Amevnanas : Le militariste en tifinagh |
|
Écrit par Arhazaf Mohammed
|
ⴰⵎⴻⵖⵏⴰⵏⴰⵙ
ⴰⵎⴻⵖⵏⴰⵏⴰⵙ ⵉⴳⴰ ⵜ ⵡⴰ-ⵏⵏⴰ ⵉⵜⵜⴻⵀⵓⴷⴷⵓⵏ ⵉⵣⴻⵔⴼⴰⵏ ⵏⵏⴻⵙ ,ⴰⵔ ⵉⵜⵜⴻⵎⵅⴻⵔⴼⴰⴼ ⴷ ⵓⵛⴻⵏⴳⵓ ⵏⴻⵖ ⴰⴼⵏⴰ ⵏⵏⴻⵙ.ⴰⵔ ⵉⵜⵜⴻⴱⴷⴰⴷ ⴰⵎ ⵓⵣⴻⴱⴷⴰⵔ ⴷⴰⵜ ⵉⵎⵣⴰⵣⵏ ⵏ ⵓⵙⵏⵓⵔⴼ.ⴰⵔ ⵉⴽⴽⴰⵜ ⵙ ⵉⴷⴰⵎⵉⵎⵏ ⴰⵢⵔⵔⵉ ⵏ ⵓⵣⴻⵏⴳⵓ ⵏⵏⴻⵙ ⵜⴰⴼ ⴰⴷ ⵜ ⵉⵥⵥⴻⵏⵥⵓ ⵙ ⵡⴰⵎⵓⵔ ⵏⵏⴻⵙ.ⴰⵎⴻⵖⵏⴰⵏⴰⵙ ⵓⵔ ⴰⵔ ⵉⵜⵜⴰⵏⵣ ⵡⴰⵍⴰ ⴷⴰ ⵉⵛⴻⵏⵏⵓ ⵜⴰⴷⴰⵡⵜ ⴰⴷ ⵜ ⵢⴰⵛⵍ ⵡⴰ-ⵢⵢⴰⴹ.ⵓⵔ ⴰⵔ ⵉⵣⵣⴻⵏⵣⴰ ⵉⴷⴰⵎⵉⵎⵏ ⵏⵏⴻⵙ ⵙ ⵉⴷⵔⵉⵎⵏ ⵏ ⵓⵙⴳⵓⴼⵙⵓ.ⵎⴻⵇⵇⴰⵔ ⴰⵙ ⵉⵙⴻⵔⵙ ⵓⵛⴻⵏⴳⵓ ⵏⵏⴻⵙ ⴳ ⵢⴰⵜ ⵜⴷⵓⵃⴰⵍⵜ ⴰⵢⵢⵓⵔ ⴳ ⵜⴰ-ⵢⵢⴰⴹ ⵜⴰⴼⵓⵢⵜ ⵓⵔ ⵉⵏⵏⵉ ⴰⴷ ⵉⵚⵓⴱⵔ.ⴰⴷ ⵉⵍⵛⴻⵎ ⵉⵣⴻⵔⴼⴰⵏ ⵏⵏⴻⵙ ,ⴰⴷ ⵜⴻⵏ ⵉⵙⵓⵔ ⴰ ⵅⴻⴼ ⴷⴰ ⵉⵙⵙⴰⵔⴰ ⴽⵓ ⴰⵍⴻⵅⵜⵓ.ⵓⵔ ⵉⵏⵏⵉ ⴰⴷ ⵉⵙⵡⵓⵏⴼⵓ ⵅⴰⵙ ⵎⴻⵛ ⵉⵥⵔⴰ ⵉⵣⵔⴼⴰⵏ ⵏⵏⴻⵙ ⴳⴰⵏ ⵜⵉⵔⵙⴰⵍ ⴷ ⵓⵃⵎⵎⴰⵔ ⵉ ⵓⵄⵛⵛⴰⴱⵓ ⵏⵏⴻⵙ.ⴰⵎⴻⵖⵏⴰⵏⴰⵙ ⵓⵔ ⵉⵏⵏⵉ ⴰⴷ ⵉⵙⴻⵔⵙ ⴰⵎⵔⵉⴳ ⵏⵏⴻⵙ ⴰⵔⴷ ⵢⴰⵏⵏⴰⵢ ⴰⵣⴻⵎⵔⵓⵔ ⵏ ⵜⵎⴰⵣⵉⵔⵜ ⵉⴳⴰ ⴰⵙⴻⵔⵔⴰⵔⵓ ⵏ ⵉⵣⴻⵔⴼⴰⵏ ⵏ ⵉⵍⵉ ⴷ ⵜⵓⴷⴻⵔⵜ ⵏⵏⴻⵙ ⴷ ⵡⵉ-ⵏ ⵓⴳⴷⵓⴷ ⵏⵏⴰ ⵅⴻⴼ ⴷⴰ ⵉⵜⵜⴻⵎⵣⴰⵖ.ⴰⵔ ⵉⵜⵜⴻⴳⴳⴰ ⵜⵓⴷⴻⵔⵜ ⵏⵏⴻⵙ ⴹⴰⵔ ⴰⵙ ,ⴰⵔ ⵉⵜⵜⴻⴳⴳⴰ ⵜⴰⵎⵜⴰⵏⵜ ⴷⴰⵜ ⴰⵙ.ⵜⴰⴷⴰⵡⵜ ⵏⵏⴻⵙ ⵜⴳⴰ ⴰⵙⴹⴻⵙ ⵉ ⵜⴼⴰⵍⴰ ⵏ ⵓⵛⴻⵏⴳⵓ ⵏⵏⴻⵙ.ⴰⵔ ⵉⵙⵏⴻⴽⵎⴰⵔ ⴰⴽⴻⵔⴼⴻⵙ ⴷ ⵓⵎⴻⵔⵔⴻⵜ ⴷ ⵓⵙⴽⵓⵔⵎ ⵎⴰⵔ ⴰⴷ ⵉⵙⵙⴻⵍⵛⴻⵎ ⵜⴰⴱⵔⴰⵜ ⵏⵏⴻⵙ.ⴰⵎⴻⵖⵏⴰⵏⴰⵙ ⵓⵔ ⴰⵔ ⵉⵜⵜⵉⵏⴹⴰⵔ ⴰⴷⴷⴰⵢ ⵢⵓⵙⵙⴰ ⵖⵉⴼ ⵙ ⵓⵅⵉⵜⵉ.ⴰⵎⴻⵖⵏⴰⵏⴰⵙ ⴰⵔ ⵉⵜⵜⴻⵍⵜⴰⵖ ⴳ ⵓⵎⴰⵜⴰⵖ ⵏⴻⵖ ⵜⴰⵎⴻⵙⵎⵓⵏⵜ ,ⴰⵔ ⵉⵜⵜⴻⵔⵎⴰⴷ ⴳ ⵎⴰⵢⴷ ⵉⴳⴰⵏ ⴰⵙⴰⵢⵙ.ⴰⵔ ⵉⵜⵜⴻⵎⵄⴰⵙⴰⵇ ⴷ ⵓⵛⴻⵏⴳⵓ ⵏⴻⵖ ⴰⴼⵏⴰ ⵏⵏⴻⵙ ⵜⴰⴼ ⴰⴷ ⵜ ⵉⵥⵥⴻⵏⵥⵓ ⵙ ⵓⵖⴷⴰⵎ ⵏ ⵡⴰⵎⵓⵔ ⵏⵏⴻⵙ ⴷ ⵓⵙⴰⵔⵉⴹ ⵍⵍⵉ ⵢⵓⵙⴻⵢ ⵏⵏⵉⴳ ⵉⵖⵉⵔ ⵏⵏⴻⵙ.ⴰⵎⵔⵉⴳ ⵏⵏⴻⵙ ⵓⵔ ⵜ ⵉⴳⵉ ⵅⴰⵙ ⵉⵍⵙ ⵏⵏⴻⵙ.ⴰⵔ ⵉⵙⴰⵡⴰⵍ ⴰⵍⵉⴹ ⵖⵉⴼ ⵉⵣⴻⵔⴼⴰⵏ ⵏⵏⴻⵙ .ⵓⵔ ⴰⵔ ⵉⵜⵜⴻⵎⵓⴽⴽⵓⵍ ⵅⴰⵙ ⵙ ⵓⵙⵏⴰⵙ ⵏⵙⴻⵏ ⴳ ⵜⵊⵓⵎⵎⴰ ⵏ ⵜⵎⴰⵣⵉⵔⵜ ⵏⵏⴻⵙ.ⴰⵎⴻⵖⵏⴰⵏⴰⵙ ⴰⵔ ⵉⵜⵜⴻⵣⵔⴰⴽ ⵉⵣⴻⵔⴼⴰⵏ ⵏ ⵡⵉ-ⵢⵢⴰⴹ.ⵓⵔ ⴰⵔ ⵜⴻⵏ ⵉⵜⵜⴻⵄⴽⵯⴽⵯⴰⵏ .ⵓⵔ ⴰⵔ ⵜⴻⵏ ⵉⵜⵜⴻⴽⴽⴻⵙ ⵉ ⵉⴷ ⴱⴰⴱⵉⵏ ⵏ ⵓⵎⵓⵔ ⵉⴷⴷⴻⵖ ⵉⴼⵔⴻⴽ ⵙ ⵜⵉⵣⵣⵓⵍⵢⴰ ⵏ ⵓⵣⵔⴻⴼ .ⴰⴷ ⵢⴰⵎⵥ ⴰⵣⵔⴻⴼ ⵏⵏⴻⵙ ⴰⵢⴷ ⵉⵔⴰ ⵓⵔ ⵉⴷ ⴰⴷ ⵜ ⵉⴽⴽⴻⵙ ⵉ ⴱⴰⴱ ⵏⵏⴻⵙ.ⴰⵎⴻⵖⵏⴰⵏⴰⵙ ⴰⵔ ⵉⵜⵜⴰⵙⴻⵢ ⴰⴽⵯⴽⵯⴰ ⵉⵥⵥⴰⵢⵏ .ⵓⵔ ⴷⵊⵉⵏ ⵜ ⵉⴼⴼⵉⵖ ⵓⵏⴻⵣⵡⵓⵎ.ⵜⵓⴷⴻⵔⵜ ⵏⵏⴻⵙ ⵓⵔ ⵜⴳⵉ ⵅⴰⵙ ⴰⵙⴰⵜⴰⵎ ⴳⴻⵔ ⵓⵎⵏⵓⵙ ⴷ ⵓⵎⵏⵓⵙ.ⴰⵔ ⵉⵜⵜⵉⵔⵉ ⴰⴷ ⵉⵙⴽⵓ ⵜⵉⴳⵎⵎⵉ ⵏⵏⴻⵙ ⴷ ⵜⵉ-ⵏ ⵓⴳⴷⵓⴷ ⴰⵙ ⵉⵏⴻⵜⵜⴰ ⵏⵏⵉⴳ ⵓⵙⵎⴻⵏ ⵏ ⵉⵣⴻⵔⴼⴰⵏ .ⴰⵏⴻⵣⵡⵓⵎ ⵏⵏⴻⵙ ⴰⴷ ⵉⵙⵙⴻⵖⴷⴻⵎ ⴰⵎⵙⵓⵜⵢ ⵏⵏⴻⵙ,ⴰⴷ ⵉⵛⴹⵓ ⵉⵍⵍⵉⴼ ⵏ ⵜⵓⴷⴻⵔⵜ ⵜⵓⵖⴷⵉⵎⵜ ⴳ ⵉⵍⵍⴰ ⵓⴳⴷⵓⴱⴹ.ⴰⵔ ⵉⵜⵜⴻⵃⵎⴰⵍ ⴰⴷ ⵉⵙⵙⴻⴳⴷⵓⴱⴹ ⵓⴳⴳⴰⵔ ⵜⵓⴷⴻⵔⵜ ⵍⵍⵉ ⵉⵛⵛⴰⵔ ⴷ ⵡⵉ-ⵢⵢⴰⴹ.ⵉⴳⴰ ⴰⵎⴻⵍⵜⴰⵖ ⴳ ⵓⵎⴰⵜⴰⵖ ⵏ ⵓⵎⵅⴻⵔⴼⴻⴼ.ⴰⵔ ⵉⵜⵜⴻⵏⴰⵖ ⴷ ⵜⴰⵏⵅⴻⵍⵜ ⵏⵏⴻⵙ.ⴰⵏⵓⵎⴽⴰ ⴷ ⵓⵙⴻⵔⵀⵓ ⵏⵏⴻⵙ ⴳⴰⵏ ⴰⴷ ⵉⴷⴷⴻⵔ ⴳ ⵓⴱⵓⵔⵣ ⴷ ⵓⴼⵓⵍⵢ ⴷ ⵜⵉⴳⴳⵓⵔⴳ.ⴰⵎⴻⵖⵏⴰⵏⴰⵙ ⴽⵓⴷ ⵉⵙⵙⴻⴷⵔⴰⴼ ⴰⵜⵜⴰ ⵏⵏⴻⵙ ⵉⵙⵙⴻⴷⵔⴰⴼ ⴰⵎⵙⵓⵜⵢ ⵏⵏⴻⵙ.ⴰⵖⴰⵔⴰⵙ ⵏⵏⴻⵙ ⵓⵔ ⴷⵊⵉⵏ ⵉⵍⵉ ⴰⴷⴰⵙⵉⵙ ⵉⴷⴷⴻⵖ ⵓⵔ ⴷⵊⵉⵏ ⵉⵙⵙⵉⵏ ⵉⵡⴻⵜⵜⴰ ⵏ ⵓⵖⵏⵓⵏⵙ ⵏⵏⴻⵙ.ⵜⵓⴷⴻⵔⵜ ⵖⵓⵔ ⵙ ⵓⵔ ⴷⵊⵉⵏ ⵜⴳⵉ ⵜⵓⴱⵍⵉⵍⵜ,ⵜⴻⵏⵏⴻⴳⵣⴰ ⴰⵍⵉⴹ.ⴰⵢ-ⵏⵏⴰⵖ ⴰⵙ ⴰⵔ ⵉⴽⴽⴰⵜ ⴰⴷ ⴰⵙ ⵉⵇⵇⴻⵏ ⵉⵅⴱⴰ ⴷ ⵉⴱⴻⵅⵙⴰ ⵏⵏⴻⵙ.ⵜⵓⴷⴻⵔⵜ ⵜⵍⴰ ⴰⵍⵉⴹ ⴰⵜⴻⵔⵙ ⴳ ⵜⵜⴰⵡⵖⴻⵏ ⵉⵣⵓⵣⴰⵄ ⵏ ⵓⴳⴰⵏⴷ.ⴰⵎⴻⵖⵏⴰⵏⴰⵙ ⵉⴳⴰ ⵡⴰⵏ ⵓⵙⴻⴼⵔⴰⵙ ⵉⵙⵉⴳⴳⵉⵍⵏ ⴰⵙⴰⴼⴰⵔ ⵉⴳⴰⵏ ⵍⵓⵜⵓ ⵉ ⵉⵜⴻⵔⵙⴰⵏ ⵏ ⵜⵓⴷⴻⵔⵜ.ⵉⵜⵜⵓⵔⴱⴻⴱ ⴰⵍⵉⴹ ⵙ ⵓⵔⵓⴷⵣⴻⵎ ⵉⵍⴰⵏ ⵜⴰⵡⵓⵔⵉ.ⴰⵔ ⵉⵜⵜⴻⵎⵎⴻⵃⵓⴼ ⴷ ⵡⴰⴹⴰⵏ ⴰⵎⵓⵏⴰⵏ. ⵟⴰⴼ ⴰⴷ ⵉⵙⴼⴻⴹ ⵜⵉⵎⵉⵜⴰⵔ ⵏ ⵓⵍⴽⴰⴽ.
Avzzaf mupmmad | Arhazaf Mohammed
- amevnanas :Le militariste.
- ad ihuddu :Défendre.
- acengu :azengu :L’ennemi.
- afna :L’adversaire.
- azebdar :La digue.
- imzazn :Les vagues.
- asnurf :L’injustice.
- ayrri :Le front.
- tadupalt :La paume.
- ad iÇÇenÇu :Convaincre.
- ad yanz :Prosterner.
- asgufsu :La corruption.
- ad iãubr :Céder.
- ad isur :Fixer.
- alextu :L’instant.
- aoccabu :La grande tente.
- ad imzev :Défendre.
- amrig :L’arme.
- azemrur :La colonne vertébrale.
- aserraru :Au sens de la série.
- asäes :La cible.
- tfala :La perche.
- ad isnekmer :Subir.
- askurm :L’emprisonnement.
- ad ittinäar :Reculer.
- ixiti :L’état.
- ad iltev :Adhérer.
- amatav :Le parti.
- ad irmed :Activer.
- ad imoasaq :Polémiquer.
- avdam :La justice.
- asariä :La cause.
- aliä :Toujours.
- asnas :L’application.
- tajumma :La surface.
- ad izrek :Respecter.
- ad iokken :Piétiner.
- ibexsa :Les fissures.
- amsuty :L’entourage.
- asatam :La distance.
- amnus :Le souci.
- ad isku :Construire.
- asmen :Le terrain nu.
- illif :L’odeur.
- tanxelt :La dignité.
- aserhu :L’honneur.
- adasis :La limite.
- ad itturbeb :Etre armé.
- arudzem :La solution.
- tublilt :Parfaite.
- agand :Le mal.
- Asefras :Le médecin.
- lutu :Etre éfficace.
- aäan amunan :La maladie sociale.
- alkak :La faiblesse.
 |
