admallav :L’orgeilleux en caractères Tifinagh
ⴰⴷⵎⴰⵍⵍⴰⵖ
ⴰⴷⵎⴰⵍⵍⴰⵖ ⴰⵔ ⵉⵙⴻⴽⵙⵉⵡ ⵙ ⵜⵙⴻⵏⴷⵓⴱⴻⵏⵜ ⵏⵏⴻⵙ ⵉⵙ ⵜⵓⴼ ⵜⵉ-ⵏ ⵡⵉ-ⵢⵢⴰⴹ.ⴰⵔ ⵉⵜⵜⵉⵖⵉⵍ ⵉⵙ ⴰⵔ ⴰⵙ ⵉⵙⵙⴻⴼⵍⵉⵍⵍⴻⵢ ⵡⵓⴷⵎ ⵙ ⵓⵙⵉⴷⴷ.ⴰⵔ ⵉⵜⵜⵉⵖⵉⵍ ⵉⵙ ⵉⴳⴰ ⴰⵡⵓⵎ ⵏ ⵓⵙⵎⵓⵖⵔ,ⵉⵙ ⵓⵔ ⵉⵍⵍⵉ ⵎⴰⵢⴷ ⵜ ⵢⵓⴼⵏ.ⵓⵔ ⴰⵔ ⵉⵜⵜⴰⵏⵏⴰⵢ ⵎⴰⵢⴷ ⵉⴽⴽⴰⵏ ⴷⴷⴰⵡ ⴰⵙ.ⵉⵣⴷⵓⴷⵖ ⵉⵥⵔⵉ ⵏⵏⴻⵙ ⴳ ⵉⴳⴻⵏⵏⴰ.ⴰⵔ ⵉⵜⵜⵉⵖⵉⵍ ⵉⴼⴰⵙⵙⴻⵏ ⵏⵏⴻⵙ ⴷ ⴰⴼⵔⵉⵡⵏ.ⵎⴻⵔ ⵢⵓⴼⵉ ⵓⵔ ⵉⵜⵜⴰⵛⵍ ⴰⵛⴰⵍ.ⴰⵔ ⵉⵜⵜⵉⵖⵉⵍ ⵉⵙ ⴷⴰ ⵉⵙⴰⵡⴰⵍ ⴰⵡⴰⵍ ⵓⵔ ⵉⵍⵉⵏ ⴰⵣⵓⵢⵉ ⵉⴷⴷⴻⵖ ⵢⵓⵣⵏ ⴰⵙ ⵔⴻⴱⴱⵉ ⴰⵣⴰⵏ ⵏⵏⴻⵙ ⵙ ⵉⵍⵙ ⵏⵏⴻⵙ.ⵉⵍⵙⴰⵡⵏ ⵢⴰⴹⵏ ⵓⵔ ⵓⴽⵍⴰⵍⵏ ⵖⵓⵔ ⵙ ⴰⴼⵓⵣⵍ ⵏⴻⵖ ⴰⵣⵔⴻⴽⴽⴰ.ⴰⵔ ⵉⵜⵜⵉⵖⵉⵍ ⵉⵙ ⵅⴰⵙ ⵏⴻⵜⵜⴰ ⴷ ⵓⴳⴷⵓⴷ ⵏⵏⴻⵙ,ⴷ ⵓⵎⴰⵣⴰⵏ ⵏ ⵓⵙⴰⵖⵉⵏ ⴰ ⵎⵉ ⵉⵙⴰⵡⵍ ⴰⵍⵍⴰⵀ.ⵀⴻⵢⵢⴰ ⵏⴻⵜⵜⴰ ⴰⵢⴷ ⵉⵣⵡⴰⵔⵏ ⵡⵉ-ⵢⵢⴰⴹ ⵙ ⵔⴻⴱⴱⵉ ⵉⴷⴷⴻⵖ ⴷⴰ ⵉⵙⴰⵡⴰⵍ ⵜⴰⵄⵔⴰⴱⵜ.ⵉⵙⴻⵏⵢⵉⴼ ⵔⴻⴱⴱⵉ ⴰⴳⴷⵓⴷ ⴰⵄⵔⴰⴱ ⴽⵓⴷ ⴰⵙ ⵢⵓⵣⵏ ⵜⵉⵎⴰⵜⴰⵔⵉⵏ ⵙ ⵉⵍⵙ ⵏⵏⴻⵙ.ⴰⵔ ⵉⵜⵜⵉⵏⵉ ⵉⵙ ⵉⵍⵙ ⵏⵏⴻⵙ ⵓⵔ ⵉⵍⵉ ⴰⵣⵓⵢⵉ ⵏⵏⴻⵙ,ⴰⴷⴰⵍⵉⵙ ⵏⵏⴻⵙ ⵓⵔ ⵉⵍⵉ ⴰⵏⴳⴳⵓ ⵏⵏⴻⵙ,ⴰⵥⵖⴻⵔ ⵏⵏⴻⵙ ⵓⵔ ⵉⵍⵉ ⴰⵎⵣⵓⵏⴷ ⵏⵏⴻⵙ.ⴰⴷⵎⴰⵍⵍⴰⵖ ⵉⵣⴻⴷⴷⵉⴳ ⵉⴷⴷⴻⵖ ⵉⵎⵢⴰⵔ ⵜⴰⵔⴷⴰ ⵙ ⵡⴰⵎⴰⵏ ⵎⴻⵏⵏⴰⵡ ⵏ ⵜⵉⴽⴽⴰⵍ.ⵓⵔ ⵉⵍⵍⵉ ⵎⴰⵢⴷ ⵜ ⵢⵓⴼⵏ.ⵢⵓⵛⵛⴻⵍ ⴰⴷ ⴰⵙ ⵙⴰⵡⴻⵍⵏ ⵎⴻⴷⴷⴻⵏ ⵙ ⵉⵍⵙ ⵏⵏⴻⵙ ⵉⴷⴷⴻⵖ ⵉⴳⴰ ⴰⴳⵔⵔⴰⵎ ⵏ ⵉⵍⵙⴰⵡⵏ.ⴰⵔ ⵉⵜⵜⴻⴼⵓⵃⵔⵔⵓ ⵙ ⵜⵉⴷⵢⴰⵣⵉⵏ ⵍⵍⵉ ⵉⴽⴽⴰ ⵓⴱⴰⵃⵍⵍⵓ ⵏⵏⴻⵙ ⴰⵣⴰⵢⴽⵓ ⴰⵔ ⵜⴻⵏⵜ ⵉⵜⵜⵓⵔⵓ ⵙ ⵓⵙⴻⵍⵎⴻⵖ ⵏ ⵡⵓⵔⵖ ⵏⵏⵉⴳ ⵏ ⵓⵖⵓⵔⴰⴱ ⴰⴼⵓⵣⴰⵍ,ⵏⴻⵖ ⴰⵥⵔⵓ ⴰⵙⴻⴳⴳⴰⵏ.ⴰⴷⵎⴰⵍⵍⴰⵖ ⴰⵔ ⵉⵜⵜⵉⵖⵉⵍ ⵉⵙ ⴰⵡⴷⵢⴰⵏ ⵏ ⵓⴳⴷⵓⴷ ⵓⵔ ⵉⵍⵛⵉⵎ ⴰⵙⵡⵉⵔ ⵏⵏⴻⵙ ⴳ ⵓⵙⴻⵏⴼⵍⵓⵍ ⴷ ⵓⵙⵡⵉⵏⴳⴻⵎ,ⵉⵙ ⵓⵔ ⵉⵙⵓⵖⵍ ⵓⵎⵉⵢⵏ ⵏ ⵉⵖⵔⵉⵇⵏ ⵉⴷⴷⴻⵖ ⵓⵙⴻⵔⵏ ⴰⴷⴰⵡⵉⵏ ⴰⵖⵓⴱⴰⴱ.ⴰⴷⵎⴰⵍⵍⴰⵖ ⴰⵔ ⵉⵜⵜⵉⵥⵉⵔ ⵉⵍⵙ ⴰⵎⴰⵣⵉⵖ ⵉⵙ ⵓⵔ ⵉⴳⵉ ⵅⴰⵙ ⵢⴰⵏ ⵓⴳⴰⵣⵉⵎ ⵣⴻⴳ ⵉⵍⵙ ⴰⵄⵔⴰⴱ.ⴰⵔ ⵉⵜⵜⵉⵖⵉⵍ ⵉⵙ ⵉⵍⵓⵍⴰ ⴰⵀⴰ ⵉⴽⵓⵛⵎ ⴰⵍⵍⴻⵢ ⵓⵔ ⵉⵣⵎⵉⵔ ⴰⴷ ⵉⵙⵙⴻⵍⴽⴻⵎ ⵜⴰⴱⵔⴰⵜ ⵏ ⵓⵙⵓⵏ ⴷ ⵓⵖⴰⵔⵉⵎ.ⴰⵔ ⵉⵜⵜⵉⵏⵉ ⵉⵙ ⵓⵔ ⵣⵔⵉⵏ ⵉⵡⴰⵍⵉⵡⵏ ⵏ ⵜⵎⴰⵣⵉⵖⵜ ⵛⵔⴰⵟ ⵜⵉⵎⴰⴹ ⵏ ⵓⵡⴰⵍⵉⵡ.ⴰⵔ ⵉⵜⵜⵉⵖⵉⵍ ⵉⵙ ⵜⴳⴰ ⵜⵎⴰⵣⵉⵖⵜ ⵉⵍⵙ ⵉⵙⵙⵉⵙⵉⵢⵏ ⵜⵉⵏⴼⵓⵙⵉⵏ ⵏ ⵉⵣⴰⵢⴽⵓⵜⵏ.ⴰⴷⵎⴰⵍⵍⴰⵖ ⵉⵙⴻⵏⵢⵉⴼ ⵜⴰⵙⴻⵏⴷⵓⴱⴻⵏⵜ ⵏⵏⴻⵙ ⴰⵍⵍⴻⵢ ⵉⴳⵍⴻⵎ ⴰⵎⴰⴹⴰⵍ ⵙ ⴰⵄⵔⴰⴱ.ⴰⵔ ⵉⵜⵜⴻⴷⵎⵓ ⴰⵖⴻⵣⵡⴰⵔ ⴰⵎ ⵓⵣⵔⴻⴳ ⵏⵏⴰ ⵎⵉ ⴷⴰ ⵉⵙⵙⵓⵔⴻⵔⵔⵓⵢ ⴰⵙⴻⴽⵡⵜⴻⵢ ⵏⵏⴻⵙ ⵜⴰⴼ ⴰⴷ ⵉⵣⵣⴰⴹ ⵉⴷⴰⵎⵉⵎⵏ ⵏⵏⴻⵙ.ⴰⵖⴰⵔⵉⵎ ⵏⵏⴻⵙ ⵓⵔ ⵉⵍⵉ ⴰⵎⵣⵓⵏⴷ.ⴰⵔ ⵉⵜⵜⵉⵏⵉ ⵉⵙ ⵉⵙⴰⵡⵍ ⴰⵍⵍⴰⵀ ⵙ ⵉⵍⵙ ⴰⵄⵔⴰⴱ ⵉ ⵓⵎⴰⵣⴰⵏ ⵏⵏⴻⵙ ⵉⴳⴰⵏ ⴰⵄⵔⴰⴱ ⵜⴰⴼ ⴰⴷ ⵉⵙⵙⴻⴼⵔⵓ ⴰⵣⴰⵏ ⵏⵏⴻⵙ ⵉ ⵡⵉ-ⵢⵢⴰⴹ ⵉⴷⴷⴻⵖ ⵉⴳⴰ ⵓⵏⵥⵉⵥ ⵍⵍⵉ ⵢⵓⴳⴻⵔⵏ ⵡⵉ-ⵢⵢⴰⴹ.ⵉⵙⴰⵡⵍ ⴰⵍⵍⴰⵀ ⵙ ⵜⴻⵄⵔⴰⴱⵜ ⵉⴷⴷⴻⵖ ⵏⴻⵜⵜⴰⵜ ⴰⵢⴷ ⵉⵣⵎⴻⵔⵏ ⴰⴷ ⵜⴻⵙⵙⴻⵍⵛⴻⵎ ⴰⵣⴰⵏ ⵏⵏⴻⵙ.ⵎⴰⵅ ⴰⴷ ⵓⵔ ⵉⵙⴻⵏⵢⵉⴼ ⴰⵜⵜⴰ ⵏⵏⴻⵙ ⵏⴻⵜⵜⴰ ⵏⵏⴰ ⵉⵟⵖⴻⵔ ⵔⴻⴱⴱⵉ ⵜⴰⴼ ⴰⴷ ⵉⴼⵙⴻⵔ ⴰⵙⴰⵖⵉⵏ ⵏⵏⴻⵙ ⵓⵖⴷⵉⵎ ?ⵢⵓⵛⵛⴻⵍ ⴰⴷ ⵍⴻⵎⴷⵏ ⵉⴳⴷⵓⴷⵏ ⵉⵍⵙ ⴰⵄⵔⴰⴱ ⵜⴰⴼ ⴰⴷ ⴰⴼⵉⵏ ⴰⴷ ⵖⵔⵉⵏ ⵙ ⵉⵎⵛ ⵓⵙⵔⵉⴷ ⴰⴷⵍⵉⵙ ⵏⵏⴻⵙ ⴰⴼⵓⵣⴰⵍ ⴰⵀⴰ ⴳⵣⵓⵏ ⵉⵏⵓⵎⴰⴽ ⵏⵏⴻⵙ.ⵢⵓⴼ ⵉⵙ ⵖⴻⴹⴼⴻⵏ ⵛⵉⴳⴰⵏ ⵙ ⵉⵍⵙ ⴷⴷⴻⵖ ⴰⵀⴰ ⵣⵔⵉⵏ ⵉⵍⵙⴰⵡⵏ ⵏⵙⴻⵏ ⴰⵛⴽⵓ ⵉⴳⴰ ⵡⵉ-ⵏ ⵓⵎⵔⴰⴷⴰⵏ ⴰⵎⴰⵊⵊⴻⵢⴰⵍ.ⵢⵓⵛⵛⴻⵍ ⴰⴷ ⴰⵙ ⵉⴳ ⵓⵎⴰⵣⵉⵖ ⴰⵏⴻⵟⴼⴰⵔ ⴷ ⵓⵡⴻⵔⴹⵏⴰⵙ ⴷ ⵓⴽⵍⵉ ⵉⴷⴷⴻⵖ ⵉⵍⴰ ⵜⵉⵣⵣⵓⵍⵢⴰ ⵖⵓⵔ ⴰⵍⵍⴰⵀ.ⴰⴷⵎⴰⵍⵍⴰⵖ ⴰⵔ ⵉⵜⵜⵉⵖⵉⵍ ⵉⵙ ⵉⴳⴰ ⴰⵡⵓⵎ ⵏ ⵓⵖⴻⵣⵡⴰⵔ,ⵉⵙ ⵉⵍⴰ ⴰⵍⵍⴻⵏ ⵏ ⵓⵙⵉⴷⴷ ,ⵜⵓⵖⵎⴰⵙ ⵏ ⵡⵓⵔⵖ,ⵉⵇⵣⵣⵓⵢⵏ ⵏ ⵡⵓⵣⵣⴰⵍ,ⵉⵙ ⴰⵔ ⵉⵙⴻⴼⵔⵉⵇⵇⵉⵙ ⵡⵓⴷⵎ ⵏⵏⴻⵙ ⵜⵉⵎⵉⵜⴰⵔ ⵏ ⵓⵖⴰⵔⵉⵎ ⵓⵔ ⵉⵍⵉⵏ ⴰⵎⵣⵓⵏⴷ,ⴰⵔ ⵉⵙⵇⴻⵔⵇⴰⵛ ⴰⵍⵍⴻⵏ ⵏ ⵡⵉ-ⵢⵢⴰⴹ.ⴰⵔ ⵉⵜⵜⵉⵖⵉⵍ ⵉⵙ ⵉⵍⴰ ⵜⴰⵡⴻⵏⴳⵉⵎⵜ ⵓⵔ ⵉⵍⵉⵏ ⴰⵜⵉⴳ.ⴰⴷⵎⴰⵍⵍⴰⵖ ⵉⵔⴰ ⵉ ⵓⴳⴰⵢⵢⵓ ⵏⵏⴻⵙ ⴰⵎⵔⴰⴷⴰⵏ ⵢⵉⵔⵉ ⵉ ⵡⵉ-ⵢⵢⴰⴹ ⴰⵣⴻⵔⴷⴰⴱ.ⴰⴷⵎⴰⵍⵍⴰⵖ ⴰⵔ ⵉⵙⵙⴻⵍⴽⵓ ⵉⴳⴷⵓⴷⵏ ⵓⵔ ⵉⵙⴰⵡⴰⵍⵏ ⴰⵡⴰⵍ ⵏⵏⴻⵙ.ⴰⴷⵎⴰⵍⵍⴰⵖ ⵉⵃⵎⵎⴻⵇ ⴰⴷ ⵉⵍⵎⴻⴷ ⵜⴰⵎⴰⵣⵉⵖⵜ ⴰⵛⴽⵓ ⵓⵔ ⵜⴳⵉ ⵖⵓⵔ ⵙ ⵅⴰⵙ ⴰⵡⴰⵍ ⵏ ⵓⴳⵏⴰⵡ.
ⵖⵣⵣⴰⴼ ⵎⵓⵃⵎⵎⴰⴷ.
Arhazaf Mohammed
- admallav :L’orgeilleux.
- tasendubent :L’esprit.
- ar isseflilley :Briller.
- awum :L’axe.
- asmuvr :Le fait de fixer son regard sur un objet.
- azuyi :Negh aneggu,celui qui a le même âge .
- afuzl :Le fait d’être sacré.
- azrekka :Le respect.
- asavin :La religion.
- isenyif :Préférer.
- adalis :La culture.
- amzund :L’homologue.
- ar ittefuprru :afuprru :Le fait de vanter.
- tidyazin :Les poêmes.
- abapllu :Le grand père.
- azayku :L’ancien,l’ancêtre.
- aselmev :L’encre.
- aswir :Le niveau.
- ilcem : ilkem :Atteindre.
- yuser :Avoir besoin.
- adawin :L’imaginaire.
- avubab :Très profond.
- akucm :La paralysie.
- craÏ timaä :300.
- tinfusin :Les contes.
- ar ittedmu :Concevoir.
- avezwar :L’univers.
- issurerrey :Faire tourner.
- aseætey :La manivelle de moule.
- idamimn :Les idées.Idemmem :penser.
- avarim :La civilisation.
- iglem :Décrire.
- unÇiÇ :L’intelligent.
- iÏver :Choisir.
- imc usrid :La façon directe.
- amradan :Le paradis.
- aweränas :Le serviteur.
- iväef :Faire attention.
- isqerqec :Eblouir
- ar isefriqqis :Refléter.
- azerdab :L’enfer.
- agnaw :Le muet.
- iqezzuyn :Les os.
- tizzulya :La valeur.
- izdudv :Demeurer.
Vos réactions (0)