ⴰⴱⴻⵏⴷⴰⴳ
ⴰⴱⴻⵏⴷⴰⴳ ⵉⴳⴰ ⵜ ⵡⴰ-ⵏⵏⴰ ⵓⵔ ⵉⴽⴽⵓⵍⵏ ⴳ ⵉⵎⵉⵣⵉ ⵉⵟⴻⴼⴼⵓⵔⵏ ⴰⴷⴷⴰⴷ ⵏⵏⴻⵙ..ⴰⵔ ⵉⵔⴻⵥⵥⴻⵎ ⵉ ⵉⵡⴰⵍⵉⵡⵏ ⵎⵉ ⵓⵔ ⵉⵙⵙⵉⵏ ⵜⵉⴷⵓⵔⴰ ⵏⵙⴻⵏⵜ.ⴰⴱⴻⵏⴷⴰⴳ ⴰⵔ ⵉⵜⵜⴻⵥⵥⵓ ⴰⴳⴰⵏⴷ ⴰⵀⴰ ⴰⵔ ⵉⵜⵜⵉⵖⵉⵍ ⵉⵙ ⵇⴻⵏⵏⴰ ⴰⴷ ⵉⵎⴳⴻⵔ ⴰⵏⴰⴷⵉⵣ.ⵓⵔ ⴷⵊⵉⵏ ⵉⵙⵖⵉⵍ ⵜⴰⵖⵣⵉ ⴷ ⵜⴰⴼⵍⵉ ⵏ ⵉⵍⵙ ⵏⵏⴻⵙ ⴷ ⵉⵖⵉⵍ ⵏⵏⴻⵙ.ⴰⵔ ⵉⵜⵜⴻⵃⵓⵔⵊⵓⵊ ⴷ ⵉⵍⴻⴽⵎⵉⵎⴻⵥ.ⴰⵔ ⵉⵜⵜⵉⵏⵉ ⵓⴱⴻⵏⴷⴰⴳ ⵉⵙ ⵉⵍⵙ ⴰⵎⴰⵣⵉⵖ ⵉⴳⴰ ⴰⴳⴻⵣⵍⴰⵍ,ⵉⵙ ⴰⴷⴰⵍⵉⵙ ⵏⵏⴰ ⵢⵓⵙⴻⵢ ⵓⵔ ⵉⴳⵉ ⵅⴰⵙ ⵓⴷⵎ ⵏ ⵓⴳⵓⵏⵥⵓ,ⵉⵙ ⵓⵔ ⵉⵣⵎⵉⵔ ⵉ ⵓⵎⵀⴰⵣ,ⵉⵙ ⵓⵔ ⵉⴳⵉ ⵅⴰⵙ ⴰⴳⴰⵎⴰⵏ ,ⵉⵙ ⵓⵔ ⵉⵖⵉ ⴰⴷ ⵢⴰⵙⴻⵢ ⴰⵣⴰⵏ ⴰⵙⵓⵏⴰⵏ,ⵉⵙ ⵓⵔ ⵉⴳⵉ ⵅⴰⵙ ⴰⴽⵓⵛⴰⵎ ⴳ ⵉⵎⵉ ⵏ ⴱⴰⴱ ⵏⵏⴻⵙ,ⵉⵙ ⴰⵔ ⵉⵙⵏⵉⴽⴽⵉⵍ ⵖⵉⴼ ⵉⵍⵙ ⴰⵄⵔⴰⴱ ⵎⴰⵔ ⴰⴷ ⵉⵙⵙⴻⵜⵔⴻⵔ ⵉⵡⴰⵍⵉⵡⴻⵏ ⵏⵏⴻⵙ,ⵉⵙ ⵓⵔ ⵉⴳⵉ ⵅⴰⵙ ⵉⵡⴰⵍⵉⵡⵏ ⵏ ⵜⴻⵄⵔⴰⴱⵜ ⵉⴳⵏⴰⵏ ⵙ ⵉⵎⴰⵙⵙⴻⵏ ⵏ ⵓⵛⵔⴰⵎ ⵏ ⵜⵎⴰⵣⵉⵖⵜ,ⵉⵙ ⵓⵔ ⵉⵍⵉ ⴰⵡⴷ ⵢⴰⵜ ⵜⵉⵣⵣⵓⵍⵢⴰ ⵜⴰⵙⵓⵏⴰⵏⵜ ,ⵉⵙ ⵉⵍⵙ ⴷⴷⴻⵖ ⵓⵔ ⵉⴳⵉ ⵡⵉ-ⵏⴻⵙ ⵅⴰⵙ ⴰⴷ ⵢⵓⵖⵓⵍ ⵙ ⵓⵃⴻⵔⵊⵉⴹ.ⵓⵔ ⴰⵔ ⵉⵜⵜⴻⵏⴻⴷⴷⴰⵎ ⵓⴱⴻⵏⴷⴰⴳ ⵙ ⵜⵉⴷⵓⵔⴰ ⵏ ⵎⴰⵢⴷ ⵉⵜⵜⵉⵏⵉ.ⴰⵔ ⵉⵜⵜⵉⵖⵉⵍ ⵉⵙ ⵜⴰⵎⴰⵣⵉⵖⵜ ⵓⵔ ⵜⴳⵉ ⵅⴰⵙ ⴰⵢ-ⵏⵏⴰ ⵉⴼⴼⴻⵖⵏ ⵉⵎⵉ ⵏ ⵓⵎⴰⵣⵉⵖ ⵓⵔ ⴷⵊⵉⵏ ⵉⵖⵔⵉⵏ
ⵜⴰⵎⴰⵣⵉⵖⵜ ⴳ ⵓⵖⴻⵔⴱⴰⵣ,ⵡⴰ-ⵍⵍⵉ ⵉⵜⵜⵓⵙⵄⴻⵔⵔⴻⴱⵏ ⵙ ⵓⵀⵉⵍ ⵏ ⵓⵙⵙⴻⵄⵔⴻⴱ ⵍⵍⵉ ⵜⴻⵙⵙⴻⵏⵛⴰ ⵜⴻⵏⴱⴰⵟ ⴷⴻⴼⴼⵉⵔ ⵉⴳⵊ ⵏ ⵓⵙⴷⴰⵔⵔⴰⵢ ⵓⵙⵔⵉⴷ ⴰⴼⵔⴰⵏⵙⵉⵙ ⴽⵓⴷ ⵜⵃⵓⴼ ⵜⴰⵎⴰⵣⵉⵖⵜ ⵣⴻⴳ ⵓⵖⴻⵔⴱⴰⵣ ⵍⵍⵉ ⵉⵙⵙⴻⵔⵙⴻⵍ ⵓⴱⵔⵔⴰⵏⵉⵢ.ⴰⴱⴻⵏⴷⴰⴳ ⴰⵔ ⵉⵙⴰⵡⴰⵍ ⵎⴻⵇⵇⴰⵔ ⵓⵔ ⵉⵙⵙⵉⵏ ⵉⴷⴷⴻⵖ ⵙ ⵓⴽⵙⴰⵏ ⴰⵙ ⴰⵔ ⵉⵙⴰⵡⴰⵍ.ⵎⴻⵔ ⵉⵥⵔⵉ ⵎⴰⵢⴷ ⵉⵍⵍⴰⵏ ⴳ ⵓⵅⴷⵉⵍ ⵏ ⵜⵎⴰⵣⵉⵖⵜ ⴰⴷ ⵉⴷⴻⵀⵛⴻⵔ,ⴰⴷ ⵉⵎⴻⵍⴰⵍⵍⴻⵢ,ⴰⴷ ⵉⵙⵅⴻⴼ,ⴰⴷ ⵉⴼⴼⴻⵖ ⵉⵖⴼ ⵏⵏⴻⵙ.ⴰⴱⴻⵏⴷⴰⴳ ⴰⵔ ⵉⴽⴽⴰⵜ ⵉⴳⴻⵏⵏⴰ ⴰⵍⵍⴻⵢ ⵉⵙⴼⵓⴳ ⵜⴰⵙⴻⵔⴱⵓⴱⵜ ⵏⵏⴻⵙ ⵙ ⵉⴱⴻⵏⵖⴻⵔ ⵏⵏⴰ ⵜⵓⴷⵊⴰ ⴹⴰⵔ ⴰⵙ.ⴰⴱⴻⵏⴷⴰⴳ ⵉⴳⴰ ⴰⵎ ⵓⵃⵢⵓⴹ ⵉⵜⵜⵉⵖⵉⵍⵏ ⵉⵙ ⵉⵣⵎⴻⵔ ⴰⴷ ⵉⵎⵏⴰⵍⴰ ⴷ ⵉⴷⴻⵔⵊⴰⵊⵏ ⵏ ⵉⵍⴻⵍ ⵙ ⵉⵥⴻⵖⵔⴰⵏ ⵏⵏⴻⵙ ⵉⵏⴳⵉⵏ ⵙ ⵓⵍⴰⵢⵉⴹ ⴰⵀⴰ ⴰⵔ ⵉⵛⵔⵓⴱⴱⵓⵟ ,ⴰⵔ ⵉⴽⴽⴰⵜ ⵙ ⵉⴼⴰⵙⵙⴻⵏ ⵏⵏⴻⵙ ⴳ ⵎⴰⵢⴷ ⵉⴳⴰⵏ ⴰⴷⴻⵏⵙⵉⵔ.ⵉⴳⴰ ⵣⵓⵏⴷ ⵓⴷⴻⵔⵖⴰⵍ ⵉⵙⵜⵜⴻⵔⴼⵓⵙⵏ ⴷⴰⵜ ⵉⵎⵣⴰⵣ ⵏ ⵜⵉⵍⵍⴰⵙ ⴰⵀⴰ ⴰⵔ ⵉⵜⵜⵉⵖⵉⵍ ⵉⵙ ⵢⵓⴼⴰ ⴰⴱⵔⵉⴷ ⵙ ⵡⵓⵍ ⵏ ⵓⵎⴰⵣⵉⵖ ⵎⴰⵔ ⴰⴷ ⵜ ⵢⴰⵖⴻⵢ ⴽⵓⴷ ⵓⵔ ⵉⵣⵎⵉⵔ ⴰⴷ ⵜ ⵉⵔⴷⴻⵖ ⵙ ⵜⴻⴼⵔⵓⵜ ⵏⵏⴻⵙ.ⴰⵔ ⵉⵜⵜⵉⵖⵉⵍ ⵉⵙ ⵓⵔ ⵉⵍⵍⵉ ⵎⴰⵢⴷ ⵉⵏⴻⵇⵇⴰⵏ ⵛⴰ ⵏ ⵓⴳⴷⵓⴷ ⴰⵏⴻⵛⵜ ⴰⴷ ⴰⵙ ⵉⵙⵙⵉⵖⵉⵍ ⵉⵙ ⵓⵔ ⵉⵙⵓⴼⵉⵔ ⵉⵍⵙ ⵏⵏⴻⵙ ⵉ ⵓⵎⵢⴰ ⵉⴷⴷⴻⵖ ⵓⵔ ⵉⵍⵉ ⵎⴰ ⵙ ⵉⵜⵜⴻⵎⵏⴰⵍⴰ ⴷ ⵉⵍⵙⴰⵡⵏ ⵉⵙⵓⵏⴰⵏ ⵉⵙⵙⴻⵍⵛⴰⵎⵏ ⵜⴰⴱⵔⴰⵜ ⵏ ⵓⵎⵉⵙⵙⴻⵏ .ⴰⵔ ⵉⵜⵜⵉⵖⵉⵍ ⵉⵙ ⴰⵖⴰⵡⵉⵙ ⵉⵏⴻⵇⵇⴰⵏ ⴰⴳⴷⵓⴷ ⴰⵙⵍ ⵏ ⵓⴼⴻⴹⵄⴻⵙ ⵓⵔ ⵉⴳⵉ ⵅⴰⵙ ⴰⴷ ⵉⵙⴻⵎⵖⵓⵊⵊⴻⴹ ⵉⵍⵙ ⵏⵏⴻⵙ,ⴰⴷ ⵜ ⵉⵥⵥⴻⵏⵥⵓ ⵙ ⵓⴽⵓⵛⵔ ⵏ ⵉⵍⵙ ⴷ ⵓⴷⴰⵍⵉⵙ ⵏⵏⴻⵙ,ⵉⵙ ⵉⵣⵣⴻⵀⵣⴰ ⵓⴱⴰⵃⵍⵍⵓ ⵏⵏⴻⵙ ⴳ ⵉⵍⵙ ⵏⵏⴻⵙ ⴰⵍⵍⴻⵢ ⵉⵛⵜⵓⵜⵎ,ⵉⵙ ⵓⵔ ⴰⵙ ⵢⵓⴼ ⵅⴰⵙ ⴰⴷ ⵜ ⵢⴰⵅⵎ,ⴰⵀⴰ ⵉⵍⵎⴻⵥ ⵜ ⵎⴻⵛ ⵓⵔ ⵉⵔⵉ ⴰⵣⴻⵖⴷⴻⵏ ⴷⴰⵜ ⵎⴻⴷⴷⴻⵏ.ⴰⴱⴻⵏⴷⴰⴳ ⵓⵔ ⴰⵔ ⵉⵜⵜⴻⵙⵖⴰⵍ ⴰⵡⴰⵍ ⴷ ⵉⵖⵉⵍ ⵏⵏⴻⵙ.ⴰⴱⴻⵏⴷⴰⴳ ⵉⴽⵓⵛⵔ ⴳ ⵜⵣⴻⵎⵏⵉ.ⵓⵔ ⴷⵊⵉⵏ ⵉⴼⵔⵉⴽ ⵉⵙ ⵎⴻⵇⵇⴰⵔ ⵓⵔ ⵉⵜⵜⴻⵢⴰⵔⴰ ⵉⵍⵙ ⵓⵎⴰⵣⵉⵖ ⵛⵉⴳⴰⵏ ⵀⴰⵜ ⵉⵙⵓⵍ ⵉⴷⴷⴻⵔ ⴳ ⵜⵡⴻⵏⴳⵉⵎⵜ ⵏ ⵉⵎⴰⵣⵉⵖⵏ ⵓⵔ ⵉⴽⴽⵉⵏ ⴰⵖⴻⵔⴱⴰⵣ,ⵡⵉ-ⵍⵍⵉ ⵛⴽⵓⴱⴱⴻⵔⵏ ⴳ ⵡⴰⵛⴰⵍ ⵏⵙⴻⵏ ⴷ ⵉⵍⵙ ⴷ ⵓⴷⴰⵍⵉⵙ ⵏⵙⴻⵏ ⵎⴻⵇⵇⴰⵔ ⵜⴻⴱⵣⵓⵣⵏ ⵜⵓⴷⴻⵔⵜ ⵏⵙⴻⵏ ⵙⵖⴻⵔⵔⴻⵙⵏ ⵉ ⵎⴰⵢⴷ ⵉⴳⴰⵏ ⵜⴰⵎⴰⵔⴰ ⴷ ⵓⵅⵓⴱ ⵏ ⵡⴰⴹⵓ ⵎⴰⵛⴰ ⵓⵔ ⴱⴹⵉⵏ ⴷ ⵡⴰⵡⴰⵍ ⴷ ⵜⴰⵢⵙⵉ ⵏⵙⴻⵏ.ⵚ ⵓⴱⵓⵔⵣ ⴷⴷⴻⵔⵏ ,ⵙ ⵓⵍⴰⵍⵍⵓ ⵣⵓⴱⴷⴰⵏ ,ⵓⵎⵥⴻⵏ ⴳ ⵉⵙⵓⵍⴰⵎ ⵏⵙⴻⵏ ⴰⵎ ⵡⴰⴷⴷⴰⴳ ⴳ ⵜⵓⴷⴻⵔⵜ.ⵉⵍⵙ ⵏⵙⴻⵏ ⵉⴹⵓⵍⵍⴻⵢ ⴰⵎ ⵡⴰⵎⴰⵏ.ⴰⴷⴰⵍⵉⵙ ⵏⵙⴻⵏ ⵉⴳⴰ ⴰⵙⵏ ⴰⵎ ⵡⴰⴹⵓ.ⵓⵔ ⵏⵏⵉⵏ ⴰⴷ ⴷⴷⴻⵔⵏ ⵎⴻⵛ ⵓⵔ ⵙⴻⵍⵍⴻⵅⵙⵉⵏ ⴰⴹⵓ ⵏ ⵜⵎⴰⵣⵉⵔⵜ ⵏⵙⴻⵏ.ⵎⴻⵔ ⵓⵔ ⵛⴽⵓⴱⴱⴻⵔⵏ ⵉⵎⴰⵣⵉⵖⵏ ⴳ ⵉⵍⵙ ⵏⵙⴻⵏ ⴰⴷⵢⴰⵍⵉ ⵉⵜⵜⵓⵙⵎⵓⵔ.ⴰⴱⴻⵏⴷⴰⴳ ⵓⵔ ⴰⵔ ⵉⴽⴽⴰⵜ ⵅⴰⵙ ⵜⴰⵡⴻⵏⴳⵉⵎⵜ ⵏⵏⴻⵙ ⵉⴷⴷⴻⵖ ⵓⵔ ⵉⵙⵙⵉⵏ ⵉⵙ ⴽⴽⴰⵏ ⵉⵡⴻⵏⴷⴰⵍⵏ ⴰⵔ ⵜⵜⴻⴱⴱⵉⵏ ⵉⵍⵙ ⵏ ⵓⵎⴰⵣⵉⵖ ⵉⵙⴰⵡⵍⵏ ⵙⵉ ⵙ ⵎⴰⵛⴰ ⵓⵔ ⵣⵎⵉⵔⵏ ⴰⴷ ⵙⵍⵓⴱⴱⴻⴹⵏ ⵉⵎⴰⵣⵉⵖⵏ.ⵢⵓⴼ ⴰⵙ ⵉ ⵓⴱⴻⵏⴷⴰⴳ ⴰⴷ ⵉⵜⵜⵓ ⵜⵉⵜⵉ ⵏ ⵉⵍⵙ ⴰⵀⴰ ⵢⴰⵔⵎ ⵜⵉⵜⵉ ⵙ ⵉⵖⵉⵍ ⵏⵏⴻⵙ ⵜⴰⴼ ⴰⴷ ⵢⵉⵙⵉⵏ ⴰⵙⴰⵖⵉⵍ ⵏ ⵓⵖⵓⵔⴷ ⵏⵏⴻⵙ.ⵢⵓⵛⵛⴻⵍ ⴰⴷ ⵉⵇⵇⴻⵏ ⵉⵎⵉ ⵏⵏⴻⵙ ⵎⴻⵛ ⵉⵔⴰ ⴰⴷ ⵉⵣⵔⴻⴽⴽⴰ ⵓⴳⴳⵉⴷ ⵏⵏⴻⵙ.
Avzzaf mupemmad | Arhazaf Mohammed
- abendag :L’aventurier.
- imizi :Le danger.
- tidura :Les conséquences.
- agand :Le mal.
- anadiz :Le bien.
- isvel :Mesurer.
- tavzi :La longueur.
- tafli :La largeur.
- ar ittepurjuj :Jouer
- ilekmimÇ :La braise sous les cendres.
- agezlal :Le nain.
- iÄulley :Etre nécessaire.
- izzehza :Ne pas prendre son travail au sérieux.
- agunÇu :Le sous-développement.
- amhaz :L’ évolution.
- azan asunan :Le message scientifique.
- akucam :Le paralysé.
- isnikkel :S’ appuyer sur.
- tizzulya :La valeur.
- aperjiÄ :La gorge.
- usrid :Le direct.
- aksan :La haine.
- axdil :L’estomac.
- idehcer :Etre stupéfait.
- imlalley :Avoir le virtige.
- isxef :S’évanouir
- ahil :Le programme.
- igj :Le départ.
- isfug :Etaler les défauts.
- tasebubt :Longue queue telle celle du renard.
- imnala :S’affronter.
- iderjajn :Les vagues.
- ilel :La mer.
- alayiÄ :Le venin.
- ar icrubbuÏ :ar icrubbuc :Faire bouger ses bras et ses jambes dans l’eau sans pouvoir nager.
- adensir :Le sens,la direction.
- istterfus :Tâtonner.
- imzaz :Les vagues.
- yuvey :Etouffer.
- irdev :Eventrer.
- tafrut :L’épée.
- avawis :Le plan.
- ad isemvujje Ä :Tordre.
- ad iÇÇenÇu :Convaincre.
- ad issetrer :Moderniser.
- acram :L’attachement.
- akucr :La misère.
- ictutm :Rétrécir trop.
- yuxm :Mordre.
- ilmeÇ :Avaler.
- azevden :L’humiliation.
- tazemni :La sagesse.
- tawengimt :La mémoire,la raison,l’intuition ici au sens de la raison.
- ad ickubber :S’attacher trop.
- ad iseverres :Se patienter.
- taysi :Le patrimoine.
- aburz :La fierté,le contraire de l’infamie.
- alallu :La dignité.
- ad izubdu :Continuer.
- isulam :Les racines profondes.
- ad ittusmur :Disparaître
- uggid :La personne.
- avurd :La santé.
- ibzuzn :Etre très simple.
- averbaz :L’école.
- afeÄoes :Le scandale.
 |
