Aqejmammar s'tifinagh
ⴰⵇⴻⵊⵎⴰⵎⵎⴰⵔ
ⴰⵇⴻⵊⵎⴰⵎⵎⴰⵔ ⵉⴳⴰ ⵜ ⵡⴰ-ⵏⵏⴰ ⵉⵛⴻⴱⴱⴻⵔⵏ ⵙ ⵉⵍⵙ ⵏⵏⴻⵙ ⴷ ⵓⴷⴰⵍⵉⵙ ⵏⵏⴻⵙ ⵙ ⵜⵓⵖⵎⴰⵙ ⴷ ⵡⴰⵙⴽⴰⵔⵏ ⵎⴰⵔ ⴰⴷ ⵓⵔ ⴰⵙ ⵜ ⵉⵙⴻⵜⵜⵓ ⵛⴰ.ⴰⵇⴻⵊⵎⴰⵎⵎⴰⵔ ⴰⵔ ⵉⵜⵜⴻⵎⵎⴻⵅⴻⵔⴼⴰⴼ ⵙ ⵡⴰⵙⵙⴰⵎ ⴷ ⵓⵎⵀⵓⴷⴷⵓ ⵖⵉⴼ ⴰⴷ ⵉⵙⵓⵔ ⵉⵣⴻⵔⴼⴰⵏ ⵏ ⵜⵏⴻⵜⵜⵉⵜ ⵏⵏⴻⵙ ⵜⴰⵔⵉⴽⴰⵏⵜ ⴷ ⵜⵉⵏ ⵓⴳⴷⵓⴷ ⵏⵏⴻⵙ.ⴰⵇⴻⵊⵎⴰⵎⵎⴰⵔ ⵓⵔ ⵉⵏⵏⵉ ⴰⴷ ⵉⴱⴹⵓ ⴷ ⵜⵉⵎⵉⵜⴰⵔ ⵏ ⵜⵏⴻⵜⵜⵉⵜ ⵏⵏⴻⵙ ⵅⴰⵙ ⵎⴻⵛ ⵉⴳⴳⴻⵣ ⴰⵛⴰⵍ.ⵓⵔ ⴷⴰ ⵉⵜⵜⵉⵙⵉⵏ ⵅⴰⵙ ⴰⵎⵅⴻⵔⵟⵟⴻⴼ ⴰⵔⴷ ⵉⵍⵛⴻⵎ ⵉⵙⵓⵖⴰⴷ ⵏⵏⴻⵙ.ⵓⵔ ⴰⵔ ⵉⵜⵜⴻⵙⵡⵓⵏⴼⵓ ⴰⵔⴷ ⵣⵔⵓⵔⵇⴻⵏⵜ ⵜⵉⵎⵉⵜⴰⵔ ⵏ ⵜⵏⴻⵜⵜⵉⵜ ⴳ ⵓⴱⵔⵉⴷ ⵏ ⵜⵓⴷⴻⵔⵜ ⵏⵏⴻⵙ.ⴰⵇⴻⵊⵎⴰⵎⵎⴰⵔ ⴰⵔ ⵉⵜⵜⴰⵛⴻⵢ ⴷ ⵉⵖⵓⵊⴱⴰⵏ ⵏ ⵉⵛⴻⵏⴳⴰ ⵉⵍⵙⴰⵏ ⴰⵙⵖⴻⵏⵓⴷⵎ ⵏ ⵉⵎⴷⴷⵓⴽⵯⴽⵯⴰⵍ.ⴰⵇⴻⵊⵎⴰⵎⵎⴰⵔ ⴰⵔ ⵉⵜⵜⴻⴼⵔⴰⴽ ⵙ ⵓⵥⴰⵥⴰ ⵏ ⵡⴰⴽⵯⴽⵯⴰ ⵍⵍⵉ ⵢⵓⵙⴻⵢ ⵖⵉⴼ ⵉⵖⵉⵔ ⵏⵏⴻⵙ ⵎⴰⵛⴰ ⵓⵔ ⴰⵔ ⵉⵙⵙⴰⵔⴰ ⴰⴷ ⵜ ⵉⵙⵙⴻⴼⵙⵉⵙ ⵙ ⵉⴼⴰⵙⵙⴻⵏ ⵏ ⵉⵛⴻⵏⴳⴰ.ⴽⵓⴷ ⵉⵣⵣⴻⵖⵣⵉⴼ ⵉⵖⵉⵍ ⵏⵏⴻⵙ ⵉⵣⵣⴻⵖⵣⵉⴼ ⵉⵍⵙ ⵏⵏⴻⵙ.ⵉⴳⴰ ⵡⴰⵡⴰⵍ ⵏⵏⴻⵙ ⴰⵣⵓⵢⵉ ⵏⵏⴻⵙ.ⵜⵓⴷⴻⵔⵜ ⵖⵓⵔ ⵙ ⵓⵔ ⵜⴳⵉ ⵅⴰⵙ ⴰⵃⴱⵉⴱⴹ ⵏ ⵜⴰⵢⵙⵉ ⴷ ⵜⴰⴽⴰⵙⵉⵜ ⵏⵏⴻⵙ ⵜⴰⴷⴻⵍⵙⴰⵏⵜ ⴰⵔ ⵉⴽⴽⴰⵜ ⵉⵛⴻⵏⴳⴰ ⵏ ⵉⵍⵉ ,ⵉⵎⴷⴷⵓⴽⵯⴽⵯⴰⵍ ⵏ ⵜⴰⵍⵍⴻⵙⵜ ⵙ ⵉⵡⴰⵍⵉⵡⵏ ⵏⵏⴻⵙ ⵉⵛⵔⴰⵔⴰⴷⵏ.ⴰⵇⴻⵊⵎⴰⵎⵎⴰⵔ ⴰⵔ ⵉⵙⴻⴷⵊⵉⵡⵏ ⵜⴰⵡⴻⵏⴳⵉⵎⵜ ⵏⵏⴻⵙ ⴷⴰⵜ ⵏ ⵡⴰⴷ ⵉⴽⴽⵓⵔ ⴰⵅⴷⵉⵍ ⵏⵏⴻⵙ.ⵓⵔ ⵉⵙⵙⵉⵏ ⵅⴰⵙ ⴰⵎⵏⴰⵍⴰ ⴷ ⵉⵛⴻⵏⴳⴰ ⵍⵍⵉ ⵓⵔ ⴰⵙ ⵉⵔⵉⵏ ⵜⵓⴷⴻⵔⵜ.ⵉⴼⵔⵓⵔⴽ ⵙ ⵓⴹⵓⵍⵍⴻⵢ ⵏ ⵡⴰⵡⴰⵍ ⴷ ⵓⴷⴰⵍⵉⵙ ⵏⵏⴻⵙ.ⵉⵖⵜⴻⵙ ⴰⴷ ⵉⵏⵏⴰⵖ ⵖⵉⴼ ⵉⵍⵙ ⴷ ⵓⴷⴰⵍⵉⵙ ⵏⵏⴻⵙ.ⵓⵔ ⵉⵏⵏⵉ ⴰⵡⴷⵢⴰⵏ ⴰⴷ ⴰⵙ ⵜ ⵉⴽⴽⴻⵙ.
ⴰⵔ ⵉⵜⵜⴻⴱⴷⴰⴷ ⴷⴰⵜ ⵓⵛⴻⵏⴳⵓ ⵏⵏⴻⵙ ⵜⵓⴱⴷⴷⴰ ⵏ ⵢⴰⵏ ⵓⵣⴻⴱⴷⴰⵔ ⵏ ⵓⵣⵣⴰⵍ.ⵓⵔ ⵉⵏⵏⵉ ⵓⵣⵡⵓ ⵏ ⵉⵎⵜⵜⵉⵍⵙⴻⵏ ⴰⴷ ⵜ ⵉⵙⵙⴻⵔⴷⴻⵍ.ⵓⵔ ⵉⵏⵏⵉ ⵓⵛⴻⵍⴹⵉⵢ ⵏⵙⴻⵏ ⴰⴷ ⵉⵙⵙⴻⴽⵏⵓⵏⴻⵢ.ⴰⵇⴻⵊⵎⴰⵎⵎⴰⵔ ⵉⵛⴽⵓⴱⴱⴻⵔ ⵙ ⵉⵙⵓⵍⴰⵎ ⵏⵏⴻⵙ.ⵓⵔ ⵉⵏⵏⵉ ⴰⴷ ⵢⴰⴷⵊ ⴰⵡⴷⵢⴰⵏ ⴰⴷ ⵜⴻⵏ ⵉⵙⵙⴻⵍⴼⵓⴼⵃ.ⴰⵡⴰⵍ ⵏⵏⴻⵙ ⴷ ⵓⴷⴰⵍⵉⵙ ⵏⵏⴻⵙ ⴰⵢⴷ ⵉⴳⴰⵏ ⵜⵓⴷⴻⵔⵜ ⵏⵏⴻⵙ.ⵓⵔ ⵣⵎⵉⵔⵏ ⵉⵡⴻⵏⴷⴰⵍⵏ ⴰⴷ ⴰⵙ ⴱⴱⵉⵏ ⴰⵡⴰⵍ ⵏⵏⴻⵙ ⵎⴻⵇⵇⴰⵔ ⴽⴽⴰⵏ ⴷⴰ ⵜⵜⴻⴱⴱⵉⵏ ⵉⵍⵙ ⵏ ⵓ-ⵏⵏⴰ ⵉⵙⴰⵡⴻⵍⵏ ⴷⴰⵜ ⴰⵙⴻⵏ ⵙ ⵜⵎⴰⵣⵉⵖⵜ.ⴰⵇⴻⵊⵎⴰⵎⵎⴰⵔ ⴰⴷ ⵉⵙⵙⵉⴷⵔ ,ⴰⴷ ⵉⵙⵙⴻⴷⵔⵓⵔⵛ ⴰⵡⴰⵍ ⵏⵏⴻⵙ ⴷ ⵓⴷⴰⵍⵉⵙ ⵎⴻⵇⵇⴰⵔ ⵓⵔ ⵉⵎⵢⴰⵔ ⵛⵉⴳⴰⵏ ⴰⴷ ⵢⵓⵔⵓ ⵉⵙⴽⴽⵉⵍⵏ ⵏⵏⴻⵙ ⵓⵙⵜⵉⴱⵏ .ⵉⴽⴽⴰ ⴰⵔ ⵉⵜⵜⵓⵔⵓ ⵙ ⵉⵍⵙ ⵏⵏⴻⵙ ⵙ ⵉⵙⴻⵍⵎⴻⵖ ⵏ ⵉⵍⵓⴼⴰⵥ ⵏⵏⴻⵙ ⴳ ⵉⵎⵊⵊⴰⵏ ⴷ ⵜⵡⴻⵏⴳⵉⵎⵉⵏ ⵏ ⵉⵙⵎⵓⵏ ⵏ ⵜⵓⴷⴻⵔⵜ ⵏⵏⴻⵙ.ⴷⵔⵓⵙⵏ ⵉⴷⵔⵉⵣⵏ ⵉⵜⵜⴻⵢⴰⵔⴰⵏ ⵖⵓⵔ ⵙ ⵉⴷⴷⴻⵖ ⵉⴽⴽⴰ ⵛⴰ ⵏ ⵓⵎⵜⵜⵉⵍⵍⴻⵙ ⵉⵙⵙⴻⴽⵎⴻⴹ ⴰⵙ ⵜⴰⴽⴰⵙⵉⵜ ⵜⴰⴷⴻⵍⵙⴰⵏⵜ.ⵓⵔ ⵉⵣⵍⵉ ⵉⵍⵙ ⴷ ⵓⴷⴰⵍⵉⵙ ⵏⵏⴻⵙ ⵉⴷⴷⴻⵖ ⵉⵛⵜⵓⵜⴻⵢ ⵜⴻⵏ.ⵉⴷⵔⵓⵙ ⴰⴷ ⵢⵓⵔⵓ ⵙ ⵓⵙⴻⵍⵎⴻⵖ ⴳ ⵓⴽⵯⵍⵉⵎ ⵏⴻⵖ ⵜⵉⴼⴻⵍⵡⵉⵜ ⵖⴻⵏ ⴰⵔⴰⵛⵉⴹ ⵉⴷⴷⴻⵖ ⵓⵔ ⵉⵍⵍⵉ ⵎⴰⵢⴷ ⵢⵓⴼⵏ ⵖⵓⵔ ⵙ ⵜⴰⵡⴻⵏⴳⵉⵎⵜ.ⵎⴰ ⵎⵉ ⵉⵙⵓⴼⵔ ⵓⴳⵓⴷⴻⵢ ⵏ ⵉⴷⵍⵉⵙⵏ ⵎⴻⵛ ⵓⵔ ⵓⴼⵉⵏ ⵎⴰⵢⴷ ⵉⵜⵜⴰⵙⵉⵏ ⴰⴳⴰⴱⵉⵔ ⵏⵙⴻⵏ ?ⵉⵙⴽⵓⵜⵜ ⵖⵉⴼ ⵜⵡⴻⵏⴳⵉⵎⵜ ⵏⵏⴻⵙ ⴰⴷ ⴰⵙ ⵜⴻⵃⵙⵓ ⵜⴰⵢⵙⵉ ⵜⴰⴷⴻⵍⵙⴰⵏⵜ ⵏⵏⴰ ⵔⴰⵏ ⵉⵛⴻⵏⴳⴰ ⴰⴷ ⵏⵖⴻⵎⵏ.ⴰⵇⴻⵊⵎⴰⵎⵎⴰⵔ ⵉⴳⴰ ⴰⵎⴱⴻⵍⵍⴻⵏ ⴷⴰⵜ ⵓⵙⴻⵍⴱⴰⴹ ⴷ ⵓⵙⴻⵖⵜⴰⵢ.ⴰⵇⴻⵊⵎⴰⵎⵎⴰⵔ ⵉⴳⴰ ⴰⵙⴻⵔⴷⴰⵙ ⵉⵙⵙⴻⵔⴱⴻⴱⵏ ⵉⵖⴼ ⵏⵏⴻⵙ ⵙ ⵉⵍⵙ ⵉⵜⵜⴻⴱⴱⵉⵏ ⴰⵡⴰⵍ,ⵉⵙⵙⵉⴷⴻⵔⵏ ⵉⵏⵓⵎⴰⴽ ⵏ ⵜⵓⴷⴻⵔⵜ ⴷ ⵉⵍⵉ ⵙ ⵎⴰⵢⴷ ⵍⵍⴰⵏ ⵙ ⵉⴽⴻⵍⵡⴰⵏ ⵉⵎⵣⴰⵔⴰⵢⵏ.ⴰⵇⴻⵊⵎⴰⵎⵎⴰⵔ ⵉⴳⴰ ⴰⵙ ⵡⴰⵡⴰⵍ ⵏⵏⴻⵙ ⴰⵎ ⵓⴳⴰⵔⵉ.ⵢⴰⵙⵜⴰⵡ ⵉⵙ ⴽⵓⵢⴰⵙⵙ.ⵉⵍⵙ ⵏⵏⴻⵙ ⵢⵓⵙⴻⵢ ⴰⴷⴰⵍⵉⵙ ⵏⵏⴻⵙ,ⴰⵙⴻⵏⴼⵍⵓⵍ ⵏⵏⴻⵙ.ⵉⵍⵙ ⵏⵏⴻⵙ ⵉⴳⴰ ⴰⵙ ⴰⵙⴻⴽⵯⵜⴻⵢ ⵏ ⵓⵣⵔⴻⴳ ⵏ ⵜⵓⴷⴻⵔⵜ.ⵜⴰⴷⵓⵃⴰⵍⵜ ⵏⵏⴻⵙ ⵜⴳⴰ ⴰⵙ ⵜⵉⴼⴻⵍⵡⵉⵜ ⵍⵍⵉ ⴳⵉⵙ ⵉⵇⵇⴰⵔ ⵜⵉⵎⵉⵜⴰⵔ ⵏ ⵓⵣⵓⴱⴷⵓ ⵏⵏⴻⵙ.ⴰⵇⴻⵊⵎⴰⵎⵎⴰⵔ ⵉⴳⴰ ⴰⵎⴻⵖⵏⴰⵏⴰⵙ ⵣⴻⴳ ⵓⴼⴰⵙⵉⵏ ⴰⵎⴰⵊⵊⴻⵢⴰⵍ.ⴰⵡⴰⵍ ⵏⵏⴻⵙ ⵉⴳⴰ ⴰⵜⵉⴳ ⵏⵏⴻⵙ.ⴰⴷⴰⵍⵉⵙ ⵏⵏⴻⵙ ⵉⴳⴰ ⵜⵉⵣⵣⵓⵍⵢⴰ ⵏⵏⴻⵙ.ⵉⵏⵓⴳⵎ ⴰⴷ ⴰⵙ ⵉⴽⴽⴻⵙ ⵛⴰ ⵉⵍⵙ ⵏⵏⴻⵙ.ⴰⵛⴽⵓ ⵉⵍⴰ ⴰⴼⵓⵙ ⵉⴽⴽⴰⵜⵏ ⵙ ⵓⴹⴻⵎⵎⵉⵙ ⵉⵏⴻⵇⵇⴰⵏ.ⴰⵇⴻⵊⵎⴰⵎⵎⴰⵔ ⴰⵔ ⵉⵜⵜⵉⵏⵉ « ⴰⵡⴰⵍ ⴷ ⵓⴹⴻⵎⵎⵉⵙ ».ⴽⵓⴷ ⵉⵙⴰⵡⴰⵍ ⵉⴽⴽⴰⵜ.ⴰⵖⴻⵣⵣⴰⴼ ⵎⵓⵃⵎⵎⴰⴷ | Arhazaf Mohammed
- ar ittemxerfaf :Lutter.
- assam :La jalousie.
- amhuddu :Le fait de se lancer en avant.
- isur :Fixer.
- tanettit :L’identité.
- tarikant :La personnelle.
- amxerÏÏef :La lutte.
- isuvad :Les objectifs.
- izrurq :Etre très clair.
- ivujban :Les escroqueries.
- icenga :Les ennemis.
- asvenudm :Le masque.
- azuyi :Celui qui a le même âge.
- apbibÄ :Le fait de conserver trop.
- awal acrarad :Vrai.
- aÄulley :La nécessité.
- ifrurk :Etre très conscient.
- ivtes :Décider.
- azebdar :La digue.
- acelÄiy :La tempête.
- ad isseknuney :Faire tomber par terre.
- ad issedrurc :Vivacer.
- ustib :Authentique.
- agabir :Le contenu.
- isufr :Etre valable.
- amnala :L’affrontement.
- asevtay :Le criminel.
- ad isserbeb :Armer.
- tadupalt :La paume.
- amevnanas :Le grand militant.
- inugm :Etre impossible.
- afasin :Le degré.
- araciÄ :Le papier.
- agudey :Le tas.
- invem :Effacer.
- ambellen :Le résistant.
- amttilles :Le nocturne,le malfaiteur.
- ad ipsu :Mémoriser.
- ilufaÇ :Les salives.
Vos réactions (0)