Max allig mzziyn imazighn gh tmizar nsn? |
|
Écrit par Mohamed Akunad
|
Mad isarn alligh mmuttin imazighn lli tt inn kkanin gan yan ughrf (peuple)ixatrn mk lli s tn isnuml (qualifier)iwis n Khldun g zik alligh mzziyn ghil ad g tmizar nsn?
Iga wad asqqsi imqqurn lli xf ur nufi ad nrar g tizi ad, mac iga asqqsi lli d iqqann ad izziwiz (tourmenter) tarwa n imazighn, ur d helli ar d ssnn ayd isarn g umzruy nsn, mac ard smmsskln asurs (situation) lli g llan ass ad.
Amukris (le problème)iga t llig d tugtt n willi mi nttini imazighn d tmazighin ttun amukris ad, acku tamagit tamazight ur sul darsn tgi ghas yan ufrdis (élément) igzzuln bahra, nghd ur t akkw tgi g tmgit nsn.
Willi d tilli issnn amukris n imazighn s tidt, gan tn willi d tilli frknin s tmagit tamazight, tg darsn (ghursn) anzgum (souci), talla nsn ( leur existance) tzdi d tmazight; ur as d sul kkin mani, ur asn d tkki mani.
Ur ar sawalgh xf igdudn n imazighn id war afrak lli mi sstunt tmmariwin n tudrt takuyasst (quotidienne) mad gan ula ma rad sul gin, ar sawalgh xf tufut (élite) g tmazighin d imazighn willi d tilli uginin ad fsin lah tn, mk lli lah ighrfan ggutnin n zik.
Asqqsi n: Max allig mzziyn imazighn g tmura nsn? Ur d iqqan ad irzm ghas xf umzruy igrsn (stagné) iqqan ad irzm xf imal, ar t isrus umazigh xf ad issn aylli t ur ittajjan ad yimghur zund akkw ingga ns; tarwa n ighrfan yadn lli ur ad t zrin s umya igh isdus ixf ns ibikks i tmgit ns.
Mohamed Akunad
 |
|
|
