Taguri n amazighnews Tifert-ad
nra gis ad tg yan ubaraz ma gh a nttarm, nmdi tamimt n tirra d tghri s
tmazight. Nra gis, ad ur tg tmazight amr yan umnru ma f a nsawal, ngh
ar ka fell-as nttara s tutlayin adni. Rad gis nml ma s tga tmazight
tigmmi-ngh, ist akw nlsa, tls-agh. Tga imiss ma s a nmmal iswingimn d
isyafatn-ngh. Tumrt-ngh, d ughiluf-ngh, tiwwargiwin-ngh d tillawt-ngh.
S yan wawal, nra gis ad agh-tg, ng-tt. N... En savoir plus >>
G imalass ad izrin, g tmdint n ugadir d mad d sis yakmurn (proche), radio d mnnawt tmsmunin ktin d yan unazur (artiste) amqqran igan amarir (chanteur) lli tt inn ikkan da ismmussu urd ghas tamazirt n Sus, mac tamurt ngh akkw, iga t Muhmmad Albnsir lli yafudn zg 18 n usggwas aya
Zg usggwas llig hra immut ttunt t tmsmunin d imassn n umsawad ar ass ad, ikut max? Is nzmr ad nini iga aya nn tamatart n ufrak lli hra d ittlaln dar tarwa n imazighn? Nennurz (espérer) ad yili mk ann d uggwar.
Gigh yan g middn lli iwsnin g mnnaw immussutn ad,(activites) mmaghgh ad sslkmgh i ugdud (public) yat tghawsa da ttannaygh is tga tintti (essentielle): Ur nufi nkkni imazighn ad nili s tidt (vraiment), igh ur llin inbdadn n tussna ngh,ukan inbdadn ad ur gin ghas timgharin d irgazn, mac gan anawn akkw n tussna zund idlisn, d umarg,d ighrman, d tmlsa d tiram… Lli yadlli igan g tghrma ngh (civilisation).
Amukris n imazighn iga t lligh ngaran nghd sngaran tn d tghrma nsn d tussna nsn; willi ur irin ad sul ilin imazighn, bikksn ad snghubun(exterminer) aylli akkw igan intti g tmagit nsn (identité), dfarn mnnawt tgharasin: Da zzimziyn( mépriser) atig n tutlayt (langue) tamazight lli igan iman(ame) n tghrma tamazight, tg yat g tutlayin ixatrn, tasi timktit(memoire)tamazight g tghzi n izmaz n umzruy nsn, da ttgdaln (interdire) xf tarwa n imazigh ad ttlmadn amzruy nsn (histoire) g tizi ann nit, ar asn sslmadn amzruy n i3rabn d wiyyad lli nbdnin timizar n imazighn, da ttksn udmawn n tussna d tghrma tamazight; da smmskaln (changer) ismawn nsn, ngh fllasn fissn, igh tn akkw bdrn da tn addrn d kra n gar askkirlli disn zdin, tasrtit ad (politique)tfka tayafutin (résultats) hrcnin i tawa ngh; da ttrwaln g tmagit nsn nttni, amzn g tin wiyyad, ssihlnt tn tlghiwin (causes) n tmizar lli nn fllasn aggugnin uggar mad tn ssihlnt tlghiwin n tmura nsn, da ttmmtatn, da akkw ttbaqqayn (s’exploser), da ttngadn (se noyer) g ilaln (mers) xf tayri n aylli ghaln imqqur g walln nsn.Iilmma igh d aghuln tarwa ngh ar ssitign (estimer) inmghurn nsn, hati ikut aya nn rad ig assnti (début) n yan ufrak izmr ad agh ijjnjm.
Affichez les commentaires
Ajoutez un commentaire