Afegrac: Le courageux en tifinagh |
|
Écrit par Arhazaf Mohammed
|
ⴰⴼⴻⴳⵔⴰⵛ
ⴰⴼⴻⴳⵔⴰⵛ ⵓⵔ ⴷⵊⵉⵏ ⵉⴽⵯⴽⵯⵉⴷ ⵣⴻⴳ ⵉⵣⴻⵔⴼⴰⵏ.ⴰⴼⴻⴳⵔⴰⵛ ⵢⵓⵙⴻⵢ ⴳ ⵓⴷⵎ ⵏⵏⴻⵙ ⵜⵉⴼⵉⵔⴰⵙ ⵏ ⵓⵏⵓⵎⴽⴰ.ⴰⴼⴻⴳⵔⴰⵛ ⵓⵔ ⴰⵔ ⵜ ⵉⵙⵙⴻⵅⵍⴰⵄ ⵓⵙⴷⵉⴷⴷⴻⵢ ⵏ ⵛⴰ ⵏ ⵓⵎⵉⵣⵉ ⴰⴽⵯ ⵎⴰⵢⴷ ⵉⴳⴰ ⵓⵖⴱⴰⵍⵓ ⵏⵏⴻⵙ.ⴰⴼⴻⴳⵔⴰⵛ ⵉⴼⵔⴻⴽ ⵙ ⵜⵓⴷⴻⵔⵜ ⵜ ⵉⵛⵛⴰⵔⵏ ⴷ ⵉⴳⴷⵓⴷⵏ ⴷ ⵉⵢⴻⵜⵎⴰⵏ ⵢⴰⴹⵉⵏⵉⵏ.ⴰⴼⴻⴳⵔⴰⵛ ⴰⵔ ⵢⴰⴽⴽⴰ ⵜⴰⵖⴰⵎⵜ ⵉ ⴱⴰⴱ ⵏⵏⴻⵙ.ⴰⴼⴻⴳⵔⴰⵛ ⵓⵔ ⵉⵙⵙⵉⵏ ⵅⴰⵙ ⵢⴰⵏ ⵓⴱⵔⵉⴷ ⵉⵟⴻⵎⵏⴰⵏ.ⵓⵔ ⵉⵙⵙⵉⵏ ⵜⵉⵅⵏⵏⵓⴱⴰⵙ,ⵓⵔ ⵉⵙⵙⵉⵏ ⴰⵅⴻⵍⵡⴻⴹ.ⵉⴼⵔⴻⴽ ⴰⵍⵉⴹ ⵙ ⵓⴹⵓⵍⵍⴻⵢ ⵏ ⵜⵓⴷⴻⵔⵜ ⴰⴽⴻⴷ ⵎⴻⴷⴷⴻⵏ.ⴰⴼⴻⴳⵔⴰⵛ ⵓⵔ ⴰⵔ ⵉⵜⵜⴻⴽⵯⴽⵯⴻⴷ ⵣⴻⴳ ⵓⵎⴻⵣⴷⵉ ⵏⴻⵖ ⴱⴻⵔⵔⴰⵏⵉⵢ.ⴰⴼⵓⵙ ⵏⵏⴻⵙ ⵉⴳⴰ ⴰⵙ ⴰⵙⴻⴳⵜⵓⵔ ⵉⵜⵜⴻⴱⴱⵉⵏ ⵉⵃⴻⵔⵊⴰⴹ ⵏ ⵉⵛⴻⵏⴳⴰ.ⵉⵍⵙ ⵏⵏⴻⵙ ⵉⴳⴰ ⴰⵙ ⴰⵡⴰⵍ ⴰⵙⵓⵖⴰⵖ .ⵓⵔ ⴰⵔ ⵉⵜⵜⵉⵙⵉⵏ ⴰⴷ ⵢⵓⵖⵓⵍ ⴰⵡⴰⵍ ⵏⵏⴻⵙ ⵉⴷⴷⴻⵖ ⵓⵔ ⵜ ⵉⵙⵙⵓⴼⵉⵖ ⴰⵍⵍⴻⵢ ⵉⵙⵙⴻⵏⴷⴰ ⵜ ⴳ ⵓⴳⴻⵣⴹⴻⵏ ⵏⵏⴻⵙ.ⴰⴼⴻⴳⵔⴰⵛ ⵓⵔ ⵉⵍⵉ ⵅⴰⵙ ⵢⴰⵏ ⵡⴰⵡⴰⵍ.ⴰⴼⴻⴳⵔⴰⵛ ⵓⵔ ⴰⵔ ⵉⵙⵃⵉⵍⵍⵉⵍ ⵖⵉⴼ ⵎⴻⴷⴷⴻⵏ ⵜⴰⴼ ⴰⴷ ⵉⵃⴱⵉⴱⴻⴹ ⴰⵙⴻⴷⵔⴻⵎ ⵏⵏⴻⵙ.ⵉⵖⴰⵜⵉⵙⵏ ⵏⵏⴻⵙ ⵇⵇⵓⵏⵛⵟⴻⵔⵔⴰⵏ .ⴰⵔ ⵉⵜⵜⴻⴱⴷⴰⴷ ⵜⵓⴱⴷⴷⴰ ⵏ ⵓⴷⵔⴰⵔ ⴷⴰⵜ ⵉⵛⴻⵍⴹⵉⵢⵏ.ⴰⵔ ⵉⵜⵜⴻⵎⵏⴰⵍⴰ ⴷ ⵓⵛⴻⵏⴳⵓ,ⵓⴷⵎ ⵙ ⵓⴷⵎ.ⵓⵔ ⴷⴰ ⵉⵔⴻⵥⵥⴰ ⴰⵡⴰⵍ ⵏⵏⴻⵙ.ⴰⴼⴻⴳⵔⴰⵛ ⴰⵔ ⵉⵜⵜⴰⵛⵣ ⵜⵉⵣⵣⵓⵍⵢⴰ ⵏ ⵓⵏⵓⵎⴽⴰ,ⵏ ⵜⵉⴳⴳⵓⵔⴳ,ⵏ ⵓⴼⵓⵍⵢ.ⴰⴼⴻⴳⵔⴰⵛ ⵓⵔ ⴰⵔ ⵉⵜⵜⵉⵃⵎⵉⵍ ⴰⴷ ⵉⴷⴷⴻⵔ ⴳⴰⵔ ⵜⵓⴷⴻⵔⵜ.ⴰⴼⴻⴳⵔⴰⵛ ⵓⵔ ⴰⵔ ⵢⴰⵟⵟⵓ ⴷ ⵓⴱⵓⵔⵣ.ⵓⵔ ⴷⵊⵉⵏ ⵉⵎⵙⴰⵙⴰ ⴷ ⵜⵉⵔⵉⵣⵣⴰ.ⵓⵔ ⴰⵔ ⵢⴰⴽⴽⴰ ⵜⴰⴷⴰⵡⵜ ⵏⵏⴻⵙ ⵉ ⵜⴰⵔⵉⴽⵜ ⵡⴰⵍⴰ ⵉⴼⴽⴰ ⵉⵎⵉ ⵏⵏⴻⵙ ⵉ ⵓⵍⴳⴰⵎⵓ.ⴰⴼⴻⴳⵔⴰⵛ ⵉⵙⵙⴻⵏ ⴰⵣⵔⴻⴼ ⵏ ⵓⵎⵅⴻⵔⴼⴻⴼ..ⵉⵣⵎⵓⵍⵏ ⵏ ⵉⵜⴻⵔⵙⴰⵏ ⵏⵏⴻⵙ ⴳⴰⵏ ⵉⴷⴰⵍⵉⴳⵏ ⵏ ⵓⴱⵓⵔⵣ.ⵓⵔ ⴰⵔ ⵉⵜⵜⵉⵏⴹⴰⵔ ⴷⴰⵜ ⵓⵎⵉⵣⵉ.ⴰⵔ ⵉⵙⴻⴽⵙⵉⵡ ⵙ ⵉⴳⴻⵏⵏⴰ.ⴰⵔ ⵉⵙⵙⴻⴷⴽⴰⵍ ⴰⵇⴻⵔⵔⵓ ⵏⵏⴻⵙ ⵙ ⵉⵊⵊⴻⵢⴰⵍ.ⵉⵃⵎⵎⴻⵇ ⵙ ⵜⵓⴷⴻⵔⵜ ⵏ ⵓⵣⴰⴷⴰⵔ.ⴰⴼⴻⴳⵔⴰⵛ ⵓⵔ ⴰⵔ ⵉⵜⵜⴻⴽⴽⴻⵙ ⵉ ⵓⵡⴰⵢⵟ ⴰⵎⵓⵔ ⵏⵏⴻⵙ ⴳ ⵜⵓⴷⴻⵔⵜ.ⴰⵔ ⵉⵙⴻⵎⵙⴰⵙⴰ ⵜⵓⴳⴳⴰ ⵏⵏⴻⵙ ⴷ ⵓⵙⴷⴰ.ⴰⴼⴻⴳⵔⴰⵛ ⵓⵔ ⴷⵊⵉⵏ ⵉⵍⵙⵉ ⴰⵙⴻⵖⵏⵓⴷⵎ ⵜⴰⴼ ⵉⵙⴻⵏⵃⵓⴼⴼⴻⵔ ⴰⵙⴷⴷⵉⵔⵏ ⵏⵏⴻⵙ.ⴰⵢ-ⵏⵏⴰ ⵉⵖⵜⴻⵙ ⵢⴰⵔⵓ ⵜ ⵖⵉⴼ ⵓⴷⵎ ⵏⵏⴻⵙ ⵙ ⵓⵙⴽⴽⵉⵍ ⴰⵣⵔⴰⵔⴰⵇ.ⴰⴼⴻⴳⵔⴰⵛ ⵓⵔ ⴷⵊⵉⵏ ⵉⴳⴷⵉⵍ ⵛⴰ ⴰⴷ ⵉⵙⴰⵡⵍ,ⴰⴷ ⵉⵙⵡⵉⵏⴳⵎ ⵙ ⵉⵍⵙ ⵏⵏⴻⵙ.ⴰⴼⴻⴳⵔⴰⵛ ⵓⵔ ⴰⵔ ⵉⵔⴽⵯⴽⵯⴻⵍ ⵣⴻⴳ ⵓⴳⵏⵓ ⴷ ⵓⵏⵊⵓⴳ.ⴰⵔ ⵉⵙⴻⵔⵔⴻⵢ ⵉⵍⴰⵟⵟⴻⵏ ⵙ ⵓ-ⵏⵏⴰ ⵢⵓⴼⴰ.ⴰⴼⴻⴳⵔⴰⵛ ⵓⵔ ⴰⵔ ⵉⵜⵜⴻⵖⵎⵓ ⵓⴷⵎ ⵏⵏⴻⵙ ⵙ ⵉⵏⵉⵍⵏ ⵏⵏⴰ ⵔⴰⵏ ⵡⵉ-ⵢⵢⴰⴹ ⵎⴰⵔ ⴰⴷ ⵉⵎⵢⴰⵡⴰⵢ ⴷ ⵉⴷⵙⴻⵏ .ⴰⴼⴻⴳⵔⴰⵛ ⴰⵔ ⵉⵙⵙⴻⴹⵔⴰⵔ ⴰⵖⴰⵜⵉⵙ ⵏⵏⴻⵙ .ⴰⵔ ⵉⵜⵜⴰⵙⴻⵢ ⵖⵉⴼ ⵉⵖⵉⵔ ⵏⵏⴻⵙ ⵉⴳⴰⵎⵉⴹⵏ ⵏ ⵓⵖⵜⴰⵙ ⵏⵏⴻⵙ.ⵓⵔ ⴰⵔ ⵉⵜⵜⴻⴼⴼⴻⵔ ⵓⴷⵎ ⴳ ⵉⴳⵉⴷⵓ ⴰⵎ ⵓⵏⵀⵉⵍ.ⴰⴼⴻⴳⵔⴰⵛ ⵓⵔ ⴰⵔ ⵉⵜⵜⴻⴽⵙⵓⵟ ⵣⴻⴳ ⵓⵡⴰⵢⵟ ⴰⴷ ⴰⵙ ⵉⴽⴽⴻⵙ ⵜⵓⴷⴻⵔⵜ ⵉⴷⴷⴻⵖ ⵉⵙⵙⴻⵏ ⴰⴷ ⵉⵎⵣⴻⵖ ⵉⵍⵉ ⵏⵏⴻⵙ.ⴰⴼⴻⴳⵔⴰⵛ ⵓⵔ ⴰⵔ ⵉⵜⵜⴻⵎⵙⴰⵙⴰ ⴷ ⵓⵣⴱⴰⵍⵍⴰⵖ.ⴰⴼⴻⴳⵔⴰⵛ ⵉⴼⵓⵍⴻⵢ ⵙ ⵓⵖⴰⵜⵉⵙ.ⴰⴼⴻⴳⵔⴰⵛ ⵉⴳⴰ ⴰⴳⵓⵔⴳⴰⵏ ,ⴰⴼⵓⵍⴰⵢ,ⴰⵏⵓⵎⴽⴰⵏ,ⴰⴱⵓⵔⴰⵣ,ⴰⵏⴻⵖⴷⴰⵎ.ⴰⴼⴻⴳⵔⴰⵛ ⵓⵔ ⴰⵔ ⵉⵜⵜⵉⵔⵉ ⴰⴳⴰⵏⴷ ⵉ ⵎⴻⴷⴷⴻⵏ ,ⵓⵔ ⴰⵔ ⵉⵜⵜⵉⵔⵉ ⴰⵙⵍⵓⴱⴱⴻⴹ ⵉ ⵡⵉ-ⵢⵢⴰⴹ.ⴷⴰ ⵉⵜⵜⵉⵔⵉ ⴰⴷ ⵉⵎⵓⵏ ⴷ ⵎⴻⴷⴷⴻⵏ ⴷⵉ-ⵏⵏⴰ ⵍⵍⴰⵏ ,ⵙ ⵎⴰ ⵙ ⵍⵍⴰⵏ ⴳ ⵓⴱⵔⵉⴷ ⵉⵜⵜⴰⵡⵉⵏ ⵙ ⵓⵎⵔⴰⴷⴰⵏ ⴰⵎⴰⵊⵊⴻⵢⴰⵍ ⴰⵛⴽⵓ ⵉⵙⵙⴻⵏ ⵉⵙ ⵜⵓⴷⴻⵔⵜ ⵜⴳⴰ ⴰⵖⴱⴰⵍⵓ ⵉⵜⵜⴻⵙⵎⵓⵏ ⴰⴽⵯ ⵉⴳⴷⵓⴷⵏ ⴷ ⵉⵢⵜⵎⴰⵏ ⴰⴽⵯ .ⴰⴼⴻⴳⵔⴰⵛ ⵓⵔ ⴰⵔ ⵉⵙⵅⵉⵔⵔⵉⴹ ⵖⵉⴼ ⵛⴰ ⵏ ⵓⴼⴳⴰⵏ ⵜⴰⴼ ⴰⴷ ⵉⵙⵙⴻⵏⵙⴻⵔ ⵉⵍⵎ ⵏⵏⴻⵙ,ⵏⴻⵖ ⴰⴷ ⵉⴷⴷⴻⵔ ⴷⴷⴰⵡ ⵓⵎⴰⵍⵓ ⵏ ⵡⴰ-ⵢⵢⴰⴹ.ⴰⴼⴻⴳⵔⴰⵛ ⵓⵔ ⴷⵊⵉⵏ ⵉⵇⵇⵉⵏ ⵉⵎⵊⵊⴰⵏ ⵏⵏⴻⵙ ⵜⴰⴼ ⴰⴷ ⵓⵔ ⵢⵉⵙⵉⵍ ⵅⴰⵙ ⵉ ⵓⵥⴰⵡⴰⵏ ⵏⵏⴻⵙ,ⵓⵔ ⴷⵊⵉⵏ ⵉⵇⵇⵉⵏ ⴰⵍⵍⴻⵏ ⴼⴰⵔ ⴰⴷ ⵓⵔ ⵢⵉⵥⵉⵔ ⵅⴰⵙ ⵉⵏⵉⵍ ⵍⵍⵉ ⵉⵔⴰ.ⴰⴼⴻⴳⵔⴰⵛ ⵉⵀⵔⴻⵡ ⴰⵙ ⵓⵛⴱⵓ .ⵎⴻⵔ ⵢⵓⴼⵉ ⴰⴷ ⵉⴳ ⵉⵙⴽⴽⵉ ⵏ ⴽⵓ ⴰⴼⴳⴰⵏ.
Avzzaf mupemmad | Arhazaf Mohammed
afegrac :Le courageux.
anumka :La dignité.
asdiddey :La menace.
amizi :Le danger.
ifrek :Etre conscient.
iyetman :Les clans,les tribus.
tavamt :Le droit.
iÏemnan :Plat.
tixnnubas :Les ruses.
axelweä :Le trouble.
aliä :Toujours.
imezdi :L’étranger.
asegtur :Le sabre.
iperjaä :Les gorges.
asuvav :Le transparent.
agezäen :La raison.
apbibä :Au sens de la conservation.
asedrem :L’intérêt.
ivatisn :Les décisions.
iqquncÏerran :Etre très dur.
iceläiyn :Les tempêtes.
tiggurg :La liberté.
afuley :L’indépendance.
tirizza :L’infamie.
tarikt :La selle.
amxerfef :La lutte.
idalign :Les décorations.
izmuln :Les cicatrices.
itersan :Les blessures.
ar ittinäar :Reculer.
agnu :Le problème.
ajnug :L’obstacle.
isrey :Défaire,ici au sens de résourdre.
ilaÏÏen :Les problèmes.
ad isseärer :Déclarer.
ad imyaway :Aller avec.
igamiän :Les conséquences.
igidu :Le sable.
anhil :L’autruche.
Inzev :Tirer.
azballav :L’hypocrite.
agurgan :Le libre.
afulay :L’indépendant.
anumkan :Le digne.
Aburaz :Le fièr.
anevdam :Le juste.
agand :Le mal.
ad isxirreä :Mentir.
ihrew :Etre large.
iskki :Le nid.
ad isenpuffer :Dissimuler.
asddirn :Le désir.
azraraq :Etre très clair.
inil :La couleur.
imzev :Défendre.
asda :Isdey :se produire.Asda :La réalité.
ad issedkel :Lever.
ipmmeq :Ne pas se consentir.
tugga :Le témoignage.
asvenudm :Le masque.
 |
