣⴰ ⵉⵙⴻⵍⵖⵏ ⴰⴳⴻⵏⵣⵉ ⵏⵏⴻⵙ ⵣⵉ ⴱⵉⵙⴻⵎⴷⵉ ⴰⵔ ⴰⵍⵡⴰ ⴷⴷⴻⵖ .ⵉⵔⴰ ⴰⵙ ⵉⵙ ⵉⵖⵎⵓ ⵓⴷⵎ ⵏ ⵡⵉ-ⴷⴷⴰ ⵓⵔ ⴽⴽⵉⵏ ⵓⵏⵣⵏ ⵉ ⵓⵙⴷⴰⵔⵔⴰⵢ ⵅⴰⵙ ⵙ ⵉⵖⵏⴰⵏ ⴰⴷⴷⴰⵢ ⵓⵔ ⵓⴼⵉⵏ ⴰⴷ ⵙⴹⴻⵔⵏ ⴰⵣⴰⴳⵍⵓ ⵏⵏⴻⵙ.ⴰⵎⵅⵓⵅⴷ ⵉⴳⴰ ⵜ ⵡⴰ-ⵏⵏⴰ ⵉⴽⴽⵓⵙⴰⵏ ⴰⴷ ⵉⴳ ⴰⵏⵡⵡⴰⵛ ⵏ ⵓⵙⴷⴰⵔⵔⴰⵢ ⵣⴻⴳ ⵓⵍⵓⵎⴰ ⵏ ⵉⵔⵓⵎⵉⵏ.ⴰⵎⵅⵓⵅⴷ ⵉⴳⴰ ⵜ ⵡⴰ-ⵍⵍⵉ ⵉⵔⴰⵏ ⴰⴷ ⵉⵙⵏⴻⵜⵜⴰⵜ ⵜⴰⵎⴰⵣⵉⵔⵜ ⵙ ⵜⵊⵓⵎⵎⴰ ⵏ ⵉⵄⵔⴰⴱⵏ ⵎⴻⵇⵇⴰⵔ ⵙⵓⵍⵏ ⵡⴰⵙⵙⴰⵖⵏ ⵉⵎⴰⵣⵉⵖⵏ ⵏ ⵡⴰⵏⵙⵉⵡⵏ ⴷⴷⴻⵔⵏ ⵙ ⴷⵖⵉ.ⴰⵎⵅⵓⵅⴷ ⵉⴳⴰ ⵡⴰⵏ ⵓⵍⵖⴻⵎ ⵉⵔⴰⵏ ⴰⴷ ⵉⵙⵙⴻⵔⴱⵓ ⵜⴰⵄⵄⵓⵢⵜ ⵏⵏⴻⵙ ⵉ ⵉⵣⵎ ⵉⴷⴷⴻⵖ ⴷⴰ ⵉⵜⵜⵉⵖⵉⵍ ⵉⵙ ⴳⴰⵏ ⴰⴽⵯ ⵉⵎⵉⵜⴰⵔ ⴰⵎ ⵏⴻⵜⵜⴰ,ⵍⴰⵏ ⴰⴽⵯ ⵜⴰⵥⵄⵓⵢⵜ ⴰⵎ ⵜⵉ-ⵏⵏⴻⵙ.ⴰⵎⵅⵓⵅⴷ ⵉⴳⴰ ⵜ ⵡⴰ-ⵏⵏⴰ ⵉⵙⵏⵓⵎⴻⵍⵏ ⵉⵎⴰⵣⵉⵖⵏ ⵙ ⵉⴱⵓⵖⴰⵙ ⵉⴷⴷⴻⵖ ⴰⵎⴰⵜⴰ ⴷⵉⴳⵙⴻⵏ ⵉⵙⵓⵍ ⵉⵛⴽⵓⴱⴱⴻⵔ ⴳ ⵓⴷⵔⴰⵔ ⴰⵎ ⵓÅⴷⴷⵉⵎ ⵏ ⵉⵎⴻⵏⵖⵉ ⴰⵀⴰ ⵓⵔ ⵢⵓⵛⵉ ⴷ ⵉⵖⴼ ⵏⵏⴻⵙ ⵉⵙ ⵉⴽⴽⴰ-ⴷ ⵜⴰⵏⴻⵣⵔⵓⴼⵜ ⴰⵎ ⵓⵍⵖⴻⵎ.ⴰⵎⵅⵓⵅⴷ ⵓⵔ ⵉⵙⵙⵉⵏ ⵅⴰⵙ ⵉⵖⵓⵊⴱⴰⵏ ⴰⵙⵍ ⵏ ⵡⴰⴷ ⵉⵏⴻⴷⴷⴻⵎ ⵉ ⵜⵉⴷⵓⵔⴰ ⵏ ⵜⵉⵅⵏⵏⵓⵏⵛⵉⵏ ⵏⵏⴻⵙ.ⴰⵔ ⵉⵙⵏⵓⵎⵓⵍ ⵉⵖⴼ ⵏⵏⴻⵙ ⵙ ⵓⵍⵖⴻⵎ ⵓⵔ ⵉⵍⵛⵉⵎⵏ ⵜⵉⵣⵣⵓⵍⵢⴰ ⵏ ⵓⴱⴰⵖⵓⵙ ⵉⴳⴰⵏ ⴳ ⵉⵥⵉⵔⵉ ⵏ ⵎⴰⵙⵙ ⴹⴰⵔⵡⵉⵏ ⵜⴰⵏⵚⴻⵍⵜ ⵏ ⵓⴼⴳⴰⵏ.ⴰⵎⵅⵓⵅⴷ ⵓⵔ ⵉⵣⵎⵉⵔ ⴰⴷ ⵉⴼⴼⴻⵖ ⴰⴳⵔⵓⵔ ⵏ ⵉⵎⵉⵜⴰⵔ ⵉⴷⴷⴻⵖ ⵓⵔ ⵉⵙⵙⵉⵏ ⵅⴰⵙ ⴰⴷ ⵢⴰⵡⵖ ⵎⴻⵇⵇⴰⵔ ⵢⵓⵡⵖ ⴳ ⵓⴽⵙⵓⵎ ⵏⵏⴻⵙ.ⴰⵎⵅⵓⵅⴷ ⴰⵔ ⵉⴽⴽⴰⵜ ⵜⴰⴼ ⴰⴷ ⵉⵖⴹⴻⵍ ⴰⵛⴰⵍ ⵏ ⵡⴰ-ⵍⵍⵉ ⵢⵓⵏⴼⵏ ⵜⵉⴳⵎⵎⵉ ⵏⵏⴻⵙ ⴷⴰⵜ ⴰⵙ ⵉⴷⴷⴻⵖ ⵉⵜⵜⴻⵔ ⴰⵙ ⴰⴷ ⵜ ⵉⵙⵙⴻⴱⴳⵓ ⴰⵎ ⵓⵏⴻⴱⴳⵉ ⵏ ⵓⵛⴰⵎⴰⵏ .ⴰⵎⵅⵓⵅⴷ ⵉⵏⵏⴰⵔⵣ ⴳ ⵜⵔⵓⵙⵉ ⵏ ⵜⴳⴻⵎⵎⵉ ⵏ ⵓⵜⵎⴰⵣⵉⵔⵜ ⴰⵔ ⵉⵜⵜⴻⵏⴰⵔⴰⵣ ⴰⴷ ⴰⵙ ⵉⵏⵖⴻⵎ ⵜⵉⵎⵉⵜⴰⵔ ⵏ ⵜⵏⴻⵜⵜⵉⵜ ⴰⵔ ⴰⵙ ⵉⵜⵜⵉⵏⵉ ⵙ ⵓⵎⴻⴷⵢⴰ ⴰⴷ ⵉⵜⵜⵓ ⴰⵙⵙⴰⵖ ⵏⵏⴻⵙ ⴰⵔⴻⵚⵍⵉⵢ ⵜⴰⴼ ⴰⴷ ⵢⴰⵙⴻⵢ ⴰⵙⴻⵎⵇⴰⵔ ⵏ ⵓⵄⵔⴰⴱ ⵎⴰⵔ ⴰⴷ ⵜ ⵉⴳⵍⴻⵎ ⵙ ⵓⵄⵔⴰⴱ ⴰⵔⴷ ⵉⵜⵜⵓ ⵜⴰⵏⴻⵜⵜⵉⵜ ⵏⵏⴻⵙ.ⴰⵔ ⴰⵙ ⵉⵜⵜⵉⵏⵉ ⵉⵙ ⵓⵔ ⵉⵍⵍⵉ ⵎⴰⵢⴷ ⵢⵓⴼⵏ ⴰⴷ ⵉⵙⵙⴰⵖ ⵜⴰⵙⴻⵍⵎⵢⴰ ⵏⵏⴻⵙ ⵙ ⵓⴽⵍⵉ ⵏ ⴰⵍⵍⴰⵀ ⵏⴻⵖ ⵙ ⵓⵙⴻⵏⵎⴰⵔ ⵏⵏⴻⵙ ⵜⴰⴼ ⴰⴷ ⵉⴼⵍⵓⵍⵙ ⴳ ⵓⵙⴰⵖⵉⵏ ⵏⵏⴻⵙ ⵉⵜⵜⵉⵏⵉⵏ ⵉⵙ ⴳⴰⵏ ⴰⴽⵯ ⵎⴻⴷⴷⴻⵏ ⵉⵙⴻⵎⴳⴰⵏ ⵏ ⵓⵛⴰⵎⴰⵏ ,ⵉⵙ ⵓⵔ ⵉⵍⵍⵉ ⵎⴰⵢⴷ ⵢⵓⴼⵏ ⴰⵡⴷ ⵢⴰⵏ ⵙ ⵉⵏⵉⵍ ⵏⵏⴻⵙ ⵏⴻⵖ ⵙ ⵜⴰⵏⵚⴻⵍⵜ ⵏⵏⴻⵙ.ⴽⵓⴷ ⵙⵙⴰⵖⵏ ⵉⵜⵙⴻⵏ ⵉⵎⴰⵣⵉⵖⵏ ⴰⵔⴰⵡ ⵏⵙⴻⵏ ⵙ ⵓⴽⵍⵉ ⵏ ⵓⵢⵙⴰⵔ ⴼⴻⵙⵜⴰⵏ ⵉⵏⴻⵙⵍⴰⵎⵏ ⵉⵄⵔⴰⴱⵏ .ⴰⵔ ⵉⵜⵜⵉⵏⵉ ⵓⵎⵅⵓⵅⴷ ⵉⵙ ⵓⵔ ⵉⵍⵍⵉ ⵎⴰⵢⴷ ⵉⵙⵙⴻⵏⵖⴰⵏ ⵓⵍ ⴳ ⵓⵢⴰ.ⴰⴷ ⵉⴳ ⵓⵎⴰⵣⵉⵖ ⴰⴽⵍⵉ ⵏ ⴰⵍⵍⴰⵀ ⵏⴻⵖ ⵡⵉ-ⵏ ⵓⵎⴰⵣⴰⵏ ⵏⵏⴻⵙ ⵓⵔ ⴷⵉⵙ ⴰⵎⵢⴰ ⵏ ⵓⵎⴰⵍⵉⴷ.ⵓⵔ ⵉⵥⵔⵉ ⵓⵎⵅⵓⵅⴷ ⵉⴱⴹ ⵉⵍⵍⴰⵏ ⴳⴻⵔ ⵓⴽⵍⵉ ⵏ ⴰⵍⵍⴰⵀ ⴷ ⵡⵉ-ⵏ ⵓⵎⴰⵣⴰⵏ ⵏⵏⴻⵙ.ⵉⴷⴷⴻⵖ ⵡⴰⵇⵉⵍⴰ ⵉⵙⴳⵉⴼⵢ ⴰⵎⴰⵣⴰⵏ ⵙ ⵓⴼⴰⵙⵉⵏ ⵏ ⵓⵛⴰⵎⴰⵏ ⴰⵀⴰ ⵓⵔ ⵉⵙ ⵢⵓⵛⵉ.ⴰⵎⵅⵓⵅⴷ ⵓⵔ ⵉⵙⵙⵉⵏ ⵅⴰⵙ ⵉⵖⵓⵊⴱⴰⵏ ,ⵓⵔ ⴰⵔ ⵉⵜⵏⴻⴷⴷⴰⵎ ⴳ ⵜⵉⴷⵓⵔⴰ ⵏⵏⴻⵙⵏ.ⵓⵔ ⴰⵔ ⵉⵜⵜⴻⴼⵔⴰⴽ ⵙ ⵎⴰⵢⴷ ⵉⵜⵜⵉⵏⵉ.ⵀⴰⵜ ⵉⴷⵖⵓⴷⴰ ⵙ ⵡⴰⵀⵍⵉ ⴰⴷ ⵉⵙⵙⴰⵖ ⵛⴰ ⴰⵔⴰⵡ ⵏⵏⴻⵙ ⵙ ⵓⴽⵍⵉ ⵏ ⴰⵍⵍⴰⵀ ⴷ ⵡⴰⴷ ⵜ ⵉⵙⵙⴰⵖ ⵙ ⵓⴽⵍⵉ ⵏ ⵓⵎⴰⵣⴰⵏ ⵏⵏⴻⵙ ⵉⴷⴷⴻⵖ ⵓⵔ ⵉⴳⵉ ⵓⵢⵙⴰⵔ ⵅⴰⵙ ⴰⴼⴳⴰⵏ ⴰⵎ ⵡⴰ-ⵢⵢⴰⴹ.ⵎⴻⵛ ⵉⴳⴰ ⵓⴼⴳⴰⵏ ⴰⴽⵍⵉ ⵏ ⵓⵛⴰⵎⴰⵏ ⵍⵍⵉ ⵜ ⵉⵖⵏⴰⵏ ⵀⴰⵜ ⵓⵔ ⴷ-ⵢⵓⵙⴰ ⴰⴷ ⵉⴳ ⴰⴽⵍⵉ ⵏ ⵓⴼⴳⴰⵏ ⵎⴻⵇⵇⴰⵔ ⵉⴳⴰ ⴰⵎⴰⵣⴰⵏ ⵏ ⴰⵍⵍⴰⵀ.ⴰⵎⵅⵓⵅⴷ ⵉⴼⴻⵙⵜⴰ ⵖⵉⴼ ⵡⴰⵙⵙⴰⵖ ⴷⴷⴻⵖ « ⴰⴽⵍⵉ ⵏ ⵓⵢⵙⴰⵔ » ⵉⴷⴷⴻⵖ ⵉⵔⴰ ⵣⴻⴳ ⵉⵎⴰⵣⵉⵖⵏ ⴷ ⵉⴳⴷⵓⴷⵏ ⵢⴰⴹⵏ ⴰⴷ ⴳⵉⵏ ⵉⵡⴻⵔⴹⵏⴰⵙⵏ ⵏ ⵉⵄⵔⴰⴱⵏ .ⵉⵙ ⵓⵔ ⴽⴽⵉⵏ ⵉⴷ ⴱⴰⵃⵍⵍⵓ ⵏⵏⴻⵙ ⴰⵔ ⵇⵇⴰⵔⵏ ⵉ ⵉⵏⴻⵙⵍⴰⵎⵏ ⵓⵔ ⵉⵏⴻⵜⵜⴰⵏ ⵙ ⵉⵄⵔⴰⴱⵏ «ⴰⵍ ⵎⴰⵡⴰⵍⵉ » ?ⴰⵔ ⵉⵜⵜⵉⵏⵉ ⵓⵎⵅⵓⵅⴷ ⵉⵙ « ⴰⵍ ⵎⴰⵡⵍⴰ » ⵉⵍⴰ ⵙⵉⵏ ⵉⵎⴰⴽⵏ ⴰⵍⴼⴰⵖⴰ ⴷ ⵓⴽⵍⵉ ⵜⴰⴼ ⴰⴷ ⵉⵏⵏⴻⵙⵔⵓⵔⵎ ⴰⴷⴷⴰⵢ ⵜ ⵉⵙⵜⵜⴻⵎⵔⴰ ⵛⴰ ⵙ ⵓⵎⴰⵥⵉⵍ,ⴰⴷ ⵉⵙⵜⴻⵏ ⵉⵙ ⴰⵔ ⵉⵜⵜⴻⴳⵍⴰⵎ ⵉⵏⴻⵙⵍⴰⵎⵏ ⵓⵔ ⵉⴳⵉⵏ ⵉⵄⵔⴰⴱⵏ ⵙ « ⴰⵍ ⵎⴰⵡⵍⴰ » ⵙ ⵡⴰⵎⴰⴽ ⵏ ⵓⵍⴼⴰⵖⴰ ⵎⴻⵇⵇⴰⵔ ⵉⵡⵜⴻⵙ ⴰⴷ ⵜ ⵉⵙⵏⵓⵎⵍ ⵙ ⵓⴽⵍⵉ ⵏⵏⴻⵙ ⵉⴷⴷⴻⵖ ⵉⵍⴰ ⵜⴰⵙⴰⵔⵓⵜ ⵎⴰ ⵙ ⵉⵜⵜⴰⵏⴼ ⴰⵡⴰⵏⴽ ⵏⵏⴻⵙ ⴰⵍⵍⴻⵢ ⵉⵜⵜⵓⵙⵎⵓⵔ.ⵙ ⵓⵎⴰⵥⵉⵍ ⴰⵄⵔⴰⴱ ⴰⵏⴻⵙⵍⴰⵎ ⴰⵔ ⵉⵜⵜⵉⵖⵉⵍ ⵉⵙ ⵉⴳⴰ ⴰⵍⴼⴰⵖⴰ ⵏ ⵉⵏⴻⵙⵍⴰⵎⵏ ⵓⵔ ⵉⴳⵉⵏ ⵉⵄⵔⴰⴱⵏ .ⵙ ⵎⵉ ?. ⵉⴷⴷⴻⵖ ⵉⵍⵓⵍⴰ ⵓⵙⴰⵖⵉⵏ ⴰⵙⴻⵍⵎⴰⵏ ⴳ ⵜⵎⴰⵣⵉⵔⵜ ⵏⵏⴻⵙ ⴰⵀⴰ ⵉⵍⵙ ⵜⵉⵎⴻⵍⵙⵉⵜ ⵏ ⵉⵍⵙ ⴰⵄⵔⴰⴱ ⴷⴰⵢ ⵉⵙⵙⴻⵏⵛⴰ ⴰⵡⴰⵏⴽ ⴰⵄⵔⴰⴱ ⴰⵙⴻⵍⵎⴰⵏ.ⵓ-ⵏⵏⴰ ⵉⵏⴻⵜⵜⴰⵏ ⵥⴰⵔ ⵙ ⵣⴻⴳ ⵉⴳⴷⵓⴷⵏ ⵢⴰⴹⵏ ⵓⵔ ⵉⵏⵏⵉ ⴰⴷ ⵉⴳ ⵅⴰⵙ ⵉⵎⴻⵣⴷⵉ ⵏ ⵉⵄⵔⴰⴱⵏ ⵏⴻⵖ ⴰⴽⵍⵉ ⵏⵙⴻⵏ .ⵎⴻⵇⵇⴰⵔ ⴷⴰ ⵉⵜⵜⵉⵏⵉ ⵓⵙⴰⵖⵉⵏ ⵉⵙ ⴳⴰⵏ ⴰⴽⵯ ⵎⴻⴷⴷⴻⵏ ⵉⵙⴻⵎⴳⴰⵏ ⵏ ⴰⵍⵍⴰⵀ ⵎⴰⵛⴰ ⵉⴷⴷⴻⵖ ⵉⵙⴻⵏⵢⵉⴼ ⵉⵍⵙ ⴰⵄⵔⴰⴱ ⵜⴰⴼ ⴰⴷ ⵉⵙⵙⴻⵍⵛⴻⵎ ⴰⵣⴰⵏ ⵏⵏⴻⵙ ⵀⴰⵜ ⴰⵎ ⵉⵙ ⵉⵙⴻⵏⵢⵉⴼ ⵉⵄⵔⴰⴱⵏ ⵖⵉⴼ ⵉⴳⴷⵓⴷⵏ ⵢⴰⴹⵏ ⴳ ⵜⵉⴷⵎⵉ ⵏ ⵓⵎⵅⵓⵅⴷ ⴰⵄⵔⴰⴱ ⵉⵜⵜⵉⵔⵉⵏ ⴰⴷ ⵉⵣⵓⴱⴷⵓ ⴳ ⵓⵙⴻⵙⵎⴳ ⵏ ⵉⴳⴷⵓⴷⵏ ⵢⴰⴹⵉⵏⵉⵏ.ⴳ ⵓⵎⴰⵥⵉⵍ ⵏ ⵓⵎⵅⵓⵅⴷ ⴰⵍⵉⴹ ⴰⴽⵍⵉ ⵏ ⵓⵎⴰⵣⴰⵏ ⵏ ⴰⵍⵍⴰⵀ ⵉⴳⴰ ⴰⴽⵍⵉ ⵏ ⵉⵄⵔⴰⴱⵏ .ⵛⴰⵙ ⵉⵜⵜⴻⴳⴳⴰ ⴰⴽⵍⵉ ⵉ ⵓⴳⴷⵓⴷ ⴰⵄⵔⴰⴱ ⴷ ⵓⵎⴰⵣⴰⵏ ⴰⵄⵔⴰⴱ ⴰⵔ ⵉⵜⵜⴻⴳⴳⴰ ⴰⴽⵍⵉ ⵏ ⴰⵍⵍⴰⵀ.ⵓⵔ ⵢⴰⴽⵙⵓⵍ ⵓⴽⵍⵉ ⴷ ⵓⵍⴼⴰⵖⴰ ⵏⵏⴻⵙ ⴷⴰⵔ ⵓⵎⵅⵓⵅⴷ ⴰⵢ-ⵏⵏⴰⵖ ⴰⵙ ⵉⵙⴻⵏⵢⵉⴼ ⵉⵍⵙ ⵏⵏⴻⵙ ⴰⵄⵔⴰⴱ ⵖⵉⴼ ⵓⵎⴰⵣⵉⵖ ⴰⵍⵍⴻⵢ ⵉⴷⵙⴻⵙ ⴰⵙⵙⴻⵍⵎⴷ ⵏⵏⴻⵙ ⴳ ⵓⵔⴽⴰⵡⴰⵍ ⴰⵖⴻⵍⵏⴰⵏ ⵓⵔ ⵜ ⵉⴳⵉⵏ ⵙ ⵓⵙⵔⵉⵔⴻⵢ ⵏ ⵓⵍⵎⵎⵓⴷ ⵏ ⵉⵍⵙ ⴰⵄⵔⴰⴱ.ⴰⵎⵅⵓⵅⴷ ⴰⵔ ⵉⵍⵙⵙⴰ ⵎⴻⵏⵏⴰⵡ ⵏ ⵉⵙⴻⵖⵏⴰⴷⴰⵎ.ⴰⵎⴰⵥⵉⵍ ⵏⵏⴻⵙ ⴰⵙⵓⵣⴰⵏ ⴰⵔ ⵉⵜⵜⵉⵏⵉ ⵜⴰⵎⴰⵣⵉⵔⵜ ⵏⵏⴻⵖ ⵜⴳⴰ ⵢⴰⵏ ⵓⴳⵣⵣⵓⵎ ⵣⵉ ⵜⴻⵙⴳⴰ ⵏ « ⵍⵎⴻⵖⵔⵉⴱ ⴰⵄⵔⴰⴱ »,ⵙ ⵉⴽ ⴰⵔⵓⵙⵔⵉⴷ ⵜⴳⴰ ⵜⴰⵄⵔⴰⴱⵜ ,ⴰⵎⴰⵣⵉⵖ ⵉⵏⴻⵜⵜⴰ ⵙ ⵜⵎⴰⵣⵉⵔⵜ ⴷⴷⴻⵖ ,ⵀⴻⵢⵢⴰ ⴰⵎⴰⵣⵉⵖ ⵉⴳⴰ ⴰⵄⵔⴰⴱ.ⴰⵎⵅⵓⵅⴷ ⵓⵔ ⵉⵙⵙⵉⵏ ⵅⴰⵙ ⵜⵉⵅⵉⴷⴷⴰ.ⵜⵉⵅⵏⵏⵓⵏⵛⵉⵏ ⵓⴳⴻⵔⵏ ⵜ ⵜⵉ-ⵏ ⵓⴼⵔⴰⵏⵙⵉⵙ.ⵙ ⵜⵉⵇⵉⵍⵍⴰⴼ,ⵙ ⵉⵖⵓⵊⴱⴰⵏ ,ⵙ ⵓⵎⵉⵢⵏ ,ⴰⵙ ⵉⴷⴷⴻⵔ ⵏⵏⵉⴳ ⵡⴰⵛⴰⵍ ⵏ ⵓⵎⵓⵔⵔⴰⴽⴻⵛ.ⵙ ⵓⵅⵓⵅⴷ ⴰⵙ ⵉⴷⴷⴻⵔ ⴳ ⵜⵎⴰⵣⵉⵔⵜ ⵏ ⵉⵎⴰⵣⵉⵖⵏ.ⴰⵎⵅⵓⵅⴷ ⵓⵔ ⵉⴳⵉ ⵅⴰⵙ ⵉⵏⴻⴱⴳⵉ ⵏ ⵓⵣⵔⴰ ⵉⵍⵙⴰⵏ ⴰⵥⵏⵏⴰⵔ ⵏ ⵓⵏⴻⴼⵍⴰⵙ ⴰⵏⴻⵙⵍⴰⵎ ⵎⴰⵔ ⴰⴷ ⵉⴽⴽⵓⵔ ⴰⴳⴻⵍⵎⵓⵙ ⵏⵏⴻⵙ ⵙ ⵓⴳⵓⵎⵎⵓ ⵏ ⵓⵎⵔⴰⴷⴰⵏ ⵓⵔ ⵉⴳⵉⵏ ⵡⵉ-ⵏⴻⵙ.ⴰⵎⵅⵓⵅⴷ ⵉⴳⴰ ⵜ ⵡⴰ-ⵍⵍⵉ ⵉⵎⵙⴰⵡⴰⵍⵏ ⴷ ⵓⵙⴷⴰⵔⵔⴰⵢ ⴰⵍⵍⴻⵢ ⵉⵙⵎⵓⵜⵜⴻⵢ ⴰⴷⵖⴰⵔ ⵏⵏⴻⵙ ⴰⵀⴰ ⵉⵙⵙⴻⴼ ⴰⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ ⴰⵎⵎ ⵉⵙ ⵜⴳⴰ ⵉⵍⵙ ⵏ ⴳⴰⵔ ⴰⴼⴳⴰⵏ .ⵉⵙⵙⴻⵍⴼⵓⴼⵃ ⴰⵡⴷ ⵉⵊⴷⴷⵉⴳⵏ ⵍⵍⵉ ⵉⴽⴽⴰ ⵓⵙⴷⴰⵔⵔⴰⵢ ⵉⵥⵥⴰ ⴳ ⵓⵔⵜⴰⵏ ⵓⵏⴱⵉⵣⵏ ⵎⴰⵛⴰ ⵓⵔ ⵉⵙⵙⴻⵍⴼⵓⴼⵃ ⵉⴷⴰⵔⵉⵣⵏ ⵍⵍⵉ ⵉⵣⵔⴻⵢ ⴳ ⵜⵙⴻⵏⴷⵓⴱⴻⵏⵜ ⴷ ⵜⵡⴻⵏⴳⵉⵎⵜ ⵏⵏⴻⵙ !!.ⴰⵎⵅⵓⵅⴷ ⴰⵔ ⵉⴽⴽⴰⵜ ⴰⴷ ⵉⵙⵙⴻⵖⵔⴻⴹ ⵜⴰⵊⵓⵎⵎⴰ ⵏ ⵓⵖⵍⴰⵛ ⴰⵄⵔⴰⴱ .ⴰⵔ ⵉⵙⵙⴻⴹⵔⴰⵔ ⵜⴰⵣⵓⴳⴰⵢⵜ ⵏⵏⴻⵙ ⵜⴰⴼⵓⵣⴰⵍⵜ « ⴰⵎⴰⴹⴰⵍ ⴰⵄⵔⴰⴱⴰ ⵣⴻⴳ ⵓⵙⵉⵔⵜ ⴰⵔ ⵓⴳⴰⵔⴻⵡ ⵓⵜⵍⵉⵙ ».ⴰⵎⵅⵓⵅⴷ ⴰⵔ ⵉⵏⴻⵇⵇⴰ ⵙ ⵉⵍⵙ ⵏⵏⴻⵙ ⴰⴽⵯ ⵉⴳⴷⵓⴷⵏ ⵉⵣⴷⵓⴷⵖⴻⵏ ⴳ ⵓⴳⴰⴼⴰ ⵏ ⵓⴼⵔⵉⴽ ⵏⴻⵖ ⴳ ⴰⵙⵢⴰ.ⴰⵎⵅⵓⵅⴷ ⵉⴽⴽⴰ ⵉⴳⴰ ⵜⴰⴼⴰⵙⴽⴰ ⵏ ⵓⵙⴷⴰⵔⵔⴰⵢ ⵉⴳⴳⵓⵏⴼⴰⵏ ⴰⴼⵍⴰⵣ ⴷ ⵓⵖⴻⵏⴷⴼ ⵏⵏⴻⵙ ⴰⵍⵍⴻⵢ ⵉⵍⵛⴻⵎ ⴰⵢ-ⴷⴷⴰ ⵉⵔⴰ ⴰⵀⴰ ⵉⵔⴰ ⴰⴷ ⵉⵣⴰⵍⵍⴰ ⵣⴻⴳ ⵉⴳⴷⵓⴷⵏ ⵢⴰⴹⵏ ⵏⵏⴰ ⵉⵛⵛⴰⵔⵏ ⴷ ⵉⴷⵙ ⴰⵙⴰⵖⵉⵏ .ⴰⵎⵅⵓⵅⴷ ⴰⵔ ⵉⴽⴽⴰⵜ ⵉⵖⴼ ⵏⵏⴻⵙ ⴰⵀⴰ ⵓⵔ ⵉⵙ ⵢⵓⵛⵉ.ⵎⴻⵔ ⵉⵙⵙⴻⵍⵀⵡⴰ ⵓⵔ ⴷⴰ ⵉⵜⵜⴻⵏⵖⴰⵎ ⵜⵉⵎⵉⵜⴰⵔ ⵏ ⵉⴳⴷⵓⴷⵏ ⵢⴰⴹⵏ ⴰⵍⵍⴻⵢ ⴳⴻⵔⵡⴻⵍⵏ ⵉⵜⵙⴻⵏ ⵙ ⵓⵎⵔⵉⴳ ⴰⵎ ⵉⴽⵓⵔⴷⵉⵢⵏ.ⵎⴻⵔ ⵉⵙⵙⴻⵍⵀⵡⴰ ⴰⴷ ⵓⵔ ⵉⵎⵓⵏ ⴷ ⵓⵖⴰⵡⵉⵙ ⵏ ⵓⵙⴷⴰⵔⵔⴰⵢ ⵙ ⵓⵙⵏⵓⵛⵛⴻⴳ ⵏ ⵓⵖⵍⴰⵛ ⴰⵄⵔⴰⴱ.ⴰⵎⵅⵓⵅⴷ ⴰⵔ ⵉⵜⵜⴻⴽⵯⴽⵯⴻⵢ ⵉⴹⵓⴹⴰⵏ ⵏⵏⴻⵙ ⴳ ⵉⵖⵉⵙⵉ ⵏ ⵉⴼⵉⵖⵔ ⵏⵏⴰ ⵜ ⵉⵇⵇⴻⵙⵏ .ⵙ ⵓⵛⵓⴼ ⵏⵏⴻⵙ ⴳ ⵉⵎⵣⴰⵣⵏ ⵏ ⵓⵖⵍⴰⵛ ⴰⵄⵔⴰⴱ ⵉⴼⴽⴰ ⵉ ⵡⵉ-ⵢⵢⴰⴹ ⴰⵇⴻⵔⵛⴰⴷ ⵎⴰ ⴰⵙ ⵙⵙⵉⵖⵉⵏ ⴰⵃⵎⴰⴷⵊⵓ ⵏ ⵓⵖⵍⴰⵛ ⵏⵙⴻⵏ .ⵎⴻⵔ ⵓⵔ ⵉⴳⵉ ⴰⴼⵓⵙ ⵏⵏⴻⵙ ⴳ ⵓⴼⵓⵙ ⵏ ⵓⵙⴷⴰⵔⵔⴰⵢ ⵜⴰⴼ ⴰⴷ ⵉⵡⵡⴻⵜ ⴰⵡⴰⵏⴽ ⵓⵙⴻⵍⵎⴰⵏ ⴰⵅⴰⵜⴰⵔ ⵉⴽⴽⴰⵏ ⴷⴷⴰⵡ ⵏ ⵜⴻⵏⴱⴰⵟ ⵏ ⵉⵜⴻⵔⴽⵉⵢⵏ ⵣⴻⴳ ⵓⴳⴻⵏⵙⵓ ⵏⵏⴻⵙ ⴰⴷⵢⴰⵍⵉ ⵉⴱⴻⴷⴷⴰ ⵓⵡⴰⵏⴽ ⴷⴷⴻⵖ ⴰⵎ ⵉⵖⵔⴻⵎ ⴷ ⵓÅⴷⴷⵉⵎ ⴷⴰⵜ ⵓⵙⴷⴰⵔⵔⴰⵢ .ⵎⴻⵔ ⵉⵖⵏⵓⵏⵙ ⴰⴷ ⵉⵙⵙⴻⵏⵛⴰ « ⴰⴳⴷⵓⴱⴹ » ⴳ ⵓⵡⴰⵏⴽ ⴷⴷⴻⵖ ⵙ ⵉⵎⵛ ⵓⵜⵔⵉⵔ ,ⴰⴷ ⵉⵙⵙⴻⵔⵙⴻⵍ ⵎⴻⵏⵏⴰⵡ ⵏ ⵉⵍⵙⴰⵡⵏ ⵉⵍⵍⴰⵏ ⴳ ⵜⵊⵓⵎⵎⴰ ⵍⵍⵉ ⵉⴷⴷⴻⵍ ⵓⵡⴰⵏⴽ ⴷⴷⴻⵖ ⴰⴷⵢⴰⵍⵉ ⵉⵣⵓⴱⴷⴰ ⴰⵎ ⵓⵡⴰⵏⴽ ⴰⵅⴰⵜⴰⵔ ⴰⵣⴻⵔⴷⴰⴷⴻⵄ ⵉⵙⵙⵉⵡⵉⴷⵏ ⵉⵡⵓⵏⴰⴽ ⵉⵍⴰⵏ ⵜⵉⵡⴻⵔⴳⵉⵡⵉⵏ ⵏ ⵓⵙⴷⵓⵔⵔⴻⵢ.ⵎⴰⵛⴰ ⴰⵎⵅⵓⵅⴷ ⵓⵔ ⴰⵙ ⵉⵖⵣⵣⵉⴼ ⵉⵥⵔⵉ ⵉⴷⴷⴻⵖ ⵜⴻⵏⵏⴻⵇⵎⵓⵎⵔ ⴰⵙ ⵜⵡⴻⵏⴳⵉⵎⵜ ,ⵉⴷⴷⴻⵖ ⵓⵔ ⵉⵙⵙⵉⵏ ⵅⴰⵙ ⵉⵖⴼ ⵏⵏⴻⵙ.ⵓⵔ ⵉⵍⵍⵉ ⵎⴰⵢⴷ ⴰⴽⵯ ⵉⴽⴽⴰⵏ ⴷⴷⴰⵡ ⴰⵏⵛⴻⵜ ⴰⴷ ⵉⵙⵙⴻⵖⵔⴰ ⵛⴰ ⵙ ⵓⴱⴻⵔⵔⴰⵏⵉⵢ ⵎⴰⵔ ⴰⴷ ⵉⵡⵡⴻⵜ ⵉⵢⵎⴰ ⵙ.ⵎⴻⵔ ⴷⴰ ⵉⵜⵜⴻⵎⵓⴽⴽⵓⵍ ⵓⵎⵅⵓⵅⴷ ⴰⵄⵔⴰⴱ ⵙ ⵓⵙⴰⵖⵉⵏ ⴰⵙⴻⵍⵎⴰⵏ ⵓⵔ ⴷⴰ ⵉⵜⵜⴻⵎⵓⵏ ⴷ ⵉⵔⴻⴼⵍⴰⵙⵏ ⵜⴰⴼ ⴰⴷ ⵉⵙⵙⴻⵔⴷⴻⵍ ⴰÅⴷⴷⵉⵎ ⵏ ⵉⵏⴻⴼⵍⴰⵙⵏ .ⴰⵔ ⵜⵉⴳⵉⵔⴰ ⵎⴰⵢⴷ ⵉⵣⵣⴻⵔ ⵓⵎⵅⵓⵅⴷ ⴰⵄⵔⴰⴱ ⵅⴰⵙ ⵎⴻⵏⵏⴰⵡ ⵏ ⵉⵡⵓⵏⴰⴽ ⵓⵔ ⵉⵣⵎⵉⵔⵏ ⴰⴷ ⵃⴱⵉⴱⴻⴹⵏ ⴰⴼⵓⵍⵢ ⴰⵛⵔⴰⵔⴰⴷ.ⴰⵎⵅⵓⵅⴷ ⵓⵔ ⴰⵔ ⵉⵙⵡⵉⵏⴳⵎ ⴳ ⵜⵉⴷⵓⵔⴰ ⵏ ⵉⵖⵓⵊⴱⴰⵏ ⵏⵏⴻⵙ.ⴰⵔ ⵉⵜⵜⵉⵏⵉ ⵉⵙ ⴰⵎⵓⵙⵙⵓ ⴰⴷⴻⵍⵙⴰⵏ ⴰⵎⴰⵣⵉⵖ ⵉⵔⴰ ⴰⴷ ⵉⴱⴹⵓ ⵜⴰⵙⴳⴰ ⵏ ⵓⴳⴰⴼⴰ ⵏ ⵓⴼⵔⵉⴽ ⵣⴻⴳ ⵓⵍⴰⵎⴰⵙ ⴰⵄⵔⴰⴱ ⵉⵍⵍⴰⵏ ⴳ ⵓⵙⵢⴰ.ⵉⵎⵓⵍⵙ ⵉⵎⴰⵣⵉⵖⵏ ⵙ ⴰⵢ-ⵏⵏⴰ ⴽⴽⴰⵏ ⵉⴷ ⴱⴰⵃⵍⵍⵓ ⵏⵏⴻⵙ ⴳⴰⵏ ⵜ.ⵉⴷ ⵡⴰ-ⵏⵏⴰ ⵉⵜⵜⴻⵔⵏ ⴰⵎⵓⵔ ⵏⵏⴻⵙ ⴳ ⵉⵍⵉ ⴰⵙⴻⵔⵜⴰⵏ ⵉⵔⴰ ⴰⴷ ⵉⴱⴹⵓ ⵜⴰⵎⴰⵣⵉⵔⵜ ?ⵉⵙ ⴷⵊⵉⵏ ⵉⵏⵏⴰ ⵛⴰ ⵏ ⵓⵎⴰⵣⵉⵖ ⵉ ⵎⴻⵎⵎⵉ ⵙ ⴰⴷ ⵓⵔ ⵉⴷⴷⵓ ⵙ ⵓⵖⴻⵔⴱⴰⵣ ⵎⴰⵔ ⴰⴷ ⵓⵔ ⵉⵖⴻⵔ ⵉⵍⵙ ⴰⵄⵔⴰⴱ ⴷ ⵓⵙⴰⵖⵉⵏ ⴰⵙⴻⵍⵎⴰⵏ ?ⵉⵙ ⵉⴽⴽⴰ ⵛⴰ ⵏ ⵓⵎⴰⵣⵉⵖ ⵉⵜⵜⴻⵔ ⵣⴻⴳ ⵓⵙⴷⴰⵔⵔⴰⵢ ⴰⴼⵔⴰⵏⵙⵉⵙ ⴰⴷ ⵓⵔ ⵉⵙⵓⵙⵍ ⵉ ⵓⵙⵙⴻⵍⵎⴻⴷ ⵏ ⵉⵍⵙ ⴰⵄⵔⴰⴱ ⴽⵓⴷ ⴰⵔ ⵙⵙⴻⵏⵛⴰⵏ ⵉⵎⴻⵖⵍⴰⵍⴰⵏ ⵉⵖⴻⵔⴱⴰⵣ ⵓⵙⵍⵉⴳⵏ ?ⵀⴰⵜ ⵉⵎⴻⴷⵍⴰⵍⴰⵙ ⵉⵎⴰⵣⵉⵖⵏ ⴰⵢⴷ ⵉⴼⴽⴰⵏ ⴰⵎⵓⵔ ⵏ ⵜⵓⴷⴻⵔⵜ ⵉ ⵉⵍⵙ ⴰⵄⵔⴰⴱ ⴽⵓⴷ ⵎⴻⵀⵣⴻⵏ ⵜ ⴰⵎ ⵎⴰⵙⵙ « ⵛⴰⴼⵉⵇ ⵎⵓⵃⵎⵎⴻⴷ » ⴷ ⵎⴰⵙⵙ « ⴰⵍ ⴰⵅⴹⴰⵔ ⵖⴰⵣⴰⵍ »ⵙ ⴰⵢⴻⵔⴹ ⵏ ⵎⴰⵙⵙ « ⴰⵍ ⵎⴰⵀⴷⵉ ⴰⵍ ⵎⴰⵏⵊⵔⴰ ».ⵉⵙ ⵓⵔ ⴽⴽⵉⵏ ⵉⵎⴰⵣⵉⵖⵏ ⵙ ⵓⵙⴳⵓⴼⵙⵓ ⴰⵔ ⵜⴻⵜⵜⴻⵔⵏ ⵣⴻⴳ ⵓⴽⵓⵔⴰⵜ ⴰⴷ ⵓⵔ ⵉⵜⵜⴻⵣⴻⵎⵎⴰⵎ ⴰⵔⵔⴰⵡ ⵏⵙⴻⵏ ⴳ ⵓⵎⵓⵖ ⵏ ⵉⵏⴻⵍⵎⴰⴷⵏ ⵏ ⵓⵖⴻⵔⴱⴰⵣ ⵏ ⵓⵥⵔⵓ ⵍⵍⵉ ⵉⵣⴷⴻⵍⵏ ⴰⵙⵙⴻⵍⵎⴻⴷ ⵏ ⵉⵍⵙ ⴰⵎⴰⵣⵉⵖ ⵜⴰⴼ ⴰⴷ ⵓⵔ ⵙⵎⵓⵜⵜⵉⵏ ⴰⵙⴰⵖⵉⵏ ⵏⵙⴻⵏ ⴰⵙⴻⵍⵎⴰⵏ ⵙ ⵓⵎⴰⵙⵉⵃ ⵉⴷⴷⴻⵖ ⵖⴰⵍⵏ ⵉⵙ ⴰⵙⴻⵍⵍⴻⵎⴷ ⵏ ⵜⵎⴰⵣⵉⵖⵜ ⴳ ⵓⵖⴻⵔⴱⴰⵣ ⴰⵔ ⵉⵜⵜⴰⵏⴼ ⵜⵉⴼⵍⵓⵢⵜ ⴷⴰⵜ ⵉⵏⴻⵍⵎⴰⴷⵏ ⵜⴰⴼ ⴰⴷ ⵍⵙⵉⵏ ⵜⵉⵎⴻⵍⵙⴰ ⵓⵔ ⵉⴳⵉⵏ ⵜⵉ-ⵏⵙⴻⵏ ⵎⴻⵇⵇⴰⵔ ⵉⵙⴼⴰⴷⴰ ⵓⵏⴻⴷⴱⴰⵍ ⵖⵉⴼ ⵉⵏⴻⵍⵎⴰⴷⵏ ⴰⴷ ⵍⵙⵉⵏ ⵜⴰⵇⴱⴱⵓⵜ ⴷ ⵓⵥⵏⵏⴰⵔ ⴷ ⵉⴽⵓⵔⴱⵉⵏ ⵏⴻⵖ ⵜⵉⵄⵓⵍⴰⵢ ⵎⴰⵔ ⴰⴷ ⵃⴱⵉⴱⴹⵏ ⵜⵉⵎⵉⵜⴰⵔ ⵏ ⵜⵏⴻⵜⵜⵉⵜ ⵏⵙⴻⵏ ⴷ ⵓⵖⵔⵓⵔⵎ ⵏⵙⴻⵏ .ⵓⵔ ⴷⵊⵉⵏ ⵉⴳⵉ ⵡⴰ-ⵍⵍⵉ ⵉⵜⵜⴻⵔⵏ ⴰⵎⵓⵔ ⵏⵏⴻⵙ ⴳ ⵜⵓⴷⴻⵔⵜ ⴰⵎⵅⵓⵅⴷ.ⵓⵔ ⵜ ⵉⴳⵉ ⵅⴰⵙ ⵡⴰ-ⵍⵍⵉ ⵉⵜⵜⴻⵅⴻⵏⵏⴰⴼⵏ ⴰⴷ ⵓⵔ ⵙⵓⵔⵏ ⵉⵎⴰⵣⵉⵖⵏ ⵉⵣⴻⵔⴼⴰⵏ ⵏⵙⴻⵏ ⵉⵙⴻⵔⵜⴰⵏ,ⵉⴷⴻⵍⵙⴰⵏ,ⴷ ⵉⴷⴻⵎⵙⴰⵏ .ⴳ ⵜⴰⵎⵏⵏⵉⴷ ⵏ ⵓⵢ-ⴰ ⴰⵔ ⵏⵜⵜⵉⵙⵉⵍ ⵉ ⵎⴰⵢⴷ ⵉⵜⵜⵉⵏⵉⵏ ⵉⵙ ⵓⵔ ⵖⵓⵔ ⵙ ⵎⴰⵢⴷ ⵉⵙⴽⴰⵔ ⵙ ⵓⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ ⴳ ⵜⴻⵙⴳⴰ ⵏⵏⴻⵙ,ⴰⵔ ⵉⵙⵙⴻⴹⵔⴰⵔ ⴰⴷⴷⴰⴷ ⵏⵏⴻⵙ ⴰⵎⵎ ⵉⵙ ⵉⴳⴰ ⴰⵙⴻⵍⵡⴰⵢ ⵏ ⵓⵡⴰⵏⴽ ⵉⵍⵍⴰⵏ ⴰⵎⵎⴰⵙ ⵏ ⵓⴳⴰⵍⴰⴷ ⴰⵎⴻⵔⵔⴰⴽⵓⵛⴰⵏ ⵍⵍⵉ ⴳⴻⵍⵎⵏ ⵉⵏⴻⵖⵍⴰⵍⴰⵛ ⵉⵄⵔⴰⴱⵏ ⵙ « ⴰⵍ ⵎⴰⵖⵔⵉⴱ ⴰⵍ ⴰⵇãⴰ »ⵎⴻⵇⵇⴰⵔ ⵉⴽⴽⴰ ⵓⴳⵍⵍⵉⴷ ⵏ ⵜⵎⴰⵣⵉⵔⵜ ⵉⵏⵏⴰ ⵉⵙ ⵜⴳⴰ ⵜⵎⴰⵣⵉⵖⵜ ⵜⴰⵖⴰⵡⵙⴰ ⵜⴰⵖⵍⵏⴰⵏⵜ.ⵉⴷ ⴰⵎ ⵡⴰ-ⴷⴷⴻⵖ ⵉⵏⵣⵓⵣⵔⵏ ⴰⵖⴰⵜⵉⵙ ⵏ ⵓⵡⴰⵏⴽ ⴰⵙⴻⵔⵜⴰⵏ ⴰⵎⴰⵊⵊⴻⵢⴰⵍ ⵓⵔ ⵉⴳⵉ ⴰⵎⴽⴽⵉⵔⵙ ⵏ ⵓⵖⴰⵍⴰⵏ ⵉⴽⵍⴻⵍⵏ ⴰⵙⴻⵍⵇⵓ ⵙ ⵓⵙⴽⵓⵔⵎ ?ⵉⵙ ⴷⴰ ⵉⵜⵜⵉⵖⵉⵍ ⴰⵎ ⵡⴰ-ⴷⴷⴻⵖ ⵉⵖⴻⵔⴱⵣⴻⵏ ⵏⵏⵉⴳ ⵓⴷⴰⴱⵓ ⵓⵙⴻⴳⵢⴰⵏ ⵏ ⵓⵙⵙⴻⵍⵎⴷ ⵉⵙ ⵉⴳⴰ ⴰⵙⴻⵍⵡⴰⵢ ⵉⵍⴰⵏ ⴰⵎⵓⵔ ⵏ ⵓⴳⴷⴰⵍ ⵉⵎⵛⵉ ⴷⴷⴰ ⵉⵔⴰ ?ⵎⵉⴷ ⴰⵔ ⵉⵜⵜⴰⴷⴻⵢ ⴰⵔⴽⴰⵡⴰⵍ ⵏⵏⴰ ⴳⴻⵍⵎⵏ ⵉⵜⵙⴻⵏ ⵙ ⵓⵖⴻⵍⵏⴰⵏ, ⵏⵏⴰ ⵓⵔ ⵉⴼⴽⵉⵏ ⵉ ⵜⵎⴰⵣⵉⵖⵜ ⵅⴰⵙ ⴰⵎⵓⵍⵍⴻⵢ ⵏ ⵜⵡⴰⵢⵢⴰ ⵏ ⵍⴰⵍⵍⴰ ⵏⵏⴻⵙ ⵜⴰⵄⵔⴰⴱⵜ ?.ⵎⴰⵢⴷ ⵉⵜⵜⴻⵇⵇⴻⵏ ⵉⵎⵉ ⵉ ⴰⵎ ⵓⵏⴻⴷⴱⴰⵍ ⴷⴷⴻⵖ ⵓⵙⴻⴳⵢⴰⵏ ⵉⵜⵜⴻⵅⴻⵏⵏⴰⴼⵏ ⵉ ⵓⵍⴻⵎⵎⵓⴷ ⵏ ⵜⵎⴰⵣⵉⵖⵜ ??ⵉⴷ ⴰⵎ ⵡⴰ-ⴷⴷⴻⵖ ⵉⵏⴻⵜⵜⴰ ⵙ ⵡⴰⵎⵓⵏ ⴰⴳⴷⴰⴱⴰⴹ ⴰⵜⵔⴰⵔ ⵏⵏⴰ ⵉⵙⵙⴻⴹⵔⴻⵔ ⵓⴳⵍⵍⵉⴷ ⵉⵙ ⵜ ⵉⵙⵙⴻⵏⵛⴰ ?.ⵉⴷ ⴰⵎ ⵡⴰ-ⴷⴷⴻⵖ ⵓⵔ ⵉⴳⵉ ⴰⵎⵅⵓⵅⴷ ⵖⵉⴼ ⵓⵙⴰⵔⵉⴹ ⵏ ⵉⵎⴰⵣⵉⵖⵏ ? .ⵉⴷ ⴰⵎ ⵡⴰ-ⴷⴷⴻⵖ ⴰⴷ ⵉⵙⴻⴳⴷⵓⴱⴹ ⴰⵙⵓⵏⴰⴹ ⵏ ⵓⵙⴻⵍⵎⴻⴷ ?ⵉ ⵡⴰ-ⴷⴷⴰ ⵉⵙⵀⵓⵢⵏ ⴰⵙⵙⴻⴼⵔⵓ ⵏ ⵓⴷⵍⵉⵙ ⴰⴼⵓⵣⴰⵍ ⴰⵙⴻⵍⵎⴰⵏ ⵙ ⵉⵍⵙ ⴰⵎⴰⵣⵉⵖ ⵙ ⵜⴼⴰⴽⵓⵍⵜ ⵏ ⵡⴰⴷ ⵉⵙⴷⵉⴷⴷⴻⵢ ⴰⴷⴱⵓ ⵏ ⵓⴳⵍⵍⵉⴷ ⵉⴷ ⵓⵔ ⵉⵅⵓⵅⴷ ?ⵎⴻⵛⵜⴰ ⴰⵢⴷ ⵉⴽⴽⴰⵏ ⵏ ⵓⴽⵓⴷ ⵖⵉⴼ ⵓⴼⵙⴰⵔ ⵏ « ⵍⵇⵓⵔⴰⵏ »ⵙ ⵉⵍⵙ ⴰⵎⴰⵣⵉⵖ ⵉⵙ ⵉⵙⴷⵉⴷⴷⴻⵢ ⵓⴼⵙⴰⵔ ⵏ ⵓⴷⵍⵉⵙ ⴷⴷⴻⵖ ⵜⵉⵔⵙⴰⵍ ⵏ ⵓⵙⵓⵏⴰⴹ ⴰⵙⴻⵔⵜⴰⵏ ⴳ ⵜⵎⴰⵣⵉⵔⵜ ⵏⵏⴻⵖ ?!ⵉ ⵓⵏⴻⵖⵍⴰⴼ ⵏ ⵜⵎⴻⵙⵔⴰⵢⵉⵏ ⵜⵉⴷⴻⵍⵙⴰⵏⵉⵏ ⵉⵙⵙⴻⴹⵔⴻⵔⵏ ⵜⴰⵀⵓⵢⵢⵉⵜ ⵏⵏⴻⵙ ⵏ ⵓⴷⵍⵉⴼ ⵏ ⵜⴼⵉⵏⴰⵖ ⵉⴷ ⵉⵍⵜⴻⵖ ⵙ ⵡⴰⵎⵓⵏ ⴰⴳⴷⴰⴱⴰⴹ ⴰⵜⵔⴰⵔ ⵏⵏⴰ ⵉⵙⵙⴻⵏⵛⴰ ⵓⴳⵍⵍⵉⴷ ⵏⵏⴻⵖ ⴰⵥⵎⴰⵎⵎⴰⵔ ?!! !ⵓⵔ ⵉⵣⵎⵉⵔ ⵛⴰ ⵏ ⵓⵎⴰⵣⵉⵖ ⴰⴷ ⵉⵙⵀⵓⵢ ⴰⵙⴻⵍⵎⴻⴷ ⵏ ⵛⴰ ⵉⵍⵙ ⴰⴽⵯ ⵎⴰ.ⵎⴰⵢⴷ ⵉⴳⴰⵏ ⴰⵎⵅⵓⵅⴷ ⵉⴷ ⵡⴰ-ⴷⴷⴰ ⵓⵔ ⵉⵜⵜⴰⴳⵉⵏ ⴰⵍⵎⵎⵓⴷ ⵏ ⵉⵍⵙ ⴰⵄⵔⴰⴱ ⵎⵉⴷ ⵡⴰ-ⴷⴷⴰ ⵉⵙⵙⴻⴹⵔⴰⵔⵏ ⵉⵙ ⵓⵔ ⵉⵏⵏⵉ ⵓⵀⵓ ⵉ ⵓⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ ⴰⴷⴷⴰⵢ ⵜ ⵉⵙⴻⵇⵙⴰ ⵛⴰ ⴰⵔ ⴰⵙ ⵉⵜⵜⵉⵏⵉ « ⵀⴰⵜ ⵎⴰⵏⵉ ⵜ »ⴰⵎ ⵓⵡⵓⵔⴷⵓ ⵏⴻⵖ ⴰⴷ ⴰⵙ ⵢⵉⵏⵉ : « ⵓⵔ ⵉⵣⴻⵏⵏⵉⵏ ⵓⵏⴻⵍⵎⴰⴷ ⴰⴷ ⵉⵔⵏⵓ ⴰⵏⴻⵣⵡⵓⵎ ⵏ ⵜⵎⴰⵣⵉⵖⵜ ⵓⵔ ⵉⵏⵏⵉⵏ ⴰⴷ ⴰⵙ ⵉⵙⵙⵓⵜⵛ ⴰⵖⵔⵓⵎ » !?ⴰⵎⵅⵓⵅⴷ ⴰⵔ ⵉⵜⵜⴻⵙⴽⴰⵏ ⵉⵖⴼ ⵏⵏⴻⵙ ⴰⵎⵎ ⵉⵙ ⵉⴳⴰ ⴰⴳⴷⴰⴱⴰⴹ ⵉⵔⴰⵏ ⴰⴷ ⵉⵙⴻⴳⴷⵓⴱⴹ ⴰⵙⵓⵏⴰⴹ ⵏ ⵓⵙⴻⵍⵎⴻⴷ ⴰⴷⴷⴰⵢ ⴰⵙ ⵉⴱⴷⴻⵔ ⵛⴰ ⴰⵍⵎⵎⵓⴷ ⵏ ⵜⵎⴰⵣⵉⵖⵜ ⴰⵔ ⵉⵜⵜⴻⵏⵏⴻⵙⵔⵓⵔⵓⵎ.ⴰⵎⵅⵓⵅⴷ ⴰⵔ ⵉⵜⵜⴻⵡⴰⵔⴳⴰ ⵉⵙ ⵓⵔ ⵉⵍⵍⵉ ⴳ ⵓⵎⵙⵓⵜⵢ ⵏⵏⴻⵙ ⵅⴰⵙ ⴰⵡⴰⵍ ⴷ ⵓⵥⴰⵡⴰⵏ ⴰⵄⵔⴰⴱ ⵎⴻⵇⵇⴰⵔ ⴷⴰ ⴰⵙ ⴷ ⵉⵃⵔⵔⴻⵢ ⵓⵣⵡⵓ ⵜⵓⵇⵍⴰⵜⵉⵏ ⵏ ⵜⵎⴰⵣⵉⵖⵜ ⵣⴻⴳ ⵎⴰⵢⴷ ⵉⴳⴰⵏ ⵜⴰⵙⴳⴰ ⵏⴻⵖ ⵜⴰⵏⵉⵍⴰ.ⴰⵎⵅⵓⵅⴷ ⵢⵓⴹⵏ ⵙ ⵜⴰⵢⵔⵉⵏⵜⵜⵉⵜ .ⵓⵔ ⵉⴳⵉ ⵓⵙⴰⴼⴰⵔ ⵏⵏⴻⵙ ⵅⴰⵙ ⴰⴷ ⴰⵙ ⵉⵇⵇⴻⴷ ⵛⴰ ⵜⴰⵡⴻⵏⴳⵉⵎⵜ ⵏⵏⴻⵙ ⵙ ⵉⵙⵓⴼⴰ ⵏ ⵓⵙⴷⴰ ⵎⴰⵔ ⴰⴷ ⵢⵉⵙⵉⵏ ⵉⵙ ⴷⴰ ⵉⵜⵜⴰⵛⵍ ⴰⵛⴰⵍ ⵓⵔ ⵉⴽⴽⵉⵏ ⵉⴳⴰ ⵡⵉ-ⵏ ⵉⴷ ⴱⴰⵃⵍⵍⵓ ⵏⵏⴻⵙ,ⵎⴰⵔ ⴰⴷ ⵢⴰⵛⵢ ⴷ ⵉⵖⴼ ⵏⵏⴻⵙ ⵣⵉ ⵜⵉⵍⵍⴰⵙ ⵏ ⵓⵅⵓⵅⴷ,ⵜⴰⴼ ⴰⴷ ⵉⵙⵔⴰⵔ ⵓⴷⵎ ⵏⵏⴻⵙ ⵙ ⵜⵓⵎⴰⵙⵜ ⵏ ⵜⵎⴰⵣⵉⵔⵜ,ⴼⴰⵔ ⴰⴷ ⵉⵙⴷⴷⴻⵔⴼ ⴰⵏⵍⵍⵉ ⵏⵏⴻⵙ ⵣⴻⴳ ⵓⵏⵓⴹ ⴰⵜⵜⴰⵢⵏ ⵏ ⵓⵍⴰⵎⴰⵙ ⴰⵄⵔⴰⴱ ,ⴱⴰⵛ ⴰⴷ ⵢⵉⵙⵏ ⵉⵙ ⵓⵔ ⵉⴳⵉ ⵓⵍⴰⵎⴰⵙ ⴷⴷⴻⵖ ⵜⵓⵥⵥⵓⵎⵜ ⵏ ⵓⵖⴻⵣⵡⴰⵔ,ⵃⵎⴰ ⴰⴷ ⵉⵙⴼⵓⵍⴻⵢ ⴰⵔⴰⴽⵯ ⵏⵏⴻⵙ ⵣⴻⴳ ⵜⵡⴰⵔⴳⵉⵜ ⴷ ⵓⵣⴽⴻⵣⴹⵓⴼ ⵏ ⵉⵏⴻⵖⵍⴰⵍⴰⵛ ⵉⵄⵔⴰⴱⵏ ⵏ ⵉⵎⵉⵏⴳ.ⵎⴻⵔ ⵜⴻⵍⵍⵉ ⵜⴰⵎⵓⵏⵜ ⴰⵙ ⵉⵜⵜⴻⵡⴰⵔⴳⴰ ⵓⵎⵅⵓⵅⴷ ⴰⴷⵢⴰⵍⵉ ⵎⴰⵏ ⵉⵡⵓⵏⴰⴽ ⵉⵎⴻⵙⴽⴰⵏ ⵏ ⵉⵄⵔⴰⴱⵏ ⵜⴰⴼ ⴰⴷ ⵙⵙⴻⵏⵛⵉⵏ ⴰⵡⴰⵏⴽ ⴰⵅⴰⵜⴰⵔ ⴰⵣⴻⵔⴷⴰⴷⵄ.ⵀⴰⵜ ⵓⵔ ⵉⴷ ⵉⵎⴰⵣⵉⵖⵏ ⴰⵢⴷ ⵉⴱⴹⴰⵏ ⵉⵄⵔⴰⴱⵏ ⵏ ⵉⵎⵉⵏⴳ ⵀⴰⵜ ⵡⵉ-ⴷⴷⴻⵖ ⴰⵢⴷ ⵉⴱⴹⴰⵏ ⵉⵖⴼⴰⵡⵏ ⵏⵙⴻⵏ ⴷ ⵉⵏⴻⵙⵍⴰⵎⵏ ⵉⵜⴻⵔⴽⵉⵢⵏ ⴰⵍⵍⴻⵢ ⵉⵏⵛⴻⵔ « ⴰⵜⴰ ⵜⵓⵔⴽ »ⴰⵔ ⵉⵜⵜⴻⴱⴱⴻⵢ ⵉⵖⴼⴰⵡⵏ ⵉ ⵉⵎⴻⵃⵙⴰⵏ ⵏ ⵓⵙⴰⵖⵉⵏ ⵓⵙⵍⵉⵎ ⵉⵜⵜⴻⵅⴻⵏⵏⴰⴼⵏ ⵉ ⵓⵙⴻⵏⴼⴰⵔ ⵏⵏⴻⵙ ⵏ ⵓⵙⴻⵜⵔⴻⵔ ⵏ ⵜⵎⴰⵣⵉⵔⵜ ⵏⵏⴻⵙ.ⵎⴻⵔ ⵙⵙⴻⵍⴻⵀⵡⴰⵏ ⵉⵏⴻⵖⵍⴰⵍⴰⵛⵏ ⵉⵄⵔⴰⴱⵏ ⵓⵔ ⵏⵏⵉⵏ ⴰⴷ ⴳⵏⵓⵏ ⵣⴻⴳ ⵉⵍⵎⴰⵡⵏ ⵏⵙⴻⵏ ⵉⵍⴻⵎⴹⴰⴹ ⴰⵙ ⴼⴻⴷⵛⵏ ⵓⴷⵎⴰⵡⵏ ⵏ ⵉⵜⴻⵔⴽⵉⵢⵏ.ⴰⵎⵅⵓⵅⴷ ⵉⵟⴼⴰⵔⵏ ⴰⵖⴰⵡⵉⵙ ⵏ ⵉⵏⴻⵖⵍⴰⵍⴰⵛⵏ ⵏ ⵉⵎⵉⵏⴳ ⵓⵔ ⵉⴳⵉ ⵅⴰⵙ ⴰⵎⴽⴽⴰⵙⵓ ⵏ ⵓⵅⵓⵅⴷ.ⵢⵓⵛⵛⴻⵍ ⵙ ⵓⵣⵖⴻⵏⵎⴻⵏ ⴰⴷ ⵉⵎⵓⵍⵙ ⵉⵖⴼ ⵏⵏⴻⵙ ⵙ ⵓⵅⵓⵅⴷ ,ⴰⴷ ⵉⵜⵜⴻⵔ ⴰⵅⴰⵏⵉⴷ ⵉ ⵉⵎⴰⵣⵉⵖⵏ ⵉⵜⵜⴻⵎⵏⴰⵍⴰⵏ ⴷ ⵓⵎⵔⵉⴳ ⴰⵎⵉⵣⴰⵏ ⵓⵏⵜⵉⵍ ⵏ ⵓⵙⴷⵓⵔⵔⴻⵢ ⵉⴳⴰⵏ ⴰⵙⵍⵓⴱⴱⴻⴹ.
Avzzaf mupmmad
Arhazaf Mohammed
azmazzev n iwaliwen :
amxuxd :Le comploteur.
ad isseqluley :Renverser.
iverbez :S’accroupir.
ickubber :Grimper en se servant des mains pour s’attacher aux roches.
agand :Le mal.
isguÏÏey :Couver.
asdarray :Le colonisateur.
icencawn :ikeyyawn :iferkusn :Les poussins.
ittemulsen :imuls :Accuser.
asunaä asertan :Le système politique.
ad iglem :Décrire.
ad issenfl :Modifier.
ar ssevran :Demander protection.
adabu :L’autorité.
iming :L’orient.
avalic :Le fait de défendre les intérêts d’une race.
Asuzn :La forme.
ad issegled :Faire trôner.
avlla aserdasan :Le chef militaire.
tamnnida :Equivalent.
iwatisn :Les buts.
isnekfer :Promettre.
ad issekned :Duper.Tromper.
asnekfir :La promesse.
abeckid :Le fusil.
imasayn :Les responsables.
ayyaw :Le fils de fils.
ad isenyif :Préférer.
ar ittenvar :Contrôler.
amerwasu :anammas.
yuqs :Vouloir.
avlac :Le fait de défendre les intérêts d’une race.
asenfey :L’abri.
averbaz :L’école.L’institut.
isur :Fixer.
ad issersl :Fixer.Officialiser.
adeslan :Fondamental.
asaäuf :La loi.
ançu :La preuve.
asenvas :L’observateur.
aweräenas :Le serviteur.
asevtu :La correction.
asaris :Le statut.La situation.
ad issenca :Fonder.
atacir :Le document.
amyaddar :Le fait de se donner la vie mutuellement.
ad ikçeo :Chasser.Renvoyer.
amwadm :La tolérance.
ibeckaln :Les griffes.
tibreÏ :Le sommet.
izqem :Diminuer.
tafada :La condition.
igifey :Le fait de monter.
Ils asunan :La langue scientifique.
innefsusern :Se répandre trop.
ad isselku :Mépriser.
axdil :L’estomac.
imitar :Le pluriel de amudar ,l’animal.
ar inexxa :Vaincre.
asedyan :L’Historien.
amelbaä :Le commerçant.
imezdi :L’étranger.
s uhraw :Largement.
ivujban :Les escroqueries.
ad inbber :Croître.
ad ifertl :Echapper.
tirizza :L’infamie.
bisemdi :Depuis longtemps,jadis.
azaglu :Le joug.
s ivnan :Obligatoirement.
irafisn n usdurrey :Les qualités morales de la colonisation.
aldun :Le plomb.
takrura :La chimie.
ar ittexennaf :S’opposer dans le mauvais sens.
avasir :L’établissement.
ad igr itnan :Mettre des obstacles.
ad isseärer :Déclarer.
asedha :La pudeur.
ad imxerfaf :Lutter.
ursil :Au sens figuré officiel.
aserhu :L’honneur.
areflas :Le mécréant.
ad isselfufp :Déraciner.
isulam :Les racines profondes.
irey :La protection.
aãanik :L’impôt,la taxe.
agadaz :Le marché.
alfava :Le seigneur.
ad imyanam :Etre en harmonie.
alwa :Le présent.
imurign :Les chants.
asavin :La religion.
acaman :Le dieu.
ad ittusenbuttul :Retarder.
asenfar :Le projet.
ad ireftel :Trébucher.
uqmir :Etroit.
tameräunt :La prostituée.
aräan :La prostitution.
azukf :L’homosexualité.
aluma :L’ère.
taoouyt :La bosse.
taçouyt :La bosse.
aÅddim :La tour.
ad inddem :Prévenir.
tidura :Les conséquences.
tixnnuncin :Les mauvais actes.
tanãelt :L’origine.
agrur :L’étable.
ad issebgu :Accueillir qqu en tant qu’invité.
ad innarz :Convoiter.
tarusi :Le trésor.
ad invem :Effacer les traces.
asenmar :L’esclavage.
aysar :Le prophète.
ad ifluls :Croire trop.
amalid :Le vice.
ibeä :La différence.
idvuda s wahli :Etre différencié .
ivna ad ivnu :Créer.
ad innesrurm :Au sens de fuir clandestinement.
amak :Le sens.
ad idses :Limiter.
arkawal :Le pacte.
asrirey /asrurey :Faciliter.
isevnadam :Proposé pour le masque.
ik :La façon.
arusrid :Indirect.
unbizn :Publiques.
ad issef :Extraire.
tazugayt :La devise.
tafuzalt :La sacrée.
asirt :Le golfe.
agarew atelsan :L’océan atlantique.
ad izdudv :Demeurer.
agafa :Le nord.
afrik :L’Afrique.
ad iggunfu :Profiter.
aflaz :La naïveté.
avendf :La naïveté.
ad izalla :Venger.
ad isselehwa :Etre habile.
ad igerwel :Se révolter.
ad isnucceg :Faire bouger.
aqercad :L’allumette.
apmadju :La flamme.
azerdadeo :Le fort.
ad ipbibeä :Conserver.
ad izzer :Plumer,récolter.
afuley acrarad :La vraie indépendance.
ad isusl :Autoriser.
imevlalan :Les nationalistes.
uslign :Au sens de privés.
imhez :Evoluer.
asgufsu :La corruption.
akurat :Le représentant de la fraction tribale.
ad izdel :Adopter.
tioulay :Les sandales.
ikurbin :Les babouches.
avatis :La décision.
inzuzr :Défier trop.
amkkirs :Le traître.
avalan :La nation.
iklel :Mériter.
aselqu :La punition.
adabu asegyan :L’autorité régionale.
amulley :Le rôle.
tawayya :La servitrice.
anedbal :L’administrateur.
amun « agdabaä » :La société démocratique.
ad ishuy :Refuser.Ne dire que non.
awurdu/agurdu :La puce.
ur iznnin :Ne pas avoir besoin.
ur ittagin :Qui ne refusent pas.
anezewum/anzgum :Le souci.
taqlatin /tavlavalt :L’écho.
tayrinttit :Proposé pour l’égoïsme.
asda :La réalité.
tumast :L’essence.
ad ifdec :Boxer.
alemäaä :Le gang.
azvenmen :L’autocritique.
axanid :L’excuse.
amizan :Dangereux.
until :Loin ou caché,ici caché.
agurgan :Le libre.
Asedrem :L’intérêt.
anewwac :Celui qui est au sevice du colonisateur.
asesmeg :L’esclavage.
tiqillaf :Les ruses.
agummu :Le fruit.
agelmus :Le capuchon.
amuv :La liste.
agalad :Le royaume.
ad inneqmummer :Etre trop étroit.
ad isnuml :Qualifier.
açemammar :Le puissant.
amradan :Le paradis.
Vos réactions (0)