|
Écrit par Arhazaf Mohammed
|
ⴰⵀⴻⴷⴱⴰⵍ
ⴰⵀⴻⴷⴱⴰⵍ ⵉⴳⴰ ⵜ ⵡⴰ-ⵍⵍⵉ ⵓⵔ ⵉⵍⵛⵉⵎⵏ ⵉⵡⴰⵜⵉⵙⵏ ⵏⵏⴻⵙ.ⵉⴳⴰ ⵜ ⵡⴰ-ⵏⵏⴰ ⵉⵜⵜⵉⵏⵉⵏ ⵉⵙ ⵓⵔ ⵖⵓⵔ ⵙ ⴰⵣⵔⴻⴼ ⵏ ⵓⵛⴰⴳⵉⵍ ⴳ ⵓⵙⴻⵏⴼⴰⵔ ⵏ ⵓⵙⵉⴷⴼ ⵏ ⵉⵍⵙ ⴰⵎⴰⵣⵉⵖ ⴳ ⵓⵙⵓⵏⴰⴹ ⵏ ⵓⵙⵙⴻⵍⵎⴻⴷ.ⴰⵀⴻⴷⴱⴰⵍ ⵉⴳⴰ ⵜ ⵡⴰ-ⵍⵍⵉ ⵓⵔ ⵉⵍⵉⵏ ⴰⵡⴷⵢⴰⵏ ⵓⵖⴰⵡⵉⵙ ⴰⵙⵓⵖⴰⵖ ⵏ ⵓⵙⴻⵏⴼⴰⵔ ⴷⴷⴻⵖ.ⴰⵙⵉⴷⴼ ⵏ ⵉⵍⵙ ⴷ ⵓⴷⴰⵍⵉⵙ ⴰⵎⴰⵣⵉⵖ ⵙ ⵓⵖⴻⵔⴱⴰⵣ ⴰⵎⴻⵔⵔⴰⴽⵓⵛⴰⵏ ⵉⴳⴰ ⴰⵙⴰⴽⵉⵔ ⵓⴷⵢⵉⵏ.ⵎⴰⵛⴰ ⴰⵀⴻⴷⴱⴰⵍ ⴰⵔ ⵉⵙⵙⵉⵖⵉⵍ ⵉ ⵎⴻⴷⴷⴻⵏ ⵉⵙ ⵉⵙⵎⵓⵔⵙ ⴳ ⵓⵙⵉⴷⴼ ⵏⵏⴻⵙ,ⴳ ⵓⵙⴻⵔⵙⴻⵍ ⵏⵏⴻⵙ.ⴰⵔ ⴰⵙⴻⵏ ⵉⵙⵙⵉⵖⵉⵍ ⵉⵙ ⵉⵙⵙⴻⵏⵛⴰ ⴰⵖⴻⵔⴱⴰⵣ ⵓⵖⵍⵉⵏ ⵉⵙⵙⵉⵛⵉⵣⵏ ⵙ ⴰⴽⵯ ⵉⴼⴻⵔⴷⴰⵙⵏ ⵏ ⵜⵏⴻⵜⵜⵉⵜ ⴳ ⵜⵎⴰⵣⵉⵔⵜ ⵏⵏⴻⵖ.ⴰⵀⴻⴷⴱⴰⵍ ⴰⵔ ⵉⵜⵜⴻⴼⴼⴻⵔ ⵉⵙ ⵓⵔ ⵉⵣⵎⵉⵔ ⴰⴷ ⵉⵙⵎⴰⵜⴰ ⴰⵙⵙⴻⵍⵎⴻⴷ ⵏ ⵉⵍⵙ ⴰⵎⴰⵣⵉⵖ,ⵉⵙ ⵓⵔ ⴰⵙ ⵉⴼⴽⵉ ⵅⴰⵙ ⴰⵙⴰⵔⵉⵙ ⵏ ⵜⵡⴰⵢⵢⴰ ⵉⵙⵔⵉⵔⵔⵉⵢⵏ ⴰⵍⵎⵎⵓⴷ ⵏ ⵍⴰⵍⵍⴰ ⵏⵏⴻⵙ ⵜⴰⵄⵔⴰⴱⵜ.ⴰⵀⴻⴷⴱⴰⵍ ⵓⵔ ⵉⵣⵎⵉⵔ ⴰⴷ ⵢⵉⵏⵉ ⵙ ⵡⴰⵡⴰⵍ ⴰⵛⵔⴰⵔⴰⴷ ⵉⵙ ⵉⵙⵙⴻⵍⴽⴰ ⵉⵍⵙ ⴷ ⵓⴷⴰⵙⵉⵍ ⴰⵎⴰⵣⵉⵖ ⵎⴻⵇⵇⴰⵔ ⴰⵔ ⵉⵜⵜⴰⵡⴻⵖ ⴳ ⵓⴷⵓⵙⴽⵓ ⵏⵏⴻⵙ ⵏ ⵉⴷⴻⵇⵇⵉ.ⴰⵀⴻⴷⴱⴰⵍ ⵓⵔ ⵉⵔⵉ ⴰⵙⵎⵓⵔⵙ ⵅⴰⵙ ⵉ ⵉⵍⵙ ⵏⵏⴻⵙ.ⴰⵀⴻⴷⴱⴰⵍ ⵉⵔⴰ ⴰⴷ ⵢⵉⵏⵉ ⵉ ⵉⴳⴷⵓⴷⵏ ⵏ ⵓⵖⴻⵣⵡⴰⵔ ⵉⵙ ⵉⵔⴰ ⴰⴷ ⵉⵙⴻⴳⴷⵓⴱⴻⴹ ⵜⵓⴷⴻⵔⵜ ⴳ ⵜⵎⴰⵣⵉⵔⵜ.ⴰⵀⴻⴷⴱⴰⵍ ⴰⵔ ⵉⵜⵜⴻⵖⵎⵓ ⵜⵉⵡⴻⵔⵖⵉⵡⵉⵏ ⵏ ⵓⴷⵎ ⵏⵏⴻⵙ ⵙ ⵉⵅⴰⵏⵉⴷⵏ ⵏ ⵉⵃⴻⵏⵊⵉⵔⵏ.ⴰⵔ ⵉⵜⵜⵉⵏⵉ ⵉⵙ ⵉⵙⵙⵉⴷⴼ ⵜ ⵙ ⵓⵖⴻⵔⴱⴰⵣ ⵎⴰⵛⴰ ⵓⵔ ⵢⵓⴼⵉ ⵎⴰⵢⴷ ⵜ ⵉⵙⵙⴻⵍⵎⴰⴷⵏ.ⴰⵀⴻⴷⴱⴰⵍ ⵓⵔ ⵉⵔⵉ ⵅⴰⵙ ⴰⵀⴻⴷⴱⴻⵍ ⵉ ⵉⵍⵙ ⴷ ⵓⴷⴰⵍⵉⵙ ⴰⵎⴰⵣⵉⵖ ⵉⴷⴷⴻⵖ ⵉⵙⴻⵎⵙⵏ ⵜ ⵜⴰⴼ ⴰⴷ ⵉⴳ ⴰⴽⵍⵉ ⵉ ⵉⵍⵙ ⴰⵄⵔⴰⴱ.ⴰⵀⴻⴷⴱⴰⵍ ⵓⵔ ⵢⵓⵛⵉ ⵉⵙ ⵉⵀⴻⴷⴱⴻⵍ ⴳ ⵓⵙⵙⴻⵍⵎⴻⴷ ⵏ ⵉⵍⵙ ⴰⵄⵔⴰⴱ ⴷ ⵓⴷⴰⵍⵉⵙ ⵏⵏⴻⵙ.ⴰⵔ ⵉⵜⵜⴻⵜⵜⵓ ⵎⴰⵢⴷ ⴰⵙ ⵉⵏⵏⴰ ⴰⵍⵍⴰⵀ ⴳ ⵓⴷⵍⵉⵙ ⵏⵏⴻⵙ ⴰⴼⵓⵣⴰⵍ : « ⵉⵎⵛⵉ ⵏⵏⴰ ⵜⴻⵙⵎⵓⵜⵜⴻⵍⴷ ⴰⴷ ⵜⴻⵜⵜⵓⵙⵎⵓⵜⵜⴻⵍⴷ ».ⴽⵓⴷ ⵉⵔⴰ ⴰⵀⴻⴷⴱⴻⵍ ⵉ ⵜⵎⴰⵣⵉⵖⵜ ⵓⵔ ⵉⵎⴳⵉⵔ ⵅⴰⵙ ⴰⵀⴻⴷⴱⴻⵍ ⴳ ⵓⵙⴻⵏⴼⴰⵔ ⵏⵏⴻⵙ ⵏ ⵓⴽⵏⴰⵡ ⵏ ⵓⵙⵙⴻⵍⵎⴻⴷ.ⵓⵔ ⵢⵓⵛⵉ ⴷ ⵉⵖⴼ ⵏⵏⴻⵙ ⴽⵓⴷ ⵉⵖⴰⵍ ⵉⵙ ⵉⵙⵎⵓⵔⵙ ⴰⵍⵍⴻⵢ ⵉⵙⵓⵔⵜⴰ ⵜ ⵓⴷⵙⵉ ⴰⴳⵔⴰⵖⵍⴰⵏ ⴳ ⵜⴼⴻⵙⵏⴰ ⵜⴰⵎⴻⴳⴳⴰⵔⵓⵜ.ⴰⵙⴻⵏⴼⴰⵔ ⵏⵏⴻⵙ ⵏ ⵓⴽⵏⴰⵡ ⴳ ⵜⴰⵖⵣⵉ ⵏ ⵎⵔⴰⵡ ⵏ ⵉⵙⴻÅÅⴰⵙⵏ ⵉⴱⴻⴷⴷⴰ ⴳ ⵓⵙⴰⵡⵏ ⴰⵎ ⵓⵖⵢⵓⵍ ⵎⵉ ⵉⴼⵔⴻⵖ ⵓⵛⵡⴰⵔⵉⵢ.ⵉⵔⴰ ⵓⵀⴻⴷⴱⴰⵍ ⴰⴷ ⵉⵙⵙⵉⵙⵜⵍ ⵓⵎⵏⴰⴷ ⴰⵢⴼⴼⴰⵙ ⵏ ⵓⵛⵡⴰⵔⴻⵢ ⵏ ⵜⴻⵄⵔⴰⴱⵜ ⴰⵀⴰ ⵉⴱⴻⴷⴷ ⵓⵖⵢⵓⵍ ⵏⵏⴻⵙ ⴳ ⵓⵙⴰⵡⵏ ⵉⵙⵙⵉⴳⴳⴰⵏ ⵖⵉⴼ ⵜⵉⵣⵉ ⵏ ⵓⵙⴻÅÅⴰⵙ ⵡⵉⵙ-ⵎⵔⴰⵡ.ⵉⴱⴻⴷⴷⴰ ⵓⵖⵢⵓⵍ ⵢⵓⵙⵉⵏ ⴰÅÅⴰ ⵓⵔ ⵉⴳⵉⵏ ⵡⵉ-ⵏⵏⴻⵙ.ⵓⵔ ⵢⵓⴼⵉ ⵓⵀⴻⴷⴱⴰⵍ ⵅⴰⵙ ⴰⴷ ⵢⴰⵍⴷ ⴰⵖⵢⵓⵍ ⵙ ⵜⵉⵀⵉⵔⵉⵜ.ⵉⵇⵇⴻⵏ ⴰⵍⵍⴻⵏ ⵖⵉⴼ ⵉⵍⵙ ⴰⵎⴰⵣⵉⵖ .ⵉⵔⴰ ⵣⴻⴳ ⵓⵎⴻⵃⵔⴰⵢ ⴰⴷ ⵉⵙⵙⵓⴷⵓ ⵜⵉⵀⵉⵔⵉⵜ ⴷⴷⴻⵖ ⵙ ⵉⵍⵙ ⵍⵍⵉ ⵉⴷⵔⵓⵙ ⵎⴰⵢⴷ ⵜ ⵉⵙⵙⴻⵏ .ⵉⵔⴰ ⵣⴻⴳ ⵓⵙⴻⵍⵎⴰⴷ ⴰⴷ ⵉⵙⵙⴻⵍⵛⴻⵎ ⵜⴰⵙⵓⵜⴰ ⵜⴰⵎⴰⵢⵏⵓⵜ ⵙ ⵜⵏⴻⵜⵜⵉⵜ ⵜⴰⵄⵔⴰⴱⵜ ⵜⴰⵏⴻⵙⵍⴻⵎⵜ ⵓⵔ ⵉⵎⵙⴰⵙⴰⵏ ⴷ ⵓⴱⵔⵉⴷ ⵏⵏⴰ ⴳⵉⵙ ⵉⵔⴰ ⴰⴷ ⵜⴻⵙⴽⵓⵔⴽⴻⵏⵏⵉ .ⵉⴽⴽⴻⵙ ⴰÅÅⴰ ⵏ ⵜⵎⴰⵣⵉⵖⵜ ,ⵓⵔ ⴰⵙ ⵉⵔⵉ ⴰⵣⵓⴱⴷⵓ ⵎⴻⵇⵇⴰⵔ ⴰⵔ ⵉⵜⵜⵉⵔⴼⵜⵉⵍ ⵓⵎⵓⴷⴰⵔ ⵍⵍⵉ ⵜ ⵢⵓⵙⵉⵏ.ⵙ ⵜⵉⵀⵉⵔⵉⵜ ⵜⴰⵅⴻⵔⵛⴰⵛⵜ ⴰⵙ ⵉⵔⴰ ⵓⵀⴻⴷⴱⴰⵍ ⴰⴷ ⵉⵙⵙⴻⵍⵛⴻⵎ ⵜⴰⵙⵓⵜⴰ ⵜⴰⵎⴰⵢⵏⵓⵜ ⵙ ⵉⵙⵓⵖⴰⴷ ⵏⵏⴻⵙ.ⴰⵖⴰⵡⵉⵙ ⵏⵏⴻⵙ ⵓⴱⵟⵉⵔ ⴰⵔ ⵉⵙⵜⵜⴻⵔⴼⵓⵙ ⴰⵎ ⵓⴷⴻⵔⵖⴰⵍ ⵓⵔ ⵉⵙⵙⵉⵏ ⴰⴱⵔⵉⴷ ⵉⵟⴻⵎⵏⴰⵏ ⵉⵜⵜⴰⵡⵉⵏ ⵙ ⵓⵖⴻⵔⴱⴰⵣ ⵓⵖⵍⵉⵏ ⵢⴰⴽⴽⴰⵏ ⴳ ⵜⵉⴳⵉⵔⴰ ⵏⵏⴻⵙ ⴰⵏⴻⵍⵎⴰⴷ ⴰⵏⴰⵎⵓⵔ ⵉⴼⵓⵃⵔⵔⴰⵏ ⵙ ⵜⵏⴻⵜⵜⵉⵜ ⵜⴰⵎⴰⵣⵉⵖⵜ ⴷ ⵜⴻⵄⵔⴰⴱⵜ ⵜⴰⵏⴻⵙⵍⴰⵎⵜ.ⴰⵖⴰⵡⵉⵙ ⵏ ⵓⵀⴻⴷⴱⴰⵍ ⴰⵔ ⵉⵙⵃⵉⵔⵊⴷⵉⵍ ⵙ ⵢⴰⵏ ⵓⴹⴰⵔ ⵉⴷⴷⴻⵖ ⵉⵙⴽⵓⵛⵎ ⴰⵙ ⵡⴰ-ⵢⵢⴰⴹ.ⴰⵀⴻⴷⴱⴰⵍ ⵉⵔⴰ ⵣⵉ ⵓⵙⴻⵍⵎⴰⴷ ⴰⴷ ⵉⵃⵔⴻⵢ ⵜⵉⵀⵉⵔⵉⵜ ⵎⵉ ⵓⵔ ⴱⵣⵉⵏⵜ ⵛⵔⴰⵟ ⵜⵉⵛⵛⴻⴽⵔⴰⵔ,ⵎⵉ ⵜⴻⴽⵛⴻⵎ ⵜⴰⵏⵉⴽⵜ ⵉⵙⵉⵎⴷⴻⵢ ⵏⵏⴻⵙ ,ⵎⵉ ⵓⵔ ⵜⵜⴻⵢⴰⵔⴰⵏⵜ ⵜⵎⵉⵜⴰⵔ ⵏⵏⴻⵙ ⵙ ⵉⵍⵙ ⴰⵏⴰⵎⴰⵢ ⵍⵍⵉ ⵓⵛⵣⴻⵏ ⵛⵉⴳⴰⵏ ⵏ ⵉⵏⴻⵍⵎⴰⴷⵏ.ⵜⵉⵀⵉⵔⵉⵜ ⴷⴷⴻⵖ ⵜⴰⵣⴰⵢⴽⵓⵜ ⵎⵉ ⵉⵔⴰ ⴰⵀⴻⴷⴱⴰⵍ ⴰⴷ ⵜⴽⵓⵏⵙⴻⵔ ⴳ ⵓⵖⴰⵢⴰⵏ ⵉⴳⴳⵓⴼⵉⵏ ⵓⵔ ⵜⴻⵏⵏⵉ ⴰⴷ ⵜⴻⵏⵢⵓⴷⴷⵓ ⵙ ⵢⴰⵜ ⵜⵛⴻⴽⵔⵉⵔⵟ.ⴰⵀⴻⴷⴱⴰⵍ ⵉⵙⴽⵓⵛⵎ ⵉⵍⵙ ⴰⵎⴰⵣⵉⵖ ⴰⵀⴰ ⴰⵔ ⵉⵜⵜⴻⴼⵓⵃⵔⵔⵓ ⵙ ⵓⵙⵎⵓⵔⵙ ⵏⵏⴻⵙ ⵎⴰⵛⴰ ⵓⵔ ⵉⵃⵓⵍⴼⵓ ⵉⵙ ⵉⵙⴽⵓⵛⵎ ⵉⵍⵙ ⵏⵏⴻⵙ ⵉⴷⴷⴻⵖ ⵙ ⵓⵀⵓⵛⵍ ⵉⴳⴰ ⵜ ⴷ ⴰⴽⴻⵔⵡⴰ ⵏ ⵉⵍⵙ ⴰⵎⴰⵣⵉⵖ.ⵓⵔ ⵉⵔⵉ ⴰⴷ ⵢⴰⵛⴻⵢ ⵉⵙ ⴽⵓⴷ ⵉⵙⵙⴻⵍⴽⵓ ⵉⵍⵙ ⴷ ⵓⴷⴰⵍⵉⵙ ⴰⵎⴰⵣⵉⵖ ⴰⵔ ⵉⵙⵙⴻⵍⴽⵓ ⵡⵉ-ⵏⵏⴻⵙ.ⵉⴳⴰ ⵓⵀⴻⴷⴱⴰⵍ ⵉⴳⴰⵏ ⴰⴼⴻⵏⵟⴰⵣ ⵓⵔ ⴰⵔ ⵉⵜⵜⵉⵥⵉⵔ ⴰⵎⵙⵓⵜⵢ ⵏⵏⴻⵙ ⵙ ⵡⴰⵍⵍⴻⵏ ⵏ ⵓⵙⴷⴰ.ⴰⵀⴻⴷⴱⴰⵍ ⴰⵎ ⵡⴰ ⵓⵔ ⵉⵏⵏⵉ ⴰⴷ ⵉⵏⵣⴻⴹ ⵣⴻⴳ ⵡⴰⵔⴰⵎ ⵉⴽⴽⴰⵏ ⵖⵉⴼ ⵙ.ⴰⵀⴻⴷⴱⴰⵍ ⴰⵎ ⵡⴰ-ⴷⴷⴻⵖ ⵓⵔ ⵙⴰⵔ ⵉⵎⴹⵉ ⴰⵎⴹⴰ ⵏ ⵓⵙⵎⵓⵔⵙ ⵉⴷⴷⴻⵖ ⴰⵔ ⵉⴳⴻⵎⵎⴻⵔ ⵉⵙⴻⵍⵎⴰⵏ ⴳ ⵜⵏⴻⵣⵔⵓⴼⵜ.ⴰⵀⴻⴷⴱⴰⵍ ⵓⵔ ⵉⵊⵊⵓⵊⵊⵉⵏ ⵜⴰⵙⴻⵏⴷⵓⴱⴻⵏⵜ ⵏⵏⴻⵙ ⵣⴻⴳ ⵓⵙⴻⵍⴽⵓ ⵏ ⵓⵡⴰⵢⴻⵟ ⵓⵔ ⵉⵏⵏⵉ ⴰⴷ ⵉⵙⵙⴻⵍⵛⴻⵎ ⵜⵉⵙⵓⵜⵉⵡⵉⵏ ⵙ ⵜⵉⵣⵉ ⵏ ⵉⵎⵏⴰⵢⵏ ⵉⵜⵜⴻⵎⵣⴰⵖⵏ ⵜⴰⵏⵜⵜⵉⵜ ⵜⴰⵎⴰⵣⵉⵖⵜ ⵜⴰⵄⵔⴰⴱⵜ ⵜⴰⵏⴻⵙⵍⴻⵎⵜ.ⵓⵔ ⵉⵏⵏⵉ ⴰⴷ ⵉⵙⴳⵓⵟⵟⴻⵢ ⵅⴰⵙ ⵜⵉⵙⵓⵜⵓⵡⵉⵏ ⵉⵙⵙⴻⵍⴽⵓⵏ ⴰⵖⴰⵍⴰⵏ ,ⵜⴰⵢⵙⵉ,ⵜⴰⴽⴰⵙⵉⵜ ⵜⴰⴷⴻⵍⵙⴰⵏⵜ,ⵜⴰⵏⴻⵜⵜⵉⵜ ⵏⵙⴻⵏⵜ.ⴰⵀⴻⴷⴱⴰⵍ ⴰⴼⴻⵏⵟⴰⵣ ⵉⴼⵓⵃⵔⵔⵓⵏ ⵙ ⵓⵙⵎⵓⵔⵙ ⵓⵔ ⵉⵏⵏⵉ ⴰⴷ ⵉⵙⵙⴻⵍⵛⴻⵎ ⵜⵉⵙⵓⵜⵉⵡⵉⵏ ⵏ ⵜⵎⴰⵣⵉⵔⵜ ⵏ ⵎⴻⵔⵔⴰⴽⵓⵛ ⵅⴰⵙ ⵙ ⴰⵔⵡⴰⵙ.ⴰⵀⴻⴷⴱⴰⵍ ⵓⵔ ⵉⵍⵉ ⵅⴰⵙ ⴰⵖⴰⵡⵉⵙ ⵏ ⵓⵀⴻⴷⴱⴻⵍ ⵉⴷⴷⴻⵖ ⵉⵙⵙⴻⵏⵛⴰ ⴰⵖⴰⵡⵉⵙ ⵏⵏⴻⵙ ⵓⴱⵟⵉⵔ ⵙ ⵓⵣⴻⴱⴷⴰⵔ ⵉⴳⴰ ⴷⴰⵜ ⵓⵙⴻⵍⵎⴻⴷ ⵏ ⵜⵎⴰⵣⵉⵖⵜ ⴷ ⵓⵙⵓⵙⵙⴻⵏ ⵏ ⵓⴷⴰⵍⵉⵙ ⵏⵏⴻⵙ.ⴰⵀⴻⴷⴱⴰⵍ ⴰⵔ ⵉⵙⴷⵓⵍⴼⵓ ⴳ ⵓⵖⴰⵔⴰⵙ ⵓⵇⵎⵉⵔ.
Avzzaf mupemmad | Arhazaf Mohammed
ahedbal :Celui qui échoue.Tawalt-com. Amawal n Idder n lybie.
iwatisn :Les buts.
acagil :L’erreur.
asenfar :Le projet.
asunaÄ :Le système.
avawis :Le plan.
asuvav :Le transparent.
asersel :La fixation.
ad ismuttel :Condamner.
averbaz :L’école.
udyin :Historique.
issenca :Fonder.
uvlin :National.
ubÏir :L’urgent.
iferdasn :Les éléments.
tanttit :L’identité.
ad ismata :Généraliser.
ad isrirey :Faciliter.
twayya :La servitrice.
acrarad :Le vrai.
ad isselku :Mépriser.
adusku :Le plateau.
avezwar :L’univers.
ad isegdubÄ :Proposé pour démocratiser..
axanid :L’excuse.
ipenjirn :Les enfants.
ad isemsen :Obliger qqn à rendre un service.
aknaw :Le réparation.
isurta :Classer.
idsi :L’organisation.
agravlan :International.
ad yald :Remplacer.
iÏemnan :Plat.
isimdey :Proposé pour le moteur.
anamay :Maternel.
ikunser :Démarrer.
avayan :Le virage.
tasuta :La génération.
ad iskurkenni :Rouler.
azubdu :La continuité.
ar ittireftil :Trébucher.
tihirit :La voiture.
taxercact :tihirit taxercact :La vielle voiture.
isuvad :Les objectifs.
ar istterfus :Tâtonner.
ifuperran :Etre vantard.
ad ipulfu :Sentir.
avawis :Le plan.
ar ispirejdil :Boîter.
iskucm :Rendre paralysé.
ibzey :Gonfler.
ticcekrar :Les roues.
tanikt :La rouille.
ahucl :L’obligation.
akerwa :Le patron.
akli :Le serviteur.
amsuty :L’entourage.
inzeÄ :Au sens de tirer des leçons.
aram :L’expérience.
tanezruft :Le désert.
isguÏÏey :Couver.
avalan :La nation.
taysi :Le patrimoine.
takasit :L’héritage.
arwas :L’enfer.
azebdar :La digue.
ar isdulfu :Tâtonner.
uqmir :Etroit.
 |
|
|
